Morgunblaðið - 18.11.2003, Blaðsíða 10

FRÉTTIR
10 ÞRIÐJUDAGUR 18. NÓVEMBER 2003 MORGUNBLAÐIÐ
myrkrið læðist yfir. Börnin við Vesturbæjarskóla spá í spilin í húminu
og bíða þess að jólaljósin tendrist og gleðji litlar sálir á dimmasta tíma
ársins.
ÁRSTÍÐ skugga og myrkurs nær brátt hámarki og skammdegið hleypir
sólargeislum sífellt skemur að.
Þá ber gjarnan skuggamyndir við himin á miðjum dögum þegar
Morgunblaðið/Ásdís
Árstíð skugganna færist yfir
ÁRNI Magnússon félagsmálaráð-
herra ítrekaði á Alþingi í gær að það
hefði verið gert upp við fyrrverandi
framkvæmdastjóra Jafnréttisstofu,
Valgerði H. Bjarnadóttur. Kom þetta
fram í svari hans við óundirbúinni
fyrirspurn frá Ástu R. Jóhannesdótt-
ur, þingmanns Samfylkingarinnar.
Valgerður lét af störfum í júlí sl., en í
samtali við Morgunblaðið 13. nóvem-
ber sl. segist hún ekki hafa skrifað
undir eða samþykkt neinn starfsloka-
samning við félagsmálaráðherra.
Ásta vísaði m.a. til þessara orða Val-
gerðar í fyrirspurnartímanum en
einnig til sambærilegra ummæla Val-
gerðar í útvarpi og sjónvarpi. Ásta
benti jafnframt á að ráðherra hefði í
umræðum á þingi í síðustu viku sagt
að Valgerður hefði látið af störfum
fyrir ríkið í sátt og samlyndi við fé-
lagsmálaráðuneytið. „Nú hefur það
komið í fjölmiðlum að það var ekki í
sátt og samlyndi sem þessi einstak-
lingur lét af störfum fyrir ríkið og það
var ekki búið að gera upp við þennan
einstakling eins og hæstvirtur ráð-
herra kallaði fram hér í umræðunni,“
sagði Ásta og hélt áfram. „Ég spyr:
var hér um einhvern misskilning að
ræða þegar ráðherrann gaf þessar
röngu upplýsingar hér á þinginu?“
Árni vísaði í svari sínu m.a. til um-
mæla Valgerðar í útvarpi og sjón-
varpi, í júlí í sumar, en þar hefði hún
sagt að afsögn hennar hefði verið
sameiginleg ákvörðun. Árni sagði að
á fundi með henni hefði verið gerður
munnlegur samningur um starfslokin
og hvernig þeim skyldi háttað. Og það
hefði verið gert upp samkvæmt þeim
samningi. „Ég get svarað því einu
sinni enn. Það hefur verið gert upp
við fyrrverandi framkvæmdastjóra
Jafnréttisstofu.“
Ásta sagði að síðustu að sér virtist
sem ráðherra væri í einhverri vörn í
þessu máli. Hann svaraði með útúr-
snúningi og skætingi. Hún sagði að
það ætti eftir að koma í ljós hvor segði
satt í þessu máli.
Spurt um starfsflokasamning í fyrirspurnartíma á Alþingi
Deilt um hvort búið sé að
ganga frá samningnumMEIRIHLUTI fjárlaganefndarAlþingis leggur m.a. til að fjár-heimildir þessa árs hækki um 450
milljónir kr. til að standa straum
af útgjöldum vegna kaupa á fast-
eign, lóð og hlutabréfum í
tengslum við sölu á Sementsverk-
smiðju ríkisins. Þessi tillaga sem
og aðrar tillögur fjárlaganefndar
verða ræddar við aðra umræðu
um frumvarp til fjáraukalaga á
Alþingi í dag. Íslenska ríkið seldi
Sementsverksmiðjuna til félags-
ins Íslenskt sement ehf. í byrjun
októbermánaðar. Var söluverðið
68 milljónir kr.
Í greinargerð meirihlutans
segir að þessar 450 milljónir fari í
að kaupa lóð verksmiðjunnar á
Sævarhöfða 31 ásamt mannvirkj-
um, sem metin eru á 280 milljónir
kr., hluta af skrifstofuhúsnæði
verskmiðjunnar á Akranesi, sem
metinn er á 72,5 milljónir kr.,
hlutabréf í Speli hf., sem metin
eru á 40 milljónir kr. og hlutabréf
í húseiningarverksmiðjunni Geca
hf., sem metin eru á 46,5 milljónir
kr.
Í greinargerð segir að talið hafi
verið að þessar eignir myndu
ekki nýtast nýjum eigendum
verksmiðjunnar í „rekstrarlegum
tilgangi“, eins og það er orðað.
„Áformað er að selja þessar eign-
ir og er reiknað með að sölu-
tekjur ríkisins verði álíka miklar
þegar þeim hefur verið komið í
verð,“ segir í greinargerð meiri-
hlutans.
