Morgunblaðið - 18.11.2003, Blaðsíða 23

DAGLEGT LÍF
MORGUNBLAÐIÐ ÞRIÐJUDAGUR 18. NÓVEMBER 2003 23
A
NDREA er 11 ára stelpa
frá Menorca, lítilli eyju
sem tilheyrir Spáni og
er rétt hjá Mallorca sem
Íslendingar þekkja svo
vel sem ferðamannastað. Andreu
langar mikið til Íslands og hún varð
himinlifandi að hitta fjóra íslenska
krakka í Brussel í síðustu viku.
Hún hitti þau Davíð Magnússon,
Sunnu Wium, Guðmund Garðarsson
og Snædísi Vagnsdóttur sem eru í 7.
bekk Grunnskólans í Ólafsvík. Þau
fréttu í lok sumars að þau yrðu
fulltrúar Íslands í svokallaðri Co-
meniusar-viku í Belgíu í nóvember
þar sem krakkar á aldrinum 10-12
ára frá 30
Evr-
ópulöndum
hittust í
Brussel í
fjóra daga.
A.m.k. tveir
kennarar
voru með
hverjum hópi og alls hittust því hátt í
200 manns í þessari „höfuðborg“
Evrópu og skiptust á skoðunum,
dönsuðu, sungu, spiluðu og spjölluðu.
Atli Alexandersson og Guðrún Svein-
björnsdóttir, kennarar við Grunn-
skólann í Ólafsvík, fóru með íslensku
krökkunum.
Fiskibollur og veiðiferð
Sunna, Snædís, Davíð og Guð-
mundur segjast hafa lært töluvert í
ferðinni og voru ánægð með dag-
skrána. Ferðin í skemmtigarðinn
Mini Europe fannst þeim öllum
skemmtilegust og Sunna nefndi líka
að það hefði verið skemmtilegast á
kvöldin þegar allir höfðu frjálsan
tíma.
Sex manna hópur frá hverju landi
fékk lítinn bás til að sýna verkefnin
sem unnin hafa verið innan Comeni-
usar-samstarfsins. Verkefni Grunn-
skólans í Ólafsvík snýst um mismun-
andi matarmenningu í samstarfs-
löndunum, en að verkefninu hafa
komið grunnskólabörn og -kennarar í
Frakklandi, Þýskalandi, Englandi og
Ítalíu ásamt Íslendingunum. Reynd-
ar hafa Davíð, Sunna, Guðmundur og
Snædís ekki komið nálægt þessu
verkefni fyrr en í ferðinni til Brussel
þar sem það var kynnt, heldur eru
það nemendur sem nú eru í 9.-10.
bekk sem hafa unnið verkefnið sem
verður lokið næsta vor.
Samstarfsfundir eru haldnir reglu-
lega á því þriggja ára tímabili sem
hvert verkefni stendur og þá hittast
nokkrir nemendur og kennarar frá
hverju landi, bera saman bækur sín-
ar og vinna saman í tengslum við
verkefnið. Samstarfsfundur var hald-
inn í Þýskalandi 2001 og eru slíkir
fundir áformaðir á Ítalíu í janúar nk.
og í Frakklandi næsta vor. Þá fara
nokkrir nemendur og kennarar og
vinna að verkefnum með samstarfs-
hópnum.
Síðasta vor var slíkur samstarfs-
fundur haldinn í Ólafsvík. Þar var
fiskur umfjöllunarefnið og allir lögð-
ust á eitt við að búa til fiskibollur og
fiskrétti og farið var í veiðiferð.
Myndir frá þessum viðburðum var
meðal þess sem gestir í Borschette,
ráðstefnumiðstöðinni í Evrópuhverf-
inu í Brussel, gátu augum litið í vik-
unni.
Langar að sjá hveri og jökla
Einnig var þar að sjá verkefni
Andreu og félaga frá Spáni sem
fjallar um mismunandi menningu
samstarfslandanna og markmiðið er
að auka virðingu fyrir allri menningu
og stöðva kynþáttahatur. Andrea var
ein af þeim sem sá íslenska básinn og
skoðaði hann oft. „Já, mig langar
mjög mikið að skrifast á við íslenska
krakka,“ svaraði Andrea brosandi
þegar Guðrún kennari og íslensku
krakkarnir buðu henni netföngin sín.
Andrea sá sjónvarpsþátt um Ísland
og hefur síðan haft áhuga á landinu.
Hún hefur ekki farið til útlanda fyrr
en núna til Brussel og vildi gjarnan
koma til Íslands. „Mig langar að sjá
hveri og jökla,“ segir hún. Snjóinn
hefur hún séð í Pýrenea-fjöllunum en
aldrei snjóar á Menorca, þar sem hún
býr í borginni Ciutadella de Men-
orca. Menntaáætlun Evrópusam-
bandsins hefur nú leitt til
þess að strengur hefur mynd-
ast á milli Ólafsvíkur og Ciut-
adella og óhætt er að segja að
fleiri slíkir strengir hafi
myndast og muni myndast
með fleiri Comeniusar-
verkefnum.

