Morgunblaðið - 14.11.2003, Blaðsíða 4

FRÉTTIR
4 FÖSTUDAGUR 14. NÓVEMBER 2003 MORGUNBLAÐIÐ
RÍKISÚTVARPIÐ er að hefja
útvarpssendingar á FM-tíðn-
inni 87,7 þar sem klassískri tón-
list verður aðallega útvarpað.
Eyjólfur Valdimarsson, for-
stöðumaður þróunardeildar
RÚV, segir þessa útsendingu
vera hluta af tilraunum með
stafrænt hljóðvarp, sem unnið
sé að í samvinnu við Háskóla
Íslands.
Ríkisútvarpið er að taka í
notkun stafrænan útvarpssendi
sem er nýmæli hér á landi, seg-
ir Eyjólfur. Til að taka á móti
sendingum frá sendinum þurfi
sérstakt stafrænt viðtæki.
Samtímis tilraunaútvarpinu
verði dagskráin því send út á
hefðbundan hátt á FM bylgju
svo almenningur geti heyrt út-
sendinguna í venjulegum við-
tækjum.
Eyjólfur segir ekki enn búið
að ákveða hvenær dagskrá út-
varpsstöðvarinnar fari í loftið.
Það verði á næstunni. Búið sé
að setja upp einn sendi í
Reykjavík og ekki á dagskrá að
sendingin nái um allt land.
RÚV með
nýja út-
varpsstöð
FULL ástæða er fyrir astma-
sjúklinga til að huga að góðri
loftræstingu í eldhúsum þar
sem notaðar eru gaseldavélar að
mati Björns Árdal sérfræðings í
astma hjá börnum. Lofttegund-
ir sem leysast úr læðingi við
notkun gass geta haft ertandi
áhrif á öndunarfæri og ættu þeir
sem viðkvæmir eru að gæta sín.
Notkun gaseldavéla í heima-
húsum hefur aukist töluvert á
síðustu árum hérlendis. Gerðar
hafa verið rannsóknir á áhrifum
gass á astmasjúklinga og leiddi
ein ítölsk rannsókn, þar sem
fylgst var með 700 stúlkum á
aldrinum 11 til 13 ára, í ljós að
300 stúlknanna þurftu að auka
lyfjanotkun sína ef þær dvöldu
lengi í eldhúsinu.
Ekki liggur samt fyrir nein
vitneskja um að fólk fái beinlínis
astma af því að nota gas við mat-
seldina. En hinir ættu að gæta
sín að mati Björns.
KONA á fimmtugsaldri, sem
slasaðist alvarlega í árekstri
tveggja bíla við Eiðsgranda 7.
nóvember sl., er á batavegi á
Landspítalanum í Fossvogi. Hún
losnaði úr öndunarvél í gær en
liggur áfram á gjörgæsludeild-
inni og er líðan hennar eftir atvik-
um, að sögn vakthafandi læknis.
Á batavegi
eftir slys
ALVARLEG slagsmál brutust
út í Vogaskóla í gær milli
tveggja drengja sem enduðu
með því að annar þeirra missti
meðvitund. Hafði hann verið
sleginn niður og traðkað á hon-
um. Kallað var á sjúkrabifreið
en þegar hún kom á staðinn var
drengurinn kominn til meðvit-
undar aftur, en fluttur á slysa-
deild. Lögreglan í Reykjavík
rannsakar málið.
Meðvitund-
arlaus eftir
slagsmál
Astmaveikir
sýni varúð
Gaseldavélar
LÖGREGLAN í Reykjavík afstýrði í fyrrakvöld
stórri árás 20 til 30 manna á íbúa í íbúð við Miklu-
braut. Hjón, með barn, búa í íbúðinni en 16 ára
gamall sonur þeirra býr í herbergi í kjallara húss-
ins. Á þriðjudagskvöld var brotist inn í herbergi
piltsins og unnin skemmdarverk á eigum hans,
sjónvarp og útvarp eyðilögð, spegill brotinn og
DVD-spilara stolið. Pilturinn, sem ekki vill láta
nafns síns getið, segist þekkja til árásarmannanna
og að þeir hafi verið að láta verða af hótun sinni við
vinkonu piltsins. Árásarmennirnir hafi verið í leit
að öðrum pilti og töldu vinkonuna vita hvar hann
væri niðurkominn. Vinkonan gat engu svarað
þrátt fyrir hótanir þeirra um að ráðast inn í her-
bergið og vinna þar skemmdarverk.
