Morgunblaðið - 13.11.2003, Blaðsíða 55

MORGUNBLAÐIÐ FIMMTUDAGUR 13. NÓVEMBER 2003 55
LÍKLEGT er að færeysku landsliðs-
mennirnir Hans Fróði Hansen og
Fróði Benjaminsen gangi til liðs við
Fram á næstunni. Framarar hafa
átt í samningaviðræðum við leik-
mennina undanfarnar vikur.
Báðir leika þeir með B68 frá
Tóftum, sama liði og markvörður-
inn Albert Sævarsson frá Grindavík
leikur með.
Miðjumaður og miðvörður
Fróði Benjaminsen er 26 ára
gamall miðjumaður sem leikið hef-
ur 20 leiki með færeyska A-lands-
liðinu og Hans Fróði Hansen er 28
ára gamall miðvörður, 193 sentí-
metrar á hæð, sem á 25 leiki að baki
með landsliði Færeyinga en hann
lék um tíma með Sogndal í Noregi
og HB og lék þá undir stjórn Rúm-
enans Ion Geolgau, nýráðins þjálf-
ara Fram.
Fram í baráttuna um Þorvald
Þá hafa Framarar sett sig í sam-
band við Þorvald Makan Sigbjörns-
son, fyrirliða KA-liðsins. Þorvaldur
er þegar kominn með í hendur til-
boð frá Fylkismönnum og staðfesti
hann það í samtali við Morgun-
blaðið í gær en eins og fram hefur
komið þá rennur samningur hans
við KA út um áramótin.
Þorvaldur Makan segir að það
muni ráða úrslitum hvort hann spili
áfram með KA, eða fyrir sunnan,
hvernig atvinnumál hans fara en
hann er að þreifa fyrir sér á vinnu-
markaðnum.
Tveir færeyskir lands-
liðsmenn á leið til Fram
Eftir aðeins tíu mínútna leik tókuValsstúlkur leikhlé en þá var
staðan 6:1. Við það lagaðist leikur
gestanna og fram að
leikhléi skiptust liðin
á að skora og þegar
gengið var til bún-
ingsherbergja hafði
hvort lið skorað tíu mörk í viðbót,
16:11. Íslandsmeistararnir höfðu góð
tök á leiknum framan af síðari hálf-
leik og þægilega forystu en Vals-
stúlkur gáfust ekki upp og af miklu
harðfylgi með Drífu Skúladóttur sem
besta mann tókst þeim að minnka
muninn í tvö mörk þegar átta mín-
útur voru til leiksloka. Þá hrökk
Eyjaliðið aftur í gang og jók forskot-
ið upp í fimm mörk þegar þrjár mín-
útur voru eftir. Valsstúlkur náðu að-
eins að laga sinn hlut á
lokamínútunni en öruggur Eyjasigur
staðreynd. Anna Yakova fór á kost-
um í liði ÍBV, skoraði mörg glæsileg
mörk og sýndi og sannaði að hún er
einn besti leikmaður deildarinnar.
Hjá gestunum var Berglind Hans-
dóttir í miklu stuði í markinu, varði
oft á tíðum með miklum tilþrifum og
var besti leikmaður liðsins ásamt
Drífu Skúladóttur.
Ákveðnar í að stimpla sig inn
Aðalsteinn Eyjólfsson, þjálfari
ÍBV, sagði eftir leikinn að lið sitt hafi
virkilega verið tilbúið í leikinn.
„Munurinn hefur verið oft að við för-
um illa með dauðafæri, það er hluti af
einbeitingu og að kollurinn sé ekki í
lagi. Við spilum góðan bolta en stund-
um vantar síðustu sendinguna. Þær
eltuokkur alltaf en að sama skapi
