Morgunblaðið - 16.11.2003, Blaðsíða 36
36 | 16.11.2003
LÍTIÐ VERÐUR MEIRA
Ég vildi hafa húsgögnin ljós til að íbúðin bæri þau vel
G uðrún Ýr Sigbjörnsdóttir býr í lítilli íbúð í fjölbýli í vesturbænum. Þegarhún keypti íbúðina vissi hún að vandlega yrði að velja inn í hana húsgögnog aukahluti því íbúðin byði ekki upp á miklar breytingar og tilfærslu á
húsgögnum.
„Ég ákvað að hafa umgjörðina hvíta og ljóst yfirbragð,“ segir Guðrún Ýr. „Hér
áttu líka að vera fáir en fallegir hlutir og alls ekki ofhlaðið af dóti. Ég vildi hafa hús-
gögnin ljós til að íbúðin bæri þau vel og blanda saman hvítu og svörtu, eik og
beyki, basti og stáli. Þannig skapast ein heild í gegnum íbúðina sem auðvelt er að
ganga út frá og gera smáar breytingar ef mér sýnist svo. Síðan leik ég mér með einn
ákveðinn lit á vegg við borðstofuborðið og nota sama lit í aukahlutum. Þeim lit get
ég alltaf skipt út og hef í hyggju að gera það fljótlega.“
Í svona lítilli íbúð þarf að nýta alla birtu sem mögulegt er og þess vegna hefur
Guðrún Ýr gardínur sem birta nær að flæða gegnum. Uppröðun á húsgögnum er
skipulögð, borðstofuborðið er fjölnota í stofunni en einungis lítið borð í eldhúsi
sem Guðrún nýtir þegar hún er að elda. Hún heldur litlum gangi auðum sem teng-
ir saman herbergin fyrir utan þunnt borð til að leggja frá sér dót þegar inn er kom-
ið. „Íbúðin mín er lítil og sæt og hún verður stærri með réttum aðferðum og notk-
un á efni og litum þar sem það smáa hefur stórt hlutverk.“
„Þeim lit
get ég alltaf
skipt út“
STÓLL Nú er að koma á ís-
lenskan markað stóllinn „Gír-
affi“ sem er í raun lítill og
handhægur hjálparhellustóll
hannaður af hinum hálf-
íslenska og hálfbandaríska
Chuck Mack sem búsettur er
á Íslandi. Chuck, sem einnig
er lærður trésmiður, hefur
unnið að hönnun sinni eftir að
hann flutti til Íslands. Stóllinn
Gíraffi er upphaflega hand-
unninn en Chuck smíðar allar
prótótýpur sjálfur í fyrstu um-
ferð. Gíraffinn er framleiddur
úr stáli með setu í ýmsum lit-
um eða viðartegundum. Hann
er framleiddur og seldur í
versluninni Sólóhúsgögn í Ár-
múla og einnig í Kokku á
Laugavegi. Stóllinn er til ým-
issa hluta nytsamlegur og fyrir
alla aldurshópa. L
jó
sm
yn
d
R
ag
na
r
T
h.
S
ig
ur
ðs
so
n
BÓK „Scandinavian Modern“ nefnist eiguleg bók sem
fróðlegt og skemmtilegt er að lesa og skoða. Bókin kom
út fyrr á þessu ári og er skipt upp í tvo kafla. Sá fyrri
skiptist í sjö hluta þar sem einstakar greinar skandinav-
ískrar hönnunar eru teknar fyrir; viður, gler, text-
ílhönnun, keramik, málmar, plast og ljós. Sá síðari er
byggður upp á innliti á heimili þekktra skandinavískra
arkitekta og hönnuða og endurspeglar fjölbreytt útlit
og yfirbragð þar sem byggt er á hugmyndum skandin-
avískrar hönnunar.
Bókin er eftir Magnus Englund og Chrystinu
Schmidt og er gefin út af Ryland Peters & Small.
BÚÐ Verslunin Í húsinu hefur
verið opnuð á nýjum stað í
Kringlunni (þar sem áður var
blómabúð við hliðina á skóbúð-
inni Valmikli). Markmiðið nú
sem fyrr er að endurskapa þá
stemmningu sem fallegt heimili
gefur en einkunnarorð verslunar-
innar eru: „Við gerum falleg
heimili fallegri.“ Lögð er áhersla
á fallega hluti, hvort sem er til
gjafa eða eigin nota, heima eða á
vinnustað.
NÝTT
HEIMILI OG HÖNNUN | HALLA BÁRA GESTSDÓTTIR
L
jó
sm
yn
di
r:
G
un
na
r
S
ve
rr
is
so
n