Morgunblaðið - 20.11.2003, Blaðsíða 18
18 B FIMMTUDAGUR 20. NÓVEMBER 2003 MORGUNBLAÐIÐ
NFRÉTTIR ● MEÐ veiruvarnarforritinu
Lykla-Pétri er nú hægt að greina
meira en 100 þúsund veirur,
orma og önnur skaðleg tölvu-
forrit, að því er fram kemur í til-
kynningu frá Friðriki Skúlasyni
ehf. „Margt hefur breyst á und-
anförnum árum og fjöldi skað-
legra forrita hefur aukist mjög
hratt. Síðastliðnir mánuðir hafa
gert öllum tölvunotendum ljóst
hversu hættulegar og skaðlegar
nútíma hugbúnaðarárásir geta
verið,“ segir í tilkynningunni.
Veirusérfræðingar Friðriks
Skúlasonar hafa komið upp
gagnabanka um fyrrnefnda vá-
gesti sem lagst hafa á hug-
búnað. Með aðstoð gangabank-
ans, sem er sagður einn sá
stærsti í heimi, hefur tekist að
margfalda greiningarhæfni
Lykla-Péturs.
„Msblast ormurinn sem náði
hámarksútbreiðslu síðla sum-
ars sem og Sobig.F faraldurinn
sem olli mörgum af stærstu fyr-
irtækjum landsins jafnt sem al-
mennum tölvunotendum
ómældum vandræðum síðast-
liðið haust sýna það glöggt að
nú er mikilvægara en nokkru
sinni fyrr að verjast þessum
hættum,“ segir í tilkynningu frá
Friðriki Skúlasyni.
Lykla-Pétur í ham
● HUGBÚNAÐAR- og ráðgjafafyr-
irtækið Annata hf. og Cognos AB í
Svíþjóð hafa gert með sér samning
um sölu á hugbúnaðarlausnum
þess fyrrnefnda á Evrópska efna-
hagssvæðinu. Samningurinn felur í
sér m.a. að söluskrifstofur Cognos
um alla Evrópu auk samstarfsaðila
þeirra munu bjóða lausnir Annata til
viðskiptavina sinna. Auk þess er
ætlunin að fjölga mjög endur-
söluaðilum Cognos með markaðs-
sókn sem sett hefur verið af stað.
Með þessu ætlar Cognos sér
aukna markaðshlutdeild hjá með-
alstórum og smærri fyrirtækjum en
hingað til hefur fyrirtækið einblínt á
stórfyrirtæki með lausnir sínar, að
því er segir í fréttatilkynningu frá
Annata.
Annata hf. hefur undanfarin ár
þróað og selt skýrslu- og greining-
arlausnir til árangursmælinga í fyr-
irtækjum og notað til þess hug-
búnað frá m.a. Cognos. Cognos er
upprunnið í Kanada og er nú með
eigin skrifstofur í um 30 löndum
auk samstarfsaðila víða annars
staðar, m.a. á Íslandi. Að sögn Jó-
hanns Jónssonar, framkvæmda-
stjóra Annata, í fréttatilkynningu er
lausnin, sem ber nafnið Annata
Analytics, heildstæð greiningar- og
skýrslulausn fyrir fyrirtæki sem vilja
greina rekstrargögn með markviss-
um hætti. Lausnin felur í sér grein-
ingu á víðtækum viðfangsefnum,
s.s. fjárhag, sölu, viðskiptavinum
og birgðum með hjálp lykiltalna.
Lausnin afhendist stöðluð til upp-
setningar en auðvelt er að aðlaga
hana sértækum þörfum einstakra
fyrirtækja. Hægt er að vinna með
upplýsingarnar hvort sem er í gegn-
um vafra eða biðlara.
Jóhann segir samninginn mik-
ilvægan fyrir fyrirtækið og að grund-
völlur hafi skapast fyrir honum með
sterkum heimamarkaði. Tekjur Ann-
ata voru um 100 milljónir króna á
síðasta ári og starfsmenn þess nú
eru 12 talsins. Spá félagsins gerir
ráð fyrir veltuaukningu á þessu ári
og að reksturinn skili hagnaði í
samræmi við áætlanir. Eigendur
Annata eru 8 talsins og allir starf-
andi hjá félaginu, að því er segir í
tilkynningu.
Cognos selur fyrir
Annata
● ÍSLANDSLYFTUR ehf hefur fengið
OTIS lyftuumboðið, sem er stærsti
lyftuframleiðandi í heimi, samkvæmt
fréttatilkynningu frá Íslandslyftum.
