Morgunblaðið - 20.11.2003, Blaðsíða 53
ÍÞRÓTTIR
MORGUNBLAÐIÐ FIMMTUDAGUR 20. NÓVEMBER 2003 53
Úrslitakeppni 17 ára landsliða fórfram í Finnlandi fyrr á árinu
og þar skoraði Adu m.a. þrjú mörk í
einum leik fyrir Bandaríkin og var
hann talinn vera besti leikmaður
liðsins – þrátt fyrir að vera þremur
árum yngri en félagar sínir.
Adu hefur búið í Bandaríkjunum
frá árinu 1997 er hann fékk landvist-
arleyfi og þegar hann var 12 ára
gamall fóru forsvarsmen ítalska
liðsins Inter frá Mílanó á fund móð-
ur Adu og buðu honum um 80 millj.
kr. ef hann semdi við ítalska liðið
Móðir hans svaraði því tilboði neit-
andi.
Hinsvegar hefur Adu nú gert sex
ára samning við DC United í heima-
landi hans, en Washington-liðið leik-
ur í MLS-atvinnumannadeildinni.
Ekki er vitað hve mikið Adu fær í
laun frá félaginu á þeim tíma.
Íþróttavöruframleiðandinn Nike
hefur gert samning við drenginn og
fær hann um 50 millj. kr. fyrir þann
samning.
Flest stórlið Evrópu
vita af Adu
Að sjálfsögðu vita flest lið Evrópu
nú þegar af drengnum og hafa út-
sendarar Manchester United og
Chelsea nú þegar fundað með for-
ráðamönnum Adu. Auk þess hafa lið
frá Ítalíu, Þýskalandi og Frakklandi
áhuga á að fá Adu í sínar raðir á
næstu árum.
Það er ljóst að Adu mun aðeins
staldra við í MLS-deildinni. Leik-
maðurinn er talinn vera gullkálfur
fyrir knattspyrnuna í Bandaríkjun-
um sem hefur verið rekin með tapi
undanfarin sjö ár og eru
framtíðarhorfur MLS, ekki
góðar sem stendur.
Don Garber talsmaður
MLS segir að menn þar á
bæ séu afar ánægðir með
ákvörðun Adu og fullyrðir
Garber að Adu sé besti
leikmaður veraldar á hans
aldri.
Grunsemdir um falsað
fæðingarvottorð
Bandarískir fjölmiðlar
hafa sett spurningarmerki
við aldur Adu og telja að
hann sé ótrúlega þroskaður
miðað við aldur. Nokkrir
þeirra hafa gert sér ferð til
Gana til þess að finna vís-
bendingar um að fæðingar-
vottorð kappans sé falsað.
Þeir leiðangrar hafa ekki
gefið vísbendingar um að
aldur Adu sé rangur.
„Ég hlakka til að hefja
atvinnumannaferilinn í
MLS-deildinni,“ segir höf-
uðpersónan Adu en hann
hefur skorað alls 22 mörk
fyrir U-17 ára landslið
Bandaríkjanna.
Í æfingaleikjum gegn
MLS-liðum hefur hann sýnt góð til-
þrif og telur þjálfari DC United,
Ray Hudson, að Adu sé tilbúinn í
slaginn nú þegar.
Bandarískir fjölmiðlar hafa líkt
Adu við íþróttastjörnur á borð við
Michael Jordan og Wayne Gretzky
en það eru yfir 100 ár síðan yngri at-
vinnumaður samdi við hópíþróttalið
í Bandaríkjunum.
Freddy Adu, 14 ára atvinnumaður – fæddur í Ghana, dregur
athygli fjölmiðla á ný að knattspyrnunni í Bandaríkjunum
Líkt við Jordan og
Wayne Gretzky
FREDDY Adu er nafn sem knatt-
spyrnuáhugamenn ættu að
leggja á minnið en hann er
fæddur 2. júní árið 1989 og er
því aðeins 14 ára gamall. Þrátt
fyrir ungan aldur er Adu nú þeg-
ar í kastljósi flestra stórliða Evr-
ópu en hann er fæddur í Afr-
íkuríkinu Ghana en er
bandarískur ríkisborgari.
Flest stórlið Evrópu hafa sýnt áhuga
á að fá framherjann Freddy Adu í sín-
ar raðir en hann er aðeins 14 ára.
ARNAR Sigurðsson, Íslandsmeist-
ari í tennis, hélt áfram sigurgöngu
sinni í Bandaríkjunum um síðustu
helgi. Hann keppti þá fyrir Pacific-
háskólann á móti í San Luis Obispo
í Kaliforníu og vann alla þrjá leiki
sína. Þetta var lokamótið á und-
irbúningstímabilinu og Arnar sigr-
aði í 10 leikjum af 13 sem hann tók
þátt í fyrir Pacific og var sigursæl-
asti keppandi skólans.
