Morgunblaðið - 13.11.2003, Blaðsíða 15

ERLENT
MORGUNBLAÐIÐ FIMMTUDAGUR 13. NÓVEMBER 2003 15
YASSER Arafat, leiðtogi Palest-
ínumanna, hvatti í gær til, að frið-
arsamningar Palestínumanna og
Ísraela yrðu teknir upp aftur en
sagði, að Ísraelar ógnuðu lífi hans
alla daga.
„Það er kominn tími til að ræða
málin í stað þess að beita vopnum,
ofbeldi, launmorðum og eyðilegg-
ingu,“ sagði Arafat á palestínska
þinginu í gær er það samþykkti
með miklum meirihluta atkvæða
nýja ríkisstjórn Ahmed Qureis.
„Það er kominn tími til að rjúfa
þennan vítahring, sem færir okkur
hvorki frið né öryggi.“
Arafat lagði einnig áherslu á, að
Ísraelar hefðu einnig rétt til að lifa
í friði í sínu landi og minnti á, að
Palestínumenn hefðu viðurkennt
Ísraelsríki og það yrði ekki tekið til
baka þrátt fyrir „áróður og lygar“
ísraelskra stjórnvalda um það.
Ríkisstjórn Ariels Sharons, for-
sætisráðherra Ísraels, neitar að
ræða við Arafat, sem hún segir
vera helsta þröskuldinn í vegi frið-
ar, og hefur í raun haldið honum í
stofufangelsi í Ramallah á Vest-
urbakkanum í tvö ár.
Silvan Shalom, utanríkisráð-
herra Ísraels, brást við ræðu Ara-
fats í gær með því að saka hann um
að standa að baki hryðjuverkum í
Ísrael. Hefur Ísraelsstjórn tekið
heldur fálega stjórn Qureis, sem er
skipuð mörgum ráðherrum fyrr-
verandi stjórnar, en segist þó
munu gefa henni „tækifæri“.
Tilbúinn að
hitta Qurei
Talsmaður Sharons, Ranaan
Gissin, sagði, að ísraelski forsætis-
ráðherrann væri tilbúinn til að
hitta Qurei „hvar sem er og hve-
nær sem er“ en prófsteinninn á
stjórn hans yrði hvort hún gæti
haft taumhald á samtökum eins og
Hamas og Heilögu stríði en þau
hafa staðið fyrir flestum hryðju-
verkum í Ísrael.
Annar talsmaður Sharons sagði,
að Ísraelsher myndi halda að sér
höndum á Vesturbakkanum og
Gaza til að gefa Qurei tækifæri til
að sanna sig.
Í ræðu sinni hvatti Qurei til, að
umsátrinu um Arafat yrði hætt en
deilur milli þeirra tveggja hafa taf-
ið fyrir myndun nýrrar stjórnar í
margar vikur. Var einkum deilt um
skipan innanríkisráðherrans og
þar með yfirmanns öryggismál-
anna en í gær féllst Arafat loks á
að falla frá kröfu um, að Nasr
Yussef hershöfðingi fengi það emb-
ætti. Er nýi innanríkisráðherrann
Hakam Balaawi, sem er raunar
gamall samstarfsmaður Arafats.
Arafat hvetur til
friðar og viðræðna
Ísraelar segjast
munu gefa nýrri
stjórn Ahmed
Qureis „tækifæri“
Ramallah. AFP.
AP
Ahmed Qurei, nýr forsætisráðherra palestínsku heimastjórnarinnar, og
Yasser Arafat forseti biðjast fyrir við upphaf þingfundarins í gær.
DÓMSTÓLL í París felldi í gær
fangelsisdóma yfir þremur mönnum
sem á síðasta áratug voru meðal
æðstu stjórnenda franska Elf-olíu-
fyrirtækisins. Voru þeir sakfelldir
fyrir að hafa átt þátt í víðtæku spill-
ingarneti sem olíufyrirtækið, sem þá
var í ríkiseigu, notaði til að tryggja
sér áhrif meðal ráðamanna.
Dómstóllinn dæmdi fyrrverandi
forstjórann, Loik Le Floch-Prigent,
og næstráðanda hans, Alfred Sirven,
í fimm ára fangelsi, en Andre Tarallo
– sem fékk viðurnefnið Afríkumaður
Elf – fékk fjögurra ára fangelsisdóm.
Auk þess var öllum hinum dæmdu
gert að greiða háar fjársektir – Le
Floch Prigent
375.000 evrur (33
milljónir króna),
Sirven eina millj-
ón evra (88 millj.
kr.) og Tarallo
tvær milljónir
evra (176 millj.
kr.).
Mennirnir þrír
voru fundir sekir
um að hafa skar-
að eld að sinni
köku í stórum stíl með því að taka
sér skerf – upp á samtals allt að 305
milljónir evra – af risastórum leyni-
sjóði Elf sem ætlaður var til að
greiða mútur o.þ.h. Tarallo, sá eini
þremenninganna sem ekki sat þegar
bak við lás og slá í frönsku fangelsi
fyrir skyldar sakir, var hnepptur í
varðhald um leið og dómurinn féll.
Þrjátíu og fjórir menn aðrir voru
ákærðir í tengslum við sömu mál og
þremenningarnir voru nú dæmdir
fyrir.
Þetta var eitt umfangsmesta spill-
ingarmál sem komið hefur fyrir
franska dómstóla en það varpaði
ljósi á þá sjálfsafgreiðsluhefð sem
stjórnendur ríkisfyrirtækisins Elf –
sem síðan hefur verið einkavætt –
notuðu sér í forstjóratíð Le Floch
Prigent.
Fyrrum æðstu menn Elf-
olíufélagsins í fangelsi
París. AFP.
Loik Le Floch-
Prigent, fyrrver-
andi forstjóri Elf.