geta þærverið fúlar út í okkur að hafa
ekki klárað þennan leik. Í stöðunni
einum fleiri og fimm til sex mörkum
yfir fengum við fullt af færum maður
á móti manni og Begga má eiga það
að hún varði oft frábærlega hér í
kvöld.“ Aðalsteinn sagði stemn-
inguna í höllinni hafa verið frábæra.
„Öll umgjörð um leikinn er Vest-
mannaeyingum til mikils sóma. Mér
fannst frábært að sjá fullt hús hérna í
kvöld og stelpurnar sýndu að þær
voru tilbúnar. Ég sá það á hverju
andliti síðustu tvo til þrjá daga að það
kom ekki annað til greina hjá stelp-
unum en að klára þennan leik og
stimpla sig almennilega inn í þetta
mót.“
Töpuðum þessu í byrjun
„Við byrjuðum hræðilega og það
má segja að við höfum tapað leiknum
strax í byrjun. Ég tók leikhlé og þá
lagaðist þetta aðeins,“ sagði Guðríð-
ur Guðjónsdóttir, þjálfari Vals, að
leikslokum en bætti við að hún hafi
aldrei misst trúna á sínu liði. „Mér
fannst við alltaf eiga möguleika. Við
vorum búin að minnka niður í tvö
mörk og áttum möguleika að minnka
niður í eitt en þá köstuðum við bolt-
anum beint í hendurnar á þeim í
hraðaupphlaupi. En þetta er bara
svona og kemur bara næst.“
Guðríður sagði liðin vera jöfn þótt
þau væru mjög ólík. „ÍBV er skyttul-
ið en ég er meira með litlar, snöggar
stelpur. Við höfum enga stórskyttu
en þær hafa Öllu, Yakovu og svo
Nínu á bekknum. Við þurfum að spila
meira upp á hraðann og það gekk
ekki upp í kvöld. Við þurfum líka að
koma Gerði Betu í form, hún hefur
nú hingað til verið álitin góð skytta
og eins er Drífa sem er fyrsti val-
kostur landsliðsins á miðjunni hörku-
skytta og sýndi það í kvöld. Hún og
Berglindi í markinu voru bestu leik-
menn mínir, Berglind sýndi það að
hún er toppurinn í markvörslu á Ís-
landi í dag. Aðrar stelpur í mínu liði
spiluðu undir getu í kvöld.“
Morgunblaðið/Sigfús
Birgit Engl, austurríska landsliðskonan í ÍBV, kastar sér inn af línunni í leiknum við Val í
gærkvöld án þess að Drífa Skúladóttir og Anna María Guðmundsdóttir nái að stöðva hana.
Meistarar ÍBV
fögnuðu í Eyjum
ÞAÐ var gríðarleg stemning í íþróttahúsinu í Vestmannaeyjum í
gærkvöldi þegar efsta lið 1. deildarkeppni kvenna, RE/MAX-
deildar, kom í heimsókn. Eyjamenn létu sig ekki vanta og voru um
600 manns í höllinni og hávaðinn eftir því. Eyjastúlkur, sem hafa oft
í vetur brennt sig á að byrja leiki illa, ætluðu sér ekki að láta það
gerast í gær, gríðarleg barátta var í liðinu og skoruðu þær hvert
markið á fætur öðru í upphafi án þess að gestirnir næðu að svara.
ÍBV var með yfirhöndina í hálfleik, 16:11, en Valsstúlkur náðu að
klóra í bakkann í þeim síðari, en það dugði ekki til, þar sem heima-
liðið sigraði, 28:25.
Sigursveinn
Þórðarson
skrifar