Fyrirtækið Íslandslyftur ehf er 3 ára
um þessar mundir, en Otis er 150
ára og er elsta lyftufyrirtækið í heim-
inum, samkvæmt tilkynningu.
Íslandslyftur með Otis
ATLANTSOLÍA í Hafnarfirði
hefur nú bætt við fjórða olíu-
flutningabíl sínum.
Bifreiðin er af gerðinni Scania
124 L.
Í fréttatilkynningu kemur fram
að bifreiðinni er ætlað að þjóna
stærri verktökum á Suðurlandi en
brýnt þótti að uppfylla þjón-
ustukröfur þess markaðar. Alls
tekur tankur bílsins 17.000 lítra
og nemur því heildarflutn-
ingamagn fyrirtækisins 100.000
lítrum.
Ólafur Baldursson, sölustjóri innanlandsmarkaðar Atlantsolíu, afhendir Rögnvaldi
Kristbjörnssyni bílstjóra lykla að nýjasta bíl fyrirtækisins.
Bifreiðafloti Atlants-
olíu stækkar
INGÓLFSSTRÆTI 323 fm bar/vínveitingahús,
mjög góð eign fyrir fjárfesta. 7 ára samningur.
SKEIFAN 716 fm nýklætt gott hús, tryggur lang-
tímasamn. Leiga 8,3 á ári, verð 70 m.
BÆJARLIND Vandað nýlegt vel staðsett hús í
traustri útleigu, ca 2000 fm. Verð 194 m.
SELJABRAUT Herbergjaútleiga, 6 herbergi í fullri
útleigu, árstekjur 2,3 m. Verð 15,3 m.
HVALEYRARBRAUT 240 fm gistiheimili með 11
herbergjum. Auðveld kaup/yfirtaka.
KRÓKHÁLS Góð skrifstofuhæð, 508+120 fm.
SKEMMUVEGUR 150+90 fm innkeyrslubil.
BÍLDSHÖFÐI 300 fm á tveimur hæðum.
HVALEYRARBRAUT 187 fm fiskvinnsluhúsnæði,
hátt til lofts, verð 14 m.
VESTURVÖR 420 fm iðnaðarhúsnæði með 3
innkeysludyrum, hátt til lofts, og skrifstofu.
TIL SÖLU
TÆKIFÆRI – FJÁRFESTAR
EIGNIR MEÐ LEIGUSAMNINGUM
SÍÐUMÚLA 15 • SÍMI 588 5160
ATVINNUHÚSNÆÐI – SÝNISHORN ÚR SÖLUSKRÁ
Sölustjóri Daníel M. Einarsson - 868 6072
Skoðaðu alla söluskrána á heimasíðunni
www.fyrirtaekjasala.is
FYRIRTÆKJASALA
ÍSLANDS Gunnar Jón Yngvason,löggiltur fasteignasali
SKEIFAN Á götuhæð 270,1 fm með stórum
gluggum og góðum bílastæðum. Flottur staður.
SKÚTAHRAUN 86,6 fm innkbil. Verð 5,8 m.
ÁRMÚLI 180 fm skrifstofuhúsnæði sem leigist
tvær og tvær skrifstofur í einu, gott verð.
SKÚTUVOGUR 540 fm verslun eða lager, 6 m
lofth., götuhæð, stór hurð, góður frontur.
HLÍÐASMÁRI 150 fm verslun á jarðhæð.
SKÚTUVOGUR 140 fm vöndað skrifstofuh. á 2.
hæð, lagnastokkar, góður áberandi staður.
TUNGUHÁLS 90 fm skrifstofuhúsnæði.
VANTAR í traustri útleigu, verðbil 30-50 m.
VANTAR húsnæði fyrir kaffihús/bar í miðbæ.
VANTAR eign sem má breyta í íbúðir.
VANTAR til leigu f. fiskv. ca 150-300 fm.
MIKIL SALA - MIKIL ÚTLEIGA - MIKIL SALA
HVAÐ VANTAR ÞIG? LÁTTU OKKUR VITA!
