Morgunblaðið - 14.11.2003, Blaðsíða 15

MORGUNBLAÐIÐ FÖSTUDAGUR 14|11|2003 | FÓLKÐ | 15
Einhverjir muna kannski eftir því að fötin þeirra hafi verið merkt í æsku
áður en sumarbúðir voru heimsóttar. Var þetta gert til að varna því að
þau glötuðust. Þegar komið er á fullorðinsaldur er þessum merkingum
hætt og aðrar taka við, til dæmis frá bandaríska hönnuðinum Calvin
Klein. Í þetta skiptið er ekki verið að forða því að fötin glatist heldur því
að eigandinn verði glataður.
Hönnun Calvins Kleins er kirfilega merkt á teygjuna á nærbuxunum
og finnst sumum ekki verra að láta stafina sjást uppúr buxunum.
Nærföt hans eru tiltölulega venjuleg, úr bómull og í hefðbundnum og
einföldum sniðum. Þau hafa gæðastimpil og það er merkið sem selur.
Andlit selja líka en Calvin Klein kann inn á markaðinn og veit að kyn-
þokkinn trekkir að. Auglýsingaherferðir hans með Marky Mark og Kate
Moss á tíunda áratuginum juku sölu á undirfötum hans um þriðjung.
Nýjasta andlit undirfata Calvin Klein er fótboltakappinn Freddie
Ljungberg úr Arsenal. Risastórt auglýsingaspjald með honum á nærbux-
unum var afhjúpað í miðborg London fyrr í nóvember. Ennfremur voru af
þessu tilefni meira en 20 gluggar Selfridges í Oxford Street skreyttir
myndum af Freddie klæddum „Pro-Stretch“ nærbuxum.
Að vera merktur
„Jæja, líst þér á einhvern?“ spyr Yasmine Olsson stríðnislega þegar
blaðamaður er búinn að fylgjast með dansæfingunni á Broadway
góða stund meðan hann bíður eftir að fá að spjalla við einn keppend-
anna í Herra Íslandi. Skyrdósir, bananar og próteindrykkir keppenda
liggja á borðunum, greinilegt að hér er hollustan í fyrirrúmi.
Yasmine sér um að æfa strákana, semur dansatriðin og útfærir
tískusýninguna. „Fimmtíu armbeygjur, þú ert of seinn!“ hrópar hún
glaðlega að ungum manni
sem er að reyna að lauma
sér inn á æfinguna klukku-
tíma of seint. Blaðamaður
verður að viðurkenna að
honum finnst strákarnir
ansi góðir að mæta hingað
klukkan tíu á laugardagsmorgni, sérstaklega þegar kemur upp úr
dúrnum að þeir eru flestir í skóla eða vinnu á daginn og æfa svo eftir
kvöldmat til miðnættis alla daga, í tvær til þrjár vikur fyrir keppni. Og
þetta er bara viðbót við allar lyftingarnar í World Class.
Strákarnir, sem eru 18 talsins, eru nýbúnir að taka sporið við vin-
sælt hiphopplag. „Þeir eru frábærir, flestir hafa ekkert dansað áður
en eru svo bara virkilega góðir,“ segir Yasmine, greinilega ánægð
með sína menn.
BÓNDI ÚR SVEITINNI
Hún hefur líka þjálfað keppendur fyrir Ungfrú Ísland og segir að það
sé gerólíkt. „Þetta er allt miklu afslappaðra hjá strákunum. Stelp-
urnar fara strax að draga sig saman í litla hópa, þar verður meiri
keppnisandi og jafnvel baktal, en hjá strákunum virðist hópurinn í
heild ná saman. Þær mæta líka óaðfinnanlega klæddar og vel mál-
aðar á æfingar, t.d. þýddi ekkert fyrir mig að mæta í íþróttagalla á æf-
ingar hjá stelpunum, mér leið bara illa, leit út eins og ég væri bóndi
að koma úr sveitinni,“ segir hún og hlær. „Stelpurnar taka keppnina
alvarlegar, þeir eru meira bara að hafa gaman af.“ Hún bendir á að
keppni stelpnanna fái líka meiri athygli en strákakeppnin svo kannski
sé það eðlilegt. „Bíddu bara, það mun breytast eftir þessa keppni,
hún verður svo flott,“ segir Yasmine áður en hún heldur aftur til
strákahópsins sem bíður eftir henni á sviðinu. |bryndis@mbl.is
Morgunblaðið/Kristinn
FIMMTÍU
armbeygjur,
þú ert of seinn!
20. nóvember
Herra Ísland á
Broadway
Henning Eyþór Jónasson keppir fyrir hönd Suðurlands í Herra
Ísland en hann er tvítugur og frá Stokkseyri.
Er hörð keppni á milli ykkar?
Nei nei, allavega ekki ennþá.
Er gaman að taka þátt?
Já, mjög gaman. Kom mér á óvart hvað strákarnir eru fínir.
Hvað er skemmtilegast?
Það er ágætt að læra að dansa (brosir).
Hvernig stóð á því að þú tókst þátt?
Eiginlega ýtti kærastan mér út í þetta. Það var búið að
hringja tvisvar í mig áður, en ég lét til leiðast í þriðja skiptið.
Verða felld tár á úrslitakvöldinu?
Nei, ég held ekki, menn taka þetta ekki það alvarlega.
Hafa einhverjir þrýstihópar látið í sér heyra eins og fyrir
keppnirnar hjá stelpunum?
Nei, (hlær). Það eru aðallega vinir manns sem gera grín að
manni. Þeir skutu ansi mikið á mann fyrst, en eru núna flestir
orðnir voða spenntir.
Vinirnir skjóta mikið