Morgunblaðið - 20.11.2003, Page 25
LANDIÐ
MORGUNBLAÐIÐ FIMMTUDAGUR 20. NÓVEMBER 2003 25
Hellissandur | Nemendur og kenn-
arar Grunnskólans á Hellissandi til-
einkuðu ljóðskáldinu Jóhanni
Hjálmarssyni Dag íslenskrar tungu
nú í ár. Í kennslustundum í íslensku
í síðustu viku voru unnin verkefni
tengd skáldskap Jóhanns. Nemend-
urnir gerðu teikningar við ljóð
hans, gerðu samanburð á kvæðum
Jóhanns og Jónasar Hallgríms-
sonar o.m.fl. Verkefni þessi fegra
nú veggi skólans.
Hringt var til samkomu í sal skól-
ans þar sem allir nemendur og
kennarar mættu ásamt nokkrum
gestum. Þar var og kominn Jóhann
Hjálmarsson ásamt konu sinni
Ragnheiði K. Stephensen. Hulda
Skúladóttir skólastjóri kynnti Jó-
hann og bauð þau hjón velkomin.
Fluttu nú nemendur skólans ljóð
eða ljóðabrot úr verkum skáldsins.
Var sá flutningur allur til sóma fyr-
ir nemendur og kennara þeirra.
Eftir dagskrá nemendanna færði
Jóhann skólanum eintak af nokkr-
um ljóðabóka sinna og las úr verk-
um sínum við prúða og góða eft-
irtekt.
Að upplestri Jóhanns loknum
þakkaði Hulda skólastjóri honum
fyrir lesturinn og þeim hjónum fyr-
ir komuna og færði honum að gjöf
mynd af Hellissandi, frá því um
miðja síðustu öld, teiknaða af
Smára Lúðvíkssyni. Þau Hulda og
Jóhann þökkuðu svo hvort öðru
fyrir gjafirnar og stundina. Í lokin
var svo fjöldasöngur nemanda og
allra viðstaddra með undirleik Kay
Wiggs. Þannig hófst samkoman
einnig.
Jóhann ólst upp á Hellissandi
fram á tíunda ár. Hann var tvo vet-
ur nemandi í barnaskólanum þar og
hefur haldið tryggð við æskustöðv-
arnar. Hann hafði áður fært skól-
anum góða bókagjöf.
Morgunblaðið/Hrefna Magnúsdóttir
Gesturinn: Jóhann Hjálmarsson les. Skemmtileg dagskrá: Séð yfir salinn undir lokasöngnum. Skáldið Jóhann Hjálmarsson situr fremst á myndinni.
Dagur íslenskrar tungu á Hellissandi
tileinkaður Jóhanni Hjálmarssyni
Rangárþing eystra | Íþróttafélögin í
Rangárþingi eystra hafa skrifað
undir samstarfssamning við sveitar-
félagið, sem markar tímamót í
íþróttastarfi í sveitarfélaginu.
Samningur þessi felur í sér styrk
frá Rangárþingi eystra til Íþrótta-
félagsins Dímonar og Knattspyrnu-
félags Rangæinga sem varið skal til
eflingar barna- og unglingastarfi í
sveitarfélaginu, þess utan fá íþrótta-
félögin frí afnot af íþróttamannvirkj-
um í sveitarfélaginu til eigin nota.
Samningur þessi markar tímamót
í íþróttastarfi í sveitarfélaginu því nú
hafa félögin fjárhagslegan grunn
sem þau geta treyst á í stað þess að
þurfa að fara fram á fjárveitingar ár-
lega.
Íþróttastarf er nú í miklum blóma
í héraðinu, vetrarstarfið er hafið hjá
íþróttafélögunum og fer vel af stað.
Æfingar eru hafnar í hinum ýmsu
greinum hjá Íþróttafélaginu Dímon,
sem er fjölgreinafélag og hjá Knatt-
spyrnufélagi Rangæinga hófust æf-
ingar um mánaðamótin september–
október.
Morgunblaðið/Steinunn Ósk
Fulltrúar Knattspyrnufélags Rangæinga undirrita samstarfssamning við
Rangárþing eystra. Frá hægri: Árni Þorgilsson, æskulýðs- og menningar-
fulltrúi, Ágúst Ingi Ólafsson sveitarstjóri, Björgvin Daníelsson og Jens Sig-
urðsson frá Knattspyrnufélagi Rangæinga. Bak við eru nokkrar ungar
knattspyrnuhetjur, þær heita: Elva Ragnarsdóttir, Bergrún Helgadóttir,
Reynir Björgvinsson og Rúnar Smári Jensson.
Samið við íþróttafélögin
Ljósmynd/Ragnar Ægir Fjölnisson
Nýtt þjónustuhús
við kirkjuna
Suðursveit | Það var mikið um
dýrðir hér í Suðursveit á allra
sálnamessu 2. nóvember síðastlið-
inn. Hátíðamessa var í Kálfafells-
staðarkirkju þar sem herra Sig-
urður Sigurðarson vígslubiskup
predikaði, en sóknarprestarnir
séra Einar G. Jónsson og Sigurður
Sigurðarsson á Höfn þjónuðu fyrir
altari.
Að messu lokinni vígði biskup
nýtt þjónustuhús við kirkjuna. Um
er að ræða 30 fermetra hús teiknað
af Reyni Sæmundssyni arkitekt, en
verktaki var Geir Þorsteinsson frá
Reyðará. Húsið er í senn skrúðhús
og afdrep sóknarbarna, góð snyrti-
aðstaða með aðgengi fyrir hreyfi-
hamlaða, auk rýmis fyrir amboð og
tól kirkjugarðsins.
Vel hefur tekist að fella hús þetta
að kirkju og umhverfi, og er það í
senn til prýði og menningarauka.
Ný gönguleiðakort | Í dag und-
irrita Ferðafélag Fljótsdalshéraðs
og héraðsstjórn Héraðssvæðis
samning um gerð þriggja útivistar-
og göngukorta af Fljótsdalshéraði
og Vopnafirði. Kortin spanna svæðið
frá Aðalbóli í suðri til Strandhafnar í
norðri og norðurbrún Fjarðarheiðar
í austri til Jökulsár á Fjöllum í
vestri. Kortin verða sambærileg við
önnur göngukort af Austfjörðum
sem gefin hafa verið út. Landmæl-
ingar munu annast kortagerðina.
Þegar þig langar
frá kr.
3.800
á mann
Næturgisting með morgunmat frá aðeins 3.800 kr.* á mann.
*Tilboðið miðast við tvo í herbergi og gildir í nóvember og desember.
• Flughótel • Flúðir • Rangá • Loftleiðir •
• Nordica • Hérað • Kirkjubæjarklaustur • Selfoss •
Sími: 444 4000
www.icehotels.is