Morgunblaðið - 13.11.2003, Blaðsíða 20

SUÐURNES
20 FIMMTUDAGUR 13. NÓVEMBER 2003 MORGUNBLAÐIÐ
Reykjanesbær | „Við ortum þessi ljóð bara
í tíma eftir að kennarinn hafði sagt okkur að
gera það,“ sögðu félagarnir Magnús Þór
Magnússon og Kristján Helgi Olsen Ævars-
son í samtali við Morgunblaðið eftir að hafa
tekið við viðurkenningum fyrir ljóð sín. Auk
þeirra fengu Ingi Snær Þórhallsson og Ingi-
björg Íris Ásgeirsdóttir viðurkenningar fyr-
ir skáldskap sinn.
Bókasafn Reykjanesbæjar og
Sparisjóðurinn í Keflavík veittu fjórum ung-
um skáldum í Reykjanesbæ viðurkenningu
fyrir ljóð sem þau höfðu sent inn í ljóða-
samkeppnina „Ljóð unga fólksins“. Alls
barst 131 ljóð frá 99 skáldum til Bókasafns
Reykjanesbæjar en 18 ljóð frá 16 skáldum
voru send áfram til úrslita.
Starfsfólki Bókasafns Reykjanesbæjar
þótti ástæða til að vekja athygli á skáld-
unum 16 og ljóðum þeirra enda höfðu ekki
jafnmörg góð ljóð borist í keppnina lengi.
Ljóðunum var safnað saman í hefti sem öll
skáldin fengu afhent, en auk þess fengu
fjögur skáld sem þóttu skara framúr sér-
staka viðurkenningu. Úrslitin á landsvísu
verða hins vegar ekki ljós fyrr en n.k.
sunnudag, á degi íslenskrar tungu.
Verðlaunaafhendingin fór fram við setn-
ingarathöfn Norrænu bókasafnavikunnar
sem fram fór í Duus-húsum í Keflavík síð-
astliðinn mánudag og þá sagði Baldur Guð-
mundsson, markaðsstjóri Sparisjóðsins, að
líta mætti á styrkinn frá sjóðnum sem
fyrstu rithöfundalaunin.
Ort í skólanum
Skáldin ungu voru auðvitað upp með sér
vegna athyglinnar, en tóku sjálf sig ekki of
hátíðlega.
Magnús Þór og Kristján Helgi sögðust
hafa ort ljóðin sín í tíma, Magnús Þór eitt
en Kristján Helgi tvö, en sá síðarnefndi
fékk sérstök hvatningarverðlaun fyrir bæði
ljóðin. „Kennarinn okkar sagði okkur frá
þessari ljóðasamkeppni í tíma og lét okkur
yrkja ljóð,“ sögðu félagarnir með hógværð.
Þeir sögðust ekki hafa ort áður, en voru
bjartsýnir á að taka þátt í ljóðasamkeppn-
inni aftur.
Ingi Snær Þórhallsson sendi limru í
keppnina, sem jafnframt var eina ljóðið sem
ort var undir ákveðnum bragarhætti. „Ég
fór nú bara eftir limru sem ég fann í bók,“
sagði Ingi Snær sem sagðist hafa notað fyr-
irmyndina til að hafa formið rétt.
– Lesið þið mikið?
„Nei, ekkert sérstaklega,“ sagði Ingi
Snær og Magnús Þór tekur undir. Kristján
Helgi sagðist hins vegar lesa mikið og sömu
sögu er að segja af Ingibjörgu Írisi, sem
ekki hefur tekið þátt í ljóðasamkeppni áður
en samið ýmislegt fyrir skólann.
Fyrstu
rithöfunda-
laun ungu
skáldanna
Morgunblaðið/Svanhildur Eiríksdóttir
Skáldin ungu: Ingi Snær Þórhallsson, Magnús Þór Magnússon og Kristján Helgi Olsen
Ævarsson. Ingibjörg Íris Ásgeirsdóttir var fjarri góðu gamni þegar myndataka fór fram.
Garður | Hreppsnefnd Gerðahrepps
ákvað á fundi sínum í gærkvöldi að
fela oddvita og sveitarstjóra að vinna
að undirbúningi þess að breyta sveit-
arfélaginu í bæjarfélag. Stefnt er að
breytingu um áramót. Vilji er til þess
að nafn bæjarins verði Garður. Jafn-
framt er stefnt að því að kjósa bæj-
arráð.
Garðurinn hefur verið hluti af
hreppsfélögum frá því hreppaskipan
komst á í landinu, fyrst í Rosmhvala-
nesshreppi hinum forna og hinum
nýja og síðan í sjálfstæðum hreppi,
Gerðahreppi, frá árinu 1908, eftir að
Keflavíkurkauptún var klofið frá
honum.
