Morgunblaðið - 20.11.2003, Qupperneq 43
MORGUNBLAÐIÐ FIMMTUDAGUR 20. NÓVEMBER 2003 43
Áskirkja. Opið hús kl. 14–17 í neðri
safnaðarsal fyrir unga sem aldna. Org-
anisti Áskirkju leiðir söng. Allir velkomnir.
Fræðslukvöld kl. 20 í safnaðarheimilinu.
Sóknarprestur fjallar um sorg og trú.
Bústaðakirkja. Foreldramorgunn kl. 10–
12. Umsjón Lovísa Guðmundsdóttir.
Dómkirkjan. Opið hús fyrir alla aldurs-
hópa kl. 14–16 í safnaðarheimilinu Lækj-
argötu 14.
Hallgrímskirkja. Kyrrðarstund kl. 12. Org-
elleikur, íhugun. Léttur málsverður í safn-
aðarheimilinu eftir stundina.
Háteigskirkja. Taize-messa kl. 20. For-
eldramorgnar frá kl. 10–12. Vinafundir
frá kl. 13–15.
Landspítali - háskólasjúkrahús. Arnar-
holt: Guðsþjónusta kl. 15. Sr. Sigfinnur
Þorleifsson.
Laugarneskirkja. Kyrrðarstund kl. 12 á
hádegi. Gunnar Gunnarsson leikur á org-
elið frá kl. 12. Þjónustu annast Sig-
urbjörn Þorkelsson. Kl. 12.30 er léttur
málsverður í boði í safnaðarheimilinu.
Alfafundur kl. 19. Umsjón hefur Nína Pét-
ursdóttir og með henni hópur sjálfboða-
liða, sem langar að kynna gestum sínum
grundvallaratriði kristinnar trúar.
Neskirkja. Krakkaklúbburinn kl. 14.30.
Starf fyrir 8 og 9 ára börn. Sögur, leikir,
föndur o.fl. Stúlknakór Neskirkju kl.
16.00. Kór fyrir 8 og 9 ára stúlkur.
Stjórnandi Steingrímur Þórhallsson, org-
anisti. Uppl. og skráning í síma 896
8192. NEDÓ-unglingaklúbburinn. 8.
bekkur kl. 17.00. 9. bekkur og eldri kl.
19.30. Umsjón Munda og Hans. Fé-
lagsstarf aldraðra laugardaginn 22. nóv-
ember kl. 14.00. Stutt ferð í næsta ná-
grenni. Kaffiveitingar. Þátttaka tilkynnist í
síma 511 1560 milli kl. 10–13 fram á
föstudag. Allir velkomnir. Sr. Frank M.
Halldórsson.
Seltjarnarneskirkja. Helgistund í íbúðum
aldraðra á Skólabraut kl. 13.30.
Árbæjarkirkja. Kl. 15.15 STN-starf með
sjö til níu ára börnum í Selásskóla.
Breiðholtskirkja. Biblíulestrar í samvinnu
leikmannaskólans og Reykjavíkurpró-
fastsdæmis eystra kl. 20–22. Kennari
dr. Sigurjón Árni Eyjólfsson héraðsprest-
ur.
Digraneskirkja. Foreldramorgnar kl. 10.
Leikfimi ÍAK kl. 11.15. Bænastund kl.
12.10. Unglingakór Digraneskirkju kl.
16.30–19. (Sjá nánar: www.digranes-
kirkja.is)
Fella- og Hólakirkja. Foreldramorgnar kl.
10–12. Stelpustarf fyrir stelpur í 3., 4.
og 5. bekk kl. 16.30. Biblíulestur og
helgistund í Gerðubergi kl. 10.30–12 í
umsjá Lilju djákna. Fimmtudaginn 30.
okt. hófst fjögurra kvölda námskeið í
safnaðarheimili Fella- og Hólakirkju kl.
20 „Um efri árin“. Sr. Svavar Stefánsson
fjallar um þær breytingar sem fylgja því
að eldast. Allir velkomnir án endurgjalds.
Grafarvogskirkja. Foreldramorgnar kl.
