Morgunblaðið - 16.11.2003, Blaðsíða 42

MINNINGAR
42 SUNNUDAGUR 16. NÓVEMBER 2003 MORGUNBLAÐIÐ
Baldur var vinur
okkar. Það er mikil
eftirsjá í mönnum eins
og Baldri Guðjónssyni,
sem fara alltof
snemma. Hann var drengur góður,
góður eiginmaður, góður faðir og afi
og góður félagi. Ævistarfi sínu skil-
aði hann vel frá sér, sama á hvaða
vettvangi starf hans var á hverjum
tíma æviskeiðs hans. Fróður var
hann á hag lands og lýðs og því
ákaflega skemmtilegur í viðræðum.
Dugnaður hans var einstakur og öll
sú vinna sem hann og Kolbrún
lögðu í að fegra heimili sitt og sum-
arbústaðinn í Skorradalnum var
með eindæmum og bera þeim gott
vitni.
Í frístundum var hann hrókur alls
fagnaðar og ófáar stundir áttum við
með þeim hjónum Kolbrúnu og hon-
um þar sem harmonikan var dregin
upp og fjörið hófst. Farnar voru
veiðiferðir og þó aflinn væri ef til
vill ekki mikill var félagsskapurinn
því betri og margt skrafað og spjall-
að og ekki komið að tómum kof-
unum þar sem Baldur var. Okkur
langar til að minnast á ferðina sem
Jón og Baldur fóru með tjald á
Vestfirði og stunduðu þar fjallgöng-
ur og heimsóttu vini Baldurs og
frændur í Bolungarvík og víðar. Sú
ferð er ógleymanleg, ekki síst vegna
þess hve þægilegt var að vera í ná-
vist Baldurs. Á meðan biðu Kolbrún
BALDUR
GUÐJÓNSSON
✝ Baldur Guðjóns-son fæddist á Ísa-
firði 23. febrúar
1929. Hann lést á
Heilbrigðisstofnun
Suðurnesja að
morgni 7. nóvember
síðastliðins og var
útför hans gerð frá
Keflavíkurkirkju 14.
nóvember.
og Magga heima og
gættu bús og barna, en
tilkynningarskyldu var
sinnt þrátt fyrir að
þetta væri fyrir tíma
farsíma.
Efst í huga okkar
við andlát Baldurs er
þakklæti fyrir það að
hafa fengið að vera
honum samferða í öll
þessi ár og njóta sam-
vista við hann, Kol-
brúnu og fjölskyldu
þeirra.
Elsku Kolbrún, megi
góður guð styrkja þig
á þessari stundu og gefa þér kraft
til að takast á við sorg þína.
Við vottum Kolbrúnu, Hjördísi,
Baldri Jóhanni, Tinnu og fjölskyld-
um þeirra okkar innilegustu samúð
og biðjum guð að styrkja þau.
Magnúsína og Jón.
Ég kynntist Baldri og Kolbrúnu
frænku minni haustið 1957, er ég
hóf störf hjá Hraðfrystistöð Kefla-
víkur. Þau áttu þá notalegt heimili á
Hólabraut. Seinna fluttu þau sig á
Hringbrautina, og svo í Langholtið
þar sem þau hafa búið í nær 40 ár.
Baldur var mjög laghentur og
vann mikið sjálfur við að byggja og
innrétta húsnæðið, bæði á Hring-
braut og í Langholti. Hann var for-
stöðumaður Ráðningardeildar
Varnarmálaskrifstofu. Eftir vinnu á
skrifstofunni kom hann oft í Brynj-
ólf hf. til að vinna við saltfiskverkun.
Hann var flinkur flatningsmaður,
dugnaðarforkur og afkastamikill. Þá
var til siðs að gera að fiskinum þeg-
ar bátarnir komu að landi á kvöldin
og hætta ekki fyrr en fiskurinn var
kominn í salt, og var þá oft komið
vel fram yfir miðnætti.
