Morgunblaðið - 19.11.2003, Blaðsíða 3
MORGUNBLAÐIÐ MIÐVIKUDAGUR 19. NÓVEMBER 2003 B 3
bílar
ÞVÍ hefur verið haldið fram
að varahlutaverð og viðgerð-
arkostnaður hafi hækkað hér
á landi í umræðu að undan-
förnu. Í fréttatilkynningu frá
Bílgreinasambandinu er
þessu mótmælt. „Þvert á móti
hafa algengir boddýhlutir í
mörgum tilfellum verið að
lækka, jafnvel verulega. Þeg-
ar litið er yfir lengra tímabil
sést að hækkanir varahluta í
opinberum vísitölum eru
óverulegar.
Varðandi viðgerðarkostnað
í tjónaviðgerðum að undan-
förnu þá er ljóst að eftir til-
komu hins nýja Cabas tjóna-
matskerfis hefur gætt
verulega aukins þrýstings
tryggingarfélaga á verkstæð-
in að lækka verð á útseldri
vinnu. Vegna þessa hefur verð
útseldrar vinnu verkstæðanna
ekki náð að fylgja verð-
lagsþróun. Þessi þrýstingur
hefur haldist í hendur við
minni slysatíðni og minna um-
fang tjóna með þeim afleið-
ingum fyrir verkstæðin að af-
koma þeirra er í dag mjög
slæm,“ segir í fréttatilkynn-
ingunni.
Varahluta-
verð og við-
gerðir ekki
hækkað
FÉLAG íslenskra bifreiðaeigenda,
FÍB, fær árlega mikinn fjölda
ágreiningsmála sem tengjast við-
skiptum með viðgerða tjónabíla. Illa
viðgerðir bílar, sem gert hafði verið
við af vankunnáttu og vanefnum,
reyndust því miður vera í meiri-
hluta, að því er fram kemur í frétta-
tilkynningu frá Bílgreinasamband-
inu.
„FÍB lét nýlega kanna ástand
þessara mála og skoða viðgerða
tjónabíla í eigu félagsmanna FÍB og
annaðist Fræðslumiðstöð bílgreina
skoðunina fyrir félagið. Allir bílarnir
sem skoðaðir voru, höfðu skemmst í
umferðaróhöppum og trygginga-
félög leyst þá flesta til sín og selt síð-
an aftur í vikulegum mánudagsút-
boðum sínum. Sumir þessara bíla
höfðu verið skráðir sem tjónabílar í
bifreiðaskrá en aðrir ekki. Sameig-
inlegt var þó með þeim að allir höfðu
skemmst umtalsvert á burðarvirki
og/eða hjólabúnaði og voru því
tjónabílar samkvæmt skilgreiningu
reglugerðar um skráningu tjónabif-
reiða sem tók gildi 1. júní 1999 (ekki
í ágúst 2001 eins og segir í grein for-
stöðumanns tjónaskoðunarstöðvar
Sjóvár-Almennra trygginga hf. í
Morgunblaðinu 10. nóv. sl.).
Geta reynst dauðagildrur
Í umræddri skoðun FMB á við-
gerðum tjónabílum í eigu fé-
lagsmanna FÍB kom í ljós allt frá
mjög góðum vinnubrögðum við
þessa bíla til algjörlega óviðunandi
vinnubragða og allt þar í milli. Illa
viðgerðir bílar sem gert hafði verið
við af vankunnáttu og vanefnum
reyndust því miður vera í meirihluta
þótt vissulega sæjust dæmi um hið
gagnstæða.
Það er augljóslega mjög mikil-
vægt öryggismál að ekki séu í um-
ferð illa viðgerðir og þar með hættu-
legir tjónabílar. Bílar sem skemmast
í umferðaróhöppum eru vissulega
taldir geta orðið jafn öruggir og
bílar sem ekkert hefur komið fyrir.
Forsenda þess er þó sú að viðgerð sé
unnin samkvæmt forskriftum fram-
leiðenda bifreiðanna af kunnáttu-
fólki sem notar rétt tæki og efni og
vinnur verk sín af kostgæfni og sam-
viskusemi. Á hinn veginn geta illa
viðgerðir bílar reynst hreinar
dauðagildrur. Í framhaldi af þessu
vill Bílgreinasambandið benda á að
sala tjónabíla á uppboðum til al-
mennings er nokkuð sem er fyllilega
óraunhæft í nútíma þjóðfélagi.“
Morgunblaðið/Árni Sæberg
Frá blaðamannafundi FÍB og Fræðslumiðstöðvar bílgreina um tjónabíla í síð-
asta mánuði. Þar voru kynntar sláandi niðurstöður.
Illa viðgerðir tjónabílar
í meirihluta að mati FÍB
Moggabúðin
Geisladiskahulstur, aðeins 700 kr.