Morgunblaðið - 13.11.2003, Blaðsíða 4
FRÉTTIR
4 FIMMTUDAGUR 13. NÓVEMBER 2003 MORGUNBLAÐIÐ
edda.is
Kvenfyrirlitning og ni›urlæging
er enn hlutskipti kvenna í
Afganistan. Bóksalinn í Kabúl
er áhrifamikil l‡sing norsku
bla›akonunnar Åsne Seierstad
á dvöl sinni sem gestur á heimili
bóksalans flar sem hún kynntist
kjörum kynsystra sinna í
strí›shrjá›u landi.
Umtalaðasta
bók heimsins
Lífi› bakvi› blæjuna
ENDURREISNAR- og þróunar-
banki Evrópu, EBRD, er reiðubúinn
að aðstoða Landssímann við kaup á
hlut íbúlgarska ríkissímafyrirtæk-
inu BTC. Forseti bankans, Jean
Lemierre, sagði þetta m.a. í samtali
við Morgunblaðið í heimsókn sinni
hingað til lands í gær. Sagði hann
engar ákvarðanir hafa verið teknar
en fulltrúar bankans áttu í gær og
munu eiga í dag fundi með nokkrum
íslenskum fyrirtækjum varðandi
fjárfestingarmöguleika í Austur-
Evrópu.
EBRD tekur þátt í tilboði Viva
Ventures í meirihlutann í BTC. „Við
erum ávallt reiðubúnir að aðstoða
erlenda fjárfesta til að taka þátt í
einkavæðingu ríkisfyrirtækja á borð
við BTC. Einkavæðing er mjög mik-
ilvæg við endurreisn og uppbygg-
ingu ríkja í Austur-Evrópu. Þetta
mál er gott dæmi um það sem við
getum aðstoðað við,“ sagði Jean
Lemierre. Eins og kom fram í
Morgunblaðinu í gær getur verið um
200 milljóna króna fjárfestingu að
ræða fyrir Landssímann. Hefur
stjórn Símans veitt Brynjólfi
Bjarnasyni forstjóra heimild til að
vinna að málinu áfram.
Jean Lemierre flutti erindi í gær-
morgun á morgunverðarfundi á
Hótel Nordica á vegum iðnaðar- og
viðskiptaráðuneytisins. Markmið
heimsóknar hans til Íslands var að
kynna bankann
og möguleika ís-
lenskra fyrir-
tækja til fjárfest-
inga í Austur-
Evrópu. Einnig
sagðist hann hafa
viljað kynna sér
viðhorf íslenskra
stjórnvalda og
fyrirtækja til
fjárfestinga á er-
lendum mörkuðum.
„Mikill vöxtur á sér stað í Austur-
Evrópu um þessar mundir, svæðið
er mun áhugaverðara en það var
fyrir tíu árum. Framfarir hafa átt
sér stað og efnahagur ríkjanna hef-
ur batnað. Ríkin þurfa hins vegar
aðstoð við uppbygginguna og hafa
leitað til erlendra fjárfesta og banka
í því skyni. Mörg þeirra eru á leið-
inni inni í Evrópusambandið á
næstu árum og eru þess vegna að
undirbúa sig sem mest þau geta,“
sagði Lemierre.
Möguleiki á fleiri verkefnum
fyrir Íslendinga
Bankinn sem Lemierre stýrir er í
eigu hátt í 60 ríkja en starfssvæðið
tekur til 26 ríkja í Mið- og Austur-
Evrópu. EBRD var settur á lagg-
irnar árið 1991 til að stuðla að opnu
markaðshagkerfi í þessum hluta
Evrópu. Tekur bankinn þátt í til-
teknum verkefnum með lánum,
hlutafé eða ábyrgðum. Langstærsta
verkefnið sem tengist íslenskum
fyrirtækjum hefur verið með Balk-
an-Pharma í Búlgaríu, en einnig
komið við sögu í nokkrum ráðgjaf-
arverkefnum í A-Evrópu á vegum
Íslendinga. Spurður sagði Lemierre
góða möguleika á að fjölga verkefn-
um sem þessum, með þátttöku ís-
lenskra fjárfesta og fyrirtækja. Í
þessu sambandi nefndi hann sér-
staklega matvælafyrirtæki, einkum
á sviði sjávarútvegs. Með hækkandi
tekjum margra A-Evrópubúa væru
kröfur að aukast um betri matvæli í
verslunum.