„Undirbúningstímabilið gekk vel
og ég vona að mér takist að halda
mínu striki þegar aðaltímabilið
hefst eftir jólin. Nú tekur við mikið
púl og styrktaræfingar fram að jól-
um en ætla þó að reyna að komast á
fleiri mót á þeim tíma,“ sagði Arnar
við Morgunblaðið.
Arnar vann
alla leikina
rifbeinsbrotnaði á fyrsta
heimsbikarmótinu sem
fram fór í Sölden í októ-
ber.
Maier segir við fjöl-
miðla í heimalandi sínu
að hann hafi valið að láta
ekki vita af meiðslum
sínum þar sem hann vildi
ekki nota meiðslin sem
afsökun á slæmu gengi
sínu en hann endaði í 16.
sæti í Sölden. Heimsbik-
arkeppnin á skíðum
heldur áfram um næstu helgi þar
sem keppt verður í Park City í Utah
í Bandaríkjunum og helgina þar á
eftir verður keppt í Lake Louise í
Kanada.
HERMANN Maier,
skíðakappi frá Aust-
urríki, hefur ekki unn-
ið heimsbikarmót frá
því í janúar á þessu ári.
Hann hefur unnið hörð-
um höndum við að ná
fyrri styrk eftir að
hann lenti í umferð-
aróhappi fyrir um
tveimur árum. Í því
slysi brotnaði Maier
m.a. mjög illa á fæti, en
hann ók vélhjóli þegar
ekið var í veg fyrir hann á ferð
sinni um heimabæ sinn í Austurríki.
Maier undirbýr sig af krafti fyrir
komandi keppni en hann lét samt
sem áður ekki vita af því að hann
Hermann Maier keppti
rifbeinsbrotinn
ÍSLENSKA landsliðið í knatt-
spyrnu er í 60. sæti á nýjum
styrkleikalista Alþjóða knatt-
spyrnusambandsins, FIFA, sem
gefinn var út í gær. Ísland fell-
ur niður um fimm sæti frá síð-
asta mánuði þegar það var í
55. sæti og hefur fallið niður
um tvö sæti frá síðustu áramót-
um.
Staða fjögurra efstu þjóð-
anna á listanum er óbreytt.
Heimsmeistararar Brasilíu eru
í toppsætinu, Frakkar í öðru,
Spánverjar í þriðja og Argent-
ínumenn í fjórða. Í fimmta sæt-
inu eru Mexíkóar, sem Íslend-
ingar léku gegn í nótt en þeir
fara upp um þrjú sæti á listan-
um. Í sjötta sæti eru Hollend-
ingar, Tyrkir í sjöunda, Eng-
lendingar í áttunda, Þjóðverjar
í níunda og Tékkar skipa tí-
unda sætið á listanum.Skotar
taka mikið stökk upp á við eft-
ir sigurinn á Hollendingum.
Skotar fara upp um átta sæti
og í 50. sæti en Skotar hafa
ekki verið á topp 50 listanum í
tæp tvö ár.
Lettar, sem lögðu Tyrki,
taka stærra stökk. Þeir eru
komnir í 56. sæti og fara upp
um heil þrettán sæti.
Danir eru efstir Norð-
urlandaþjóðanna en þeir eru í
13. sæti, Svíar eru í 17. sæti,
Norðmenn í 39. sæti, Finnar í
42. sæti og Færeyingar eru í
127. sæti.
Ísland í 60. sæti hjá FIFA
FÓLK
VALÞÓR Halldórsson, knatt-
spyrnumarkvörður úr KR, er geng-
inn til liðs við 1. deildar lið Hauka.
Valþór er 22 ára Norðfirðingur sem
hefur verið varamarkvörður KR-
inga síðustu tvö árin. Í fyrra lék
hann þrjá leiki með liðinu í úrvals-
deildinni í forföllum Kristjáns Finn-
bogasonar og í sumar spilaði hann
einn bikarleik með liðinu.
JÖRUNDUR Kristinsson, sem
hefur varið mark Hauka síðustu ár-
in, er á leið til Bandaríkjanna vegna
náms og verður því ekki tilbúinn að
leika með Hafnarfjarðarliðinu allt
næsta tímabil.
ALEX Notman, framherji enska
1. deildar liðsins Norwich og fyrr-
um leikmaður Manchester United,
hefur neyðst til að leggja knattspyr-
nuskóna á hilluna, aðeins 23 ára
gamall.
Notman, sem seldur var frá Man-
chester United til Norwich fyrir
þremur árum á 250.000 pund, varð
fyrir alvarlegum ökklameiðslum í
leik á móti Ipswich í september á
síðasta ári.
