Morgunblaðið - 13.11.2003, Blaðsíða 53

ÍÞRÓTTIR
MORGUNBLAÐIÐ FIMMTUDAGUR 13. NÓVEMBER 2003 53
MIKILL hugur er í forráðamönnum enska úrvalsdeild-
arliðsins Charlton. Eftir gott gengi liðsins í upphafi
tímabilsins, þar sem liðið er í fjórða sæti, eru uppi plön
hjá félaginu að stækka leikvang sinn. The Valley,
heimavöllur Charlton, tekur 26.600 manns en stjórn-
endur félagsins vilja stækka hann þannig að hann geti
tekið 40.600 manns í sæti.
Vilja vera mestir sunnan Thames
Peter Varney, stjórnarformaður Charlton, segir
ekkert launungarmál að Charlton stefni að því að
verða stærsta félagið í suðurhluta Lundúnaborgar en
góð frammistaða liðsins hefur orðið til þess að uppselt
hefur verið á flestalla heimaleiki þess. Herbúðir Charl-
tons eru fyrir sunnan Thames – í Suð-austur London.
Sigur Charlton á Fulham um helgina var sá fimmti
hjá liðinu í sex síðustu leikjum og Hermann Hreiðars-
son og félagar hans í liði Charlton hafa tekið stefnuna á
að verða í einu af sex efstu sætunum þegar upp verður
staðið í vor.
Mikill hugur í
Charltonmönnum
Reuters
Hermann Hreiðarsson og Ítalinn Paolo Di
Canio fagna, eftir að Hermann skoraði sigur-
mark Charlton gegn Blackburn, 1:0.
„ÉG ætla að bíða með
allt fram yfir landsleik-
inn,“ sagði Tryggvi Guð-
mundsson landsliðs-
maður í knattspyrnu við
Morgunblaðið í gær en
Tryggvi ásamt umboðs-
manni sínum hefur síð-
ustu misserin verið að
leita að nýjum vinnuveit-
anda. Tryggvi er eins og
fram hefur komið á för-
um frá Stabæk í Noregi
og hafa fyrirspurnir
borist frá nokkrum félögum, þar á
meðal frá Grikklandi og Ítalíu.
Tryggvi segir að umboðsmaður
frá bandarískum liðum hafi boðað
komu sína á landsleikinn gegn
Mexíkó sem fram fer í San Franc-
isco í næstu viku gagn-
vart til að fylgjast með
honum.
„Ég veit ekki hversu
spennandi það er að
spila í Bandaríkjunum
en alla vega ætlar um-
boðsmaður frá ein-
hverjum bandarískum
liðum að skoða mig í
landsleiknum,“ sagði
Tryggvi.
Tryggvi var valinn að
nýju í landsliðshópinn
sem mætir Mexíkóum en hann fót-
brotnaði á æfingu með Stabæk í júlí
og missti þar að leiðandi af leiknum
gegn Færeyingum í Þórshöfn og
leikjunum tveimur á móti Þjóð-
verjum.
Bandarísk lið skoða
Tryggva Guðmundsson
Tryggvi
FYRSTA umferðin á Íslandsmótinu
í glímu, Leppinmótaröðinni, verður
glímd að Laugarvatni í kvöld og
eru skráðir keppendur til leiks 25
talsins. Þetta er í fyrsta sinn sem
stórt glímumót á vegum Glímu-
sambandsins fer fram í miðri viku
en það er gert til að nemendur á
Laugarvatni eigi þess kost að fylgj-
ast með keppninni.
Eins og undanfarin ár verða þrjú
mót yfir veturinn sem telja til Ís-
landsmeistaratitils, þetta er fyrsta
mótið, það næsta verður í janúar og
lokamótið í febrúar.
Flestir keppendur að þessu sinni
eru í unglingaflokki en þar verða
tíu keppendur, en keppt er í sjö
flokkum.
Meðal keppenda verður HSK-
maðurinn Ólafur Oddur Sigurðs-
son, Glímukóngur Íslands og verð-
ur fróðlegt að sjá hvort hann verð-
ur eins sterkur og í síðustu Íslands-
glímu.
Aðrir keppendur í opnum flokki
karla eru Stefán Geirsson, félagi
hans hjá HSK, Austfirðingarnir
Guðmundur Þór Valsson, Snær
Seljan Þóroddsson og Ólafur Gunn-
arsson, Pétur Eyþórsson, UV og
Jón Smári Eyþórsson, HSÞ.
Fjórar í kvennaflokki
Fjórar konur eru skráðar til leiks
í opnum flokki, Inga Gerða Péturs-
dóttir frá HSÞ og frá GFD koma
Svana Hrönn Jóhannsdóttir, Sól-
veig Rós Jóhannsdóttir og Eva Lind
Lýðsdóttir.
Glímt í miðri viku

