Morgunblaðið - 13.11.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ FIMMTUDAGUR 13. NÓVEMBER 2003 17
520 7901 og 520 7900
kr. 14.155
Kópavogur | Gamla Kópavogshælið liggur enn
undir skemmdum, en það er eitt af þekktari
húsum í Kópavogi. Húsið, sem Guðjón Sam-
úelsson, húsameistari ríkisins, teiknaði, var
reist á árunum 1925–26. Það var upphaflega
hugsað sem hressingarhæli Hringsins og ætl-
að berklasjúklingum.
Engin starfsemi hefur verið í húsinu síðan
1985 og í raun lítið sem ekkert gert til að halda
því við. Ýmsar hugmyndir hafa komið upp
varðandi nýtingu hússins, en engin hlotið
raunverulegan hljómgrunn og heldur því húsið
áfram að drabbast niður.
Nú er svo ástatt að fyrirséður kostnaður við
viðgerðir og endurnýjun hússins, þar á meðal
lagna, glugga og einangrunar, mun skipta
minnst tugum milljóna og óar menn fyrir slík-
um kostnaði á meðan ekki er ljóst hvernig
hægt er að nýta húsið.
Magnús Skúlason, forstöðumaður húsafrið-
unarnefndar, segir það til skammar að ekkert
skuli hafa verið gert í málum hússins.
„Við getum alveg iðkað sjálfsgagnrýni í því.
Þetta hefur einhvern veginn lent á milli. Gamla
Kópavogshælið er eitt af þeim húsum sem eru
talin hluti af okkar byggingararfi. Það verður
að gera úttekt á því sem fyrst. Það er langt síð-
an haft var samband við okkur og Gísli Einars-
son endurhæfingarlæknir hafði forgöngu í því
að benda á mikilvægi hússins, því hann starf-
aði þarna við Kópavogshælið á sínum tíma. En
fyrst og fremst snýst málið um peningaskort.
Húsafriðunarsjóð vantar sárlega fé til að sinna
viðhaldi varðveisluverðra húsa í landinu.“
Magnús segir fulla ástæðu til þess að kanna
varðveislugildi hússins „áður en einhverjum
dettur í hug að fara að byggja þar háhýsi“.
Engin áform enn sem komið er
Kópavogsbær keypti nýlega hluta svonefnds
Hælislands af Ríkisspítulunum og með í kaup-
unum fylgdi gamla Kópavogshælishúsið. Sig-
urður Geirdal, bæjarstjóri
Kópavogs, segir engin áform
enn uppi um framtíð hússins.
„Það hafa komið ýmsar hug-
myndir um hvað á að gera við
húsið. Menn hafa verið tilbúnir
að nota þetta undir alls konar
félagasamtök og stofnanir og
jafnvel fyrir gistiaðstöðu. En
þetta hefur allt komið til okkar
þegar heilbrigðisráðuneytið
átti svæðið og húsið.
Það er ljóst að húsið er ónýtt
eins og það er og mun kosta
mjög mikið fé að gera við það.
Það hefur ekki verið tekin
ákvörðun um neitt þessara
húsa ennþá, en það er ljóst að
mörg þeirra munu víkja þegar
svæðið verður skipulagt. Gamla
húsið hefur þá sérstöðu að einhverjir telja það
hafa sögulegt gildi vegna þess að þar var
holdsveikraspítali og fleira og einnig bygging-
arsög ulegt gildi vegna þess að Guðjón Sam-
úelsson teiknaði það.“
Sigurður segir húsið hafa verið notað undir
trésmíðaverkstæði sem annast viðhald á veg-
um Ríkisspítalanna. „En það er ekki komið að
því að ákveða neitt varðandi framtíð þess. Rík-
ið vildi selja þetta svæði og það þótti eðlilegt að
bærinn keypti,“ segir Sigurður að lokum.
Gamla Kópavogshælið enn
í niðurníðslu og án viðhalds
Morgunblaðið/Þorkell
Gamla Kópavogshælið er orðið nokkuð hrörlegt á að líta og
kostnaður við viðgerðir mun hlaupa á milljónatugum.
Jafnréttismál | Íþrótta- og tómstundaráð
Reykjavíkur hlaut Vogarskálina, sérstaka við-
urkenningu fyrir árangur í jafnréttismálum og
markvisst starf að því að auðvelda starfsfólki
að samræma starf og einkalíf. Verðlaunin voru
afhent á ráðstefnu um hið gullna jafnvægi, sem
haldin var 10. nóvember sl. Þetta kemur fram
á vef ÍTR, www.itr.is.
Hugmyndum og verkefnum sem lúta að
jafnréttismálum og vellíðan starfsmanna hefur
verið sérstaklega vel tekið hjá ÍTR og hefur
það skilað sér í góðu starfi og starfsánægju
sem eftir er tekið
Reykjavík | Borgarráð hefur sam-
þykkt að auka fjárveitingar til
Vinnuskóla Reykjavíkur fyrir næsta
ár úr 290 milljónum í 365 milljónir.
Þá var samþykkt að veita 150
milljónir til að fjölga sumarstörfum
fyrir ungmenni hjá borgarstofnun-
um þar sem 17 og 18 ára börn verði í
forgangi.