EMERSON, landsliðsmaður Bras-
ilíu í knattspyrnu, segir að forráða-
menn Róma á Ítalíu verði að gera
upp við hann á næstunni. Að öðrum
kosti ætlar Emerson að fara frá fé-
laginu þegar opnað verður fyrir
leikmannamarkaðinn í janúar.
EMERSON á inni laun hjá Róma
líkt og svo margir aðrir í leikmanna-
hóp liðsins en liðið hefur ekki getað
staðið við skuldbindingar sínar í
nokkra mánuði vegna fjárhagserf-
iðleika. Róma varð ítalskur meistari
árið 2001 þar sem Emerson lék aðal-
hlutverkið en hinn 27 ára gamli
miðjumaður er samningsbundinn
Róma fram til ársins 2005. Í sumar
bauð enska liðið Chelsea um 3,6
milljarða ísl. kr. fyrir Emerson en
því tilboði var hafnað.
AFGANISTAN lék í gær sinn
fyrsta leik í stórmóti í knattspyrnu í
20 ár en þátttaka landsins í íþróttum
á alþjóðavettvangi hefur legið niðri
um árabil vegna stríðsástandsins
sem þar hefur ríkt. Ekki fóru Afg-
anar vel af stað því þeir heimsóttu
granna sína Túrkmena og steinlágu,
11:0. Þetta var fyrri leikur þjóðanna
um sæti í 32 liða undankeppni fyrir
HM í Asíu. Mohamed Kargar, þjálf-
ari Afgana, var þó hvergi banginn
og spáði 2:0 sigri sinna manna í
heimaleiknum í Kabúl á laugardag.
JODY Morris gæti leikið með
Leeds gegn Bolton í ensku úrvals-
deildinni í knattspyrnu um helgina,
þrátt fyrir að hann væri handtekinn
í vikunni og ákærður fyrir nauðgun.
Morris var sleppt gegn tryggingu í
gær og í yfirlýsingu frá Leeds segir
að félagið hafi skoðað stöðu sína og
leikmannsins út frá lagalegu sjón-
armiði. „Samkvæmt enskum lögum
er maður saklaus uns sekt hans er
sönnuð,“ sagði í yfirlýsingunni.
SKAGAMAÐURINN Árni Gautur
Arason, markvörður í knattspyrnu
hjá norska liðinu Rosenborg, var fyr-
irliði íslenska landsliðsins, sem lék
gegn Mexíkó í San Francisco sl. nótt
klukkan fjögur að íslenskum tíma.
Fréttir frá leiknum má finna á
MBL.IS á netinu. Árni Gautur hafði
verið fyrirliði í þremur leikjum áður
– fyrst gegn Kuwait í Muscat í jan-
úar 2002, 0:0. Síðan í leik gegn Saudi
Arabíu í Riyadh tveimur dögum
seinna, 0:1. Þá var hann fyrirliði í leik
gegn heimsmeisturum Brasilíu í
Cuiabá í Brasilíu 7. mars 2002, er
Brasilíumenn unnu 6:1.
Byrjunarlið Íslands í leiknum
gegn Mexíkó í nótt var þannig; Árni
Gautur Arason – Bjarni Þorsteins-
son, Ólafur Örn Bjarnason og Krist-
ján Örn Sigurðsson, sem lék sinn
fyrsta landsleik. Hann er bróðir
landsliðsmannsins Lárusar Orra,
leikmanns með WBA. Faðir þeirra,
Sigurður Lárusson, fyrrverandi fyr-
irliði ÍA og Þórs, lék á árum áður
með landsliðinu – einnig sem varn-
armaður, eins og þeir bræður. Auðun
Helgason var hægra megin á miðj-
unni og Hjálmar Jónsson vinstra
megin, en inni á miðjunni byrjuðu
þeir Gylfi Einarsson, Ólafur Stígs-
son og Veigar Páll Gunnarsson. Í
fremstu víglínu voru Helgi Sigurðs-
son og Ríkharður Daðason.
Mexíkóar óhressir
Knattspyrnusamband Mexíkó
fékk harkalega gagnrýni frá for-
svarsmönnum deildarliðanna í
Mexíkó fyrir að spila leikinn við Ís-
lendinga í San Francisco – aðeins
þremur dögum fyrir lokaumferð
deildarkeppninnar í Mexíkó.
Þjálfarar liðanna í Mexíkó voru
óhressir með að missa leikmenn úr
liðum sínum fyrir lokaumferðina, þar
sem mikil spenna er fyrir hana, en þá
kemur í ljós hvaða lið komast í 8-liða
úrslitin um Mexíkómeistaratitilinn.
Morgunblaðið/Skúli Unnar Sveinsson
Markvörðurinn Árni Gautur Arason, fyrirliði landsliðsins í
knattspyrnu, er hér í viðtali við fréttamann frá Mexíkó fyrir
landsleikinn sem fór fram í San Francisco sl. nótt.
Árni
Gautur
fyrirliði
AP