Morgunblaðið - 13.11.2003, Blaðsíða 26

LISTIR
26 FIMMTUDAGUR 13. NÓVEMBER 2003 MORGUNBLAÐIÐ
UNDANFARIN ár hafa Verzlun-
arskólanemar gert garðinn frægan
með söngleikjum og glanssýningum.
Nú breyta þeir um stefnu, en innan
sama geira: Þeir sviðsetja kvik-
myndina Sódómu Reykjavík. Það er
leitun að því ungmenni sem ekki hef-
ur séð myndina og haft gaman af en
það er eimnitt ástæðan fyrir vali
krakkanna í samvinnu við leikstjór-
ann: Að taka eitthvað sem allir
þekkja, eins og kemur fram í leik-
skrá. Gamalt grín getur oft verið
gott en ekki er hægt að telja það
frumlegt að velja verk þar sem eini
tilgangurinn er að gefa áhorfendum
kost á að hlæja að þekktum brönd-
urum. Það fór þó ekki á milli mála á
frumsýningunni að áhorfendur
kynnu vel að meta grínið og allra
best það sem frægast er úr kvik-
myndinni.
Leikstjórinn, Ólafur S.K. Þor-
valdz, er aðeins 23 ára gamall. Hann
er nýútskrifaður úr leiklistarskólan-
um Arts Ed í London og fyrrverandi
Verzlunarskólanemi. Ólafur velur
áhugaverða leið til sviðsetningar:
Hann notar enga leikmynd og lítið af
leikmunum en gerir skemmtilegar
tilraunir með lýsingu. Það hefði ver-
ið gaman að sjá hann fara alla leið
með hugmyndina: Að treysta leikur-
unum alveg og sleppa öllum leik-
munum. Mig grunar að sýningin
hefði orðið meira spennandi ef leik-
urinn hefði verið ýktur til muna
ásamt því að einfalda söguþráðinn
meira en gert var. Sögumaður fyllti í
eyður milli hápunkta úr myndinni og
þannig var öll sagan sögð.
Þegar lítil reynsla leikaranna er
höfð í huga heppnast leið Ólafs þó
bærilega. Honum tókst vel að virkja
hópinn sinn til að ná fram fjöri og
gleði því ekkert vantaði upp á kraft-
inn sem þarf til drífa áfram sýningu
af þessu tagi. Tveir leikarar eru eft-
irminnilegir sem sýndu persónuleg-
an leik, og þar með nýja túlkun á
persónum sínum: Maggi í hlutverki
hins treggáfaða Ella og Lana sem
lék Unni, systur Mola. Auk þeirra
var Eyjólfur í aðalhlutverki Axels al-
veg prýðilegur sakleysingi. Þrátt
fyrir hina stóru spurningu valið á
verkinu er engin spurning um það að
leikhópur þessi var efnilegur í heild
og spennandi verður að sjá meira til
Ólafs leikstjóra í framtíðinnni.
Er gamalt
grín gott
grín?
LEIKLIST
Leikfélag Verzlunarskóla Íslands
Höfundur: Óskar Jónasson; leikstjóri:
Ólafur S.K. Þorvaldz; lýsing: Bragi
og Andri. Frumsýning í hátíðasal VÍ,
7.nóvember, 2003.
SÓDÓMA REYKJAVÍK
Þorgeir Tryggvason
TÓNLEIKARÖÐIN „Tónlistarveisla í skammdeg-inu“, sem menningar- og safnanefnd Garðabæjarstendur fyrir, hefst á ný með tónleikum Tríós
Ragnheiðar Gröndal í kvöld kl. 21. Auk Ragnheiðar er
tríóið skipað Jóni Páli Bjarnasyni gítarleikara og Ró-
berti Þórhallssyni bassaleikara. Tónleikarnir eru haldnir
inni á Garðatorgi fyrir framan Stjörnukaffi og er að-
gangur ókeypis.
Að sögn Ragnheiðar Gröndal er þetta í annað sinn sem
hún tekur þátt í fyrrnefndri tónleikaröð því hún tróð líka
upp í fyrra. „Það var mjög skemmtilegt og góð stemning.
Þá vorum við Jón Páll einmitt að spila saman, en Árni
Scheving var á rafbassa.“
Er þetta algeng hljóðfærasamsetning?