Þegar Brynjólfur hf. keypti Hrað-
frystihús í Innri-Njarðvík, tók Bald-
ur að sér að sjá um að reikna út
laun starfsmanna, og gerði hann það
af mikilli samviskusemi í mörg ár.
Baldur var trúnaðarvinur minn
og þótti mér gott að ræða við hann
margvísleg málefni eins og rekstur
frystihússins, sölumál og útgerð.
Hann var vel heima í öllu og kom
með margar góðar tillögur.
Sumarið 1991 þegar ég var lasinn
tók hann sig til og málaði allt frysti-
húsið, verkstæði, skreiðarhús og
þurrkhús. Þetta gladdi mig mikið og
sýnir hvern hug hann bar til fyr-
irtækisins.
Nú ert þú genginn, góði vinur,
traustur og tryggur, og er þín sárt
saknað. Ég bið góðan guð að taka
vel á móti þér.
Kolbrúnu, Baldri, Hjördísi, Tinnu
og þeirra fjölskyldum votta ég sam-
úð mína.
Jón Karlsson.
Nokkur kveðjuorð um Baldur
Guðjónsson, en hann var einn úr
hópi stráka og stelpna, sem áttu
samleið í leik og skólastarfi á Ísa-
firði undir lok heimstyrjaldarinnar
síðari.
Hópurinn var margvíslegur og
lágu leiðir víða, en snemma var tek-
ið upp á því að hittast reglulega og
gleðjast saman og varð bernskuvin-
áttan þannig að ævilöngum kynnum
og vináttu.
Þó ekki væri Baldur háværastur í
þessum glaðværa hópi nutum við öll
þeirrar hlýju sem ætíð var af návist
hans og kveðjum við hann öll með
miklum söknuði. Minningin um
þennan góða dreng verður okkur
öllum minnisstæð. Söknuður okkar
er því meiri þar sem Baldur var síð-
astur félaga okkar sem látist hafa á
örskömmum tíma. Á undan honum
létust þeir Albert Karl Sanders,
Haukur Ingason og Helgi Þórðar-
son.
Um leið og ég þakka það lán að
hafa átt Baldur að vini vil ég fyrir
hönd bernskufélaganna votta eftir-
lifandi eiginkonu hans Kolbrúnu
Guðmundsdóttur, börnum þeirra og
aðstandendum öllum okkar innileg-
ustu samúð og hluttekningu í missi
þeirra og söknuði.
Kristján Arngrímsson.
Kær vinur er kvaddur með mikl-
um trega, en minningarnar hrann-
ast upp og þá er stutt í bros gegnum
tárin.
Vinátta okkar Baldurs og konu
hans spannar langt í 40 ár. Um ára-
bil vorum við vinnufélagar og síðan
næstu nágrannar, og aldrei bar
skugga á okkar samskipti. Baldur
var fluggreindur, hógvær og vand-
aður maður, en umfram allt góður
og skemmtilegur. Minni hans var
með ólíkindum gott. Það var því
gaman að hlusta á hann segja frá.
Talandi um að hann hafi verið
skemmtilegur er ekki ofmælt því
kímnigáfa hans var hreint ótrúleg.
Hann var hamingjumaður í einkalíf-
inu. Þau hjón voru samhent í því að
láta fólki líða vel í návist þeirra. Ég
færi Kolbrúnu, Baldri Jóhanni,
Tinnu, Hjördísi og fjölskyldum
þeirra mínar innilegustu samúðar-
kveðjur.
Baldurs verður sárt saknað.
Guðbjörg Þórhallsdóttir
(Korrráð).
Baldur Guðjónsson var traustur
og kær vinur fjöldskyldu minnar og
fyrrverandi nágranni er farinn frá
okkur. Sannur vinur skilur eftir sig
áþreifanlegt skarð og því stendur
minningin skýr um ánægjulegar
samverustundir fjölskyldna okkar,
sem áttu samleið í Langholtinu í
Keflavík og sem starfsfélagi í lög-
gæslunni um árabil.