GUÐJÓN Þórðarson knatt-
spyrnustjóri enska 2. deildarliðins
Barnsley fékk til sín nýjan liðsmann
í gær. Sá heitir Jonathan Walters og
kemur hann frá Bolton. Walters er
framherji sem Barnsley fær að láni í
einn mánuð. Walters, sem er 20 ára
gamall, hefur leikið fimm leiki með
aðalliði Bolton en á síðustu leiktíð
lék hann 11 leiki með Hull sem láns-
maður og skoraði fimm mörk.

PAOLO Di Canio, samherji Her-
manns Hreiðarssonar hjá Charlton,
segir að Scott Parker miðjumaður
Charlton liðsins sé besti leikmaður-
inn í þessarri stöðu í ensku úrvals-
deildinni. „Parker er besti miðju-
maðurinn um þessar mundir í enska
boltanum. Þetta eru engar ýkjur,“
sagði Ítalinn í viðtali við Gazzetta
dello Sport í gær.

PARKER, sem er 23 ára gamall,
hefur farið mikinn að undanförnu í
liði Charlton sem komið hefur allra
liða mest á óvart á leiktíðinni. Hann
er í enska landsliðshópnum, sem
mætir Dönum á Old Trafford á
sunnudaginn.

TONY Adams, knattspyrnustjóri
Wycombe, hefur fengið Scott
Marshall, 30 ára varnarmann og
fyrrverandi félaga sinn hjá Arsenal,
til að æfa með liði sínu. Marshall er
kominn á ferðina á ný, eftir að hafa
verið frá vegna meiðsla.

