Morgunblaðið - 13.11.2003, Blaðsíða 52
ÍÞRÓTTIR
52 FIMMTUDAGUR 13. NÓVEMBER 2003 MORGUNBLAÐIÐ
HEIMSBIKARMÓTIÐ í golfi hefst í
dag á Sjávarvellinum í Suður-
Karolínu í Bandaríkjunum. Japanir
unnu í fyrra en nú hyggjast gest-
gjafarnir frá Bandaríkjunum
krækja í bikarinn góða. Mótið er
þannig að tveggja manna sveitir frá
24 þjóðum mæta til leiks. Norður-
landabúar eiga tvær sveitir – Sören
Kjeldsen og Anders Hansen keppa
fyrir Danmörku og Fredrik Jacob-
son og Niclas Fasth fyrir Svía. Tvo
daga keppninnar, fyrsta og þriðja
hring leika liðin fjórleik, og hina tvo
dagana fjórmenning. Fjórleikur er
fyrirkomulag þar sem tveir leika
betri bolta sínum gegn betri bolta
hins liðsins. Í fjórmenningi leikur
hvort lið með einn bolta og leik-
menn slá til skiptis.
Japanir unnu í fyrra og þá léku
Shigeki Maruyama og Toshi Izawa
fyrir land sitt en nú verður Hidem-
ichi Tanaka í staða Izawa.
Fyrir Bandaríkin leika Jim Furyk
og Justin Leonard og koma óneit-
anlega gríðarlega sterkir inn í þetta
mót. Furyk er einna líklegastur til
að verða útnefndur leikmaður mót-
araðarinnar í ár og Leonard er
snjall kylfingur sem keppir nú öðru
sinni í heimsbikarnum.
Ekki má gleyma sænska liðinu en
þeir Jacobson og Fasth eru báðir of-
arlega á heimslistanum, Jacobson í
35. sæti en Fasth í 23. sæti. Jacob-
son hefur komið eins og elding inn á
stjörnuhimin kylfinganna í sumar,
vann tvö mót og hefur leikið mjög
stöðugt golf í sumar.
Verja Japanir titilinn
í tvímenningi?
HANDKNATTLEIKSLIÐ FH-
inga hefur fengið góðan liðs-
styrk – Brynjar Geirsson er
genginn í raðir sinna gömlu
félaga. Brynjar hefur dvalið í
Þýskalandi í nokkur ár þar
sem hann hefur stundað golf-
kennslunám og jafnhliða því
hefur hann leikið með þýska 2.
deildarliðinu Augustorf/
Hövelhof. Brynjar, sem út-
skrifaðist sem golfkennari í
fyrradag, leikur sinn fyrsta
leik með FH-ingum á Selfossi
annað kvöld en hann er sagð-
ur vera í góðu formi og ætti
því að geta orðið FH-ingum
góður liðsauki.
Brynjar er 26 ára gamall og
leikur í stöðu skyttu og leik-
stjórnanda. Hann er eldri
bróðir Loga, sem leikur aðal-
hlutverkið í Hafnarfjarðarlið-
inu, en báðir eru þeir synir
Geirs Hallsteinssonar sem
gerði garðinn frægan með
FH-ingum og landsliðinu á ár-
um áður.
Brynjar
kominn til
FH-inga
MICHAEL Owen framherji Liver-
pool sagði í viðtali við enska fjöl-
miðla í gær að hann myndi alvarlega
hugsa sér til hreyfings frá Liverpool
ef því tekst ekki að vinna sér sæti í
Meistaradeildinni á næstu leiktíð.
Owen á eitt og hálft ár eftir af samn-
ingi sínum við Liverpool.
NILS Johan Semb landsliðsþjálf-
ari Norðmanna í knattspyrnu á í
nokkrum vandræðum því sex leik-
menn hafa boðað forföll í fyrri leik-
inn á móti Spánverjum í umspil um
sæti í úrslitakeppni Evrópumótsins
sem fram fer á Spáni um helgina.
ERIK Mykland, Örjan Berg, Erik
Hoftun, John Carew, Björn Tore
Kvarme og Vidar Riseth hafa allir
sagt nei við Semb og er ástæðan
fyrst og fremst sú að þeir eru ósáttir
við störf landsliðsþjálfarans.
EINHVER bið verður á því að
Paul Gascoigne mæti til leiks í
ensku úrvalsdeildinni á nýjan leik
eins og hann hefur gert sér vonir um.
Gascoigne meiddist í varaliðsleik
með Wolves gegn Blackburn í fyrra-
kvöld og lék aðeins fyrri hálfleikinn.
EDDIE Gray, starfandi knatt-
spyrnustjóri Leeds, hefur náð sátt-
um við Mark Viduka, en Viduka
komst upp á kant við Peter Reid,
fyrrverandi knattspyrnustjóra
Leeds á dögunum, sem m.a. lyktaði
með því að Viduka var sektaður um
jafnvirði tveggja vikna launa,
130.000 pund, jafnvirði tæplega 17
milljóna kr.
HOLLENSKI knattspyrnumaður-
inn Ronald de Boer sem er á mála
hjá Glasgow Rangers segir að Dick
Advocaat geri mikil mistök ákveði
hann að tefla framherjanum Ruud
Van Nistelrooy ekki fram í byrjun-
arliðinu í leiknum gegn Skotum í um-
spili um sæti á EM.