VANTAR STRAX
TIL LEIGU
SAMSKIPTI fyrirtækja og fjárfesta voru
rædd á ráðstefnu Félags um fjár-
festatengsl í háskólanum í Reykjavík síð-
astliðinn þriðjudag. Tveir erlendir fyrirles-
arar voru á ráðstefnunni, Dr. Heather
McGregor, framkvæmdastjóri hjá ráð-
gjafafyrirtækinu Taylor – Bennet og Lynge
Blak, formaður Alþjóðafélags um fjár-
festatengsl og formaður Félags um fjár-
festatengsl í Danmörku.
Þórður Friðjónsson, forstjóri Kaup-
hallar Íslands, minnti á mikilvægi þess að
útgefendur hlutabréfa veiti fjárfestum
góðar upplýsingar. Hlutverk Kauphall-
arinnar fælist m.a. í að tryggja flæði upp-
lýsinga frá útgefendum til fjárfesta. Þórð-
ur sagði samhengi vera milli aukinna
viðskipta og góðrar upplýsingagjafar frá
fyrirtækjum, upplýsingar væru því mark-
aðstæki sem útgefendur ættu að nýta.
Í erindi sínu á ráðstefnunni sagði Al-
bert Jónsson, forstöðumaður eigna-
stýringar Lífeyrissjóðs starfsmanna rík-
isins, að upplýsingar til fjárfesta væru
enn mikilvægari vegna smæðar mark-
aðarins hérlendis. Það væri nauðsynlegt
fyrir fjárfesta að fá greinargóðar upplýs-
ingar um starfsemi þeirra félaga sem
fjárfest er í. Hann nefndi sem dæmi að ís-
lensk útrásarfyrirtæki hefðu vegna
smæðar sinnar jafnan fáa viðskiptavini
og því mætti oft lítið út af bera. Jafnframt
því að fá allar fjárhagsupplýsingar frá fé-
lögum sagðist Albert telja nauðsynlegt að
fjárfestum væri kynnt arðgreiðslustefna
sem og gefinn kostur á að funda með
stjórnendum og heimsækja fyrirtækin. Al-
bert sagði gott samstarf milli fjárfesta og
útgefenda hlutabréfa algjört lykilatriði til
að tryggja að hægt væri að meta fjárfest-
ingarkosti.
Kjarninn í erindi Lynge Blak var að fjár-
festatengsl snerust um traust. Blak sagði
tvennt skipta máli þegar fyrirtæki ákveða
hvort þau eigi að veita fjárfestum til-
teknar upplýsingar. annars vegar hvort
það hefði áhrif á verðmyndun ef upplýs-
ingarnar væru ekki gefnar og hins vegar
hvort mögulegt væri að fjárfestar vildu
byggja ákvörðun sína á þessum upplýs-
ingum.
Dr. Heather McGregor sagðist telja fé-
lagslegan þátt fjárfestatengsla mik-
ilvægan. Hún sagði mikilvægt að þeir sem
starfa á hlutabréfamarkaði, útgefendur
hlutabréfa, fjárfestar og greiningaraðilar,
þekkist og eigi samskipti utan vinnunnar.
Upplýsingar mikilvægar á smáum markaði
Morgunblaðið/Kristinn
Upplýsingagjöf frá útgefendum hluta-
bréfa til fjárfesta skiptir miklu máli fyrir
verðmyndun og hana má nota sem
markaðstæki til að auka sölu bréfa.
ÍSLENDINGAR verða meðal
þátttakenda í árlegri evrópskri
hugmyndakeppni sem fram fer í
Brussel í Belgíu föstudaginn 28.
nóvember næstkomandi. Fulltrúar
frá flestum Evrópulöndum taka
þátt í keppninni. Keppt er í fjórum
flokkum og taka Íslendingar þátt í
þeim öllum. Flokkarnir nefnast
Hvatning, Sproti, Stofnstig (e.
Start-up) og Vöxtur, sem er fyrir
starfandi fyrirtæki í vexti.
Í tilkynningu frá verkefnisstjóra
keppninnar segir að við val á sig-
urvegurum í hugmyndakeppninni
sé höfð hliðsjón af hve raunhæf
hugmynd er, samkeppnishæfni,
framsetningu á gögnum en auk
þess þurfi verkefnin að hafa evr-
ópska tilvísun.
Nýsköpunarsjóður atvinnulífsins
er tengiliður Íslands við keppnina
en þátttakan er á vegum Nýsköpun
2003, samkeppni um viðskiptaáætl-
anir, sem lauk í september síðast-
liðnum.
Tímaritasjálfsali keppir í
Hvatningu
Í flokknum Hvatning keppa aðilar
sem hafa þróað hugmynd sem talin
er geta skilað arðsemi síðar meir.
