Morgunblaðið - 20.11.2003, Blaðsíða 55
ÍÞRÓTTIR
MORGUNBLAÐIÐ FIMMTUDAGUR 20. NÓVEMBER 2003 55
ARNAR Freyr Jónsson, bakvörður í
körfuknattleiksliði Keflavíkur,
fékk heilahristing í leik liðsins gegn
Tindastól á þriðjudagskvöldið.
Á heimasíðu Keflavíkur er sagt
frá því að Arnar hafi fallið aftur
fyrir sig eftir að leikmaður Tinda-
stóls hafi keyrt inn í vörn liðsins.
Höfuðið á Arnari endaði síðan á
hné samherja hans, Nick Bradford
og var það mikið högg.
Í fyrstu bar Arnar sig vel, en eftir
að hann hafði spurt Fal Harðarson
þjálfara og leikmann Keflavíkur
hvort hann hefði verið lengi inná
vellinum sá Falur að Arnar var ekki
með hlutina á hreinu og var honum
kippt útaf. Þar missti Arnar nánast
meðvitund og var hann fluttur á
sjúkrahús í Reykjavík til frekari
skoðunar.
Læknar töldu að Arnar hefði
hlotið heilahristing og að auki er
hann tognaður í baki.
Jón Nordal sneri sig á ökkla
Jón Nordal Hafsteinsson, fram-
herji Keflvíkinga, sneri sig illa á
ökkla í leiknum gegn Tindastól.
Það er búist við því að Jón verði frá
næstu vikurnar en hann fór í rönt-
genmyndatöku eftir leikinn og var
gengið úr skugga um að hann væri
óbrotinn.
Jón Nordal leikur því ekki með
Keflavík í úrslitum Fyrirtækja-
keppni KKÍ í Laugardalshöllinni
um helgina.
Arnar Freyr fékk mikið
högg og heilahristing
RÚRIK Gíslason, drengja-
landsliðsmaður í knattspyrnu
úr HK, fór í gær til enska liðs-
ins Chelsea og dvelur í boði
þess í London til sunnudags.
Með honum fór Arnór Guð-
johnsen umboðsmaður. Rúrik,
sem er aðeins 15 ára, var
markahæsti leikmaður
drengjalandsliðsins í sumar
með 5 mörk, æfir með ung-
lingaliði Chelsea og spilar með
því leik á sunnudaginn.
Rúrik er mjög eftirsóttur
því bæði Heerenveen í Hol-
landi og Anderlecht í Belgíu
vilja fá hann í sínar raðir en
hann hefur dvalið við æfingar
hjá báðum félögunum í haust
og farið í tvígang til hollenska
liðsins.
Rúrik
boðið til
Chelsea
Leikmenn beggja liða eru þekktirfyrir að gefa ekkert eftir, berj-
ast til síðasta blóðdropa og þeir voru
ekkert að skafa utan
af því í þetta sinn,
þarna mættust stálin
stinn. Strax í byrjun
var ljóst að bæði lið-
in voru staðráðin í tryggja sér stigin
tvö sem í boði voru, enda um dýrmæt
stig að ræða þar sem ekki er ósenni-
legt að liðin fylgist að upp í efri deild-
ina eftir áramótin. Varnarleikur
beggja liða var góður frá fyrstu mín-
útu án þess þó að vera áberandi gróf-
ur, menn tókust á en fóru sjaldnast
yfir strikið. Markvarslan var fyrsta
flokks hjá þeim Björgvini Páli Gúst-
afssyni í HK-markinu og Ólafi H.
Gíslasyni hjá ÍR. Sóknarleikurinn
var hins vegar afar þunglamalegur
og hugmyndasnauður hjá heima-
mönnum en gekk skár hjá ÍR og það
tryggði liðinu forystu lengst af. Ef
undan eru skildar fyrstu mínúturn-
ar, þegar HK komst í 2:0, þá höfðu
ÍR-ingar forystu allt þar til heima-
menn komust marki yfir, 19:18, þeg-
ar sjö og hálf mínúta var eftir. ÍR-
ingar höfðu þá farið illa að ráði sínu,
hætt að leika sem ein liðsheild í
sókninni og látið HK-menn æsa sig
upp til lítt ígrundaðra sókna. Seigla
og barátta HK-liðsins kom því inn í
leikinn á ný og tryggði því annað
stigið og það ekki í fyrsta sinn.
