Morgunblaðið - 14.11.2003, Blaðsíða 24
AUSTURLAND
24 FÖSTUDAGUR 14. NÓVEMBER 2003 MORGUNBLAÐIÐ
NÚ ERU haustverkin hafin í loð-
dýraræktinni. Fréttaritari Morg-
unblaðsins kom við í skinnaverk-
uninni hjá Tindafelli ehf. Það er
Jón Sigurðsson í Teigaseli II á Jök-
uldal sem er þar nýbyrjaður að lóga
mink og verka skinn.
Sigrún Benediktsdóttir, bóndi í
Teigaseli I stendur við skraparann
og skrapar minkaskinn af miklum
móð. Þennan dag hafði hún skrap-
að um 200 högnaskinn og þótti gott.
Minkaskinn skröpuð af miklum móð
Morgunblaðið/Sigurður Aðalsteinsson
Reyðarfjörður | Nýr skemmtistað-
ur verður opnaður á Reyðarfirði í
dag. Staðurinn hefur hlotið nafnið
zalza og er til húsa þar sem félags-
heimilið Félagslundur var áður. Til
að byrja með verður opið í zalza öll
föstudags- og laugardagskvöld, en
fljótlega er ráðgert að hefja dag-
lega veitingasölu og verður stað-
urinn þá opinn alla daga vikunnar.
Þá eru í framtíðinni fyrirhugaðar
bíósýningar, leik- og listsýningar
af ýmsum toga í húsinu.
Á undanförnum þremur mánuð-
um hefur húsnæðið verið endur-
nýjað að stórum hluta innandyra.
Meðal annars er búið að leggja
nýtt gólfefni í alla þrjá sali stað-
arins og byggður hefur verið nýr
og glæsilegur bar, auk margvís-
legra annarra endurbóta. Gert er
ráð fyrir frekari endurnýjun á hús-
næðinu eftir áramót og til að
mynda verður allt húsið málað að
utan.
Frísklegur staður
Fyrsti skemmtikrafturinn sem
stígur á svið í kvöld verður trúba-
dorinn Arnar Guðmundsson frá
Norðfirði.
Það er Kristján J. Kristjánsson
sem rekur zalza og hefur hann
leigt húsnæðið af Fjarðabyggð til
þriggja ára. „Ætlunin er að zalza
verði alhliða afþreyingar- og menn-
ingarmiðstöð fyrir íbúa Miðaust-
urlands og þá sem geskomandi eru
á svæðinu,“ segir Kristján. „Þar að
auki er stefnt að því að hefja dag-
lega veitingasölu fljótlega og verð-
ur þá bæði boðið upp á hefðbundna
skyndibita sem og fínni veislumat-
seðil. Zalza á í framtíðinni að vera
lifandi og frísklegur staður; dans-
og skemmtistaður á næturnar um
helgar, veitingastaður alla daga, og
kjölfesta menningar og afþreying-
ar þess á milli fyrir íbúa Fjarða-
byggðar og aðra Austfirðinga.“
Skemmtistaðurinn
Zalza opnaður
Nú skal dansinn duna á Reyð-
arfirði: Kristján J. Kristjánsson er í
dag að opna nýjan veitinga- og
skemmtistað sem ber nafnið Zalza.
Þórudalsheiði | Unnið er að lag-
færingum á veginum um Þórudals-
heiði milli Skriðdals og Reyð-
arfjarðar, en þar mun önnur af
tveimur raflínum Kárahnjúkavirkj-
unar yfir að álveri á Reyðarfirði
liggja.
Hin mun liggja um Hallsteinsdal
og á þar einnig eftir að lagfæra
vegslóða. Vegagerðin sér um veg-
bæturnar og kostar til þess fjórum
milljónum nú, en semja á um
skiptingu kostnaðar vegna áfram-
haldandi viðgerða við Lands-
virkjun.