Þegar pilturinn sá hvernig komið var fór hann
upp í íbúð foreldra sinna, sem er á annarri hæð í
sama húsi, og hafði næturstað þar.
Kvöldið eftir, á miðvikudagskvöld, fékk lögregl-
an veður af fyrirhugaðri árás og sendi mannafla á
staðinn til að taka á móti árásarliðinu. Flestir
flúðu þegar þeir sáu lögregluna en þeir sem náðist
í voru afvopnaðir og látnir fara. Þeir voru vopnaðir
hafnaboltakylfum og öðrum bareflum. Enginn var
samt handtekinn, að sögn Geirs Jóns Þórissonar
yfirlögregluþjóns, enda var um fyrirbyggjandi að-
gerð að ræða af hálfu lögreglunnar.
Ekki um gengjaátök að ræða
Síðar um nóttina gerðu nokkrir úr hópnum aðra
tilraun og tókst þá að brjóta rúðu í húsinu á meðan
húsráðendur voru heima. Lögreglan kom þá öðru
sinni en greip í tómt þar sem árásarmenn voru á
bak og burt. Geir Jón segir lögregluna líta þessa
atburði alvarlegum augum. Hann vill ekki meina
að þarna sé um gengjaátök að ræða heldur átök
milli einstaklinga sem svo safna liði. „Þetta eru
einhver óuppgerð mál. Þetta eru einstaklingar í
sitt hvorum hópnum sem hefur eitthvað lent sam-
an,“ segir Geir Jón og bætir við að einstakling-
unum hafi lent saman fyrir einhverjum tíma og að
átök virðist blossa upp af og til.
Lögreglan afstýrði stórri árás
við Miklubraut í fyrrakvöld
Gripdeildir og skemmd-
arverk kvöldið áður
Morgunblaðið/Þorkell
Skemmdir voru unnar á eigum 16 ára pilts í
kjallaraherbergi fjölbýlishúss við Miklubraut.
NÝTT kortatímabil hófst í gær og
segir Sigurður Jónsson, fram-
kvæmdastjóri Samtaka verslunar
og þjónustu, að þar með hafi jóla-
verslunin hafist.
„Það er margsannað að nýtt
kortatímabil hefur áhrif,“ segir
Sigurður. „Menn eru búnir að vera
að skoða en núna fer fólk að
kaupa.“
Að sögn Sigurðar geta verslanir
valið um hvort þær séu með fast út-
tektartímabil frá 18. dags mánaðar
til 17. dags næsta mánaðar eða ver-
ið með breytilegt tímabil.
Sigurður segir að mjög margar
verslanir velji gjarnan breytilegt
tímabil og þá hefjist nýtt tímabil um
þessar mundir, 13. nóvember, 6.
desember og 8. janúar.
Það má því búast við að nú fari að
fjölga í verslunum fram að jólum.
Verslun eykst með
nýju kortatímabili
Morgunblaðið/Júlíus
Það er margt um manninn í Kringlunni þessa dagana líkt og víða.
Í YFIRLÝSINGU frá Páli Skúlasyni
háskólarektor, sem birtist í Morg-
unblaðinu laugardaginn 8. nóv-
ember, var orði breytt í meðförum
blaðsins og breytti það merkingu
yfirlýsingarinnar. Þessi breyting á
textanum samræmist ekki vinnu-
reglum blaðsins. Morgunblaðið bið-
ur Pál Skúlason háskólarektor af-
sökunar á mistökunum.
Afsökunarbeiðni
ÞAÐ þarf að draga skýra línu á milli
fréttaefnis og auglýsinga, sagði Bogi
Ágústsson, forstöðumaður frétta-
sviðs Ríkisútvarpsins, á fundi sem
Politica, félag stjórnmálafræðinema,
hélt í Háskóla Íslands í gær.
