Morgunblaðið - 19.11.2003, Blaðsíða 6

EINN af þeim bílum sem láta lítið
yfir sér og fáir muna í raun eftir
er Suzuki Ignis. Þetta er dálítil
þversögn því Ignis er um margt
mjög sérstæður bíll og fáir ef
nokkur bíll sem fetar í fótspor
hans. Suzuki kynnti bílinn í haust
en hingað er hann væntanlegur
upp úr áramótum. Stóra breyt-
ingin er sú að bíllinn verður fram-
leiðis framleiddur í Ungverjalandi
fyrir Evrópumarkað en Suzuki
umboðið á Íslandi mun áfram sam-
hliða nýja bílnum bjóða hann í
eldri útgáfunni, sem framleiddur
er í Japan.
Örjepplingur?
En hvað er svona sérstakt við
Ignis? Jú, þetta er smábíll, fáan-
legur jafnt þrennra sem fimm
dyra, og með eða án fjórhjóladrifs.
Veghæðin er sömuleiðis hærri en í
öðrum bílum í þessum stærðar-
flokki og það er líka sætastaðan.
Setið er mun hærra í Ignis en
sambærilegum bílum sem gefur
betri yfirsýn og þægilegra er að
setjast inn í og fara út úr bílnum.
Norðmenn ganga svo langt að
kalla þennan bíl Ignis SUV, sem
er enska heitið yfir jeppa og jepp-
linga. Ekki myndi undirritaður
ganga svo langt því kjörlendi Ignis
er þrátt fyrir allt borgin og borg-
arumferðin en fjórhjóladrifna út-
gáfan gæti vissulega hentað þá
daga sem snjóar í bænum. Það er
líka visst öryggi fólgið í fjórhjóla-
drifinu. Ignis mætti kannski kalla
örjeppling.
Bíllinn er dálítið kassalaga og
grófgerður að sjá og býður upp á
mikið innanrými. Þetta bíll sem
maður gæti alveg hugsað sér að
fara lengra á en á venjulegum
smábíl og veghæðin býður upp á
að hann komist lengra en þeir
flestir. Bíllinn tekur fjóra full-
orðna í sæti án þess að þrengt sé
að þeim sem er óvenjulegt í bíl í
þessum stærðarflokki. Þessa nýja
kynslóð bílsins hefur fengið marg-
ar breytingar og ekki síst hefur
hann verið endurnýjaður að innan.
Efnisval er betra og komin eru
innbyggð hljómtæki, nýir mælar
með hvítum skífum og er hann auk
talsvert betur búinn en eldri gerð-
in. Þarna er t.a.m. að finna raf-
stýrðar rúður, geislaspilara og
ABS-hemlakerfi.
Býðst einnig með 1,3 l vél
Bíllinn verður fáanlegur jafnt
framhjóladrifinn og með sítengdu
fjórhjóladrifi. Líklegt er að vin-
sælli kosturinn verði fjórhjóla-
drifna útgáfan sem kemur með
1.500 rúmsentimetra vél. Bíllinn er
léttur og sýnir fríska takta með
þessari vél. En þetta er fyrst og
fremst innanbæjarbíll og býðst
sem slíkur sjálfskiptur, en þá án
fjórhjóladrifsins. Einnig verður
hann boðinn með 1,3 lítra VVT-vél.
Eins og algengt er orðið þá er
nýr Ignis með rafstýri sem gerir
hann léttari í meðförum þegar ver-
ið er að leggja í stæði.
Eins og fyrr segir verður bíllinn
kynntur hér á landi upp úr ára-
mótum og ekki er ennþá ljóst hvað
hann kemur til með að kosta.
Ignis er lítill borgarbíll, fáanlegur með fjórhjóladrifi. Hann verður kynntur hér á landi upp úr áramótunum.
Nýr Suzuki Ignis 4x4
Sportlegir mælar með hvítum skífum. Snotur frágangur og lagleg hönnun á innanrýminu.
REYNSLUAKSTUR
Suzuki Ignis 4x4
Guðjón Guðmundsson
Morgunblaðið/Guðjón Guðmundsson
Boðið verður upp á 1,3 og 1,5 lítra bensínvélar, fram- eða fjórhjóladrif.
gugu@mbl.is
6 B MIÐVIKUDAGUR 19. NÓVEMBER 2003 MORGUNBLAÐIÐ
bílar
Vél: Fjórir strokkar,
1.490 rúmsentimetrar,
16 ventlar.
Afl: 98 hestöfl við 5.900
snúninga á mínútu.
Tog: 133 Nm við 4.100
snúninga á mínútu.
Hröðun: 11 sekúndur úr
kyrrstöðu í 100 km á klst.
Hámarkshraði:
165 km/klst.
Lengd: 3.770 mm.
Breidd: 1.605 mm.
Hæð: 1.605 mm.
Hjólhaf: 2.360 mm.
Veghæð: 170 mm.
Farangursrými:
236-1.002 lítrar.
Hemlar: Kældir diskar að
framan, skálar að aftan.
Dekk: 185/60R 15.
Eyðsla: 7,2 lítrar í blönd-
uðum akstri, 9,1 lítri í
borgarakstri.
Væntanlegur: Áramót
2003/2004.
Umboð: Suzuki bílar hf.
Suzuki Ignis 4x4 1.5