Morgunblaðið - 18.11.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 18. NÓVEMBER 2003 VERÐ Í LAUSASÖLU 190 KR. MEÐ VSK.
ÁHÖFN Twin Otter-flugvélar Flugfélags
Íslands var 10 klukkutíma að koma dönsk-
um hermanni, sem slasaðist á föstudag, frá
Daneborg á Grænlandi á sjúkrahús í
Reykjavík. Frímann Svavarsson flugstjóri
segir að tunglskin hafi ráðið úrslitum um
að áhöfn vélarinnar tókst að bjarga mann-
inum, en hann var höfuðkúpubrotinn og
með vott af heilablæðingu eftir að hafa
misst stjórn á hundasleða sínum.
Björgunarþyrla er í bænum Constable
Point á Grænlandi, en þar var éljagangur
og þyrlan er ekki búin afísingarbúnaði.
Flugbrautin í Daneborg er mjög frum-
stæð og voru notaðar 12 neyðarluktir til að
afmarka brautina, en myrkur var þegar
flugvélin lenti.
Að sögn læknis á Landspítala var líðan
mannsins eftir atvikum og hann á batavegi.
Frímann Svavarsson flugmaður með
sleðahundinn Dozer á Grænlandi.
Björguðu slös-
uðum hermanni
Þess virði/6
SIGURÐUR Helgason, forstjóri Flugleiða,
sagði á kynningarfundi fyrir fjárfesta í gær
að á næsta sumri stefndi félagið að 20%
aukningu flugs í samanburði við sumarið
2003. Það er um 9% framboðsaukning á árs-
grundvelli. Þetta væri mögulegt að gera með
arðbærum hætti vegna þess að nú væri hægt
að leigja flugvélar til mjög skamms tíma í
senn. Félaginu hefur á undanförnum árum
tekist að gera æ stærri hluta rekstrarkostn-
aðar breytilegan, segir Sigurður.
Að sögn Sigurðar verða ráðnar áhafnir
vegna aukinna verkefna strax næsta vor og
standa vonir til þess að hægt verði að end-
urráða þá flugmenn sem var sagt upp haustið
2001 í kjölfar hryðjuverkanna 11. september.
Hagnaður Flugleiða fyrstu níu mánuði
ársins nam 1.723 milljónum króna en hann
nam 3.321 milljón króna fyrstu níu mánuði
síðasta árs.
Flugleiðir auka umsvif
Stefnt að end-
urráðningu
flugmanna
Hagnaður/12
LÖGREGLAN í Reykjavík handtók síðdegis í
gær tvo menn um tvítugt grunaða um aðild að
vopnuðu bankaráni í Búnaðarbankanum við
Vesturgötu í gær og hefur annar þeirra játað
aðild að ráninu. Talið er að mennirnir tveir séu
sá sem framdi ránið og vitorðsmaður á rauðri
bifreið sem notuð var til undankomunnar eftir
ránið, samkvæmt heimildum Morgunblaðsins.
Hótaði gjaldkera með hnífi
og heimtaði peninga
Að sögn lögreglu sáu sjónarvottar hluta
númeraplötu bifreiðarinnar er þeir veittu
henni eftirför af Seljavegi í austurátt og auð-
veldaði það leit að ræningjunum. Misstu þeir
hins vegar sjónar á bifreiðinni er bankaræn-
ingjarnir óku á mikilli ferð gegn rauðu ljósi á
gatnamótum Geirsgötu og Pósthússtrætis við
Kolaportið og út á Kalkofnsveg og Sæbraut.
Lögreglan fann bílinn síðar um daginn og
annan manninn í tengslum við það. Mennirnir,
sem fæddir eru upp úr 1980, bíða þess að verða
yfirheyrðir af lögreglu sem leitar enn þriðja
mannsins vegna rannsóknar málsins, en hann
er talinn geta tengst ráninu.
