Morgunblaðið - 14.11.2003, Blaðsíða 19
MORGUNBLAÐIÐ FÖSTUDAGUR 14|11|2003 | FÓLKÐ | 19
ÁLFUR ÚT ÚR HÓL
Einu sinni var það jafnöruggt og Grýla gamla býr í Esjunni, að jóla-
myndirnar hófust annan í jólum. Yfirleitt var um úrvalsmyndir að
ræða, þetta tveggja til þriggja ára gamlar stórmyndir, vel að merkja. Í
dag eru þær tveggja til þriggja vikna, nýir tímar ráða í kvikmyndadreif-
ingu sem öðrum viðskiptum þar sem hraði og útpæld markaðs-
setning stjórnar ferðinni. Álfur er fyrsta jólamyndin í ár og er óvenju
snemma á ferðinni. Efnið er nýstárlegt í þessum geira því að-
alpersónan Buddy er mennsk, þótt hann alist upp í Jólasveinalandi.
Buddy heldur því til New York að finna sínu réttu foreldra.
Það gefur auga leið að jólasveinn í stórborginni New York býður upp
á ótæmandi möguleika í gamanmynd. Hann hlýtur að vera eins og álf-
ur út úr hól! Kvikmyndagerðarmennirnir völdu sjónvarpsleikararnn Will
Ferrell til að fara með hlutverk Buddys. Ferrell er sá nýjasti í langri röð
stjarna, uppalinna í grínþáttunum Saturday Night Live, sem slá um
sig á hvíta tjaldinu. Ferrell lék í Old School í sumar og er m.a.vænt-
anlegur í næstu mynd Woodys Allen. Zooey Deschanel, James Caan
og Mary Steenburgen fara með önnur aðalhlutverk myndarinnar.
Álfur verður alls staðar sýnd með íslensku tali, auk þess sem Laug-
arásbíó sýnir hana einnig á frummálinu. Raddsetjarar aðalhlutverka
eru Felix Bergsson, Laddi, Sigurður Sigurjónsson, Arnbjörg Hlíf Vals-
dóttir og Jóhanna Vigdís Arnardóttir. Einnig heyrist til þeirra Steins Ár-
manns, Davíðs Þórs Jónssonar, Arnar Árnasonar ofl.
|saebjorn@mbl.is
JÓLASVEINN úr mannheimum
Á aðfangadagskvöld skríður sveinbarn of-
an í poka jólasveinsins og stingur ekki upp
kollinum fyrr en á Norðurpólnum. Stúfurinn
er settur í álfaskóla, tíminn líður og „álf-
urinn“ Buddy (Will Ferrell) vex og vex uns
það er ljóst að hann er ekki af slíku kyni.
Buddy snýr því aftur til Mannheima í leit að
uppruna sínum. Elf, eða Álfur, er talsett
jólamynd, sem verður frumsýnd um helgina
í Laugarásbíói, Regnboganum, Smárabíói,
Borgarbíói Akureyri og Sambíóunum Kefla-
vík. Leikstjóri er Jon Favreau, með James
Caan og Zooey Deschanel.
FRUMSÝNT
Frelsari mannkynsins, Neo,
öðru nafni Mister Anderson,
hefur náð tilgangi sínum, – að
frelsa mannkynið. Unnist hefur sigur á vél-
unum. Neo, sviplaus fölur maður í svörtum
stakki, kemur á fund Véfréttarinnar, sem er
roskin blökkukona og situr við eldhúsborð
með pakka af Winston fyrir framan sig. Erindi
Neos er að binda nokkra lausa enda, því allt
sem hefur upphaf tekur enda.