DE Boer, sem ekki er í liði Advo-
caats, sagði í viðtali við hollenska
sjónvarpið að Nistelrooy væri sá
leikmaður sem Advocaat ætti að
velja fyrst í lið sitt og tefla honum
fram í fremstu víglínu í stað Patricks
Kluivert.
NISTELROOY féll í ónáð hjá
Advocaat þegar hann brást illa við
þegar honum var skipt útaf í leiknum
á móti Tékkum í lokaumferð riðla-
keppni EM – sýndi ekki skemmti-
lega framkomu. Advocaat refsaði
Nistelrooy og valdi hann ekki í æf-
ingaleik í síðasta mánuði og hann
hefur gefið til kynna að Nistelrooy
verði ekki í byrjunarliðinu heldur
Kluivert og Roy McKaay.
GOLFÞING verður haldið á laug-
ardaginn og er það að þessu sinni í
félagsheimili Seltjarnarness. Júlíus
Rafnsson verður væntanlega endur-
kjörinn forseti sambandsins, en
hann gefur kost á sér í embættið og
enginn hefur tilkynnt mótframboð.
FÓLK
Mótið er liður í evrópsku móta-röðinni og gefur því stig inn á
heimslistann. Keppendur verða alls
150 talsins og keppt verður í einliða-
leik karla og kvenna, tvíliðaleik karla
og kvenna og tvenndarleik. Mótið
hefur aldrei verið eins sterkt og í ár
og má sem dæmi nefna að Japaninn
Sho Sasaki er í 26. sæti á heimslist-
anum í einliðaleik og Austurríkis-
maðurinn Jurgen Koch er númer 32
á þeim lista. Í einliðaleiknum, þar
sem 66 keppendur eru skráðir til
leiks, eru fjölmargir keppendur sem
eru í 30.-60. sæti heimslistans þannig
að búast má við sérlega skemmtileg-
um leikjum hjá piltunum.
Fjörutíu stúlkur eru skráðar í ein-
liðaleikinn og er Petya Nedeltcheva
frá Búlgaríu þar efst á blaði, er í 23.
sæti heimslistans, en hún er mætt til
að verja titil sinn frá því í fyrra. Miyo
Akao frá Japan er næst henni að
getu, er númer 34 á þeim lista.
Íslensku stúlkurnar Sara Jóns-
dóttir og Ragna Ingólfsdóttir eru
svo sem ekkert langt undan því Sara
er í 57. sæti og Ragna í 60.
Í tvíliðaleik karla munu 35 lið
mæta til leiks. Wales-búarnir Mart-
yn Lewis og Matthew Hughes eru
taldir sigurstranglegastir enda í 36.
sæti heimslistans og Mike Beres og
Kyle Hunter frá Kanada eru þar
næstir í 47. sæti.
Ragna og Sara sækja
dýrmæt stig
Samkvæmt heimslistanum í tví-
liðaleik kvenna eru þær Jo Mugger-
idge og Felicity Gallup frá Wales
bestar, eru í 22. sæti heimslistans en
Ragna og Sara eru ekki þar langt
fyrir aftan, í 29. sæti, og ætla sér
örugglega að krækja í öll þau stig
sem þær geta í keppninni um laust
sæti á Ólympíuleikunum næsta ár.
Drífa Harðardóttir og Katrín Atla-
dóttir keppa einnig í tvíliðaleik, en
þær urðu í öðru sæti í fyrra.
Í tvenndarleik eru skráð 26 lið og
eru Hughes og Muggeridge frá Wal-
es sigurstranglegust þar en þau eru í
21. sæti heimslistans. Par frá Jam-
aíku er í 28. sæti og ekki má gleyma
því að Englendingurinn Simon Arch-
er, sem varð í öðru sæti á heims-
meistaramóti fyrir nokkrum árum,
er meðal keppenda. Hann meiddist í
fyrra og var frá keppni og hrundi
eðlilega við það niður heimslistann
en er að vinna sig hratt of örugglega
upp hann á nýjan leik.
Peningaverðlaun eru veitt í fyrsta
sinn á mótinu og nema þau 250.000
krónum. Vegna meiri þátttöku en
nokkru sinni var nauðsynlegt að
hefja keppni í dag.
Það verður badmintonhátíð í
TBR-húsinu og mikið verður slegið.
Áætla er að um 150-200 dúsín af bolt-
um verði notuð, eða um 2.000 boltar
alls.
Ragna Ingólfsdóttir á fullri ferð með spaðann í landsleik. Hún fær nóg að gera næstu daga.
Ragna Ingólfsdóttir og Sara Jónsdóttir í sviðsljósinu í TBR-húsinu
Geta tryggt sér dýr-
mæt stig fyrir ÓL
„ÞETTA er gríðarlega mikið verkefni fyrir okkur. Mótið er nú haldið í
sjöunda sinn og aldrei hafa verið jafn margir erlendir keppendur.
Þeir verða 105 en voru rúmlega 30 talsins í fyrra,“ sagði Ása Páls-
dóttir, framkvæmdastjóri Badmintonsambands Íslands, þegar hún
kynnti Iceland Express-mótið sem hefst í dag í TBR-húsinu.
Sara Jónsdóttir