Morgunblaðið - 11.11.2003, Blaðsíða 17

ERLENT
MORGUNBLAÐIÐ ÞRIÐJUDAGUR 11. NÓVEMBER 2003 17
Undirföt fyrir konur
Skálastærðir: B-FF
Opið virka daga frá kl. 11-18,
laugardaga frá kl. 11-15.
undirfataverslun
Síðumúla 3
#24 XXXXXXXXXXX
ICELAND REVIEW
ÁSKRIFTARSÍMI 512-7517
askrift@icelandreview.com
HVERS VEGNA ÍSLAND?
40 ÁSTÆ‹UR
MEIRIHLUTI Bandaríkjamanna
getur ekki nefnt eitt einasta
bandarískt ráðuneyti, samkvæmt
niðurstöðum nýlegrar könnunar er
gerð var á vegum fyrirtækisins
The Polling Company í Wash-
ington. Þátttakendur voru um 800
fullorðnir einstaklingar. Greint er
frá niðurstöðunum á heimasíðu
fyrirtækisins.
Nánar tiltekið kom í ljós, að
58% þátttakenda gátu ekki nefnt
eitt einasta ráðuneyti á nafn, en
alls eru ráðuneytin í stjórn
Georges W. Bush forseta nítján.
Einungis fjögur prósent gátu
nefnt að minnsta kosti fimm ráðu-
neyti. Enginn þátttakendanna gat
nefnt öll nítján, og eitt prósent gat
nefnt ellefu.
Það ráðuneyti sem flestir gátu
nefnt var varnarmálaráðuneytið,
það þekktu 29% karla og 19%
kvenna, eða að meðaltali 23% þátt-
takenda. Næst kom fjármálaráðu-
neytið, það þekktu 14%, utanrík-
isráðuneytið þekktu 13%,
heimavarnarráðuneytið þekktu
12% og 11% þekktu innanrík-
isráðuneytið.
Spurningin sem lögð var fyrir
þátttakendur var opin og gátu
þeir nefnt eins mörg eða eins fá
ráðuneyti og þeir vildu. Ef þeir
nefndu ráðherra, t.d. Colin Powell,
sem er utanríkisráðherra, var það
tekið sem rétt svar.
Í könnun sem The Polling
Company gerði í fyrra kom í ljós,
að einungis 36% Bandaríkjamanna
gátu nafngreint að minnsta kosti
einn hæstaréttardómara, en tvö-
falt fleiri vissu nöfnin á teiknifíg-
úrunum sem kenndar eru við Rice
Krispies-morgunkornið.
Könnun á þekkingu bandarísks almennings á stjórnkerfinu
Meirihluti þekkir engin ráðuneyti
VOPNAÐIR ræningjar höfðu á brott
með sér umtalsverða fjármuni, að því
er talið er, er þeir brutust inn í Nord-
ea-bankann við Grünerlokka í Ósló í
gærmorgun og tæmdu næturhólfið í
bankanum. Talið er að ræningjarnir
hafi verið fimm talsins en þeir komust
undan. A.m.k. einn þeirra var vopn-
aður skammbyssu, að sögn sjónar-
votta. Ekki er vitað hversu miklu þeir
stálu en vitað er að ýmsar verslanir
við Grünerlokka leggja jafnan tekjur
helgarinnar í næturhólfið í Nordea.
Í frétt Aftenposten segir að ræn-
ingjarnir hafi komist inn í banka-
útibúið með því að brjóta rúðu. Þeir
komust á brott með allt sem í næt-
urhólfinu var. Þeir flúðu á gráum
Chevrolet, að því er lögreglan greindi
frá. Keyrðu þeir á mann sem varð
vitni að ráninu þegar þeir flúðu af
vettvangi, en hann sakaði ekki. Skiptu
þjófarnir um bíl og er talið að þeir hafi
farið yfir í hvítan sendiferðabíl.
Vopnað
bankarán
í Ósló
NORÐURBANDALAGIÐ, sem sit-
ur í samsteypustjórn Silvios Berlusc-
onis, forsætisráðherra Ítalíu, hefur
framlengt þar til í janúar hótun sína
um að ganga úr
stjórninni. Vill
bandalagið að í
millitíðinni efni
Berlusconi loforð
sem hann hafi
gefið um að
minnka miðstýr-
ingu og um fleiri
umbætur.
Umberto
Bossi, leiðtogi
Norðurbandalagsins, sagði að þingi
bandalagsins, er haldið var um
helgina, yrði ekki slitið svo að hægt
væri að halda áfram skrafi og ráða-
gerðum um aðild flokksins að stjórn-
inni þegar Ítalir láta af forsætinu í
Evrópusambandinu um áramótin.
Hét Bossi því ennfremur, að öflug-
ar mótmælaaðgerðir yrðu hafðar
uppi um gervalla Ítalíu á næstunni til
að leggja áherslu á kröfur flokksins.
Krafðist Bossi þess, að þingið myndi
samþykkja minnkaða miðstýringu í
næsta mánuði, og færa þannig aukin
völd til héraðsstjórna í landinu, sem
eru 20.
Verði ekki orðið við þessum kröf-
um „þá er það betra fyrir okkur að
rjúfa þetta þing hið fyrsta svo að við
getum hafið annað án óheiðarlegra
bandamanna“, sagði Bossi. Roberto
Calderoli, flokksbróðir Bossis, sagði
hótunina vera eins og „tímasprengju.
Ef orðið er við kröfunum verður hún
óvirk, en ef ekki, þá springur hún“.
Ríkisstjórn Ítalíu
Flokkur
Bossis hót-
ar að hætta
Róm. AFP.
Umberto Bossi
♦ ♦ ♦