Baldur starfaði við löggæslustörf
hjá embætti lögreglustjórans á
Keflavíkurflugvelli, lengst af við
radarstöð varnarliðsins á Heiðafjalli
á Langanesi, en frá l967 hefur hann
gegnt starfi ráðningarstjóra Varn-
armálaskrifstofu utanríkisráðuneyt-
isins.
Baldur var traustur, samvisku-
samur og heiðarlegur í starfi. Þá var
hann hlýr í viðmóti og gleðigjafi á
góðum stundum, gott skopskyn
gerði návist hans ánægjulega. Hann
kærði sig ekki um athygli fjöldans,
en í faðmi fjölskyldunnar og í vina-
hópi lét hann ljós sitt skína.
Það var gaman að skiptast á skoð-
unum og rökræða hin ýmsu málefni
við Baldur, hann fylgdist vel með
fréttum, mönnum og málefnum og
hafði fastmótaðar skoðanir á þjóð-
málum. Honum varð tíðrætt um að
jafnrétti ætti að vera virkt í verki og
stjórnvöld ættu að hafa að leiðar-
ljósi skilvirka og réttláta stjórn og
skiptingu á nýtingu sameiginlegra
auðlinda þjóðarinnar. Hann hafði
gagnrýnar en vel grundvallaðar
stjórnmálaskoðanir, sem áhugavert
var heyra umfjöllun hans á. Þá var
gaman að heyra Baldur lýsa nátt-
úrudýrðinni og kyrrðinni við sum-
arhús fjölskyldunnar við Skorradal,
hvernig samspil himins, jarðar og
vatns fléttast saman í eina órofa
heildarmynd, sérstaklega þegar
húmar að á kyrrum sumarkvöldum.
Baldur hafði gaman af að smíða
ýmsa hluti, enda laghentur, hafði
komið sér upp tækjum og tólum í
bílskúrnum og þar naut hann líka
aðstoðar listríkra hugmynda Kollu
um hönnun hvers konar trésmíðam-
una.
Baldur bar sig vel að venju er ég
heimsótti hann, vissi þó vel að
hverju stefndi. „Maður verður að
taka því sem að höndum ber,“ sagði
hann. Fleiri orð hafði hann ekki um
veikindi sín, en fór að rifja upp ýms-
ar skemmtilegar samverustundir
okkar frá fyrri árum.
Nú eru leiðir okkar skildar, minn-
ingin um góðan vin og skemmtilegar
samverustundir heima hjá ykkur
Kollu í Langholtinu og úti í nátt-
úrunni eiga sér fastan sess í hug-
skotum okkar, sem gott er að fá að
varðveita. Minningin um Baldur er
alltaf bundin hans ágætu eiginkonu
Kolbrúnu. Þau opnuðu heimili sitt
fyrir vinum og vandamönnum af
einstökum hlýleika og skemmtilegu
viðmóti.
Elsku Kolbrún mín, Baldur,
Tinna, Hjördís og aðrir ættingjar,
okkar innilegustu samúðarkveðjur.
Kristján Pétursson og börn.
Baldur Guðjónsson starfaði um
áratugi sem forstöðumaður ráðning-
arskrifstofu sem rekin er af varn-
armálaskrifstofu utanríkisráðuneyt-
isins. Baldur gegndi þeim störfum
með mesta sóma og fyrir atbeina
hans á liðnum árum nýtur Varn-
arliðið þess að eiga fjölmarga mjög
hæfa starfsmenn.
Baldur var maður einarður,
hreinskilinn og atorkusamur, jafnt í
starfi sínu sem einkalífi. Öll störf
hans og viðhorf einkenndust af vel-
vilja til manna og viðleitni til að
leysa þau vandamál sem upp komu.
