Morgunblaðið - 14.11.2003, Side 1

Úr þagnar-
bindindi
Todmobile kemur saman á ný og
leikur með Sinfóníunni Fólk 58
Söngurinn í
fyrsta sæti
Kiri Te Kanawa í viðtali um
söngferil sinn Miðopna
Æfir af
krafti
Jón Arnór Stefánsson býr sig
undir átökin í NBA Íþróttir 52
STOFNAÐ 1913 309. TBL. 91. ÁRG. FÖSTUDAGUR 14. NÓVEMBER 2003 PRENTSMIÐJA ÁRVAKURS HF. mbl.is
FELA þarf stjórn í Írak í hendur „full-
trúasamkomu“ heimamanna fyrir áramót,
sagði utanríkisráðherra Frakklands,
Dominique de Villepin, í gær.
„Heimsbyggðin getur ekki beðið leng-
ur,“ sagði ráðherrann í viðtali við útvarps-
stöðina Europe 1. „Ýmsir fulltrúar Banda-
ríkjamanna í Írak eru enn fastir í sama
gamla farinu sem hersetulið hafa ætíð ver-
ið í. Þeir segjast þurfa meiri tíma. En því
miður myndi meiri tími einungis leiða til
meira mannfalls,“ sagði de Villepin.
Aftur á móti lofaði hann því að Frakkar
myndu áfram styðja bandarísk stjórnvöld,
sem stæðu frammi fyrir „harmleik“.
Frakkar væru til taks, því að „öryggi
heimsbyggðarinnar“ lægi við.
Hillir undir stefnubreytingu
Bandarískir fjölmiðlar greindu frá því
gær, að stjórnvöld væru komin á fremsta
hlunn með miklar breytingar á stefnu sinni
í Írak, en undanfarna daga hafa staðið
mikil fundahöld í Hvíta húsinu um málið.
Eitt af því sem til greina þætti koma væri
að Bandaríkin létu af yfirráðum sínum í
landinu áður en forsetakosningar fara
fram þar í landi að ári. The Washington
Post sagði að George W. Bush forseti hefði
í hyggju að koma á fót nýju ráði sem veita
myndi Írökum „að mestu leyti eigin
stjórn“ næsta sumar og „ef til vill“ láta af
yfirráðum fyrir forsetakosningarnar.
De Villepin kvaðst hafa heyrt talað um
að írösk fulltrúasamkoma yrði sett á fót
næsta sumar, en það væri „alltof seint.
Málið þolir enga bið“.
Írakar fái
eigin stjórn
fyrir árslok
Utanríkisráðherra
Frakka segir málið
ekki þola neina bið
París, Washington. AFP.