„Nei, raunar ekki, því yfirleitt er fólk annaðhvort með
trommu- eða píanóleikara til viðbótar. En ég er búin að
troða ansi oft upp með þessa samsetningu, þ.e. rödd, gít-
ar og bassa, og kann afar vel við það hvað tónlistin verð-
ur lágstemmdari án trommanna. Vissulega getur verið
mjög gaman að hafa trommur með líka, en aðstæðurnar
á Garðatorgi henta betur fyrir samsetninguna okkar.“
Eruð þið búin að starfa lengi saman sem tríó?
„Í raun ekki. Við Jón Páll höfum reyndar spilað saman
í rúmt eitt og hálft ár, en það skiptir auðvitað gríðarlega
miklu máli að þekkjast eins vel og við Jón Páll gerum,
því við vitum nú orðið hvar við höfum hvort annað. Á
þeim tíma sem við höfum starfað saman höfum við reglu-
lega skipt um bassaleikara og í þetta skiptið höfum við
fengið Róbert til liðs við okkur, en hann er mjög góður.
Við tróðum upp á nýafstaðinni Djasshátíð Reykjavíkur
og það gekk afar vel.“
Lágstemmt og ljúft prógramm
Hvað ætlið þið svo að bjóða áheyrendum upp á?
„Að stórum hluta verðum við í kvöld með svipað pró-
gramm á tónleikum okkar á Djasshátíðinni, en munum
þó örugglega spila heldur fleiri lög af nýútkominni djass-
plötunni minni, sem við vorum að fá í hendur, svona til að
kynna hana. Við verðum þannig með ýmsa djassstand-
arda. Kannski má segja að þetta séu svona minna þekkt-
ir standardar, alla vega fyrir fólk sem hlustar ekki á
djass að jafnaði. En meðal laga sem við tökum má nefna
Embraceable you, Fooling myself og Bye bye Black-
bird.“
Eru einhver lög á efnisskránni sem eru í sérstöku
uppáhaldi hjá þér?
„Veistu, ég get eiginlega ekki gert upp á milli laganna.
Ég reyni alltaf bara að velja góða og flotta standarda
sem okkur finnst gaman að spila. Í þetta skiptið er ég
ekki með mikið af ballöðum þótt mörg laganna séu frek-
ar „mellow“. En auðvitað verður þetta alltaf frekar lág-
stemmt og ljúft einmitt vegna þess að það eru engar
trommur. Það er samt engin hætta á að áheyrendur
sofni,“ segir Ragnheiður og hlær.
Þess má geta að fimmtudagskvöldið 20. nóvember kl.
21 treður Guitar Islancio upp, en sveitin er einmitt fimm
ára um þessar mundir. Tríóið er skipað Birni Thorodd-
sen gítarleikara, Gunnari Þórðarsyni gítarleikara og
Jóni Rafnssyni bassaleikara. Þeir félagar hafa komið
víða við á síðastliðnum fimm árum og leikið út um allan
heim, auk þess að gefa út fjóra diska sem hlotið hafa góð-
ar viðtökur. Fimmtudagskvöldið 27. nóvember kl. 21
mætir síðan hljómsveitin Randver til leiks, en hún er
skipuð þekktum skólastjórum. Meðlimir Randvers þykja
miklir fjörkálfar og að sögn skipuleggjenda tónleikanna
ætti engum að leiðast.
Ragnheiður Gröndal á Tónlistarveislu í skammdeginu
„Það er engin hætta á
að áhorfendur sofni“
Morgunblaðið/Sverrir
Ragnheiður Gröndal djasssöngkona treður upp ásamt
tríói sínu á Garðatorgi í kvöld. Tónleikarnir eru kl. 21.
SÝNINGAR á nýjum og
gömlum verkum Hreins
Friðfinnssonar verða í
tveimur sýningarsölum á
næstunni. Í i8 Klapparstíg
33 verður opnuð sýning á
nýjum verkum Hreins kl.
17 í dag, en í Safni,
Laugavegi 37, verður
opnuð sýning á eldri verk-
um hans á laugardag.
„Það má segja að þetta
séu afmælissýningar þar
sem Hreinn varð sextugur
fyrr á þessu ári, segir
Edda Jónsdóttir eigandi
i8. „Hreinn var fyrsti
listamaðurinn sem sýndi í
i8 þegar það opnaði fyrir
átta árum og er það mikill
heiður fyrir okkur að
sýna verk hans aftur. Allt
eru þetta ný eða nýleg
verk sem hann sýnir nú
og fer hann vítt og breitt í
efnistökum eins og vana-
lega. Stór glerverk á
speglum eru veigamesti
þátturinn á sýningunni.