„Mér ógnar það sem ég heyrði í
gær og það sem ég heyri í dag, það
að það sé verið að bjóða mönnum að
koma í umræður eða umfjöllun gegn
greiðslu,“ sagði Bogi, og vísaði þar
til fréttar um að bókaútgefendum
hefði verið boðin góð umræða gegn
greiðslu í þættinum Ísland í dag á
Stöð 2, eins og greint var frá í Morg-
unblaðinu á miðvikudag.
Einnig minntist hann á það sem
hann hefur frá stjórnmálaflokk-
unum að þeir hafi verið beðnir um að
kosta sinn kandídat í umræðuþætti
fyrir kosningarnar. „Þarna erum við
komin út á mjög, mjög hálan ís, en
með hvaða hætti við ætlum að koma
í veg fyrir þetta er mér ekki ljóst,“
sagði Bogi. Hann ítrekaði að tvennt
yrði að vera alveg ljóst þegar kemur
að fjölmiðlum; hver eigi miðilinn og
hvað sé auglýsing og hvað sé rit-
stjórnarlegt efni.
Gagnsæi eitt af grunngildunum
Fundurinn var haldinn af félagi
stjórnmálafræðinema, og var rætt
um reglur um eignarhald á fjöl-
miðlum, hættu á fákeppni á fjöl-
miðlamarkaðnum og annað tengt
fjölmiðlum. Auk Boga sátu fyrir
svörum ritstjóri Fréttablaðsins,
varaformaður Samfylkingarinnar og
prófessorar í stjórnmálafræði og
fjölmiðlafræði.
Ingibjörg Sólrún Gísladóttir,
varaformaður Samfylkingarinnar,
sagði m.a. að mikilvægt væri að við-
halda vissum grunngildum þegar
kæmi að fjölmiðlum, gildum eins og
málfrelsi, fjölbreytni, sjálfstæði og
gagnsæi. Hún sagðist ekki sjá þörf á
því að rjúka til og setja lög um eign-
arhald á fjölmiðlum í kjölfar samein-
ingar Fréttablaðsins og DV, en
sagði að vel mætti skoða að setja í
lög að eignarhald á fjölmiðlum verði
öllum ljóst.
Þorbjörn Broddason, prófessor í
fjölmiðlafræði, sagði gagnsæið mik-
ilvægt í þessu samhengi, og taldi
rétt að auka möguleika almennings
til þess að vita hver á ákveðna fjöl-
miðla til að hægt sé að gera sér
grein fyrir eignartengslum. Undir
þetta tók Ólafur Þ. Harðarson, pró-
fessor í stjórnmálafræði, sem sagði
þó að Alþingi þurfi að stíga varlega
til jarðar hvað varðar löggjöf um
eignarhald á fjölmiðlum til að skerða
ekki stjórnarskrárbundinn rétt
manna til að eiga fyrirtæki. Hann
sagði þó að lög um gagnsæi komi vel
til greina í því samhengi. Ólafur
minnti þó á það að neytendur hafi
síðasta orðið og ef þeir verði varir
við slagsíðu hjá ákveðnum fjölmiðli
hætti þeir einfaldlega að taka mark
á honum.
Gunnar Smári Egilsson, ritstjóri
Fréttablaðsins, sagði það „algerlega
ófært“ að setja lög um eignarhald á
fjölmiðlum, og vísaði til orða Ólafs
um hvernig slíkt gæti brotið gegn
stjórnarskrá. Hann benti á að sam-
keppnislög myndu hindra sömu aðila
í að eignast mörg fyrirtæki á þessum
markaði eins og hverjum öðrum
markaði.
Forstöðumaður fréttasviðs RÚV gagnrýnir umfjöllun gegn greiðslu á fundi
„Komin út á mjög, mjög hálan ís“
Morgunblaðið/Jim Smart
Bogi: „Mikilvægt að hafa skýr skil milli auglýsinga og ritstjórnarefnis.“
STUTT