10. Dagskráin er fjölbreytt. Boðið er upp
á áhugaverða fyrirlestra og skemmtilegar
og fræðandi samverustundir. Kirkjukrakk-
ar fyrir börn á aldrinum 7–9 ára kl.
17.30–18.30 í Grafarvogskirkju og einnig
í Húsaskóla á sama tíma. Æskulýðsfélag
fyrir unglinga í 8. bekk í Grafarvogskirkju
kl. 20.
Hjallakirkja. Kirkjuprakkarar, 7–9 ára
starf kl. 16.30.
Kópavogskirkja. Starf með eldra fólki kl.
14.30–16 í safnaðarheimilinu Borgum.
Umsjón Sigríður Baldursdóttir. Bæna- og
kyrrðarstund kl. 17. Fyrirbænaefnum má
koma til kirkjuvarðar eða presta. Fyrstu
árin. Í dag kl. 17.30 heldur sr. Ingþór
Indriðason Ísfeld fræðsluerindi um Post-
ulasöguna í safnaðarheimilinu Borgum.
Fyrirspurnir og umræður að erindi loknu.
Allir velkomnir.
Lindakirkja í Kópavogi. Kl. 19 Alfa-nám-
skeið í Salaskóla.
Seljakirkja. KFUM 9–12 ára kl. 17.30.
Vídalínskirkja. Bæna- og kyrrðarstund í
kirkjunni kl. 22. Bænarefnum er hægt að
koma til prestsins fyrir stundina.
Hafnarfjarðarkirkja. Opið hús fyrir 8–9
ára börn í safnaðarheimilinu Strandbergi,
Vonarhöfn, frá kl. 17–18.30.
Víðistaðakirkja. Foreldrastund (sbr.
mömmumorgunn) í dag kl. 13. Kjörið
tækifæri fyrir heimavinnandi foreldra til
að koma saman og eiga skemmtilega
stund í notalegu umhverfi. Kaffi og léttar
veitingar, spjall, föndur, fyrirlestrar, kynn-
ingar og fleira.
Fríkirkjan í Hafnarfirði. TTT-starf fyrir 10–
12 ára krakka kl. 16.30–18.
Óháði söfnuðurinn:
Tólf sporin – andlegt ferðalag í kvöld kl.
19.
Keflavíkurkirkja. Fermingarundirbúningur
í Kirkjulundi: kl. 15.10-–15.50 8.A. í
Holtaskóla, kl. 15.55–16.35 8.B í Holta-
skóla.
Þorlákskirkja. Bænastund kl. 9.30. For-
eldramorgnar kl. 10.
Landakirkja í Vestmannaeyjum.
Kl. 10.00 Mömmumorgunn í safnaðar-
heimilinu. Sr. Þorvaldur Víðisson. Eftir
viku mun Kristín Sigurðard. nuddari
fræða foreldra um ungbarnanudd. Allir
velkomnir.
Kl. 18.00 Kóræfing hjá Litlum lærisvein-
um. Aukaæfing.
Kl. 20.00 Tólf spora vinna heldur áfram í
KFUM&K heimilinu. Fjölskylduhópar hafa
verið myndaðir og hefur þeim verið lokað.
Umsjónarfólk.
Kletturinn. Kl. 19 alfanámskeið. Allir vel-
komnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á
vægu verði í Safnaðarheimili eftir stund-
ina.
Glerárkirkja. Mömmumorgunn alla
fimmtudaga kl. 10–12.
Hjálpræðisherinn á Akureyri. Kl. 20 ung-
lingafundur fyrir 8. bekk og upp úr.
Safnaðarstarf
Kirkjustarf
Kvöldvaka
í Seljakirkju
KVÖLDVAKA KSS og SELA í
Seljakirkju. Föstudagskvöldið
21. nóvember kl. 20 verður haldin
kvöldvaka í umsjá KSS (Kristileg
skólasamtök) og SELA (Æsku-
lýðsfélag Seljakirkju). Hljóm-
sveitin Óbadía spilar og leiðir við-
stadda í söng. Kári í Sautján
flytur vitnisburð. KSS sýnir
gjörning. Veitingar í boði eftir
kvöldvöku. Verið hjartanlega
velkomin og njótum samfélags
við Guð og menn.