Sem fyrr segir þá fóru ÍR-ingar
illa að ráði sínu. Þeir voru sterkari í
45 mínútur, léku þá agaðan sóknar-
leik og skipulagðan og góðan varn-
arleik, en það dugir ekki gegn HK
sem aldrei gefst upp.
„Á heildina litið er ég óánægður
með að fá aðeins eitt stig en þegar
horft á þá staðreynd að við vorum
undir, 19:18, þegar skammt var und-
ir þá megum við þokkalega við una
að hafa náð öðru stiginu, en auðvitað
vildi ég fá bæði,“ sagði Júlíus Jón-
asson, þjálfari ÍR, sem eftir sem áð-
ur er með sitt lið í efsta sæti suður-
riðils. „Við getum engum nema sjálf-
um okkur um kennt að hafa ekki
unnið, við stóðum vel að vígi en hætt-
um að leika sem ein heild, létum HK-
menn æsa okkur upp og þar með
efldust þeir og tókst að komast inn í
leikinn á nýjan leik,“ sagði Júlíus
sem lauk lofsorði á vörn sína og
markvörslu.
„Sóknarleikurinn var í skelfilegur
hjá okkur allan leikinn, það vantaði
allt flot í hann. Það sem bjargaði
okkur var varnarleikurinn og mark-
varslan,“ sagði Árni Jakob Stefáns-
son, þjálfari HK. „Það er mikil seigla
í liðinu hjá mér og á henni tryggðum
við okkur stigið, það getur enginn
bókað sigur á okkur fyrr en flautað
hefur verið af, það sannaðist enn
einu sinni að þessu sinni,“ sagði Árni
og taldi að Evrópuleikurinn gegn
Drott sl. laugardag hafi setið í sínum
mönnum. „Þetta gerðist líka eftir
leikinn við rússneska liðið um dag-
inn, þá náðum við okkur ekki á strik í
næsta deildarleik á eftir, vorum
heppnir að ná að vinna FH, svipað
var upp á teningnum núna.“
Sem fyrr segir voru markverður
liðanna, Björgvin og Ólafur góðir. Þá
var Fannar Þorbjörnsson sterkur
hjá ÍR-ingum, einkum í vörninni en
var einnig drjúgur í sókn þar sem
hann var ekki í öfundsverður af hlut-
verki sínu á línunni.
Jón Bersi Ellingsen og Alexander
Arnarson voru öflugir í vörn HK.
Strazdas náði sér vel á strik í sókn-
inni í síðari hálfleik.
Morgunblaðið/Sverrir
Samúel Árnason, hornamaður HK, kominn framhjá Sturlu Ás-
geirssyni og Ingimundi Ingimundarsyni og er í þann mund að
skora eitt marka sinni framhjá Ólafi H. Gíslasyni, markverði ÍR.
ÍR-ingar fóru
illa að ráði sínu
AUGUSTAS Strazdas tryggði HK annað stigið gegn ÍR átta sek-
úndum fyrir leikslok er liðin mættust í bráðskemmtilegum leik í
Digranesi í gærkvöldi, 20:20. Strazdas skoraði eftir gegnumbrot og
ÍR-ingar reyndu í kjölfarið allt hvað þeir gátu þær sekúndur sem eft-
ir voru að tryggja sér sigur en það var um seinan. Geta þeir engum
nema sjálfum sér um kennt að hafa ekki leikið betur úr þeirri væn-
legu stöðu sem þeir höfðu lengst af, m.a., 10:8 í hálfleik og nokkr-
um sinnum náðu þeir fjögurra marka forskoti.
Ívar
Benediktsson
skrifar
DAGUR Sigurðsson skoraði 4
mörk og átti stórgóðan leik þegar lið
hans, Bregenz, sigraði Tulln, 26:22, í
austurrísku 1. deildinni í handknatt-
leik í gærkvöld. Dagur átti fjölmarg-
ar góðar sendingar á lærisveina sína
í leiknum. Bregenz er með tveggja
stiga forystu í deildinni, er með 17
stig en Alpla Hard kemur næst með
15 og síðan West Wien og Linz með
12 stig hvort.
SIGFÚS Sigurðsson og Stefan
Kretzschmar voru atkvæðamestir
hjá Magdeburg þegar liðið vann
öruggan útisigur á Grosswallstadt,
29:21, í þýsku 1. deildinni í hand-
knattleik í gærkvöld. Snorri Steinn
Guðjónsson var ekki á meðal marka-
skorara Grosswallstadt í leiknum.