Jólatré til Berlínar | Jólatré við
sameiginlegt hús sendiráða Norð-
urlandanna í Berlín kemur í ár frá
Hallormsstað. Norðurlöndin
skiptast á um að leggja til jólatré
við húsið og eru Íslendingar næst-
ir. Þór Þorfinnsson skógarvörður í
Hallormsstað hefur þegar fundið
rétta tréið, fjallaþin á ellefta metra.
Tréð verður fellt á mánudag og
sett í skip á Eskifirði síðar í næstu
viku. Aldrei fyrr hefur tré úr skóg-
inum verið flutt slíka vegalengd.
Lagarfossvirkjun | RARIK og
verkfræðistofan VST vinna nú að
hönnun á stækkun Lagarfossvirkj-
unar. Verkið verður væntanlega
boðið út á næsta ári. Auka á orku-
framleiðslu virkjunarinnar um 130
gígawattstundir, úr ríflega 60 í
190.
Gert er ráð fyrir að vegna Kára-
hnjúkavirkjunar og tilflutnings
vatns í Lagarfljót muni vatns-
rennsli um Lagarfossvirkjun
aukast úr 55 í 180 rúmmetra.
Byggja á nýtt hús við hlið gamla
stöðvarhússins, undir annan vatns-
hverfil og breikka og dýpka inn-
taksskurð ofan við virkjunina.
Ætlunin er að framkvæmdum
verði lokið þegar Kárahnjúkavirkj-
un kemst í gagnið árið 2007.
Neskaupstaður | Litla kaffihúsið í Neskaupstað kúrir
eins og svolítið til hliðar við aðalgötu bæjarins og þaðan
leggur lokkandi angan langleiðina niður á hafnarbakkann.
Það er Sigríður Vilhjálmsdóttir sem hefur rekið Nesbæ
– Litla kaffihúsið í fimm ár og segir þetta frumraun sína í
viðskiptalífinu.
„Mig langaði að prófa verslunarrekstur sjálf eftir að
hafa verið húsmóðir og unnið í verslun“ segir Sigríður.
„Norðfirðingar og aðkomufólk taka versluninni og kaffi-
húsinu mjög vel og hann fer smám saman stækkandi
kjarninn af fólki sem kemur hér og verslar. Ég held bara
að fólk sé býsna ánægt með að geta sest hér niður og
fengið sér kaffisopa og eitthvað gott með honum í erli
dagsins.“
Versluninni er nostursamlega fyrir komið í gömlu hús-
næði frá árinu 1907 eða þar um bil. Kaffi- og tebaukar
þekja stóran hluta veggjar, litrík postulínsvara, ýmislegt
kruðerí og heilsutengdur varningur á öðrum veggjum.
Rétt fyrir ofan girnilegar tertur tróna handmálaðir ítalsk-
ir diskar sem minna á suðræna sól og koparristur og sitt-
hvað fleira myndlistartengt er til sölu. Sjálft kaffihúsið er
svo í hálfgerðu bakherbergi búðarinnar, nokkur borð og
stólar í notalega litlu rými, útvarpið og blöðin, bannað að
reykja en ljúft að skrafa.
Sigríður er líka umboðsmaður happdrætta, þannig að
það er vinningsvon í fleirum en einum skilningi að líta við.
Harla ánægð með sitt
Litla kaffihúsið ber einnig heitið Nesbær og segir Sig-
ríður það arf forvera síns í verslun á staðnum, sem höndl-
aði með dúka og álnavöru. Í húsinu hefur verið ýmis ann-
ar verslunarrekstur og einhverntíma var þar áhaldahús
bæjarins. Sigríður er ein á vaktinni alla daga, en segist þó
fá hjálp þegar hún þurfi að bregða sér bæjarleið. „Þegar
maður er að vinna við það sem manni finnst skemmtilegt
þá finnur maður ekki svo mjög fyrir því að þetta sé lýj-
andi“ segir hún og virðist harla ánægð með sitt.
En um hvað skyldi nú helst skrafað á Litla kaffihúsinu?
