Morgunblaðið - 20.11.2003, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 20. NÓVEMBER 2003 VERÐ Í LAUSASÖLU 190 KR. MEÐ VSK.
Sumar fjárfestingar eru
lengi að ná fullumþroska.
En þærmikilvægustu vaxa
miklu hraðar en þú vildir.
ÍSLANDSBANKI Hvar sem þú ert
Er kólesterólið
of hátt?
Mælingar í síma 564 5600
ÍSLANDSBANKI hefur ákveðið að
lækka verðtryggða inn- og útláns-
vexti um 0,3 prósentustig frá og með
morgundeginum. Vextir á lífeyris-
sparnaðarreikningum og Framtíðar-
reikningi sem er reikningur fyrir
börn og unglinga sem ekki eru orðin
fjárráða lækka minna eða um 0,15
prósentustig. Kjörvextir verð-
tryggðra útlána verða 6,15% eftir
lækkunina.
„Vaxtaþróun á verðbréfamarkaði,
þróun lánsfjáreftirspurnar og sterk
staða Íslandsbanka hafa skapað skil-
yrði til þess að lækka verðtryggða
vexti bankans umtalsvert á undan-
förnum mánuðum. Alls hefur Ís-
landsbanki lækkað verðtryggða út-
lánsvexti um 130 punkta (1,3
prósentustig) frá byrjun nóvember í
fyrra.
Innlánsvextir bankans hafa á
sama tíma verið lækkaðir mun
minna með samsvarandi lækkun
vaxtamunar,“ segir meðal annars í
tilkynningu frá bankanum af þessu
tilefni.
Íslandsbanki lækkar verð-
tryggða vexti um 0,3%
BARNAVERNDARSTOFA hefur verið að
undirbúa það undanfarna mánuði, í sam-
starfi við Neyðarlínuna, að hægt verði að
hringja í númer Neyðarlínunnar, 112, og til-
kynna barnaverndarmál. Bragi Guðbrands-
son, forstjóri Barnaverndarstofu, segir að
með þessu sé ætlunin að skapa börnum og
öðrum í þjóðfélaginu betri skilyrði til að
kalla eftir hjálp ef upp koma mál sem talin
eru brjóta á réttindum barna.
Hjá 34 barnaverndarnefndum í landinu er
í fáum tilvikum hægt að hringja í einhver
símanúmer en Bragi bendir á að þessi mál
komi oftast upp á kvöldin og um helgar, utan
hefðbundins vinnutíma.
Barnaverndarstofa hefur óskað eftir fjár-
veitingu frá stjórnvöldum til að koma þessu í
kring og er Bragi bjartsýnn á að þetta nái
fram að ganga á næsta ári. Viðbrögð barna-
verndarnefnda hafi almennt verið jákvæð,
þó með nokkrum undantekningum, en sam-
kvæmt barnaverndarlögum þurfa nefndirn-
ar að veita öðrum heimild, í þessu tilviki
Neyðarlínunni, til að taka við tilkynningum í
sínu umboði.
Barnaverndarstofa er að vinna að gátlista
fyrir starfsfólk Neyðarlínunnar til að svara
svona málum. Er Neyðarlínunni svo ætlað
að bregðast við ef um bráðatilvik er að ræða
en koma svo málunum til viðkomandi barna-
verndarnefnda. Nái þetta fram að ganga
segist Bragi halda að Íslendingar verði
fyrstir Evrópuríkja til að koma á einni sím-
svörun fyrir barnaverndarmál.
Hringt
verði í 112
með barna-
verndarmál
Morgunblaðið/Þorkell
AÐEINS fimm konur eiga sæti í stjórnum
fyrirtækjanna fimmtán sem mynda Úrvals-
vísitöluna. Stjórnarsætin eru alls 95 og
skiptast á milli 85 einstaklinga. Hlutfall
kvenna í stjórnarsætum þessara stjórfyrir-
tækja er því 5,3%. Karlmenn verma 94,7%
sætanna.
Í stjórnum tíu fyrirtækja í Úrvalsvísitölu
situr engin kona en í hverju hinna fimm er
ein kona í stjórn. Svo gæti farið að konum
fækkaði enn í stjórnum Úrvalsvísitölufyrir-
tækja á næstunni. Uppstokkun í stjórnum
virðist ekki skila konum fleiri sætum.
Hlutur
kvenna í
stjórnum 5,3%
Ein kona fyrir/B14
Fyrirtæki í Úrvalsvísitölu
SKAGINN hf. á Akranesi hefur
þróað nýja vinnslutækni í fisk-
vinnslu sem þykir umbylta hefð-
bundinni vinnslu á ferskum fiski.