Um var að ræða tillögur samráðs-
hóps um sumarvinnu ungs fólks og
átaksverkefni fyrir atvinnulaus ung-
menni.
Síðastliðið sumar voru framlög til
sumarvinnu ungs fólks aukin vegna
slæms atvinnuástands, en í tilkynn-
ingu frá Reykjavíkurborg segir, að
með samþykkt tillagna hópsins nú
verði borgin og fyrirtæki hennar
betur undir það búin að mæta því ef
svipað verði upp á teningnum á
sumri komanda.
Borgarráð samþykkti einnig að
borgaryfirvöld leituðu eftir sam-
starfi við aðila vinnumarkaðarins og
Vinnumálastofnun um átaksverkefni
fyrir atvinnulaus ungmenni.
Þá var samþykkt að gera reglur
Vinnumiðlunar skólafólks skýrari og
gagnsærri og að nafni vinnumiðlun-
arinnar yrði breytt í Vinnumiðlun
ungs fólks.
Loks var samþykkt að samráðs-
hópurinn myndi starfa áfram og
verða kallaður saman eftir þörfum.
Hafnarfjörður | Lúðvík Geirsson
bæjarstjóri hefur afhent fimm
íþróttafélögum styrk vegna átta
efnilegra hafnfirskra íþróttamanna,
sem eiga möguleika á að vinna sér
rétt til þátttöku í næstu Ólympíu-
leikum. Með þessu er bæjarfélagið
að koma til móts við afreksmanna-
stefnu íþróttahreyfingarinnar með
sambærilegum hætti og fyrir síð-
ustu Ólympíuleika.
Eftirtalin íþróttafélög fengu
styrk: FH fyrir frjálsar íþróttir,
Þytur fyrir siglingar, SH fyrir
sund, Björk fyrir fimleika og tae
kwon do og BH fyrir tennis.
Þeir sem hlutu styrkina eru Þór-
ey Edda Elísdóttir, frjálsíþrótta-
kona í FH, Hafsteinn Æ. Geirsson,
siglingamaður í Þyt, Heiðar I.
Marinósson, sundmaður í SH ,
Lára Hrund Bjargardóttir, sund-
kona í SH, Anja Ríkey Jakobs-
dóttir, sundkona í SH, Björn Þor-
leifsson, tae kwon do-iðkandi í
Björk, Tanja B. Jónsdóttir, fim-
leikakona í Björk, og Andri Jóns-
son, tennisleikari í BH.
Kynna hafnfirskum börnum og
unglingum íþróttagreinarnar
Með styrkveitingunni skuldbinda
viðkomandi íþróttamenn sig til þess
að kynna sína íþróttagrein og
ólympíuhugsjónina meðal hafn-
firskra barna og unglinga í grunn-
skólum bæjarins og á íþrótta-
námskeiðum annarra íþróttafélaga
og bæjarins endurgjaldslaust.
Jafnframt hefur Hafnarfjarðar-
bær ákveðið að sérstaklega verði
veittur styrkur til HSÍ vegna leik-
manna úr hafnfirskum íþrótta-
félögum sem valdir verða til þátt-
töku á ÓL-2004 eins og áður hefur
verið gert vegna stórmóta.
Morgunblaðið/Jim Smart
Íþróttastyrkir
veittir í Hafnarfirði
Aukin
framlög til
sumarvinnu
ungs fólks
Seltjarnarnes | Listaverk nóvembermán-
aðar á Seltjarnarnesi heitir „Maður og
kona“ og er eftir Hallstein Sigurðsson.
Verkið, sem er úr áli, stendur við Plútó-
brekku en frummynd þess er frá árinu
1968 og er nú í eigu Listasafns Íslands. Það
var stækkað og reist á núverandi stað neð-
an við Seltjarnar-
neskirkju árið 1989.
Þetta kemur fram á
upplýsingavef Sel-
tjarnarnesbæjar,
www.seltjarnar-
nes.is.
Í umsögn Ásdísar
Ólafsdóttur list-
fræðings um verkið
og höfundinn segir:
„Hallsteinn Sig-
urðsson hefur alla
tíð unnið högg-
myndir sínar að
mestu í málm, eink-
um í ál eins og í
þessu tilviki. Mynd-
efnið er samruni
tveggja manneskja
þar sem karlhlutinn
er stærri og sterk-
legri og umlykur
kvenhlutann á
verndandi hátt. Ef
þessir hlutar væru
séðir sinn í hvoru
lagi væri erfitt að
greina í þeim
mannsmyndir, en
samtefling þeirra
og samspil gæða þá meiningu og lífi. Lista-
maðurinn er bróðursonur Ásmundar
Sveinssonar myndhöggvara, en hér má
fremur finna skyldleika við agaðan mód-
ernisma Sigurjóns Ólafssonar á sjöunda
áratugnum.“
Menningarnefnd Seltjarnarness stendur
reglulega fyrir kynningu á listaverkum í
eigu bæjarins undir nafninu „Listaverk
mánaðarins“.
  
Listaverk mánaðarins