Ránið var framið laust fyrir klukkan hálf-
fjögur í gær. Grímuklæddur maður, vopnaður
litlum hnífi, gekk inn í bankann, hótaði gjald-
kera og heimtaði peninga. Ekki er talið að
maðurinn hafi komist undan með mikla fjár-
muni en þegar hann hafði fengið peninga af-
henta yfir afgreiðsluborðið hljóp hann út úr
bankanum og inn í rauðan bíl sem beið hans
ásamt bílstjóra á Seljavegi. Þaðan brunuðu
þeir á brott en var veitt eftirför af sjónarvott-
um, sem höfðu séð manninn setja grímuna á
sig fyrir utan bankann og horft forviða á þegar
hann kom út úr bankanum og reif af sér grím-
una.
Maður vopnaður hnífi rændi Búnaðarbankann við Vesturgötu
Einn hefur játað og
annar er í haldi lögreglu
Morgunblaðið/Júlíus
Lögregluþjónar og starfsfólks útibúsins á
Vesturgötu ræða saman eftir ránið í gær.
SAMKVÆMT nýrri könnun Gall-
up fyrir iðnaðarráðuneytið eru
rúm 70% landsmanna á því að er-
lend fjárfesting hér á landi auki
velmegun. Rúmlega 21% telur
slíka fjárfestingu ekki skipta þjóð-
arbúið máli og nærri 9% telja hana
draga úr velmegun. Valgerður
Sverrisdóttir iðnaðarráðherra
greindi frá þessari könnun á ráð-
stefnu sem fram fór í gær um ís-
lenskan áliðnað, þeirri fyrstu sem
Norðurál, Alcoa og Alcan standa
sameiginlega að hér á landi.
Í sömu könnun var spurt um
viðhorf fólks til erlendrar fjárfest-
ingar á Íslandi. Tæp 66% svarenda
voru henni hlynnt, rúm 17% and-
víg og 17% óákveðin. Þá sögðust
67% vera hlynnt álveri Alcoa í
Reyðarfirði, 22% voru andvíg og
11% óákveðin.
Erlend fjárfesting
talin auka velmegun
Álið nálgast/28–29
BORGARLEIKHÚSIÐ var stappað af ungling-
um í gær en þá fór fram fyrsta undan-
úrslitakvöld Skrekks, hæfileikakeppni grunn-
skóla Reykjavíkur og ÍTR. 200 krakkar frá sjö
skólum tóku þátt í þeim atriðum sem flutt
voru en Langholtsskóli og Árbæjarskóli kom-
ust áfram og keppa á úrslitakvöldinu í næstu
viku. Hér er Rimaskóli að flytja atriði sem
kallast Ævintýraheimur Putta.
Morgunblaðið/Sverrir
Skrekkur í Borgarleikhúsinu
MIKILL músafaraldur hefur verið á
Siglufirði að undanförnu en músa-
faraldur í Reykjavík í október var
minni en í meðalári. „Það hefur verið
frekar mikið um mýs að undan-
förnu,“ segir Guðni Sölvason, bæj-
arverkstjóri á Siglufirði. „Þetta
flokkast undir að vera ekki eðlilegt.
Hún hlýtur að hafa fjölgað sér mjög
mikið í þessari góðu tíð.“
Guðmundur Björnsson, rekstrar-
stjóri meindýravarna í Reykjavík,
segir að ástandið í borginni sé ekkert
í líkingu við stöðu mála víða úti á
landi. „Síðasti mánuður var undir
meðalári,“ segir hann en telur að
músafaraldurinn megi annars fyrst
og fremst rekja til góðs veðurs und-
anfarin ár.
Mikill músafaraldur á Siglufirði
Morgunblaðið/Sigurður Ægisson
MIKILL músafaraldur í byggð boð-
ar harðan vetur samkvæmt íslenskri
hjátrú að sögn Símonar Jóns Jó-
hannssonar þjóðfræðings. Hann seg-
ir ýmiss konar hjátrú, einkum varð-
andi veðrið, tengjast músum í
byggð. Sjáist mikið af músasporum í
nýföllnum snjó megi til dæmis búast
við þíðu. „Ef það heyrist hátt í mús-
um og þær tísta mikið er það fyr-
irboði um storm,“ segir Símon Jón.
Fyrirboði um
harðan vetur
♦ ♦ ♦