Morgunblaðið - 13.11.2003, Blaðsíða 23

LANDIÐ
MORGUNBLAÐIÐ FIMMTUDAGUR 13. NÓVEMBER 2003 23
Hella | Tvennir sameiginlegir tónleikar Tón-
listarskóla Rangæinga og Tónskólans Do Re
Mí í Reykjavík voru haldnir helgina 8. og 9.
nóvember. Sama efnisskrá var á hvorum
tveggja tónleikunum, en þeir fyrri fóru fram í
Hvolnum og þeir síðari í Neskirkju.
Samstarf tónlistarskólanna hófst síðasta vor,
þegar Tónskólinn Do Re Mí fékk Hédi Maróti,
kennara við Tónlistarskóla Rangæinga, til að
hafa námskeið í píanókennslu fyrir kennara
nokkurra tónlistarskóla í Reykjavík í sambandi
við símenntunaráætlun tónlistarskólanna.
Tónskólinn Do Re Mí á 10 ára starfsafmæli
og langaði að gera eitthvað skemmtilegt af því
tilefni. Kviknaði þá sú hugmynd að Tónlist-
arskóli Rangæinga og Tónskólinn Do Re Mí
hefðu sameiginlega tónleika, þar sem nem-
endur úr öðrum skólanum lékju samleik með
nemendum úr hinum. Þeir Vilberg Viggósson,
skólastjóri Do Re Mí, og László Czenek, skóla-
stjóri Tónlistarskóla Rangæinga, töluðu saman
um skipulagninguna og tímasetningu tón-
leikanna. Var svo ráðist í þetta verkefni á
starfsdögum kennara skólanna og það skipu-
lagt og síðan nótur sendar á milli. Þá tók við
undirbúningur nemendanna og æfði hver sinn
part. Svo kom Tónskólinn Do Re Mí til Hvols-
vallar laugardaginn 8. nóvember. Var þá komin
mikil spenna í hópinn að sjá með hverjum þeir
mundu spila og gátu þá hafist æfingar, sem
stóðu fram að tónleikunum, sem haldnir voru í
samkomuhúsinu Hvoli. Daginn eftir komu
Rangæingarnir til Reykjavíkur, þar sem sama
efnisskráin var endurtekin í Neskirkju.
Efnisskráin var fjölbreytt og samanstóð af
samleik á píanó, sexhent og fjórhent, gítarsveit,
píanótríóum, strengjasveit, þverflautusamleik
og svo lítilli og stórri hljómsveit, þar sem nán-
ast var leikið á öll hljóðfæri sem kennt er á við
skólana tvo.
Nemendur jafnt sem kennarar höfðu mikið
gagn og gaman af að hitta kollegana og eiga
með þeim góða daga í þjónustu tónlistargyðj-
unnar.
Þegar heim var komið áttu allir góðar minn-
ingar um tónleikana og þá vinnu sem lögð hafði
verið í þetta verkefni, sem eflaust verður end-
urtekið í framtíðinni.
Tónlistarskólar halda
sameiginlega tónleika
Morgunblaðið/Óli Már
Skemmtun: Nemendur skólanna tveggja skemmta fólki með samleik í samkomuhúsinu Hvoli.
Akranes | Textílfyrirtækið Trico á
Akranesi hefur þróað, hannað og haf-
ið framleiðslu á byltingarkenndum
öryggisfatnaði sem er kominn á
markað hér á landi og erlendis. Slíkur
fatnaður er ætlaður fyrir starfsmenn
í álverum, járnblendiverksmiðjum og
fyrirtækjum sem vinna með bráðna
málma, logsuðu eða þar sem hætta er
á bruna af einhverju tagi.
Fatnaðurinn sem um ræðir er sam-
ansettur þannig að innri fatnaður,
svokallaður 3CO protect 50, er peysa,
undirbuxur, sokkar, hálskragi og
hetta og ytri fatnaður, svokallaður
3CO protect 100, er samfesting, bux-
ur, smekkbuxur, skyrta og jakki.