JIMMY White snókerleikari frá
Englandi er úr leik á opna breska
meistaramótinu en hann beið lægri
hlut fyrir Tony Drago frá Möltu, 5:2.
Jimmy White er væntanlegur til Ís-
lands um helgina en hann mætir á
mánudaginn þeim Kristjáni Helga-
syni, Jóhannesi B. Jóhannessyni og
Brynjari Valdimarssyni í hraðmóti.
FÓLK
Það þýðir ekkert að hanga yfirþessu,“ sagði Jón Arnar sem
hefur líkað vel að stunda íþrótt sína í
Gautaborg. „Það er
hins vegar ekki nóg
þegar aðrir þættir
ganga ekki upp. Því
ákváðum við hjónin
að koma heim þar sem ég ætla að
æfa af fullum krafti fyrir þetta síð-
asta ár sem ég verð í tugþrautar-
keppni á meðal þeirra bestu, ég hef
fyrir löngu ákveðið að hætta eftir Ól-
ympíuleikana í Aþenu næsta sumar,
þá verður þetta orðið gott hjá mér,“
sagði Jón Arnar, sem er 34 ára gam-
all.
Hann og eiginkonan, Hulda Ingi-
björg Skúladóttir, hafa fest kaup á
íbúð í Kópavogi í nágrenni þeirrar
sem þau áttu áður en þau söðluðu um
og fóru til Svíþjóðar. „Eina breyt-
ingin er sú að ég flyst aðeins framar í
götuna.“
Jón Arnar hefur einnig ráðið sig í
vinnu um leið og hann kemur heim
og leitar þar á fornar slóðir, en hann
hefur ráðið sig í líkamsræktarstöð-
ina World Class, þar sem hann vann
áður en fjölskyldan flutti til Svíþjóð-
ar. „Ég verð að vinna heima, þar
verða bæði hjóna að vinna til þess að
endar nái saman, þetta hefur rétt
sloppið fyrir horn hjá okkur hér
ytra. Ég fer því beint í vinnu til
stærsta styrktaraðilans míns.“
Guðmundur Karlsson þjálfar
Jón Arnar fram yfir ÓL í Aþenu
„Ég reikna ekki með að flutning-
urinn heim breyti svo miklu fyrir
mig. Ég er reynslunni ríkari, kem
með margt nýtt í farteskinu sem nýt-
ist mér vonandi á þessu síðasta ári í
fremstu röð tugþrautarmanna. Þá
hef ég öðlast aðra sýn á marga hluti
eftir að hafa verið ytra í hálft annað
ár,“ sagði Jón Arnar sem heldur
áfram að æfa og keppa fyrir Breiða-
blik líkt og hann hefur gert undan-
farin þrjú ár eftir að hann skipti úr
Tindastóli á Sauðárkróki.
„Ég er að æfa á fullu í Svíþjóð og
geri það allt þar til ég fer. Síðan tek
ég þráðinn upp um leið og heim verð-
ur komið. Ég leitað til Guðmundar
Karlssonar, landsliðsþjálfara í frjáls-
íþróttum, um að hann verði mér inn-
an handar við æfingar fram yfir Ól-
ympíuleikana, þannig að ég verð í
góðum höndum. Staðan er góð hjá
mér um þessar mundir er góð, æf-
ingar hafa gengið vel og ég er laus
við alla „drauga“ sem voru að plaga
mig í sumar. Ég horfi því bjartsýnn
fram á næsta ár,“ sagði Jón Arnar
Magnússon, sem hefur sett stefnuna
á að keppa í sjöþraut á heimsmeist-
aramótinu innanhúss sem fram fer í
Búdapest 5.–7. mars, en Jón á Norð-
urlandametið í greinni.
JÓN Arnar Magnússon, Íslandsmethafi í tugþraut úr Breiðabliki,
hefur ákveðið að flytja til Íslands í næsta mánuði eftir að hafa búið í
hálft annað ár ásamt fjölskyldu sinni í Svíþjóð, þar sem hann hefur
stundað æfingar í Gautaborg. Jón Arnar sagði í samtali við Morgun-
blaðið í gær að ástæðan fyrir heimflutningunum væri sú að konan
hans hefði ekki fengið vinnu í Svíþjóð og þar með gengi dæmið ein-
faldlega ekki upp hjá fjölskyldunni. Hér heima ætlaði hann sér að
vera við undirbúning fyrir Ólympíuleikana í Aþenu, sem verða síð-
asta stórmótið sem hann tekur þátt í á ferlinum.
Morgunblaðið /RAX
Jón Arnar Magnússon tugþrautarkappi ætlar að ljúka keppn-
isferlinum á Ólympíuleikunum í Aþenu næsta sumar.
Eftir
Ívar
Benediktsson
Jón Arnar
flytur heim
á nýjan leik
ÞJÁLFARANÁMSKEIÐ KSÍ
KSÍ II (B-stig)
14.-16. nóvember í Reykjavík og Reykjaneshöll
21.-23. nóvember í Reykjavík og Reykjaneshöll
21.-23. nóvember á Akureyri
Knattspyrnusamband Íslands heldur ofangreind KSÍ II þjálfaranám-
skeið í Reykjavík, Keflavík og Akureyri. Námskeiðin eru fyrir þá sem
lokið hafa KSÍ I (A-stigi eða knattspyrnuáfanga í framhaldsskóla með
einkunina 7,0 að lágmarki). Námskeið KSÍ eru bæði bókleg og verkleg
og því þurfa þátttakendur að hafa með sér útbúnað til knattspyrnuiðk-
unar. Námskeiðsgjald er 12.000 krónur. Dagskrá námskeiðsins má
sjá á heimasíðu KSÍ (www.ksi.is).
Skráning er hafin á skrifstofu KSÍ sem veitir allar nánari upplýsingar
í síma 510 2900.
GÓÐ ÞJÁLFUN —
BETRI KNATTSPYRNA