Það eru ekki ólík verk og
hann sýndi 2002 í Frakk-
landi. Á sýningunni verða
einnig gögn úr hans per-
sónulega lífi, ljósmyndir,
myndbönd, einkunn-
arblöð o.þ.h.,“ segir Edda.
Rætt verður við Hrein
Friðfinnsson í Lesbók næst-
komandi laugardag.
Ballett Undir stiganum
Þá verður opnuð í rýminu
Undir stiganum í i8, sýning
Magnúsar Loga Krist-
inssonar sem nefnist Ballett-
inn. Magnús Logi segir m.a.
um sýninguna: „Þegar ég
var lítill, svona 10 eða 11
ára, sendi mamma mig í
danstíma með systur minni.
Ég var eini strákurinn í
bekknum með um 10 til 15
stelpum. 18 árum síðar fór
ég í bíó og sá myndina „Billy
Elliot“. Kvikmynd um ungan
strák sem langar að dansa
ballett. Er ég horfði á mynd-
ina, rifjaðist upp fyrir mér
dansreynsla mín fyrir 18 ár-
um. Síðan var það einn
morgun, tveimur árum síð-
ar, er ég vaknaði í Helsinki
og hugsaði með sjálfum mér,
í dag ætla ég að búa til ball-
ett-myndband.“
Sýningarnar stada til 10.
janúar. Opið fimmtudaga og
föstudaga kl. 11-18, laug-
ardaga kl. 13-17 og eftir
samkomulagi.
Ný og eldri verk Hreins
verða á tveimur sýningum
Morgunblaðið/Jim Smart
Hreinn Friðfinnsson myndlistarmaður leggur drög að
sýningu sinni í i8. Í forgrunni er eitt glerverka hans.
Norræna húsið
Afmælissýningu Meistara Jakobs
lýkur á sunnudag.
Listasetrið Kirkjuhvoli
Sýningu sem haldin er í tilefni af
80 ára afmæli hússins lýkur á sunnu-
dag. Opið alla daga nema mánudaga
kl. 15-18.
Kaffi Sólon
Sýningu Hrefnu Víglundsdóttur
lýkur á föstudag. Sýningin saman-
stendur af fimm olíuverkum.
Saltfisksetur Íslands,
Trélistasýningu Jóns Adólfs
Steinólfssonar lýkur á sunnudaginn.
Opið daglega frá kl.11-18.
Sýningar
framlengdar
Langagerði 88
Sýning Jens Kristleifssonar á
teikningum og tréskúlptúrum er
framlengd til 17. nóvember.
Opið miðvikudaga til sunnudaga
kl. 13-18.
Gallerí Sævars Karls
Sýning Nini Tang er framlengd til
20. nóvember.
Sýningum
lýkur
TÓNLEIKAR fransk-kanadíska
tvíeykisins, þeirra Mélisande Chauv-
eau og Suzanne Fournier, sem vera
áttu í Tíbrárröð Salarins á laugardag
falla niður af óviðráðanlegum orsök-
um. Þeir sem þegar hafa fest kaup á
aðgöngumiðum eru beðnir um að
hafa samband við Salinn.
Tónleikar
falla niður
Sjöstrengja-
ljóð nefnist
nýr geisla-
diskur sem
hefur að
geyma úrval
kamm-
erverka eftir
Jón Ásgeirs-
son, en Jón varð 75 ára 11. október
sl. Flytjandi er Kammersveit Reykja-
víkur. Verkin eru Kvintet fyrir píanó og
strengjakvartet, Blásarakvintet nr. 2,
Strengjakvartet nr. 3, Oktet fyrir tré-
blásara og Sjöstrengjaljóð, septet fyr-
ir strengi.
Sjöstrengjaljóð er þriðja útgáfan í
útgáfuröð á íslenskum kamm-
erverkum á vegum Smekkleysu og
Kammersveitar Reykjavíkur. Áður
hafa komið út Á gleðistundu með
verkum eftir Atla Heimi Sveinsson og
Leitin Eilífa með verkum eftir Leif Þór-
arinsson.
Útgefandi er Smekkleysa í sam-
vinnu við Íslenska tónverkamiðstöð
og Ríkisútvarpið.
Kammerverk
♦ ♦ ♦
♦ ♦ ♦