Þessi fatnaður er þróaður í samræmi
við þá öryggisstaðla sem settir eru af
Evrópunefnd í þeim málfaflokki
(CEN) og Ísland er meðlimur í.
Fyrirtækjum í þessari framleiðslu
er skylt að fylgja og innleiða þá staðla
sem útgefnir hafa verið af þessum að-
ila, enda eru þeir settir til verndar
þeim starfsmönnum sem vinna í stór-
iðjum af ýmsu tagi og brunahætta er
fyrir hendi.
Helga Viðarsdóttir, framkvæmda-
stjóri Trico, segir það mjög mikilvægt
að öryggisfulltrúar stóriðjufyrir-
tækja sem og aðrir starfsmenn kynni
sér þessa staðla og fari eftir tilskip-
unum varðandi þá. Hún segir að þessi
fatnaður sem Trico framleiðir hafi
verið prófaður samkvæmt Evrópu-
stöðlunum EN 533 og EN 531 og
standist þær kröfur sem þessir staðl-
ar fyrirskipa og gott betur. Staðallinn
EN 533 gefur til kynna þá vörn sem
fatnaðurinn veitir gegn hitaáhættu og
gegn snertingu við logandi agnir og
staðallinn EN 531 gefur til kynna
vörn sem fatnaðurinn veitir gegn
loga, hita sem verður vegna varma-
leiðni ákveðins hlutar, hita af völdum
geisla og bruna sem orsakast gæti
vegna stórra bráðinna málmslettna,
bæði ál- og stálslettna.
Öryggisfatnaður samkvæmt staðl-
inum EN 531 þarf að ná stigi D1 (vörn
geng álslettum) og E1 (vörn gegn
stálslettum) svo að hann fullnægi
þeim kröfum sem gerðar eru. Hins
vegar stenst þessi fatnaður stig D3 og
E3 í umræddum staðli sem er hæsta
stig innan EN 531 og veitir því mun
betri vörn en staðlarnir gera kröfu á.
Pantanir frá útlöndum
Helga Viðarsdóttir segir að Trico
hafið látið fara fram prófanir á þess-
um fatnaði í Þýskalandi, í þarlendu ál-
veri, sem komu mjög vel út. Í dag
liggi fyrir pöntun frá álverum um
heildarlausn á fatnaði frá Trico.
Slíkt þykir mikill gæðastimpill þar
sem Þjóðverjar gera almennt miklar
kröfur í öryggi á vinnustöðum. Þó svo
að öryggi sé alltaf það sem skiptir
mestu máli hvað varðar öryggisfatn-
að er einnig mikilvægt að fatnaðurinn
sé þægilegur, segir Helga og bætir
við að mikil reynsla hafi skapast í öllu
sem viðkemur textíl hjá Trico. Hún
bendir á að Trico sé mikilvægur birg-
ir stoðtækjafyrirtækisins Össurar hf.
en samstarf við Össur hf. hefur staðið
síðan 1997 í þróunarvinnu og fram-
leiðslu á textílvörum fyrir stoðtækja-
markaðinn.
Helga segir þá þekkingu, sem
skapast hefur hjá Trico, bæði hvað
snertir þróun og hönnun á textílvör-
um, gefa fyrirtækinu gífurlegt for-
skot í samsetningu mismunandi efna
og hönnun á fatnaði. Efni sem notuð
séu í öryggisfatnað séu oft mjög stíf,
andi ekki og þoli illa venjulegan þvott.
Þegar fatnaður valdi óþægindum leiði
það til þess að starfsmaðurinn verði
annars hugar sem geti haft áhrif á
einbeitingu hans í starfi. Slíkt geti
haft ófyrirsjáanlegar afleiðingar í för
með sér í þeim störfum sem hér um
ræðir. Þess vegna hefur Trico kapp-
kostað við að gera fatnaðinn eins
þægilegan og kostur er, segir Helga.
