Morgunblaðið - 13.11.2003, Blaðsíða 18
AKUREYRI
18 FIMMTUDAGUR 13. NÓVEMBER 2003 MORGUNBLAÐIÐ
FÓLKIÐ
...nærbuxur
...írafár
...xxx rottweiler
...frumsýningar
...dagatalið
á morgun
„ÞETTA er miklu skemmtilegra
en innileikfimi, miklu meira fjör,“
sagði Unnar Torfi Steinarsson
sem ásamt skólafélögum sínum í 3.
bekk í Giljaskóla fór í Skautahöll-
ina í vikunni, en skautakennsla er
nú orðin fastur liður í íþrótta-
kennslu barna í 3. og 4. bekk allra
grunnskóla í bænum. Börnin
munu fara á skauta í eina klukku-
stund á viku næstu fjórar vikur í
fylgd íþróttakennara og kennara
sem munu leiðbeina þeim.
Sigurður Sigurðsson, fram-
kvæmdastjóri Skautafélags Ak-
ureyrar, sendi bæjaryfirvöldum í
haust erindi þar sem bent var á að
Akureyri væri vetraríþróttabær
landsins og góð aðstaða væri til
skautakennslu í skautahöllinni og
því vel við hæfi að bjóða grunn-
skólabörnum upp á kennslu þar.
Bent var á að börn færu reglulega
í sund og leikfimi, en engin sér-
stök kennsla væri fyrir hendi þeg-
ar kæmi að vetraríþróttum, skaut-
um og skíðum. Eftir áramót er
fyrirhugað að bjóða einnig upp á
skíðakennslu í Hlíðarfjalli.
„Krakkarnir eru alsæl með
þetta og finnst mikil tilbreyting að
fá að koma hér og renna sér á
skautum,“ sagði Eyrún Her-
mannsdóttir, skólaliði í Giljaskóla,
sem var í för með hópnum. Hún
sagði langflesta krakkana eiga
skauta en örfáir hefðu fengið þá
lánaða á staðnum. „Það er nokkur
getumunur á krökkunum, sumir
hafa greinilega oft farið á skauta,
hafa þegar lært listina og nokkrir
stunda æfingar og loks eru nokk-
ur börn sem ekki hafa stigið á
skauta áður. Allir skemmta sér
hins vegar mjög vel og það er
greinilegt að þessi tilbreyting fell-
ur vel í kramið hjá börnunum,“
sagði Eyrún.
Nítjánda skiptið
„Ég er ekki mjög vanur,“ sagði
Unnar Torfi. „Þetta er í nítjánda
skipti sem ég fer á skauta.“ Unnar
Torfi sagðist ekki vera mjög leik-
inn, enn í það minnsta, „Ég er
ekkert rosalega góður, en held ég
verði ágætur.“
Ekkert rosalega góður
en verð ágætur
Tilbreyting: Krökkunum fannst það góð tilbreyting að bregða sér á skauta í stað hefðbundinnar innileikfimi.
Morgunblaðið/Kristján
Nokkuð tímafrekt: Það tók drjúga stund fyrir allan hópinn að koma sér í
skautana fyrir kennslu og úr þeim aftur að henni lokinni.
Tilþrif: Sumir krakkarnir í Giljaskóla sýndu ágætis tilþrif á skautasvellinu.
Börn í grunnskólum Akureyrar fá kennslu í vetraríþróttum
Sykursjúkir | Alþjóðadagur syk-
ursjúkra er á morgun, föstudaginn
14. nóvember.
Í tilefni dagsins bjóða Samtök
sykursjúkra á Norðurlandi almenn-
ingi upp á blóðsykur- og blóðþrýst-
ingsmælingar án endurgjalds á
Glerártorgi á Akureyri á morgun
milli kl. 14-18.
Einnig verður haldinn fræðslu-
fundur um sykursýki á Hótel KEA á
Akureyri á laugardag 15. nóvember
kl. 14., þar sem flutt verða erindi um
langtímaáhrif sykursýki, sykursýki
og reykingar, mikilvægi hreyfingar
og reynslu móður sykursjúks barns.
Ókeypis er inn á fundinn sem er
opinn öllum. Launajafnrétti | Félagsmála-
nefnd Alþingis sendi jafnréttis- og
fjölskyldunefnd Akureyrarbæjar
erindi nýlega, þar sem óskað var
umsagnar um tillögu til þingsálykt-
unar um framkvæmdaáætlanir til
að ná fram launajafnrétti kynjanna.
Jafnréttis- og fjölskyldunefnd lýsir
stuðningi sínum við það markmið
að náð verði fram fullu launajafn-
rétti kynjanna í samræmi við
ákvæði laga um jafna stöðu og jafn-
an rétt kvenna og karla. Nefndin
tekur hins vegar ekki afstöðu til út-
færslu framkvæmdarinnar.
Íþróttagólf | Stjórn Fasteigna Ak-
ureyrarbæjar hefur samþykkt að
gengið veriði til samninga við Parket
og gólf ehf. vegna nýs gólfs í nýtt
íþróttahús við Síðuskóla. Þrjú tilboð
bárust; Parket og gólf ehf. bauð gólf
fyrir tæpar 10,4 milljónir króna, P.
Ólafsson ehf. fyrir tæpar 14,5 millj-
ónir króna og Á. Óskarsson ehf. fyrir
tæpar 14,8 milljónir króna.
Frelsi í fjármálum| Símey býður
upp á námskeiðið Frelsi í fjármálum
og stendur það 24. og 25. nóvember
næstkomandi, frá kl. 18.30 til 22.30.
Kennari verður Ingólfur Hrafnkell
Ingólfsson.
Á námskeiðinu verður kennd að-
ferð til að ná stjórn á útgjöldum,
losna við skuldir og auka ráðstöf-
unartekjur, segir í lýsingu á því. „Þú
lærir að spara alveg óháð tekjum
þínum og skuldastöðu og kynnist að-
ferðum sem losa þig undan fjárhags-
áhyggjum, auðvelda þér lífið og leiða
þig jafnvel í átt til aukinnar ham-
ingju,“ segir ennfremur.