NEO:
„Jæja?“
VÉFRÉTTIN:
„Jæja, hvað?“
NEO:
„Mitt er að spyrja. Þitt að svara.“
VÉFRÉTTIN:
„Svarið er hin hliðin á spurningunni.“
NEO:
„Hvað meinarðu?“
VÉFRÉTTIN:
„Ekkert.“
NEO:
„Hvað merkir það?“
VÉFRÉTTIN:
„Allt.“
NEO:
„Er þá allt hin hliðin á engu?“
VÉFRÉTTIN:
„Það hlýtur að vera. Þetta er
mynd eftir Wachowskibræður.“
NEO:
„En nú er henni að ljúka?“
VÉFRÉTTIN:
„Allt sem hefur upphaf tekur enda.“
NEO:
„Mér finnst ég hafa heyrt það áður?“
VÉFRÉTTIN:
„Það hlýtur að vera. Þetta er mynd eftir
Wachowskibræður.“
NEO:
„Mér finnst eins og ég hafi heyrt það
áður?“
VÉFRÉTTIN:
„Það hlýtur að vera. Þetta er mynd …“
NEO:
„… eftir Wachowskibræður. Já, þú varst
búin að segja það.“
VÉFRÉTTIN:
„Æ, ég var búin að gleyma því. Gleymskan
er hin hliðin á minninu.“
NEO:
„Af hverju finnst mér eins og við séum
að fara í hringi?“
VÉFRÉTTIN:
„Tíminn er hringur.“
NEO:
„En tekur ekki allt enda sem hefur
upphaf?“
VÉFRÉTTIN:
„Æi.“
NEO:
„Mitt er að spyrja. Þitt að svara.“
VÉFRÉTTIN:
„Æiæi.“
Hún dregur sígarettu úr pakkanum.
NEO:
„Veistu ekki að reykingar drepa?“
VÉFRÉTTIN:
„Ég sé bara ekki aðra leið út úr þessu.“
Neo tekur upp kveikjara.
NEO:
„Viltu eld?“
Hann kveikir í sígarettu Véfréttarinnar
og fær sér eina sjálfur.
NEO:
„Það er bara eitt sem mér finnst ekki
taka enda. Það er spurningin um hvort
ég er maður eða vél.“
Véfréttin sogar ofaní sig reykinn.
VÉFRÉTTIN:
„Það stendur á öðrum stað í handritinu að
mennirnir sigruðu vélarnar.“
NEO:
„Og?“
VÉFRÉTTIN:
„Maðurinn er hin hliðin á vélinni.“
NEO:
„Æi. Geturðu ekki hætt að tala eins og
persóna í mynd eftir Wachowski
bræðurna?“
VÉFRÉTTIN:
„Ég þarf að reykja mikið til að þú komist
að því.“
NEO:
„Hvort ert þú, maður eða vél?“
VÉFRÉTTIN:
„Ég þarf að reykja mikið til að komast
að því.“
NEO:
„Viltu aðra sígarettu?“
Hann réttir henni rettu og fær sér aðra
sjálfur.
VÉFRÉTTIN:
„Takk. Annars er dauðinn hin hliðin
á lífinu.“
NEO:
„Æiæi.“
Matrix: Týndu mínúturnar
„Allt sem hefur upphaf tekur enda,“ segir í lokakafla Matrix-þríleiks-
ins, heimspekilegs meistaraverks Wachowskibræðranna banda-
rísku um framtíð mannkyns. Stríð manna og véla í togstreitu veru-
leika og sýndarveruleika tók alls 403 mínútur. Því er nú lokið, vegna
þess að allt sem hefur upphaf tekur enda. Nokkrar lokamínútur úr
handriti snilldarverksins glötuðust en hafa nú borist þættinum. Þær
fara hér á eftir í lauslegri íslenskri þýðingu því við megum engar mín-
útur missa.
SJÓNARHORN
Árni Þórarinsson NEO VIÐ VÉFRÉTT-
INA: VILTU ELD?
Margir frægir Hollywood-leikarar hafa
smokrað sér í jólasveinabúninginn í gegnum
tíðina, jafnvel fleiri en nokkurn grunar.
Kíkjum aðeins í jólakortaalbúm Hollywood-
borgar:
Edmund Gwenn. Miracle
on 34th Street (’47). Eft-
irminnilegasta jólamynd
allra tíma segir frá lítilli
stúlku (Natalie Wood), sem
trúir ekki á jólasveininn.
Móðirin fær leikara
(Gwenn) til að taka að sér
hlutverkið.
David Huddleston.
Santa Claus: The Movie
(’85). Einkar sannfærandi
jólasveinn í skrítinni mynd
með Dudley Moore í hlut-
verki álfsins. Huddleston
lék síðast Lebowski í
grínkrimma Coenbræðra.
Tim Allen. Santa Claus
(’94). Vinsælasta jóla-
sveinamynd síðari ára með
frískum Allen í hlutverki
manns sem hleypur í skarð-
ið fyrir náungann í rauða
búningnum. Sem reynist
ósvikinn jólasveinn!
Harry Dean Stanton. One
Magic Christmas (’85).
Upptalningunni lýkur á ólík-
legasta jólasveini allra
tíma, því Stanton er kunn-
astur fyrir afbragðstúlkanir
á „vondum köllum“ kvik-
myndanna.
Jólasveinar,
einn og þrír …