Unglingamóti
í Vatnaskógi
DAGANA 21.-23. nóvember
gengst Krossinn fyrir unglinga-
móti í Vatnaskógi. Gestir mótsins
eru frá Bandaríkjunum. Þar eru
fremstir í flokki þungavigt-
arpredikarinn Kevin White sem
oft hefur sótt Ísland heim og
fyrrverandi æðsti prestur í
djöflakirkju. Samkoma á laug-
ardagskvöldinu í Vatnaskógi er
öllum opin. Kevin White mun
ásamt félögum sínum þjóna á
samkomu í Krossinum sunnudag-
inn 23. nóvember kl. 16.30.
Eldri borgarar í Glerárkirkju.
Samvera eldri borgara í kirkj-
unni kl 15.00. Kaffiveitingar og
spjall. Sr. Magnús G. Gunnarsson
þenur harmonikkuna. Söngur,
upplestur, ljóð og frásagnir.
Barnakór Glerárkirkju syngur
undir stjórn Ástu Magnúsdóttur.
Sr. Arnaldur Bárðarson leiðir
bænastund.
Kyrrðarstund í Hallgríms-
kirkju Hefur þú uppgötvað ríki-
dæmi þess að ganga í kirkju á
miðjum vinnudegi? Í erlinum er
það huga, líkama og ekki síst þín-
um innra manni hollt að staldra
við. Í hádegi á öllum fimmtudög-
um er boðið til kyrrðarstundar í
Hallgrímskirkju. Með tónlist og
hugleiðingu er íhugað og síðan er
hægt að kaupa næringu að kyrrð-
arstund lokinni. Fimmtudaginn
20. nóvember leikur Björn Stein-
ar Sólbergsson á orgel og sr. Jón
Dalbú Hróbjartsson flytur íhug-
un. Allir velkomnir - nóg pláss!
Stoð og Styrking
og Spilakvöld aldraðra
og öryrkja
YTRI-Njarðvíkurkirkja, Stoð og
Styrking, fundur fimmtudaginn
20. nóvember kl.17. 30. Kaffi á
könnunni og eru allir velkomnir.
Spilakvöld aldraðra og örykja
fimmtudaginn 20. nóvember kl.
20. í umsjá félaga úr Lionsklúbbi
Njarðvíkur og Ástríðar Helgu
Sigurðardóttur. Natalía Chow
organisti leikur á orgel við helgi-
stund að spilum loknum. Sr.
Baldur Rafn Sigurðsson.
KASPAROV stefndi beinustu
leið á jafntefli í fjórðu og síðustu
einvígisskákinni gegn X3D Fritz í
New York. Hann stýrði svörtu
mönnunum og beitti mótteknu
drottningarbragði. Skákin var í
jafnvægi allan tímann og það
reyndist auðvelt fyrir skákskýr-
endur að spá um leiki beggja
keppenda. Lokin urðu þessi:
Svarta drottningin er í uppnámi,
en Kasparov þarf ekki að hafa
áhyggjur af því:
24...Hfxf2 25.Hxf2
–
Sumir áhorfendur
töldu í fyrstu að tölv-
an hefði misst af máti
með 25. Dd8+, en
svartur verst einfald-
lega með 25...Hf8 með
fráskák og eftir 26.
Kh1 kemur 26...Haf2
og jafnteflið verður
ekki umflúið. Hins
vegar má hvítur alls
ekki taka svörtu
drottninguna:
25.Dxc5?? Hxg2+
26.Kh1 Hxh2+
27.Kg1 Hag2 mát!
25...Dxf2+ 26.Kh1 h6 27.Dd8+
Kh7 og jafntefli var samið.
Þar með lauk enn einu einvígi
manns og skákforrits með jafntefli.
