Morgunblaðið - 13.11.2003, Blaðsíða 21
SUÐURNES
MORGUNBLAÐIÐ FIMMTUDAGUR 13. NÓVEMBER 2003 21
www.lyfja.is
Skrefi framar
Sokkar, sokkabuxur, undirföt
www.sokkar.is
Kynnum vetrartískuna
frá OROBLU
í dag kl 14-18 í Lyfju
Setbergi, Laugavegi
og Lágmúla.
20% afsláttur
af öllum
Oroblu vörum
Keflavík | „Ég hef aldrei hætt enda
er eina ráðið til að sporna við ellinni
að hafa eitthvað fyrir stafni og vinna
með góðu fólki,“ sagði Ólafur Ólafs-
son, fyrrverandi landlæknir, sem
starfar tímabundið sem læknir við
heilsugæslustöð Heilbrigðisstofn-
unar Suðurnesja. Hann varð 75 ára í
vikunni og bauð af því tilefni starfs-
fólki HSS upp á afmælistertu.
Eftir að Ólafur hætti störfum sem
landlæknir hefur hann leyst af víða
um land. Hann rifjar einnig upp að á
meðan hann var í embætti hafi hann
reynt að fara út á land á hverju ári
til að halda sér við og halda betri
tengslum við hið eiginlega læknis-
starf. Hann segir að það sé ein-
staklingsbundið hvað menn geti
lengi læknað. „Úlfar Þórðarson
hætti um nírætt, að mig minnir, en
hann hætti nú að fljúga um áttatíu
og fimm,“ segir Ólafur og lýkur um-
ræðunni með þeim orðum.
Ólafur hefur verið að leysa af á
heilsugæslustöðinni í Keflavík í tvo
mánuði. Þar er einnig Brynleifur H.
Steingrímsson, fyrrverandi yfir-
læknir á Selfossi, sem er árinu
yngri. „Hér er líka fullt af ungu fólki
þannig að meðalaldurinn er ekki svo
hár,“ segir Ólafur.
Kvíði vegna atvinnuleysis
Vandræði hafa verið með að
manna læknisstöður við heilsu-
gæslustöðvarnar á Suðurnesjum
vegna deilu sem upp kom við fyrr-
verandi lækna sem allir sögðu upp
og hættu. Ólafur segist ekkert verða
var við þessi deilumál. Vel hafi geng-
ið að fá menn til að leysa af og sjálf-
ur segist hann ekki kvarta undan
álagi. Svo hljóti ástandið að lagast
með tímanum. „Það virðist vera ein-
hver lífgun á heimilislæknastarfinu,
ungir menn eru að sýna því áhuga
núna, enda er þetta mjög skemmti-
legt starf. “
Ólafur tekur fram að afbragðsgott
fólk starfi við heilbrigðisstofnunina.
Hann vekur athygli á að læknarnir
og annað starfsfólk geti ekki hjálpað
fólki með allt sem bjáti á. „Mér virð-
ist margir hafa áhyggjur af atvinnu-
leysinu. Besta ráðið við því er að út-
vega þeim vinnu en læknir getur
lítið gert í því. Hann getur aðeins
hjálpað fólki að takast á við kvíð-
ann,“ segir Ólafur Ólafsson.
Fyrrverandi landlæknir við störf á heilsugæslustöðinni
Ráð til að sporna við ellinni
Ljósmynd/Hilmar Bragi Bárðarson
Meðalaldurinn ekki svo hár: Brynleifur og Ólafur í hópi samstarfsfólks í afmæliskaffi fyrrverandi landlæknis.
Bílasmáauglýsingar
með mynd
995 kr.
fyrir áskrifendurbílar