Morgunblaðið - 20.11.2003, Page 57
FÓLK Í FRÉTTUM
MORGUNBLAÐIÐ FIMMTUDAGUR 20. NÓVEMBER 2003 57
FYRIR tveimur árum rak upp á
íslenskar fjörur plötuna „Not so
sweet“ með Heru sem komið hafði
út á Nýja-Sjálandi
þar sem hún er
búsett. Á plötunni
var eins konar
samsafn eldri laga
sem Hera átti í
sarpi sínum og
vakti ekki mikla
athygli hér heima, nema hjá kvik-
myndaleikstjóranum Baltasar Kor-
máki sem notaði lagið „Itchy
Palms“ í mynd sína, Hafið. Þá fóru
hlutirnir af stað, skífan „Not your
type“ gefin út í kjölfarið (sem
hafði að geyma lög af „Not so
sweet“ auk nýrra laga) og Hera
hitaði upp fyrir Bubba á tónleika-
reisu um landið og meira að segja
Nick Cave í fyrra, og fékk Ís-
lensku tónlistarverðlaunin sem
söngkona ársins í febrúar. Geri
aðrir betur.
Á þessari nýju plötu syngur
Hera á íslensku enda jafnvíg á
bæði íslensku og ensku, þótt ís-
lensku textarnir virki dálítið fast-
ari í skorðum og tjáningin ekki
eins nærgöngul eða persónuleg og
sást víða á fyrri plötum hennar.
Hera sækir í söngvaskáldahefðina,
semur melódísk lög í þjóðlagaand-
anum með kassagítarinn að vopni
og hefur ekki farið leynt með að-
dáun sína á Bubba og Megasi.
Þeim vottar hún virðingu á plöt-
unni með því að flytja tvö lög eftir
Bubba („Stúlkan sem starir á haf-
ið“ og „Talað við gluggann“), eitt
lag, reyndar nýtt, eftir Megas og
„Vegbúann“ eftir KK, lög sem
Hera hefur sagt að hafi haft mikil
áhrif á sig og hún flytur þau af til-
finningu, en fer ekki langt frá upp-
runalegu útgáfunum. Rödd hennar
er björt og sterk og gefur lögunum
fyllingu jafnvel þótt undirleikur sé
hinn einfaldasti, jafnvel aðeins
nokkrar píanónótur eins og í
„Stelpan sem starir á hafið“. Hún
hefur líka á valdi sínu ýmis blæ-
brigði og maður hefur á tilfinning-
unni að hún geti beitt röddinni á
alla vegu og leikið sér með hana,
það sýnir sig að nokkru leyti í lagi
Megasar „Sönglausi næturgalinn“
þar sem hún leikur sér meira með
röddina í anda fyrirmyndarinnar
sem syngur á móti henni í fínu
lagi.
Lagið „Myndin af þér“ eftir
Heru sem hún tileinkar Megasi
finnst mér standa upp úr á plöt-
unni. Lágstemmd og róleg kassa-
gítarballaða, blátt áfram og vel
samin með einföldum en góðum
texta sem og viðlagi sem hljómar
áfram í kollinum eftir að diskinum
lýkur. Lokalagið „Dimmalimm er
einnig sterkt, á nokkuð dimmari
nótum og þyngra og Hera býr til
persónu sem sækir nafn sitt í æv-
intýri, einkenni sem sést víðar í
textum hennar og virkar vel, gefur
fleiri möguleika á túlkun. „Eyr-
arröst“ er líka áheyrilegt, nokkuð
rafmagnaðra og rokkaðra en flest
lögin og hefur á sér notalegan og
viðkunnanlegan blæ sem hæfir vel
textanum þar sem sögð er lítil
saga af góðum báti. Önnur lög
finnst mér heldur meinlaus og fátt
nýstárlegt að finna þótt flutningur
og söngur séu í besta lagi, t.d.
„Dararamm“ sem virkar einfald-
lega gamaldags þótt hér sé reynt
að rokka og hið hæga „Sit og vaki“
er afar fyrirsjáanlegt í hljómavali
og framvindu (og mér finnst nú
varla hægt að enda erindi á klisj-
aðri línu eins og „mér var um og
ó“). Hera fær með sér afar trausta
menn í flutninginn en það myndi
ekki saka að hrista meira upp í
lögunum, og hleypa meiri tilrauna-
gleði inn. Ef maður gerir það ekki
um tvítugt, hvenær þá? „Traust“
og „vandað“ ættu ekki að vera það
sem manni dettur fyrst í hug hjá
ungum og metnaðarfullum tónlist-
armanni, hér væri eftirsóknarverð-
ara að finna meiri áhættu og ég
saknaði líka þessa persónulega,
hvassa tóns sem finna mátti hér og
þar á fyrri skífum.
Tónlist
Sléttur sjór
Hera
Hafið þennan dag
Skífan
Lög og textar eftir Heru auk fjögurra
tökulaga eftir Bubba, Megas og KK.
Söngur og gítar: Hera, Jakob Smári
Magnússon, bassi, gítar, hljómborð,
munnharpa og fleira, Guðmundur Pét-
ursson, Arnar Geir Ómarsson, trommur.
KK leikur á hawaii-gítar og banjó í laginu
Vegbúinn og Megas syngur í lagi sínu
„Sönglausi næturgalinn“. Upptökustjórn:
Guðmundur Pétursson. Upptökur og
hljóðblöndun: Hrannar Ingimarsson.
Steinunn Haraldsdóttir
Morgunblaðið/Halldór Kolbeins
Hera Hjartardóttir syngur í fyrsta
sinn á íslensku á plötunni Hafið
þennan dag.
ÍS
LE
NS
KA
A
UG
LÝ
SI
NG
AS
TO
FA
N/
SI
A.
IS
M
OR
2
27
64
1
1/
20
03
Smáauglýsing
á aðeins 500 kr.*
Alla daga
Sími 569 1111 eða augl@mbl.is
*5 línur; tilboðið gildir til 31. des.