ÓLAFUR Stefánsson var marka-
hæstur hjá Ciudad Real með 7 mörk
þegar liðið vann Granollers, 25:22, á
útivelli í spænsku 1. deildinni í hand-
knattleik í gærkvöld. Ciudad Real er
þar með áfram með þriggja stiga for-
skot á Barcelona, sem vann Teucro,
36:26.

GUÐJÓN Þórðarson og lærisvein-
ar hans í Barnsley féllu í gærkvöld
út úr bikarkeppni ensku neðri
deildaliðanna í knattspyrnu. Þeir
töpuðu, 1:0, fyrir Sheffield Wedn-
esday.

PAVEL Ermolinskij var í leik-
mannahópi franska úrvalsdeildar-
liðsins Vichy sem tapaði á útivelli,
78:96, gegn franska liðinu Saos JDA
Dijon í bikarkeppni Evrópu í körfu-
knattleik. Pavel er 16 ára íslenskur
unglingalandsliðsmaður en hann
kom ekki við sögu í leiknum.

WAYNE Rooney, miðherji Ever-
ton, er allur að hressast eftir að hafa
verið slappur af flensu síðustu daga.
Þar er sennilegt talið að hann geti
verið með enska landsliðinu gegn því
danska í vináttuleik á Old Trafford í
Manchester á sunnudag.

LEEDS United hefur hafið við-
ræður við Paul Hart, knattspyrnu-
stjóra Nottingham Forest, um að
taka við knattspyrnustjórastöðunni
hjá félaginu í stað Peter Reids sem
rekinn var á mánudag. Hart er efst-
ur á óskalista forráðamanna Leeds
en hann var á sínum tíma þjálfari hjá
yngri liðum félagsins.

COLIN Cameron, miðvallarleik-
maður Wolves, hefur orðið að draga
sig út úr skoska landsliðinu í knatt-
spyrnu sem mætir Hollendingum í
tveimur leikjum um sæti á EM.
Cameron er meiddur.

NIÐURSTAÐA úr B-lyfjaprófi
Saadi Al Gaddafis liggur nú fyrir og
er hún á sömu leið og í A-sýninu, þ.e.
merki um ólögleg lyf. Sonur Líbýu-
leiðtogans á því yfir höfði sér keppn-
isbann og því ósennilegt að hann
leiki með Perugia á næstunni eins og
vonir hans stóðu til.

PERUGIA hefur ekki gengið allt
of vel í deildinni í vetur en liðið leikur
einnig í UEFA-bikarnum. Í gær
meiddist slóvenskur markvörður
liðsins, Zeljco Kalac, og verður frá í
mánuð. Hann mun því vart leika fyrr
en á nýju ári því Ítalir taka sér hlé
frá knattspyrnuiðkun yfir jólin.

STEVEN Howard, leikmaður 1.
deildarliðs Skallagríms, í körfu-
knattleik fór hamförum í sigurleik
liðsins gegn ÍS um sl. helgi og skor-
aði alls 60 stig – rúmlega helming
stiga liðsins. Leikurinn var tvífram-
lengdur, 83:83, 95:95, loktölur
97:106. Howard er að jafna sig eftir
kjálkabrot, og því er athyglisvert að
fylgjast með Bandaríkjamanninum
þessa dagana.
FÓLK
HANNES Þ. Sigurðsson knattspyrnu-
maður hjá Viking Stavanger í Noregi
sagði við Morgunblaðið í gær að að öllu
óbreyttu yrði hann um kyrrt hjá félag-
inu. Hannes lýsti því yfir undir lok
tímabilsins að hann vildi komast burtu
frá félaginu þar sem hann var ósáttur
við hversu fá tækifæri hann fengi með
liðinu. Í kjölfarið settu forráðamenn
Lilleström sig í samband við Viking
með það fyrir augum að fá íslenska
framherjann í sínar raðir.
„Lilleström vildi fá mig á leigu en
Viking var því mótfallið og þar með er
málið dautt. Ég býst því ekki við öðru
en að ég klári minn samning hjá Vik-
ing,“ sagði Hannes við Morgunblaðið.
Hannes skoraði tvö mörk fyrir Vik-
ing í lokaumferð norsku úrvalsdeild-
arinnar og segir Hannes að hann hafi
þar með vonandi sannað sig fyrir þjálf-
aranum og fái þar að leiðandi að spila
meira en hann gerði á nýafstöðnu
tímabili.
Viking vill
ekki lána
Hannes Þ.
ÍÞRÓTTIR