450 milljóna heimild til
kaupa á eignum Sem-
entsverksmiðjunnar
HELGI Hjörvar, þingmaður Sam-
fylkingarinnar, gerði að umtalsefni á
Alþingi í gær að ríkisstjórnin hefði
ákveðið að ráðuneyti og stofnanir
þeirra leiti ekki beint til fjárlaga-
nefndar Alþingis um aukin útgjöld
heldur skili ráðuneytin tillögum í
fjárlagakerfi fjármálaráðuneytisins
og samsvarandi tillögum um lækkun
útgjalda. „Það er skemmst frá því að
segja,“ sagði Helgi, „að ég hef hér
undir höndum bréf forsætisráðu-
neytisins ásamt með bréfi fjármála-
ráðuneytisins til skrifstofu Alþingis
um að Alþingi Íslendinga og stofn-
anir þess leiti ekki að eigin frum-
kvæði til fjárlaganefndar Alþingis
vegna fjárlagagerðar. Mér er kunn-
ugt um að hæstvirtur forsætisráð-
herra vilji gjarnan vera talinn fynd-
inn en ég veit ekki hvers konar grín
þetta er eiginlega. Hvað á fram-
kvæmdavaldið með það að beina
þeim tilmælum til löggjafarvaldsins
að það ræði ekki við sína eigin fjár-
laganefnd?“ spurði Helgi. Sagðist
hann trúa því og treysta að bréfið
hefði verið sent af misgáningi. Síðan
spurði hann forsætisráðherra:
„Hvaðan koma honum valdheimildir
til þess að senda Alþingi tilmæli af
þessu tagi?“
Halldór Blöndal, forseti Alþingis,
sagði eftir þessi ummæli Helga að í
næsta dagskrárlið þingsins yrðu
teknar fyrir óundirbúnar fyrirspurn-
ir til ráðherra. Sagði hann að það
hefði verið eðlilegt ef þingmaðurinn
hefði lagt fram fyrrgreindar fyrir-
spurnir til forsætisráðherra undir
þeim dagskrárlið.
Tillit til óska forseta þingsins
Helgi kvaðst skilja ábendingu for-
seta þingsins, en sagði að aðrir þing-
menn hefðu óskað eftir því að hann
tæki þetta mál til umfjöllunar í upp-
hafi þingfundar, þ.e. undir liðnum at-
hugasemdir um störf þingsins. Jón
Bjarnason og Steingrímur J. Sigfús-
son, þingmenn VG, vildu einnig fá
skýringar á þessum málum.
Steingrímur sagði m.a. að með
fyrrgreindri ákvörðun ríkisstjórnar-
innar væri verið að reyna að gera hið
formlega fjárveitingavald Alþingis
að forminu einu. „Það er verið að
gera fjárlögin að einhvers konar
stimpli en í reynd sé það tilskipunar-
vald ráðuneyta sem ákveði fjárreið-
ur ríkisins á hverju ári,“ sagði hann.
Davíð Oddsson forsætisráðherra
kom síðar í pontu og benti á að for-
seti þingsins hefði lýst því yfir að
þessa fyrirspurn ætti að taka fyrir
undir liðnum fyrirspurnir til ráð-
herra. „Ég tek auðvitað tillit til óska
þingsins þó að ég sé forsvarsmaður
framkvæmdavaldsins,“ sagði hann.
Gagnrýnt
að ekki
megi leita
til nefndar
MEIRIHLUTI fjárlaganefndar Al-
þingis hefur lagt fram á Alþingi 42
breytingartillögur við frumvarp til
fjáraukalaga fyrir árið 2003 sem
nema samtals rúmum fjórum millj-
örðum kr. til hækkunar. Þar af er
lagt til að fjárheimild til heilbrigðis-
og tryggingamála hækki um rúma
2,6 milljarða. Meðal annars er gerð
tillaga um 1,5 milljarða kr. fjárveit-
ingu til að mæta útgjöldum lífeyr-
istrygginga vegna kostnaðar við
endurákvörðun tekjutryggingar auk
dráttarvaxta í samræmi við dóm
Hæstaréttar frá 16. október sl.
Í sjálfu fjáraukalagafrumvarpinu,
sem Geir H. Haarde fjármálaráð-
herra mælti fyrir í haust, er gert ráð
fyrir að fjárheimildir ársins verði
auknar um 8 milljarða kr. Samtals
eru því komnar tillögur um að fjár-
heimildir ársins hækki um rúmlega
tólf milljarða. Önnur umræða um
fjáraukalagafrumvarpið fer fram á
Alþingi í dag. Þá verður rætt um út-
gjaldahlið frumvarpsins en í þriðju
og síðustu umræðu verður rætt um
tekjuhlið frumvarpsins.
Meðal annarra tillagna, en hér
hafa verið nefndar, sem meirihlutinn
leggur til má nefna 15 milljóna kr.
framlag til að fjölga störfum lög-
reglumanna við efnahagsbrotadeild
Ríkislögreglustjóraembættisins. Í
greinargerð með þeirri tillögu segir
að málum deildarinnar fjölgi stöð-
ugt, s.s. vegna meintra samkeppn-
islagabrota, peningaþvættis, fíkni-
efnamála og annarra umfangsmikilla
sakamála „sem mikilvægt sé að ekki
dragist á langinn að rannsaka“. Auk
þess er gerð tillaga um sambærilega
tímabundna hækkun fjárveitingar til
embættisins í tvö ár við aðra um-
ræðu um frumvarp til fjárlaga fyrir
árið 2004.
Sjö milljónir
til Jafnréttisstofu
Þá leggur meirihlutinn til 280
milljóna kr. aukafjárveitingu til
Fæðingarorlofssjóðs, en í greinar-
gerð tillögunnar segir að endurskoð-
uð áætlun sjóðsins hafi leitt í ljós að
meðlagsgreiðslur til þeirra sem fái
greitt úr sjóðnum séu meiri en áætl-
að var. Ennfremur er lögð til sjö
milljóna kr. viðbótarfjárheimild til
Jafnréttisstofu til að mæta ófyrir-
séðum útgjöldum vegna starfsloka
framkvæmdastjóra og „útgjöldum
vegna dómsmáls,“ eins og segir í
greinargerð meirihlutans.
Önnur umræða um frumvarp til fjáraukalaga fór fram á þingi í gær
Fjárheimildir ársins aukist
um rúma 12 milljarða
Lögð til 280 milljóna króna aukafjárveiting til Fæðingarorlofssjóðs