Baldur og Kolbrún eiginkona hans
voru mjög samrýnd og unnu saman
að mörgum verkum. Heimili þeirra
og sumarbústaður bera merki um
handlagni Baldurs og listhneigð
Kolbrúnar. Baldur var lagður að
velli af hinum skæða sjúkdómi,
krabbameini. Hann þjáðist mikið en
kvartaði lítið.
Við fráfall Baldurs er horfinn
góður samstarfsmaður, einlægur fé-
lagi og vinur. Við færum eftirlifandi
eiginkonu hans, Kolbrúnu, börnum
þeirra og fjölskyldu, okkar innileg-
ustu samúðarkveðjur. Við erum
þakklát fyrir yndislegar samveru-
stundir með þeim hjónum á liðnum
árum. Blessuð sé minning Baldurs
Guðjónssonar.
Guðni og Berta.
Ástkær eiginkona mín, móðir okkar, tengda-
móðir og amma,
SIGURRÓS FANNDAL TORFADÓTTIR
frá Hvítadal,
lést á líknardeild Landakotsspítala sunnudag-
inn 2. nóvember.
Útförin fór fram í kyrrþey að ósk hinnar látnu.
Þorsteinn Einarsson,
börn, tengdabörn og barnabörn.
Móðurbróðir okkar,
JÚLÍUS J. STEINGRÍMSSON
rafvirkjameistari,
hjúkrunarheimilinu Skjóli,
áður Lyngheiði 10,
Selfossi,
sem lést sunnudaginn 9. nóvember, verður
jarðsunginn frá Áskirkju mánudaginn 17. nóv-
ember kl. 13.30.
Guðrún Jónsdóttir,
Sigurlaug Jónsdóttir.
Elskuleg móðir okkar, tengdamóðir, amma og
langamma,
ÁGÚSTA OLGA ÞORKELSDÓTTIR,
áður til heimilis
í Reykjahlíð 10,
Reykjavík,
lést á hjúkrunarheimilinu Sólvangi, Hafnarfirði,
föstudaginn 14. nóvember.
Helga G. Einarsdóttir,
Laufey Hrefna Einarsdóttir, Jóhann Guðmundsson,
barnabörn og barnabarnabörn. Ástkær móðir okkar, tengdamóðir, amma og
langamma,
SIGRÍÐUR FJÓLA ÁSGRÍMSDÓTTIR,
Skarðsbraut 13,
Akranesi,
lést á Sjúkrahúsi Akraness þriðjudaginn
11. nóvember.
Útförin fer fram frá Akraneskirkju þriðjudaginn
18. nóvember kl. 14.00.
Ásgrímur Ragnar Kárason, Jóhanna G. Þorbjörnsdóttir,
Þórður Ægir Óskarsson, Sigurborg Oddsdóttir,
Guðmunda Hrönn Óskarsdóttir, Stefán Eiríksson,
Irma Sjöfn Óskarsdóttir, Hrólfur Ölvisson,
barnabörn og barnabarnabörn.
Ástkær móðir okkar, tengdamóðir, amma og
langamma,
GUÐRÚN G. GUÐNADÓTTIR
bókbindari,
Fífuhvammi 33,
Kópavogi,
áður til heimilis á Sogavegi 26,
verður jarðsungin frá Bústaðakirkju þriðju-
daginn 18. nóvember kl. 13.30.
Sigrún Gunnlaugsdóttir, Karl J. Herbertsson,
Jón H. Gunnlaugsson, Bryndís Gunnarsdóttir,
Óskar Gunnlaugsson, Anna Axelsdóttir,
Hjalti Gunnlaugsson, Kolbrún Ingimarsdóttir,
barnabörn og barnabarnabörn.
Inger Steinsson,
útfararstjóri,
s. 691 0919
Ólafur Ö. Pétursson,
útfararstjóri,
s. 896 6544
Bárugötu 4, 101 Reykjavík.
S. 551 7080
Vönduð og persónuleg þjónusta.