Morgunblaðið - 18.11.2003, Blaðsíða 13
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 18. NÓVEMBER 2003 13
Morgunblaðinu hefur borist eftirfar-
andi yfirlýsing frá Hilmari Þór
Hilmarssyni, stjórnarmanni í Hrað-
frystistöð Þórshafnar, vegna um-
mæla stjórnarformanns Samherja
og HÞ í Morgunblaðinu nýverið.
„Varðandi frétt í Morgunblaðinu
hinn 11. nóvember sl. um málefni HÞ
hf. vill Hilmar Þór Hilmarsson,
stjórnarmaður í fyrirtækinu, gera
eftirtaldar athugasemdir við mál-
flutning Finnboga Jónssonar,
stjórnarformanns HÞ hf. og Sam-
herja hf.
Haft er eftir Finnboga að hann
telji bæði verð á skipinu og aflaheim-
ildum hafa verið eðlilegt. Það er
skiljanlegt að Finnbogi telji verðið
rétt, þar sem hann er bæði seljand-
inn (stjórnarformaður Samherja)
sem upphaflega ákvað verðið og
stærð pakkans einhliða og kaupandi
pakkans (stjórnarformaður HÞ) sem
samþykkti verðið.
Það vill þó þannig til að það eru
a.m.k. 34 aðilar í hluthafahópi kaup-
andans sem eru ekki sammála og
ekki sáttir við verðið. Sá hópur ósk-
aði eftir á hluthafafundi í HÞ að fram
færi mat tveggja dómkvaddra mats-
manna á verðgildi skips og aflaheim-
ilda. Ákvörðunin yrði síðan borin á
ný undir hluthafafund þegar mats-
verð lægi fyrir.
Það er nú allur glæpurinn sem
14,2% hluthafa í fyrirtækinu framdi,
það að hafa skoðun og vera ekki sam-
mála einhliða aðgerðum meirihlut-
ans. Það hlýtur hvert mannsbarn að
sjá að það ætti að vera sjálfsagður
hlutur lagalega, og/eða að minnsta
kosti siðferðilega að seljandi ákveði
ekki einhliða og í krafti yfirráða
sinna yfir kaupanda, verð á skipi og
aflaheimildum sem í þesssu tilfelli
gera meira en að tvöfalda skuldir
kaupandans HÞ hf. Það hlýtur að
vera ástæða til að virða rétt minni-
hlutans og taka tillit til óska hans
ekki síst í svona tilfelli þar sem selj-
andinn er aðalhluthafinn í fyrirtæk-
inu sem kaupir.
Ég hef fulla trú á að það séu fleiri
á þessari skoðun en 34 hluthafar í
HÞ og það væri full ástæða til að þeir
segðu sitt álit.
Finnbogi talar um að fjögur meg-
inatriði hafi legið til grundvallar því
að stjórn HÞ hafi ákveðið að leggja
til við hluthafafund að kaupa Þor-
stein EA.
Í fyrsta lagi að bolfiskheimildir
HÞ sem hafi verið leigðar á undan-
förnum árum og Samherji hafi þá
stefnu að nýta þær heimildir sem fé-
lög sem Samherji á í fá úthlutað. Ég
virði þá skoðun Samherja að nýta
beri þær heimildir sem félögum er
úthlutað, en mín skoðun er sú að það
þurfi ekki að kaupa um 700 milljóna
fjölveiðiskip til að nýta þær heimild-
ir. Ég sé ekki að það sé ástæða til
fyrir HÞ að fara að frysta bolfisk út á
sjó, á sama tíma og félög sem hafa
verið brautryðjendur í þeirri grein,
ekki síst Samherji, eru að hverfa frá
þeirri leið og leggja aukna áherslu á
landvinnslu.
Ástæða þess að heimildirnar hafa
verið leigðar er einfaldlega sú að það
hefur gefið HÞ mesta framlegð að
gera það. Sú framlegð hefur verið
notuð til að greiða niður skuldir,
ásamt því að efla veiðar og vinnslu á
kúfiski hjá HÞ. Í öðru lagi talar
Finnbogi um heimildir HÞ í norsk-
íslenskri síld.
Óumdeilt er að tekjur skipsins
verða meiri með því að geta fryst
síldina úti á sjó. Á móti kemur að
sama síld er ekki brædd í landi í
fiskimjölsverksmiðju félagsins sem
hefur verið að gefa góða framlegð.