Að undanförnu hafa verið umræð-
ur um þetta fyrirkomulag. Ingi-
mundur Þ. Guðnason oddviti sagði
við setningu vöru- og þjónustusýn-
ingar sem efnt var til í tilefni af af-
mæli hreppsins í síðasta mánuði að
tímabært væri að huga að breytingu
úr hreppi í bæ.
Tímabært skref
Samkvæmt núgildandi lögum hafa
öll sveitarfélög sömu réttarstöðu,
hvort sem þau kenna sig við hrepp,
bæ eða borg. Breytingin er því frem-
ur táknræn. Sigurður Jónsson sveit-
arstjóri, sem bráðum verður titlaður
bæjarstjóri, segir að nú séu nærri
því 1.300 íbúar í Gerðahreppi og
þeim fari fjölgandi. Í hreppnum hafi
búið yfir þúsund manns frá 1989.
„Við teljum tímabært að stíga þetta
skref, meðal annars vegna þess að
svo virðist sem meira mark sé tekið á
þeim sem koma fram í nafni bæja en
hreppa,“ segir Sigurður.
Tillaga meirihlutans sem skipaður
er fulltrúum F-listans um að vinna
að þessari breytingu var samþykkt á
hreppsnefndarfundi í gærkvöldi.
Vilji er til að bæjarfélagið heiti ein-
faldlega Garður. Leita þarf álits ör-
nefndanefndar áður en hægt er að
ákveða það og fá síðan staðfestingu
félagsmálaráðuneytis.
Sigurður segir jafnframt að því
stefnt að kjósa bæjarráð, þriggja
manna framkvæmdastjórn sveitar-
félagsins, en slíkt byggðaráð hefur
ekki starfað í Gerðahreppi. Segir
hann að tímabært sé orðið að hafa
byggðaráð, ekki síst yfir sumartím-
ann þegar hreppsnefnd er í fríi.
Þannig sé hægt að afgreiða mörg
mál fyrr en ella.
Ekki er mikill kostnaður við
breytinguna, að sögn sveitarstjór-
ans, nema hvað nefndalaun aukast
vegna starfa bæjarráðs. Auk form-
legrar ákvörðunar um nýtt nafn þarf
að endurskoða samþykktir um
stjórn Gerðahrepps og fundarsköp.
Gerðahreppur
verður bæjar-
félagið Garður
Ævintýraland er nafn á ljóði Ingibjargar
Írisar Ásgeirsdóttur sem er ellefu ára. Það
hljóðar svo:
Nú fljúgum við á vængjum náttfiðrildis inn í
ævintýralandið.
Sérðu þarna prinsessuna sem lítur eftir
öndunum
og þarna liggur tígrisdýr
tekurðu eftir röndunum?
Nú setjumst við á sægrænu blöð
rósarinnar
og horfum á fljótið,
þar sem lagarfljótsormurinn syndir um
brosandi.
Yfir okkur flýgur gylltur engill vonarinnar
sem brosir svo blíðlega til okkar.
Í höfrungahlaupi eru tveir sokkar
annar gulur en hinn grænn.
Fram hjá gengur Villi galdramaður
gleðinnar
sem er okkur svo vænn.
Fyrir neðan okkur hoppar páskahérinn
sem dreifir marglitum eggjum,
framhjá okkur hleypur
strúturinn á leifturhraða.
Inni á bókasafni óskanna er
bókasafnsvörður sem heldur áfram að
raða og raða.
Nú er komin nótt og
álfarnir og dvergarnir dansa í kringum bál,
á meðan þeir dreifa töfrafræjum.
Óli lokbrá fer nú af stað
á regnhlífinni sinni
og við sofnum á töfraskýi
næturinnar.
Ævintýra-
landið
Kynhegðun unglinga | Foreldra-
félög og foreldraráð grunnskólanna
fjögurra í Reykjanesbæ, Heið-
arskóla, Holtaskóla, Myllubakka-
skóla og Njarðvíkurskóla, halda ár-
legan haustfyrirlestur í Njarðvíkur-
skóla í kvöld, fimmtudag, klukkan
20. Fjallað er um kynhegðun ung-
linga og hlutverk foreldra í kyn-
fræðslu.
Fyrirlesarar eru þær Dagbjört
Ásbjörnsdóttir, starfsmaður hjá
ÍTR, og Sigurlaug Hauksdóttir, fé-
lagsráðgjafi hjá Landlæknisemb-
ættinu. Allir foreldrar velkomnir og
unglingarnir með, segir í frétta-
tilkynningu á vef Reykjanesbæjar.
Vöggusæn
gur
vöggusett
PÓSTSENDUM
Skólavörðustíg 21
sími 551 4050
Reykjavík