Einnig nefndi Lemierre tækifæri
fyrir íslensk orku- og samgöngufyr-
irtæki og ráðgjafa á sömu sviðum.
Sum ríki A-Evrópu byggju yfir rík-
um orkuauðlindum en önnur ekki. Í
hvoru tilviki fyrir sig væri mikil þörf
á þekkingu og reynslu annarra
ríkja. Varðandi samgöngumálin
sagði Lemierre íslensk skipa- og
flugfélög hafa möguleika á verkefn-
um í A-Evrópu ef þau hefðu áhuga á
því.
„Mín einföldu skilaboð til Íslend-
inga eru að þið eigið hlut í bank-
anum og nýtið ykkur það. Komið til
okkar og leitið upplýsinga,“ sagði
Lemierre hinn franski, sem hefur
verið forseti EBRD frá miðju árinu
2000, sá fjórði í sögu bankans.
Forseti Endurreisnar- og þróunarbanka Evrópu, EBRD
Reiðubúnir að aðstoða
Símann við fjárfestingu
Jean Lemierre,
bankastjóri EBRD.
VALGERÐUR Sverrisdóttir við-
skiptaráðherra átti í gær fund með
Jean Lemierre, forseta End-
urreisnar- og þróunarbanka Evr-
ópu (EBRD), að loknum morg-
unverðarfundi með honum sem
viðskiptaráðuneytið stóð fyrir.
Valgerður sagði við Morg-
unblaðið að heimsókn bankastjór-
ans, sem væri sú fyrsta til Íslands,
væri ánægjuleg og afar mikilvæg
fyrir íslensk fyrirtæki og fjárfesta.
Fram hefði komið í máli Lemierres
að Íslendingar gætu nýtt sér bank-
ann mun betur en þeir gerðu við
fjármögnun verkefna, en eign-
arhlutur íslenska ríkisins í bank-
anum nemur um 20 milljónum
evra, eða um 1.760 milljónum
króna. Fer viðskiptaráðuneytið
með hlut Íslands í bankanum.
„Við viljum nýta heimsókn bank-
ans til að auka áhuga íslenskra fyr-
irtækja á honum og upplýsa þau
um hvaða tækifæri geta verið í
boði. Mér sýnist allt benda til að
heimsóknin geti orðið mjög gagn-
leg og muni skila einhverjum verk-
efnum,“ sagði Valgerður, sem
sýndi Lemierre m.a. jarð-
hitasvæðið í Svartsengi í gær.
Taldi hún orkufyrirtækin íslensku
eiga möguleika á verkefnum í A-
Evrópu þar sem þau byggju yfir
gríðarlegri reynslu og þekkingu.
Fleiri möguleikar væru fyrir
hendi, t.d. fyrir íslensk matvæla-
fyrirtæki.
Valgerður sagðist hafa lagt
áherslu á það í viðræðum sínum við
forseta EBRD að Íslendingar yrðu
ráðnir til starfa hjá bankanum, en
af um 1.100 starfsmönnum er eng-
inn íslenskur. Flestir starfsmenn,
eða um 800, eru starfandi í höf-
uðstöðvum bankans í London. Tók
forseti bankans þessu erindi vel, að
sögn Valgerðar.
Morgunblaðið/Þorkell
Valgerður Sverrisdóttir ásamt fulltrúum bankans, með Kristján Skarphéð-
insson ráðuneytisstjóra og Benedikt Árnason skrifstofustjóra sér við hlið.
Íslendingar geta nýtt
bankann mun betur
STARFSMENN markaðsdeildar
Stöðvar tvö gerðu Eddu útgáfu og
bókaútgáfunni Bjarti tilboð um já-
kvæða umfjöllun um bækur gegn
greiðslu eða kaupum á auglýsingum
að sögn stjórnenda félaganna. Þess-
um fullyrðingum hafnar markaðs-
deild Stöðvar tvö og segir ekkert
hæft í því að hægt sé að kaupa gagn-
rýni og málið sé byggt á misskiln-
ingi.
Hrannar Björn Arnarsson, for-
stöðumaður sölu- og markaðsmála
hjá Eddu-útgáfu, segir að um miðjan
september hafi hann fengið tilboð
um að Edda gæti fengið jákvæða
bókaumfjöllun í þættinum Íslandi í
dag gegn greiðslum. Hrannar segir
að hann hafi strax hafnað tilboðinu.