X3D Technologies fyrirtækið hefur
áður staðið fyrir einvígi milli
Kasparovs og Junior skákforrits-
ins og svo á milli erkifjendanna
Karpovs og Kasparovs þar sem
Karpov sigraði.
Góð byrjun hjá Ingvari
á HM öldunga
Ingvar Ásmundsson byrjaði vel
á heimsmeistaramóti öldunga sem
hófst á mánudaginn í Bad
Zwischenahn í Þýsklandi. Í fyrstu
umferð lagði Ingvar
þýska skákmanninn
Roubik Adibekian
(1.941) og í annarri
umferð sigraði hann
pólska skákmanninn
Stanisl Szczepaniec
(2072).
Ingvar er 22. stiga-
hæsti keppandi móts-
ins en meðal kepp-
enda eru margir
þekktir skákmenn.
Atskákmót Hellis
Sigurður Daði Sig-
fússon (2.215) hefur
fullt hús vinninga eftir
fjórar umferðir á atskákmóti
Hellis sem hófst á mánudag. Í 2.-3.
sæti, með 3 vinninga, eru Björn
Þorfinnsson (2.260), Gunnar
Björnsson (1.995) og Sigurður
Ingason (1.740). Mótinu lýkur
mánudaginn 24. nóvember með
þremur síðustu umferðunum.
Arnar og Atli Freyr efstir á
unglingameistaramóti Hellis
Eftir fyrri hluta unglingameist-
aramóts Hellis eru Arnar Sigurðs-
son og Atli Freyr Kristjánsson
efstir og jafnir með fjóra vinninga
í fjórum skákum. Þeir mætast í
fimmtu umferð og hefur Atli hvítt í
þeirri viðureign. Mótinu verður
fram haldið fimmtudaginn 20. nóv-
ember nk. og hefst taflið kl. 16:30.
Þá verða tefldar síðustu þrjár um-
ferðirnar. Staða efstu manna eftir
fjórar umferðir:
1.-2. Arnar Sigurðsson, Atli
Freyr Kristjánsson 4 v.
3.-6. Gylfi Davíðsson, Helgi
Brynjarsson, Elías Kristinn Karls-
son, Hörður Aron Hauksson 3 v.
7. Hallgerður Helga Þorsteins-
dóttir 2½ v.
o.s.frv.
Skákþing Garðabæjar 2003
Skákþing Garðabæjar 2003 verð-
ur haldið dagana 24. nóvember til
11. desember. Tefldar verða 7 um-
ferðir eftir Garðabæjar-Monrad
(Svissneskt kerfi í fyrstu og
annarri umferð) með FIDE-
tímamörkum, þ.e. umhugsunartím-
inn verður 90
mínútur auk þess sem 30 sek-
úndur bætast við eftir hvern leik.
Mótið verður reiknað bæði til ís-
lenskra og FIDE-stiga.
Titilinn Skákmeistari Garða-
bæjar hlýtur sá félagi í Taflfélagi
Garðabæjar sem bestum árangri
nær á mótinu. Verðlaun: 1. kr.
10.000, 2. kr. 7.000, 3. kr. 5.000.
Einnig verða 5.000 króna verðlaun
fyrir bestan árangur undir 2.100
stigum og undir 1.800 stigum.
Hver þátttakandi getur einungis
hlotið ein verðlaun. Sérverðlaun
eru fyrir unglinga 15 ára og yngri.
Þátttökugjald er kr. 2.000, en
kr. 1.000 fyrir 17 ára og yngri. Fé-
lagsmenn TG greiða kr. 1.000, en
félagsmenn TG 17 ára og yngri fá
frítt í mótið.
Dagskrá mótsins:
1. umf. Mánud. 24. nóv kl. 19.
2. umf. Fimmtud. 27. nóv kl. 19.
3. umf. Mánud. 1. des. kl. 19.
4. umf. Fimmtud. 4. des kl. 19.
5. umf. Sunnud. 7. des kl. 16.
6. umf. Mánud. 8. des kl. 19.
7. umf. Fimmtud. 11. des. kl. 19.