Í þriðja lagi varðandi veiðar á upp-
sjávarfiski í flottroll.
Það er rétt að skip HÞ hafa ekki
haft þann möguleika. Mín skoðun er
sú að það þurfi ekki á þessu stigi að
kaupa sérstakt skip til þess að geta
veitt í flottrollið. Júpiter okkar bless-
aður þó aldraður sé hefur fram að
þessu getað séð um að veiða nánast
allan uppsjávarkvóta HÞ með sóma
og af því hefur verið ágæt framlegð.
Skipti á veiðiheimildum við aðrar út-
gerðir sem hafa möguleika til flot-
trollsveiða er mun heppilegri kostur
fyrir HÞ og kæmi til með að skila
mun meiri arði.
Í fjórða lagi um 40% aukningu
uppsjávarveiðiheimilda HÞ og
styrkingu rekstrargrunns.
Það er rétt að um umtalsverða
aukningu er að ræða og þó það nú
væri fyrir um 700 milljónir. Aukn-
ingin í loðnu verður 31,89%, aukning
í kolmunna 540% en í síld engin því
að það var seldur strax einn kvóti í
íslenskri síld.
Talan 40% sem Finnbogi nefnir
finnst mér frekar villandi og hlýtur
að fara eftir því hvaða úthlutun kvóta
verður úr einstökum stofnum. Það er
rétt að geta þess til upplýsinga að
skuldir HÞ aukast einnig um rúm
100% við umrædda fjárfestingu. Það
fer því eftir hvernig til tekst með
reksturinn hvort raunhæfara er að
tala um styrkingu eða veikingu
rekstrargrunns fyrirtækisins.
Finnbogi talar um mjög skýra nið-
urstöðu hluthafafundar og að um
86% þeirra sem tóku afstöðu hafi
verið samþykk kaupunum á Þor-
steini.
Þessi tala er röng eða í það
minnsta mjög villandi. Mæting á
hluthafafundinn var 94,73%. Það
voru nákvæmlega 74,37% hluthafa á
fundinum sem samþykktu kaupin,
13,52% sögðu nei og 12,11% sátu hjá
eðaskiluðu auðu. Af þeim sem sam-
þykktu hafði Samherji í hendi rúm
60%. Það er engin ástæða að mínu
mati og beinlínis fölsun að þeir sem
sátu hjá séu taldir með þeim hóp sem
samþykktu gjörninginn frekar en að
vera taldir með þeim sem sögðu nei.
Varðandi verðmat á veiðiheimild-
unum og skipinu sem er aðalágrein-
ingsefnið hef ég það að segja, að
krafa minnihlutans hefur verið skýr
frá upphafi. Að fengið verði mat
tveggja dómkvaddra matsmanna á
verðgildi skips og aflaheimilda. Það
er tilgangslaust að þrátta um hvaða
skipasali er reyndastur eða umsvifa-
mestur. Það er lögmál markaðarins
sem á að vera lagt til grundvallar til
að ákvarða verð á aflaheimildum og
skipum en ekki geðþóttaákvarðanir.
Það hvað búið er að eyða í breyt-
ingar á Þorsteini í gegnum árin kem-
ur hluthöfum HÞ ekkert við, það er
markaðsverð sambærilegra skipa á
hverjum tíma sem á að ráða verð-
lagningu.
Það er staðreynd að á sama tíma
og kaupin á Þorsteini fóru fram þá
var keypt skipið Grindvíkingur til
landsins á 450–460 milljónir og er
það álit margra að um mun öflugra
skip en Þorstein sé að ræða.
Við í stjórn HÞ þurftum fyrir
skemmstu að bíta í það súra epli við
söluna á Neptúnusi að kaupandinn
vildi ekki greiða nema 5 milljónir
fyrir hann, sem kannski er naumast
verðgildi dekkkranans á skipinu sem
settur var um borð fyrir fáum árum.
Markaðurinn réð.
Stjórnarmönnum og ekki síst
stjórnarformönnum í fyrirtækjum á
að vera ljós lagaleg skylda og ábyrgð
þeirra varðandi hagsmuni viðkom-
andi fyrirtækis og allra hluthafa,
ekki bara sumra,“ að því er fram
kemur í yfirlýsingu.
Yfirlýsing frá
stjórnarmanni í HÞ
Klapparstíg 44,
s. 562 3614
Nýtt útlit
í stáli
Froðuþeytari
fyrir
cappucino
Verð 2.995