Samanburður við hefðbundna
fiskvinnslu hefur leitt í ljós að hin
nýja tækni skilar um 38 króna
hærri framlegð á hvert hráefnis-
kíló í vinnslu ferskra flaka.
Nýja vinnslutæknin byggist á
undirkælingu hráefnisins og var
markmið Skagans með þróun
nýju vinnslutækninnar að auka
verðmæti afurða með því að
hækka hlutfall þess sem fer í
ferska vinnslu, auka hlutfall
hvers flaks sem fer í verðmestu
flokkana og lengja þann tíma sem
fiskurinn er seldur ferskur.
Ingólfur Árnason, stjórnarfor-
maður Skagans, segir að öllum
þessum markmiðum hafi verið
náð og gott betur.
Hin nýja vinnsluaðferð Skag-
ans hefur nú um nokkurt skeið
verið reynd hjá Tanga hf. á
Vopnafirði. Í samanburði við
hefðbundna vinnsluaðferð kom í
ljós að framlegð vinnslunnar
jókst um tæp 162% með nýju
vinnsluaðferðinni. Þannig batnaði
afurðaskipting umtalsvert og fór
stærri hluti hráefnisins í verðmeiri
pakkningar en afskurður var í al-
geru lágmarki. Miðað við eitt hrá-
efniskíló jókst framleiðsluverð-
mætið með nýrri vinnsluaðferð um
17%, meðalverð hækkaði um 15%,
launakostnaður dróst saman um
15,4% en umbúðakostnaður jókst
hinsvegar um 18,7%. Niðurstaða
samanburðarins var sú að ávinn-
ingurinn var um 38 krónur á hvert
kíló hráefnis sem fór í gegnum
vinnsluna.
Þá sýndu niðurstöður Rann-
sóknastofnunar fiskiðnaðarins að
með nýju aðferðinni fengust mýkri,
safaríkari og meyrari flök.
Ennfremur leiddi samanburður-
inn í ljós að með nýju aðferðinni má
auka geymsluþol afurðanna um-
talsvert. Afurðir unnar úr undir-
kældu hráefni er þannig hægt að
flytja á markað með skipum í stað
flugs en flutningskostnaður með
skipum er umtalsvert lægri. Einar
Víglundsson, framleiðslustjóri hjá
Tanga, segir það skipta miklu fyrir
fiskvinnslu sem sé staðsett svo
langt frá Keflavíkurflugvelli að
koma fiskinum sjóleiðis á markað,
án þess að það komi niður á gæðum
afurðanna. Fiskvinnsla Tanga
þurfi að borga mun hærri flutn-
ingsgjöld en fiskvinnslur á höfuð-
borgarsvæðinu ef fiskinum er flog-
ið á markað.
Ný tækni stóreykur
verðmæti ferskfisks
Umbylting/C2–C3
Morgunblaðið/Jón Sigurðarson
Alls voru send 7 tonn af ferskum flökum frá fiskvinnslu Tanga á Vopna-
firði í gær. Fiskurinn var fluttur utan bæði flugleiðis og sjóleiðis.
FIMM Kínverjar og einn Singapúrbúi, sem
komu til landsins nú í nóvember, bíða nú
dóms í ákærumáli sem lögreglustjórinn á
Keflavíkurflugvelli hefur höfðað gegn þeim
fyrir að framvísa fölsuðum vegabréfum við
landamæraeftirlit í Leifsstöð. Fólkið var
leitt fyrir dómara í Héraðsdómi Reykjaness
í gær og birt ákæra í málinu. Dóms er að
vænta í dag, fimmtudag. Fólkið er á aldr-
inum 19 ára til rúmlega fimmtugs og kom
dagana 8.–14. nóvember, tvennt í senn.
Skoðun á vegabréfunum í Leifsstöð leiddi
í ljós að skipt hafði verið um upplýs-
ingasíður í vegabréfunum og nýjar passa-
myndir settar í þau. Einn hinna ákærðu
sagðist hafa keypt vegabréf sitt í Taílandi
en allir hafa viðurkennt hjá lögreglu að
hafa vitað að vegabréfin væru fölsuð.
Háttsemi þeirra er talin varða við 155.
grein almennra hegningarlaga sem kveður
á um allt að átta ára fangelsi við skjalafalsi
af því tagi sem ákært er fyrir. Hér sést
fólkið í héraðsdómi í gær. Lögreglumaður
situr við hlið þess.
Morgunblaðið/Ómar
Bíða dóms vegna falsaðra vegabréfa
♦ ♦ ♦