Teflt verður í Garðabergi sem er
félagsmiðstöð eldri borgara í
Garðabæ (Garðatorgi 7). Kaffi á
könnunni. Tekið er á móti skrán-
ingum og fyrirspurnum í síma 861
9656 eða með tölvupósti á pall-
@vks.is eða á tgchess@yahoo.com.
Áríðandi er að þátttakendur til-
kynni sig sem fyrst því hámarks-
fjöldi í mótið er aðeins 28 skák-
menn.
Hægt verður að fylgjast með
upplýsingum um mótið á heima-
síðu Taflfélags Garðabæjar,
www.geocities.com/tgchess.
Unglingasveitakeppni
taflfélaga
Unglingasveitakeppni taflfélaga
(fædd 1990 og síðar) sem fram fer
29. nóvember en alls eru 14 lið
skráð til leiks frá 6 taflfélögum.
Það er Taflfélag Garðabæjar sem
stendur fyrir mótshaldinu. Teflt
verður í Faxafeni 12. Skráð lið eru:
Skákfélag Akureyrar 1 lið
Taflfélag Vestmannaeyja 1 lið
Taflfélag Garðabæjar 2 lið
Taflfélag Reykjavíkur 4 lið
Taflfélagið Hellir 3 lið
Skákdeild Hauka 3 lið
Einvígi Kasparovs og Fritz
lauk með jafntefli
SKÁK
New York
KASPAROV - FRITZ
11.–18. nóv. 2003
dadi@vks.is
Gary Kasparov
MINNINGAR
andi að fá að vera í sveit hjá ykkur
Unni á Kambi og er það yndisleg
reynsla sem ég mun alltaf búa að
og þakka fyrir að hafa notið.
Þar var áberandi sú virðing,
tryggð og vinátta sem þið sýnduð
hvort öðru og öllum þeim sem þið
umgengust. Einnig hjálpsemin þar
sem þú varst alltaf tilbúinn að að-
stoða hvern sem þurfti á því að
halda.
Þú varst endalaus uppspretta af
fróðleik og gleði og þar fékk ég að
heyra ófáar sögurnar og lærði
margar vísur og lög því það leið
aldrei langur tími á milli þess að
þú fórst með einhver kvæði eða
rímur eða söngst eitthvert lagið.
Ekki breyttist það neitt seinni
ár eftir að við fórum að koma við
með börnin.
Hún var yndisleg síðasta stund-
in sem við Konný áttum með þér í
sumar, þegar þú kvaðst fyrir okk-
ur rímur og við sungum saman.En
nú ert þú örugglega farinn að
kveða og syngja á æðri stöðum.
Ég vil senda Unni og fjölskyldu
samúðarkveðjur með þakklæti fyr-
ir allt.
Heiðar.
að þú vakir yfir okkur núna og þú
bíður eftir okkur hjá Guði. Ég
elska þig og ég skal hugsa vel um
ömmu fyrir þig.
Bless, elsku besti afi í heimi.
Guð blessi þig, þinn
Guðmundur Gestur.
Elsku afi minn, þú varst svo
ánægður þegar ég sagði þér að ég
væri búinn að fá vinnu í Bónus á
Egilsstöðum. Þér fannst ekki rétt
að ég gæti ekki fengið vinnu á
Reyðarfirði, þú trúðir því bara
ekki, svo þú hringdir í Byko á
Reyðarfirði og talaðir við versl-
unarstjórann og svo sagðir þú við
mömmu: „Verslunarstjórinn er
frændi þinn. Ég ætla að kíkja á
hann þegar ég keyri ykkur aust-
ur.“
Það var svo gaman þegar þú
varst að segja okkur sögur af þér
og þegar þú bjóst á Reyðarfirði
og af Stríðsárasafninu.
Bless, elsku besti afi minn. Ég
geymi allar minningar um þig og
ég bið Guð og alla englana að
passa þig þar til við hittumst á ný
og ég skal passa ömmu mjög vel.
Bless elsku besti afi,
þinn
Sveinn Frímann Ágúst.
Morgunblaðið/Ingó
Daði Örn Jónsson