MENNTUN| Comenius-verkefni koma á tengslum yfir landamæri í nútíð og framtíð
Strengir um alla Evrópu
Morgunblaðið/Steingerður
Hjá íslenska básnum: Nemendurnir Snædís, Sunna, Davíð og Guðmundur
og kennararnir Guðrún og Atli fyrir aftan.
Sex Ólafsvíkingar hittu
nemendur og kennara
víðs vegar úr Evrópu á
Comeniusar-viku í
Brussel í síðustu viku.
Steingerður Ólafsdóttir
slóst í för með þeim þar
sem þau sýndu verkefni
sitt um matarmenningu
og skoðuðu önnur.
steingerdur@mbl.is
Markmiðið er
að auka virð-
ingu fyrir allri
menningu og
stöðva kyn-
þáttahatur
Strengur á milli Spánar og Íslands: Andrea frá Menorca ásamt kenn-
aranum sínum Montserrat og Snædísi og Sunnu frá Ólafsvík.
TENGLAR
.......................................
www.olafsvikurskoli.ismennt.is
HVER gæti ekki hugsað sérað setjast í stól að loknumerfiðum vinnudegi, eða
kannski á miðjum vinnudegi, og fá
baknudd og jafnvel láta nudda fæt-
urna í leiðinni? Nú eru nokkrar
gerðir að fullkomnum nuddstólum
komnar á markað hér á landi, en
stólarnir eru framleiddir hjá Family
Co. í Japan.
Fyrirtækið hefur framleitt og þró-
að nuddstóla frá árinu 1962. Árið
1974 kom fyrsti stóllinn á markað
sem líkir eftir mannlegri snertingu
en nýjasta uppfinningin kom á
markað 2000. Sá stóll er með inn-
rauðum nemum sem skanna bakið
og sá sem í stólnum situr fær síðan
Shiatsu-nudd, svokallað þrýstinudd,
sem sérstaklega er miðað að hans
þörfum.
Stólarnir hafa verið vinsælir hjá
fyrirtækjum og getur starfsfólk sest
niður í erli dagsins og hresst sig við í
góðu nuddi. Sumar gerðir eru með
sérstöku morgun- og kvöldnuddi og
er þá morgunnuddið ætlað til að
auka orku fólks fyrir átök dagsins,
en kvöldnuddið til að róa fólk niður
fyrir svefninn.
Tónlist í takt við nudd
Nýjasta gerðin, FIC 2003, var val-
in ein af bestu uppfinningum ársins
2001 af Time Magazine í Bandaríkj-
unum. Sá stóll býður upp á að hægt
er að hlusta á tónlist í takt við þá
tegund nudds sem valin er. Eftir að
sest er í stólinn, skannar innbyggður
innrauður nemi bakið til að nuddið
verði eins nákvæmt og mögulegt er.
Þegar heyrnatólin eru sett á höfuðið
og tónlistin byrjar, nuddar stóllinn í
takt við tónlistina.
Sem dæmi um eiginleika full-
komnasta stólsins er hægt að velja
heilnudd, nudd fyrir stífar axlir,
nudd fyrir verki í neðra baki, shiatsu
þar sem þrýstipunktar eru nudd-
aðir, nudd fyrir verki í fótum og
mjöðmum og nudd í setu sem nudd-
ar læri, rassvöðva og rófubein.
Fræga fólkið í Hollywood er sagt
hafa ánetjast þessum stólum. Þar á
meðal eru leikarar í þáttunum
Will og Grace, en
stóllinn var notaður í
sviðsmynd í þátt-
unum þar sem þeir
fengu að kynn-
ast eiginleikum
hans. Heilsu-
umboðið ehf.
flytur stólana
inn og kosta þeir
frá 323.700 kr. til
465.000 kr.
Sest í nudd

HEILSA
TÖLVULEIKIR eru ekki bara fyrirstráka heldur geta allir haft smekkfyrir þeim. Margir eru haldnir rang-
hugmyndum af því tagi að konur hafi ekki
gaman af tölvuleikjum og þeir séu bara fyrir
karla, þ. á m. framleiðendur tölvuleikja sjálf-
ir, að mati Önnu Larke sem vinnur fyrir
tölvuleikjaframleiðandann Argonaut.
Sumir halda að konur hafi aðeins gaman af
tölvuleikjum sem eru hlutverkaleikir, púslu-
spil eða ævintýraleikir, að því er fram kemur
í samtali við Larke á fréttavef BBC. En það
er aðeins ein af ranghugmyndunum sem uppi
eru um konur og tölvuleiki. Sumir halda að
tölvuleikir séu alls ekki fyrir konur, aðeins
karla eða stráka og þá sérstakar manngerðir.
„Í raunveruleikanum er þetta bara spurning
um persónulegan smekk fyrir tölvuleikjum
eins og kvikmyndum, bókum eða sjónvarps-
þáttum,“ segir Anna Larke.
Vinna hennar felst í að þróa hugmyndir að
tölvuleikjum og hún segist ekki hugsa um
hvað höfði sérstaklega til kvenna í
hugmyndavinnunni, heldur að finna hvað sem
flestum þyki gaman að spila, óháð kyni.
Henni finnst sjálfri gaman að spila tölvuleiki
eins og Half Life, The Sims eða Goldeneye,
eftir því í hvaða skapi hún er. Larke hefur
unnið að hönnun á Harry Potter--
tölvuleikjunum og nefnir þá sem dæmi um
leiki sem eiga að höfða til allra.
„Að mínu mati eiga tölvuleikjaframleið-
endur ekki að einblína á hvaða gerðir tölvu-
leikja höfði til kvenna vegna þess að slík
hugsun styrkir aðeins staðlaðar ímyndir
kynjanna. Það er móðgun við þær konur sem
spila tölvuleiki, sérstaklega ef tölvuleikirnir
eru merktir „fyrir stelpur“,“ segir Anna
Larke og hvetur framleiðendur til að auglýsa
tölvuleiki líka í svokölluðum kvennablöðum.
Tölvuleikir fyrir alla, ekki bara karla
Morgunblaðið/Jim Smart
Ekki bara fyrir stráka: Bæði kynin hafa gam-
an af tölvuleikjum en oft mismunandi smekk.

TÖLVULEIKIR