„Fólk er mest að tala um álverið, allt í sambandi við það
og hvernig það muni koma til með að hafa áhrif á okkar líf
hér fyrir austan. Það hefur til dæmis þau áhrif að unga
fólkið, sem var að hugsa um hvort það ætti að vera hér
eða fara, hefur nú farið út í að kaupa hér eignir. Eldra
fólkið sem var orðið í of stóru húsnæði er farið að byggja
hér úti á bökkum litlar íbúðir. Svo að yngra fólkið hefur
farið í gömlu húsin og eldra fólkið í nýjar, litlar íbúðir sem
þarfnast ekki mikils viðhalds. Þetta þykir mér gott mál,“
segir Sigríður að lokum og hverfur á bak við til að snara
nýju bakkelsi á borð fyrir næsta viðskiptavin.
Ljúft að skrafa í
Litla kaffihúsinu
Morgunblaðið/Steinunn Ásmundsdóttir
Breytti kaffimenningunni í bænum: Sigríður Vilhjálms-
dóttir selur Norðfirðingum kaffi og te og „með því“.
Austur-Hérað | Íbúaþing Austur-
Héraðs 2003 var haldið í Valaskjálf á
Egilsstöðum í vikunni. Þema þingsins
var „Skólasamfélagið Austur-Hérað“
og markaði upphaf vinnu sem miðar
að mótun sameiginlegrar skólastefnu
í sveitarfélaginu. Þetta er í annað
sinn sem sveitarfélagið gengst fyrir
íbúaþingi. Í fyrrahaust var ímynd
Austur-Héraðs til umfjöllunar, upp-
lýsingamiðlun sveitarfélagsins, um-
fjöllunin út á við og þátttaka íbúa og
fyrirtækja í samfélaginu.
Samkvæmt aðstandendum þings-
ins var kjarni þess að fá sem breið-
asta sýn íbúa sveitarfélagsins á
markmið og leiðir í skólastarfinu.
Gerðu m.a. fulltrúar allra skóla sveit-
arfélagsins grein fyrir stefnu og
framtíðarsýn sinna skóla. Þá flutti
Jón Torfi Jónasson, prófessor við Há-
skóla Íslands, erindi þar sem hann
horfði til framtíðar skólasamfélagsins
á Austur-Héraði. Fimm vinnuhópar
störfuðu á þinginu og fjölluðu þeir um
leikskólann, grunnskólann, tónlistar-
skólann, framhaldsskólann og há-
skólamenntun.
Morgunblaðið/ÁÓ
Íbúaþing á Austur-Héraði: Tekist
var á um skólamálin, frá leikskóla á
háskólastig.
Rýnt í skóla-
starfið á Héraði
Neskaupstaður | Norðfirðingar
geta nú aftur farið í ræktina eins og
það er kallað, því á dögunum var
opnuð ný líkamsræktarstöð á
staðnum.
Stöðin er búin mjög fullkomnum
tækjum sem eru gjöf Samvinnu-
félags útgerðarmanna í Neskaup-
stað til Fjarðabyggðar í tilefni 60
ára afmælis sundlaugarinnar í Nes-
kaupstað.
Í bréfi sem fylgdi gjöfinni segir
meðal annars að sundlaugin sé bæj-
arbúum mjög kær, bæði sem
heilsubrunnur auk þess að vera
umgjörð ýmissa hátíða og skemmt-
ana og það sé von gefanda að gjöfin
muni skjóta fleiri stoðum undir
starfsemi sundlaugarinnar í fram-
tíðinni.
Engin líkamsræktarstöð hefur
verið starfrækt í Neskaupstað um
skeið og er nýja stöðin því kærkom-
in. Hún er til húsa að Egilsbraut 21
og eru það hjónin Víglundur Gunn-
arsson og Jóna Óskarsdóttir sem
reka hana. Í framtíðinni er áformað
að líkamsræktarstöðinni verði kom-
ið fyrir í nýrri byggingu við sund-
laugina í Neskaupstað.
Norðfirðingar
aftur í ræktina
Morgunblaðið/Ágúst Blöndal
Norðfirðingar verða ræktarlegri:
Samvinnufélag útgerðarmanna í
Neskaupstað gaf öll tæki í nýrri lík-
amsræktarstöð.