Morgunblaðið - 20.11.2003, Side 29

LISTIR
MORGUNBLAÐIÐ FIMMTUDAGUR 20. NÓVEMBER 2003 29
TÓNLISTARFLOKKURINN Guit-
ar Islancio er fimm ára um þessar
mundir og mun af því tilefni halda tón-
leika á Garðatorgi í kvöld kl. 21. Tón-
leikarnir eru hluti af tónleikaröðinni
„Tónlistarveisla í skammdeginu“ sem
menningar- og safnanefnd Garð-
arbæjar stendur fyrir. „Það má eig-
inlega segja að tilefnið sé tvöfalt, ann-
ars vegar afmæli tríósins og hins
vegar mun Sonet, útgáfufyrirtækið
okkar, afhenda okkur gullplötu vegna
sölu á fyrsta diskinum okkar, Guitar
Islancio frá árinu 1999. Mér vitandi
hefur það ekki áður gerst að „instrú-
mental“ djassdiskur hafi fengið gull-
plötu,“ segir Björn Thoroddsen gít-
arleikari sem ásamt Gunnari Þórð-
arsyni gítarleikara og Jóni Rafnssyni
bassaleikara skipar Guitar Islancio.
Á tónleikunum í kvöld má heyra
eins konar þverskurð af því sem tríóið
hefur verið að gera á síðustu fimm ár-
um. „Þetta eru nokkurs konar yf-
irlitstónleikar þar sem við verðum
bæði með gamalt og nýtt efni. Þannig
hefjum við t.d. tónleikana á því að
spila fyrsta lagið sem við spiluðum
saman og rekjum okkur svo nær í
tíma. Auðvitað verða íslensku þjóð-
lögin í hávegum höfð, en auk þess
munum við taka ameríska djassslag-
ara eftir höfunda á borð við Ger-
shwin. Þegar við spilum í útlöndum
erum við nefnilega alltaf með djass-
standarda í bland við íslensku þjóð-
lögin.“
Spurður um stofnun Guitar Is-
lancio svarar Björn því til að hann
hafi lengi gengið með þann draum í
maganum að stofna gítartríó. „Ég
ákvað að tala við Gunnar Þórðarson
sem ég hafði alltaf dáðst að fyrir
hversu skemmtilegur gítarleikari
hann er, en ég þekkti m.a. til hans eft-
ir að hafa spilað með honum ásamt
Ríó tríói. Fljótlega fannst okkur að við
þyrftum að bæta einum manni við og
höfðum þá samband við Jón Rafnsson
bassaleikara sem var þá nýfluttur í
bæinn. Ég held einmitt að styrkur
hljómsveitarinnar felist í því hvað við
komum úr ólíkum áttum, þannig er
Gunnar úr poppinu og klassíkinni og
ég úr djassinum á meðan Jón svona
sameinar alla þessa stíla.“
Að margra mati kom Guitar Is-
lancio með nokkuð nýjan tón inn í ís-
lensku djassflóruna. Aðspurður segir
Björn stílinn innblásinn af sígaun-
anum Django Reinhard. „Ég hef allt-
af hlustað mikið á Django Reinhard
og langaði til að blanda rytmanum í
hans anda inn í íslensku þjóðlögin. Og
sú hugmynd gekk fullkomlega upp
strax frá fyrstu æfingu, enda sam-
starf okkar einstaklega gott.“
Björn segir að þegar þeir félagar
byrjuðu að spila hafi þeir allir verið á
fullu í öðrum verkefnum samhliða.
„Upphaflega átti þetta bara að vera
hálfgerður saumaklúbbur fyrir mið-
aldra menn,“ segir Björn og hlær.
„En eftir að við byrjuðum að spila
jókst eftirspurnin. Við vorum nátt-
úrlega mjög hissa á þessu og vissum
ekki hvernig við ættum að taka því.