Bush sagður/18
Reuters
Bandarískir hermenn leita stuðnings-
manna Saddams Husseins í gær.
RÁN var framið í verslun 11-11 í
Þverbrekku í Kópavogi rétt fyrir
lokun í gærkveldi. Maðurinn
komst á brott með einhvern ráns-
feng og leitar lögregla hans.
Lögreglan í Kópavogi var kvödd
á staðinn og samkvæmt upplýs-
ingum hennar kom maður í svartri
úlpu inn í verslunina klukkan 22.52
í gærkveldi, en þar voru þá tvær
stúlkur að störfum. Hann ruddi
stúlkunum frá sér, komst að pen-
ingakassa í versluninni og náði þar
einhverjum fjármunum, en ekki er
talið að um háar fjárhæðir sé að
ræða. Maðurinn hvarf síðan á
brott og er ekki vitað með hvaða
hætti hann fór af ránsstaðnum.
Að sögn lögreglunnar slösuðust
starfsmennirnir ekki í ráninu.
Maðurinn virðist ekki hafa beitt
vopni.
Hann var að sögn sjónarvotta
klæddur í svarta eða dökka úlpu
með loðkraga, klæddur hvítum
skóm og í snjáðum gallabuxum.
Lögreglan í Kópavogi biður þá
sem urðu varir við mann sem svar-
ar til þessarar lýsingar að gefa sig
fram.
Rán í 11–11 í Kópavogi
Lögreglan leitar
manns í dökkri
úlpu með loðkraga
EVRÓPUMENN hafa lengi lýst
Bandaríkjunum sem landi glæp-
anna og niðurstöður nýrrar
breskrar rannsóknar koma því
mörgum á óvart, en hún leiddi í
ljós að flestar tegundir glæpa eru
algengari í Evrópu en Bandaríkj-
unum.
Skýrt er frá niðurstöðunum í
danska dagblaðinu Berlingske Tid-
ende og þar kemur fram að inn-
brot eru þrisvar sinnum algengari
í Danmörku en í Bandaríkjunum
miðað við mannfjölda. Þá eru rán
66% algengari í Frakklandi og
hættan á því að verða fyrir árás er
meiri í Englandi en í Bandaríkj-
unum.
Í skýrslunni kemur fram að
skráðum afbrotum fjölgaði um 4%
í löndum Evrópusambandsins á ár-
unum 1997 til 2001 en fækkaði í
Bandaríkjunum um tíu af hundr-
aði.
Að sögn Berlingske Tidende
telja bandarískir sérfræðingar
engan vafa leika á því að þyngri
fangelsisdómar á síðustu tíu árum
og bætt löggæsla hafi orðið til
þess að glæpum fækkaði í Banda-
ríkjunum.
Glæpir
algengari í
Evrópu en
vestanhafs
TIL umræðu er að fjórir innlendir fjárfestahóp-
ar komi að rekstri Norðurljósa samskiptafélags
hf. en á hluthafafundi sem haldinn verður í dag
verður tekin fyrir tillaga um að færa niður
hlutafé um 80% og heimila stjórn að gefa út nýtt
hlutafé fyrir svipaða upphæð. Þeir fjórir fjár-
festahópar, sem hér er um að ræða, eru sam-
kvæmt upplýsingum Morgunblaðsins aðilar á
vegum Jóns Ásgeirs Jóhannessonar, forstjóra
Baugs, aðilar sem tengjast S-hópnum svokall-
aða, aðilar á vegum Kára Stefánssonar, forstjóra
Íslenzkrar erfðagreiningar, og Kaupþing-Bún-
aðarbanki en bankinn er helzti lánardrottinn
Norðurljósa. Hugmyndin mun vera sú, að marg-
ir aðilar geti komið til sögunnar innan ramma
þessara fjögurra fjárfestingarhópa. Gert er ráð
fyrir að um verði að
ræða tiltölulega jafna
hluti.
Evans gerir tilboð
Jón Ólafsson, stjórn-
arformaður og aðaleig-
andi Norðurljósa, sagði
á starfsmannafundi fé-
lagsins í gær að tvær
leiðir kæmu til greina til að tryggja áframhald-
andi rekstur félagsins. „Það eru tveir aðilar sem
hafa sýnt þessu áhuga og ég get ekki tjáð mig
meira um það á þessu stigi málsins, en þið megið
treysta því að það eru báðir aðilar mjög góðir að-
ilar, hvor sem verður,“ sagði Jón á fundinum.
Samkvæmt heimildum Morgunblaðsins gerði
Bretinn Marcus Evans, sem sýnt hefur Norður-
ljósum áhuga að undanförnu, í gær tilboð í rekst-
ur félagsins. Fram hefur komið að Evans reki
fyrirtæki með um 2.000 starfsmönnum í 41 landi,
sem velti ríflega 26,5 milljörðum króna árlega.
Jóhann Hlíðar Harðarson, trúnaðarmaður fé-
lagsmanna í Blaðamannafélagi Íslands hjá
Norðurljósum, sagði að litlar upplýsingar hefðu
komið fram á starfsmannafundinum; þær fréttir
hefðu verið helztar að það væru engar fréttir.
„Menn héldu að það myndi eitthvað gerast á
fundinum, en svo var okkur sagt að eitthvað væri
að gerast, þ.e. það stæðu yfir viðræður. Þá var
okkur sagt að við gætum sofið róleg um næstu
helgi og næstu helgar,“ sagði Jóhann Hlíðar.
Rætt um að fjórir hópar
komi að Norðurljósum
LÖGREGLAN í Reykjavík af-
stýrði árás 20–30 ungmenna á
íbúð hjóna í fjölbýlishúsi við
Miklubraut í fyrrakvöld. Kvöldið
áður, eða á þriðjudagskvöld, var
brotist inn í herbergi 16 ára gam-
als sonar þeirra sem býr í kjallara
fjölbýlishússins og eigur hans
skemmdar. Að sögn piltsins, sem
ekki vill láta nafns síns getið,
voru skemmdarvargarnir að
gera alvöru úr hótun sinni við
vinkonu hans.
Enginn hefur verið handtekinn
vegna málsins. Geir Jón Þórisson
yfirlögregluþjónn segir lögregl-
una líta þessa atburði alvarlegum
augum. Hann telur þó ekki að
þarna sé um gengjaátök að ræða
heldur átök milli einstaklinga
sem svo safna liði. „Þetta eru ein-
hver óuppgerð mál. Þetta eru
einstaklingar í sitt hvorum hópn-
um sem hefur eitthvað lent sam-
an,“ segir hann.
Morgunblaðið/Þorkell
Íbúinn við Miklubraut í herbergi sínu, þar sem brotist var inn og unnin skemmdarverk.
Brutust inn og unnu
skemmdarverk

Lögreglan afstýrði/4