Morgunblaðið - 20.11.2003, Side 52
ÍÞRÓTTIR
52 FIMMTUDAGUR 20. NÓVEMBER 2003 MORGUNBLAÐIÐ
FÓLK
ENSKIR fjölmiðlar gefast ekki upp
á að orða landsliðsfyrirliðann Eið
Smára Guðjohnsen við Newcastle og
segja að Eiður muni hugsanlega
ganga í raðir þeirra röndóttu frá
Chelsea þegar opnað verður fyrir fé-
lagaskipti í janúar. Bobby Robson
knattspyrnustjóri Newcastle er
sagður reiðubúinn að punga út fimm
milljónum punda, sem samsvarar 640
milljónum króna, fyrir Eið Smára
sem er samningsbundinn Lundúna-
liðinu til ársins 2005.
ALAN Smith framherji Leeds
United verður ekki kærður fyrir at-
vikið þegar hann kastaði flösku upp í
áhorfendastúku í leik Leeds og Man-
chester United á Elland Road þann
28. október síðastliðinn. Smith var
handtekinn vegna málsins í síðustu
viku en var sleppt skömmu síðar.
Handtakan dró hins vegar dilk á eftir
sér því Smith var sparkað út úr
enska landsliðshópnum fyrir leikinn
gegn Dönum á Old Trafford.
CHRISTIANO Ronaldo, leikmað-
ur Manchester United, var hetja
ungmennaliðs Portúgala þegar þeir
tryggðu sér farseðilinn í úrslita-
keppni EM í fyrrakvöld. Ronaldo fór
á kostum og skoraði fyrra markið í
2:1 sigri á Frökkum. Þar sem Frakk-
ar unnu heimaleikinn með sama mun
þurfti að grípa til framlengingar og
síðan vítaspyrnukeppni þar sem
Portúgalir unnu. Þar skoraði Ron-
aldo af öryggi úr vítaspyrnu sinni.
FRAMHERJI NBA-liðsins Port-
land Trailblazers, Bonzi Wells, hef-
ur verið úrskurðaður í tveggja leikja
bann af forsvarsmönnum liðsins. Að
auki fær hann ekki greitt fyrir um-
rædda leiki. Wells var ekki sáttur við
þjálfara liðsins, Maurice Cheeks,
þegar honum var skipt útaf í þriðja
leikhluta gegn Dallas á mánudag.
Wells lét Cheeks fá það óþvegið á
varamannabekk liðsins, og fór hann
ekki meira inná í þeim leik.
ÞETTA er ekki í fyrsta sinn sem
Wells lendir í vandræðum með að
hemja skap sitt og segir Steve Patt-
erson forseti liðsins að frekari að-
gerðir verði gerðar á næstunni nái
leikmenn liðsins ekki að haga sér
sæmilega. Trailblazers hefur átt í
vandræðum með leikmenn sína utan
vallar undanfarin misseri.
EINN besti framherji NBA-deild-
arinnar Antonio McDyess er farinn
að æfa á ný með liði sínu New York
Knicks en hann hefur verið meira og
minna meiddur á hné undanfarin tvö
ár. McDyess var m.a. í stjörnuliði
NBA er hann lék með Denver Nugg-
ets. Þjálfari Knicks, Don Chaney,
vonast til þess að geta notað
McDyess í næstu viku.
ÞRJÚ ensk úrvalsdeildarlið í
knattspyrnu, Liverpool, Arsenal og
Chelsea hafa sýnt áhuga á að fá til sín
franska varnarmanninn Jean-Alain
Boumsong, 23 ára, frá Auxerre. Sky-
sjónvarpsstöðin sagði frá því í gær.
Við erum spenntir því við sjáumþetta sem einstakt tækifæri til
að sjá öll þessi lið og fá alla þessa
leiki,“ sagði Björn
Lárus Örvar, for-
maður íshokkídeild-
ar Skautafélags
Reykjavíkur, sem
sér um framkvæmd mótsins. „Við er-
um alltaf að keppa við sömu liðin og
menn eru svolítið þreyttir á því svo
að við höfum sent liðin mikið utan en
þetta er einstakt tækifæri til að fá
mikla reynslu. Auk þess sem þetta er
einstakt tækifæri til að kynna íþrótt-
ina því þeir sem hafa séð leiki finnst
yfirleitt mjög skemmtilegt.“
Keppt verður í þremur flokkum,
meistaraflokki með 8 lið, fjórum
kvennaliðum og ellefu „old boys“.
Akureyringar mæta með þrjú, meist-
araflokk sinn, kvennaliðið og „old
boys“ – Skautafélag Reykjavíkur
kemur með meistaraflokk sinn og
kvennalið. Íshokkímenn búast við að
keppni verði jöfn og spennandi hjá
meistaraflokkunum en kvennaliðin
og eldri strákarnir eru óskrifað blað.
Af erlendum liðum koma 17 frá
Bandaríkjunum og eitt frá Englandi.
Öll eru þau skipuð áhugamönnum en
þar sem íshokkí er háttskrifuð íþrótt
vestra má þó búast við að gestirnir
kunni eitthvað fyrir sér enda gefa
nöfn þeirra slíkt til kynna; Fljúgandi
refir, Fellibyljirnir, Eldingin og Út-
fararstjórarnir, svo eitthvað sé nefnt.