Fljótlega myndaðist ákveðinn þrýst-
ingur á að við gerðum plötu með
þessu efni og síðan hafa hlutirnir
hreinlega undið upp á sig.“
Á þeim fimm árum sem Guitar Is-
lancio hefur starfað hafa þeir félagar
gefið út fjóra diska, spilað með heims-
frægum djassleikurum á borð við
Didier Lockwood og Sylvian Luc, auk
þess að taka þátt í fjölmörgum
djasshátíðum bæði á Norðurlönd-
unum, í Bandaríkjunum, Kanada, á
Spáni og Bretlandi. Fyrr á árinu léku
þeir og kynntu tónlist sína t.a.m. á
ráðstefnunni IAJE, International
Association for Jazz Education, í Tor-
onto sem nýtur mikillar virðingar
innan djassheimsins.
Með vorinu er síðan von á fimmta
geisladiski hljómsveitarinnar og í
framhaldinu munu þeir félagar spila á
djasshátíðum í Slóveníu, Frakklandi
og Kanada. Spurður um útgáfu-
starfsemi sína segir Björn útgáfu-
heiminn vissulega erfiðan. „Áheyr-
endahópurinn er náttúrlega fremur
þröngur og djassdiskar seljast yf-
irleitt ekkert sérstaklega vel. En
þrátt fyrir kannski þröngan áheyr-
endahóp hefur djassinn alltaf togað í
mig. Þegar ég var ungur strákur þá
togaði þessi tegund af músík í mig og
maður hugsaði hreinlega ekkert út í
það að afkomulega séð væri kannski
ekki sniðugt að vera í djassinum. En
djassinn er, eins og einn góður mús-
íkant orðaði það, eins og trúarbrögð
eða köllun sem maður einfaldlega
verður að fylgja og ég neita því ekki
að það er mjög gaman að vera í djass-
inum.“
Á síðustu fjórum diskum tríósins
hafa íslensku þjóðlögin verið í for-
grunni þó að finna hafi mátt eitt og
eitt frumsamið lag. Inntur eftir efnis-
skrá fimmta disksins sem tekinn
verður upp snemma á næsta ári og
gefinn út hjá Sonet í maí segir Björn
enn óráðið hvaða stefna verði tekin.
„Við erum með nokkrar hugmyndir
og þurfum bara að ákveða hvað af því
við tökum fyrir fyrst, því við munum
vafalaust hrinda flestum þeirra í
framkvæmd á næstu árum. Það hefur
t.d. oft verið orðað við okkur að gera
disk með frumsömdu efni og við erum
að skoða málið. Við höfum líka rætt
um það að gaman væri að gera disk
með þjóðlögum annarra landa og fá
til liðs við okkur gestaspilara frá við-
komandi landi. Auk þess höfum við
verið að horfa til íslenskra lagahöf-
unda, því við eigum svo marga frá-
bæra höfunda.“
Næsta verkefni hjá Guitar Islancio
eru jólatónleikar í Bústaðakirkju.
„Þar munum við spila með Kristjáni
Jóhannssyni ásamt kór Bústaða-
kirkju undir stjórn Guðmundar Sig-
urðssonar. Þetta er mjög spennandi
og ögrandi verkefni fyrir okkur, ekki
síst fyrir það hvað samsetningin er
nýstárleg. Kannski má segja að þetta
verkefni lýsi Guitar Islancio afar vel,
því við getum verið afar sveigjanlegir
og eiginlega spilað við hvaða tækifæri
sem er. Og þar kemur styrkleiki
hljómsveitarinnar skýrt fram.“
„Átti bara að vera eins-
konar saumaklúbbur“
Morgunblaðið/Árni Sæberg
Guitar Islancio: Björn Thoroddsen, Jón Rafnsson og Gunnar Þórðarson.
silja@mbl.is
Guitar Islancio heldur upp á fimm ára
afmæli sitt í kvöld með tónleikum á Garða-
torgi. Silja Björk Huldudóttir hitti Björn
Thoroddsen gítarleikara að máli.