Fyrir Íslands hönd keppir Birgir
Grímsson, en hann hefur þróað
verkefni sem hann nefnir
MAGA-VEND.
Um er að ræða áætlun um hönn-
un, smíði og rekstur tímaritasjálf-
sala sem selur hefðbundin prentuð
og rafræn tímarit. Segir í tilkynn-
ingunni að sjálfsalinn hafi sérstöðu
að því leyti að hann sé hannaður
bæði með þarfir útgefandans og
viðskiptavinarins í huga, ásamt því
að hann verði lagaður að umhverf-
inu sem honum sé ætlað að standa
í. Hann veiti upplýsingar um inni-
hald þeirra tímarita sem til sölu
eru í gegnum snertiskjá/vefsíðu,
auk þess sem hægt sé að nálgast
upplýsingar um smásögur og sér-
stakar greinar sem hægt verður að
kaupa í stykkjatali.
Í umsögn dómnefndar í Nýsköp-
un 2003 kom fram að viðskiptaáætl-
unin væri faglega unnin og beri
höfundi gott vitni um vönduð
vinnubrögð, hugmyndaauðgi og
áhuga á efninu. Markaðshliðin sé
vel unnin og tækniþekking sé sann-
færandi. Hugmyndin sé frumleg og
snjöll.
Höfundur hugmyndarinnar hefur
í hyggju að komast í samband við
fjárfesta til að geta búið til til-
raunaútgáfu af sjálfsalanum og í
framhaldi af því reyna að selja hug-
myndina til áhugasamra kaupenda.
Harðkornaskósólar í Sprota
Í flokknum Sproti (Seed) keppa
fyrirtæki á frumstigi. Fyrir Íslands
hönd keppir Óskar F. Jónsson sem
hefur þróað skósóla með harðkorn-
um og ber verkefnið heitið Green
Diamond. Verkefni Óskars hlaut
fyrstu verðlaun í Nýsköpun 2003.
Í umsögn dómnefndar um þetta
verkefni sagði m.a. að viðskipta-
hugmyndin sé ákaflega spennandi
og ljóst að ef vel tekst til sé fram-
undan spennandi framtíð fyrir fyr-
irtækið og aðstandendur þess.
Áætlunin sé metnaðarfull og stefnt
sé á ákaflega breiðan markað, og
styrkist af því að höfundur hafi
langa reynslu af framleiðslu og sölu
á markaðnum.
Segir í tilkynningunni að ef allt
gengur eftir áætlun ættu skórnir
að koma á markaðinn á miðju
næsta ári.
Sími yfir Netið í Stofnstigi
Í flokknum Stofnstig keppa fyr-
irtæki sem eru að slíta barnsskón-
um. Fulltrúi Íslands er Primus
Motor Co með verkefnið ToTalk
Communications, en á bak við það
standa Ármann Kojic Jónsson og
Jón Steinsson, eigendur Primus
Motor Co.
ToTalk fjöldaframleiðir svokölluð
VoIP símafyrirtæki með öllum
þeim hugbúnaði og rekstrareining-
um sem þarf til að selja langlínu-
samtöl yfir Netið. VoIP er samheiti
yfir sendingar á stafrænu hljóði og
faxsendingum en IP stendur fyrir
Internet Protocol.
Verkefnið ToTalk Communicat-
ions hlaut önnur verðlaun í Ný-
sköpun 2003. Í umsögn dómnefndar
sagði að viðskiptaáætlunin væri
áhugaverð, og æskilegt að hún
verði þróuð áfram.
Rörafittings í Vexti
Í flokknum Vöxtur keppa fyrirtæki
sem eru í vexti og þykja lofa góðu.
Fyrir Íslands hönd keppir verk-
efnið Hönnun og framleiðsla á
slöngu og rörafittings, sem kom frá
Vélsmiðju Ísafjarðar í Nýsköpun
2003. Fulltrúar verkefnisins eru
Steinþór Bragason og Arna Lára
Jónsdóttir. Samkvæmt tilkynning-
unni er það ætlun höfundanna að
koma vörunni á framfæri á alþjóða-
markaði og finna fjárfesta til að
leggja til fjármagn í áhugaverða og
arðbæra hugmynd.
Samkeppnishæfni meðal
þess sem ræður úrslitum
Fjórar íslenskar hugmyndir keppa í evrópskri
hugmyndakeppni í Brussel í lok næstu viku