Fyrirkomulag mótsins er þannig
að leiknir verða tveir 15 mínútna
hálfleikir í stað hefðbundinna þriggja
20 mínútna. Ástæðan er sú að ætl-
unin var að leika einnig í Egilshöll en
svellið þar var ekki tilbúið. Að sögn
íshokkímanna þarf það ekki að vera
verra, allir leikirnir verða á einum
stað og fjörið enn meira. Til að auka
áhugann ætlar Skautafélag Reykja-
víkur að dreifa á staðnum bæklingi
með helstu upplýsingum um íshokkí-
reglur svo að þeir sem ekki eru inn-
vígðir geti sett sig betur inn í leikinn
– og hvatt sitt lið með spekingslegri
hrópum.
Íshokkíveisla í
Laugardalnum
ÍSLENSKUM íshokkíáhuga-
mönnum verður boðið upp á
veisluborð um næstu helgi í
Skautahöllinni í Laugardal –
þegar 18 erlend íshokkílið koma
í heimsókn til að taka þátt í
hraðmóti. Veislan hefst í hádeg-
inu á morgun, föstudag, og
stendur til miðnættis, frá 8.30 á
laugardagsmorgni til 23.20 og
síðan frá 8.30 til 13.20 á sunnu-
deginum. Ætla mætti að sumir
verði búnir að fá nóg eftir að
þessum 46 leikjum lýkur en ís-
hokkímenn þvertaka fyrir það –
af slíku veisluborði fá menn
ekki nóg, sem er að auki ókeyp-
is fyrir áhorfendur.
Eftir
Stefán
Stefánsson
Morgunblaðið/Ásdís
Úr leik Íslands og S-Afríku í Laugardal. Suður-Afríkumenn sækja að marki Íslendinga, markvörð-
urinn Birgir Örn Sveinsson og Ingvar Þór Jónsson eru til varnar.
ULF Kirsten kvaddi knattspyrn-
una með stæl á sunnudaginn –
skoraði sex mörk í kveðjuleik
sínum. Hinn 37 ára gamli Kirsten
fékk með sér í lið gamlar hetjur í
þýska landsliðinu, leikmenn á
borð við Jürgen Kohler, Andreas
Köpke, Karl-Heins Riedle, Olaf
Thon og Rudi Völler ásamt Bras-
ilíumönnum Bebeto og Jorginho,
sem voru í heimsmeistaraliði
Brassanna 1994, og þeir höfðu
betur, 9:8, á móti stjörnuliði Dyn-
amo Dresden. 32.000 mættu á
völlinn til að kveðja Kirsten.
Þessi mikli markaskorari lék 351
deildarleik í Austur-Þýskalandi
og síðan Þýskalandi, eftir fall
Berlínarmúrsins, og skoraði 181
mark. Kirsten lauk ferlinum hjá
Bayer Leverkusen en hann lék
51 landsleik fyrir Þýskaland á
árunum 1992-2000 og 49 sinnum
í búningi Austur-Þjóðverja.
Ulf Kirsten kvaddi
með sex mörkum
því að landsliðið er með
í hverri lokakeppninni
á fætur annarri gerir
það að verkum að mér
finnst ekkert nema
sanngjarnt að leikmenn
njóti þess í hærri
greiðslum. Tekjur
danska knattspyrnu-
sambandsins hafa auk-
ist með betri árangri
landsliðsins,“ segir
Gravesen og bendir á að auk mik-
illa tekna frá FIFA og UEFA vegna
þátttöku í lokamótum HM og EM,
þá hafi tekjur danska knattspyrnu-
sambandsins af sölu sjónvarps-
réttar af landsleikjum hækkað
verulega. Einnig fái það meira út
THOMAS Gravesen,
einn sterkasti leik-
maður danska lands-
liðsins í knattspyrnu,
segir það vera sann-
gjarnt að leikmenn
landsliðsins nytu hærri
hlutar, en nú er, af
þeim tekjum sem
danska knattspyrnu-
sambandið fær vegna
velgengni landsliðsins
á undanförnum árum. „Knatt-
spyrnan er atvinna okkar í landslið-
inu sem hefur skotið Dönum upp
styrkleikalista Alþjóða knatt-
spyrnusambandsins þar sem þeir
eru á meðal bestu knattspyrnu-
þjóða heims. Sú staðreynd ásamt
úr samningum við íþróttavörufram-
leiðendur en fyrir örfáum árum.
Gravesen nefnir sem dæmi að
leikmenn ítalska landsliðsins fái
jafnvirði nærri einnar milljónar
hver fyrir að leika landsleik á sama
tíma og leikmenn danska landsliðs-
ins sem vann Englendinga sl. laug-
ardag hafi fengið hver um sig jafn-
virði 30.000 króna. „Ég er ekki að
fara fram á að við fáum það sama
og ítalskir starfsbræður okkar en
það hlýtur að mega finna einhvern
milliveg, það er ekki nema sann-
gjarnt,“ segir Gravesen sem segist
gera sér grein fyrir að danska
knattspyrnusambandið ráði ekki
yfir eins miklum peningum og það
ítalska.
Daninn Thomas Gravesen vill
að landsliðsmennirnir fái meira