ALFREÐ Gíslason og lærisveinar
hans styrktu stöðu sína með sigrin-
um en Magdeburg er í þriðja sæti
með 20 stig eftir 12 leiki. Flensburg
er með 23 stig og Lemgo 21 en bæði
hafa spilað 13 leiki.
GUÐJÓN Valur Sigurðsson skor-
aði 3 mörk fyrir Essen sem vann
nauman sigur á Eisenach á heima-
velli í gærkvöld, 23:22. Essen er í sjö-
unda sætinu með 13 stig.
SIGURSTEINN Arndal var ekki á
meðal markaskorara hjá Team Hels-
inge þegar liði tapaði fyrir AaB frá
Álaborg, 24:23, á heimavelli í dönsku
úrvalsdeildinni í handknattleik í
gærkvöldi. Team Helsinge er í 12.
sæti af 14 liðum í deildinni með 4 stig
eftir átta leiki.
ROLANDO Uríos, handknatt-
leiksmaður frá Kúbu sem leikur við
hlið Ólafs Stefánssonar hjá Ciudad
Real, er í þann veginn að fá spænsk-
an ríkisborgararétt. Uríos er línu-
maður og varð markakóngur á HM
1999 og Spánverjar gera sér vonir
um að hann verði löglegur með
landsliði þeirra á Ólympíuleikunum í
Aþenu næsta sumar.
ARSENE Wenger, knattspyrnu-
stjóri Arsenal, ætlar ekki að kalla á
þýska varnarmanninn Moritz Volz
frá Fulham, eins og talið var. Arsen-
al hafði lánað Fulham Volz til 31.
desember. Þegar Lauren fer í fjög-
urra leikja bann nú um helgina, mun
Wenger setja Pascal Cygan í hans
stað – annaðhvort er að hann leiki
sem hægri bakvörður, eða þá fari inn
á miðjuna við hlið Sol Campbell og
þá yrði Kolo Toure færður í stöðu
bakvarðar, en hann er fljótari á ferð-
inni en Cygan.
GUÐJÓN Þórðarson, knatt-
spyrnustjóri Barnsley, vonast til að
fá Garry Monk varnarmann lánað-
ann frá Southampton í fjórar vikur.
Hann á að fylla upp í það skarð sem
þeir Peter Handyside og Lee
Crooks hafa skilið eftir, en þeir eru
meiddir. Barnsley vonast til að fá
Monk fyrir útileik gegn Bristol City
um helgina.
FÓLK
CIUDAD Real heldur sínu
striki í spænsku 1. deildinni í
handknattleik og er sem fyrr
eina liðið sem ekki hefur tapað
stigi ennþá. Í gærkvöldi vann
liðið ellefta leikinn í deildinni á
leiktíðinni þegar það lagði
Cangas, 28:23, á heimavelli,
eftir að hafa verið tíu mörkum
yfir í hálfleik, 17:7. Ólafur Stef-
ánsson skoraði aðeins tvö mörk
en annars dreifðist álagið mik-
ið á milli leikmanna Ciudad í
leiknum en þeir voru nýkomnir
heim frá Úkraínu þar sem þeir
léku í Meistaradeildinni á
sunnudagskvöldið. Ciudad er
þremur stigum á undan meist-
urum Barcelona, en þeir unnu
Arrate, 36:27, á útivelli.
Bidasoa, liða Heiðmars Fel-
ixsonar og Patreks Jóhann-
essonar, steinlá á útivelli fyrir
Caja España Ademar, 31:20.
Ellefti sigur
Ciudad
RÓBERT Gunnarsson skoraði
ellefu mörk fyrir Århus GF
þegar liðið tapaði fyrir GOG,
44:35, á útivelli í dönsku úr-
valsdeildinni í handknattleik í
gærkvöldi. Århus GF gengur
ekki sem best í og er í áttunda
sæti af 14 liðum með sex stig
að loknum átta leikjum. GOG
er hins vegar í öðru sæti með
14 stig, tveimur stigum á eftir
Kolding sem trónir á toppn-
um. Róbert er eftir sem áður
markahæsti maður dönsku
deildarinnar, hefur skoraði 65
mörk.
Róbert fór
á kostum