Efnið sem notað er í fatnaðinn frá
Trico hefur mjög vænlega eiginleika.
Fatnaðurinn er lipur, efnið andar
mjög vel, hrindir frá sér raka þannig
að húðin helst þurr og þolir almennan
þvott upp að 60ºC.
Trico var stofnað árið 1982, en nú-
verandi eigendur tóku við rekstrinum
1992. Miklar breytingar hafa orðið í
framleiðslu fyrirtækisins á síðustu ár-
um. Áður snerist meginframleiðslan
um framleiðslu á sokkum, en nú er sú
framleiðsla lítill hluti heildarveltunn-
ar. Í staðinn sérhæfir fyrirtækið sig í
lausnum á ýmsu hvað snertir textíl,
og annast því ráðgjöf og framleiðslu á
hágæða textílvörum. Hjá fyrirtækinu
vinna átta manns. Helga Viðarsdóttir
framkvæmdastjóri tók við starfi sínu
fyrr á þessu ári.
Hágæða öryggisfatn-
aður af Skaganum
Byltingarkenndur
fatnaður frá Trico á
markað erlendis
Morgunblaðið/Jón Gunnlaugsson
Ráðgjöf og framleiðsla fyrir ýmsar verksmiðjur: Úr Trico-sokkaverksmiðjunni á Akranesi.
Grundarfjörður | Þess verður minnzt á Grundarfirði á
sunnudag að 50 ár verða þá síðan síldveiðiskipið
Edda fórst í ofsaveðri inni á firðinum og fórust 9
menn af 17 manna áhöfn. Stutt
minningarathöfn verður í kirkj-
unni klukkan 14 en að henni lok-
inni verður afhjúpað listaverk á
bryggjunni til minningar um at-
burðinn. Verkið er eftir Árna
Johnsen.
Morgunblaðið skýrði frá þessum atburði á sínum
tíma og segir á þessa leið: Á sunnudagskvöldið kom
Edda inn á Grundarfjörð og lagðist við festar um 300
metra frá bryggjunni í Grafarnesi. Þar á legunni
voru þá mörg skip önnur, því fárviðri var og stórsjór.
Um klukkan 4.30 á mánudagsmorgun skall á skipið
ægileg vindhviða og stormsveipur þessi lagði skipið,
sem var tómt, á hliðina svo bæði möstur fóru á kaf. –
Þegar þetta gerðist var skipstjórinn á stjórnpalli,
nokkrir menn á dekki. Flestir voru skipverjar þó
niðri enda nýlega vaktaskipti. Þeir sem voru niðri
þustu upp er skipið fór á hliðina og ekki liðu nema fá-
ein augnablik er skipið valt yfir, svo kjölurinn snéri
upp.
15 skipverjar á Eddunni komust á kjöl skipsins og
þaðan syntu 11 yfir í nótabát skipsins sem var hálf-
fullur af sjó nálægt skipshlið. Nótabátinn rak svo
stjórnlaust undan veðri án þess að hjálp bærist unz
hann strandaði á skerinu Norður-Bár. Þar áttu skip-
verjar illa dvöl enda flestir fáklæddir. Þeim tókst loks
að koma bátnum á flot aftur og upp undir fjöruna og
þaðan í land og fengu þá loks aðstoð, en þá þegar
voru tveir skipverjar látnir úr vosbúð og kulda og sá
þriðji lézt áður en komið var heim á bæinn Suðurbár.
Grundfirðingar
minnast sjóslyss
EINBÝLI TIL SÖLU
Í VESTURBYGGÐ, VESTURLANDI
Erum með í sölu 5 einlyft einbýli, ca 110-120 fm. Mjög hagstætt
verð. Tilvalið m.a. sem sumarhús. Húsin hafa öll verið ástands-
skoðuð og úttektarskýrsla fylgir hverju húsi. Allar nánari uppl. eru
veittar á skrifstofu Fasteignastofunnar.