„Ég sagði þeim að mér þætti ósiðlegt
að tengja saman svona viðskipti við
eitthvað sem menn kalla bókagagn-
rýni og hafnaði því.“
Snæbjörn Arngrímsson hjá Bóka-
útgáfunni Bjarti segir að markaðs-
deild Stöðvar tvö hafi komið til sín til
að selja auglýsingar og eiginlega
gefið það mjög sterkt í skyn að ef
Bjartur ætlaði að fá umfjöllun í Ís-
landi í dag skyldi fyrirtækið auglýsa
hjá Stöð tvö og að það fengi ekki um-
fjöllun nema það auglýsti. Bjartur
ansi hins vegar ekki svona tilboðum.
„Ég veit líka að Páll Baldvin er þann-
ig maður að hann fjallar bara um
þær bækur sem honum sýnist.“
Guðmundur Atlason hjá markaðs-
deild Stöðvar tvö segir að þrír sölu-
menn hafi séð um það að selja bæði
auglýsingar fyrir bókaforlögin og
dagskrárgerðin hafi viljað vita hvort
von væri á auglýsingum frá þeim svo
hægt væri að réttlæta að borga
gagnrýnanda fyrir að dæma bækur.
„Það var einfaldlega verið að tékka á
því og engu öðru. Við skildum þessa
frétt ekki í fyrstu og héldum að þetta
væri eitthvert grín. En við fórum síð-
an yfir hvað það hefði verið sem
menn hefðu getað misskilið “
Guðmundur segir alveg ljóst að
menn geti alls ekki keypt gagnrýni
og segir fullt af staðreyndavillum í
fullyrðingum bókaforlaganna.
Tilboð um jákvæða bókaumfjöllun hjá Stöð tvö
Vísar á bug að mögulegt
sé að kaupa gagnrýni
TRÚNAÐARMANNI starfsmanna
Impregilo við Kárahnjúkavirkjun,
Oddi Friðrikssyni, voru í dag af-
hentir launaseðlar starfsmanna í
samræmi við samkomulag verka-
lýðshreyfingarinnar og Impregilo í
september.
Oddur segir að svo virðist að rétt
sé staðið að málum. „Það fyrsta
sem ég sé af þessu er að þetta er
heiðarlega unnið,“ segir Oddur.
„Mér sýnist vinnubrögðin heiðar-
leg, það sem ég hef séð og ég hef
lista yfir alla starfsmenn og alla
launaseðla. Sums staðar er einhver
mismunur sem þarf að leiðrétta, en
almennt virðast vinnubrögðin heið-
arleg.“
Trúnaðar-
manni
afhentir
launaseðlar
Málefni starfsmanna
við Kárahnjúka
STÓRMEISTARARNIR Friðrik
Ólafsson og Bent Larsen gerðu
jafntefli í þriðju og fjórðu skák
sinni í átta skáka einvíginu á Hót-
el Loftleiðum. Friðrik er því enn
með forystu í einvíginu með 2,5
vinninga gegn 1,5 vinningum Lar-
sens.
Friðrik stóð höllum fæti í báðum
skákunum í gær og var með nær
tapað tafl í síðari skákinni en Lar-
sen missti hana í jafntefli í hróks-
endatafli. Í fyrri skákinni var Lar-
sen með þægilegri stöðu en samdi
samt um jafntefli eftir 40 leiki.
Morgunblaðið/Ómar
Friðrik hefur taflið með hvítu mönnunum í þriðju skákinni.
Friðrik heldur forystunni
RÉTTARHÖLD standa nú yfir í
Þýskalandi þar sem meintir með-
limir í fíkniefnasmyglhring, sem
teygði anga sína hingað til lands,
eru látnir svara til saka. Íslenskir
dómstólar luku málinu á þessu ári
að því er Ísland snerti og dæmdi
Íslending í 5 ára fangelsi og Þjóð-
verja í tveggja og hálfs árs fangelsi
fyrir aðild sína. Þar til málið fór
fyrir dóm gekk íslenska lögreglu-
rannsóknin undir heitinu „Opera-
tion Germania“.
Einn meðlima smyglhringsins
hefur verið dæmdur ytra í 3 ára og
9 mánaða fangelsi, en upphaf rann-
sóknarinnar hófst hér á landi á sín-
um tíma þegar upp komst um fyr-
irætlanir smyglhringsins um að
smygla 50 kg af hassi sjóleiðina til
Íslands.
Áður hafði tekist að smygla 15 kg
af hassi hingað til lands með Nor-
rænu.
Réttað í
máli þýsks
smyglhrings