Morgunblaðið - 21.11.2003, Blaðsíða 2
TÍMARIT
MORGUNBLAÐSINS
FYLGIR MORGUNBLAÐINU
Á SUNNUDAGINN
Himnaríki
Hallgríms
Helgasonar
FRÉTTIR
2 FÖSTUDAGUR 21. NÓVEMBER 2003 MORGUNBLAÐIÐ
MANNSKÆTT TILRÆÐI
Minnst 27 manns létu lífið og yfir
400 særðust í sjálfsmorðstilræði í
Istanbúl í Tyrklandi í gær. Talið er
að hryðjuverkamenn tengdir al-
Qaeda-samtökunum hafi staðið fyr-
ir árásinni. Tvær geysistórar
sprengjur sprungu við útibú bresks
banka og bresku ræðismanns-
skrifstofuna í borginni. Leiðtogar
um allan heim, þ.á m. í múslíma-
ríkjum, fordæmdu tilræðið og vott-
uðu Tyrkjum, sem eru múslímar,
samúð sína.
Kaupréttarsamningar
Stjórnarformaður og forstjóri
Kaupþings Búnaðarbanka hafa
hvor um sig keypt hluti í Kaupþingi
Búnaðarbanka fyrir rúmar 950
milljónir króna á genginu 156.
Lokaverð á hlutabréfunum í Kaup-
höll Íslands í gær var 216 svo sölu-
hagnaður hvors um sig gæti numið
365 milljónum króna.
Mótmæli á Trafalgar-torgi
Tugþúsundir manna komu saman
á Trafalgar-torgi í London í gær og
mótmæltu opinberri heimsókn
George W. Bush Bandaríkjaforseta.
Hrópuð voru slagorð gegn Bush og
Tony Blair, forsætisráðherra Bret-
lands, og felld var af stalli papp-
írsstytta af Bush við mikinn fögnuð
viðstaddra.
Kynna Fjarðarál
Fulltrúar Alcoa, Bechtel og sveit-
arfélaga hafa undanfarna daga
kynnt Fjarðarálsverkefnið á Aust-
urlandi. Áætlað er að jarðvegsvinna
hefjist í október 2004 og að höfnin
verði tilbúin í júlí 2005.
Pílagrímaflug Atlanta
Þrettán þotur flugfélagsins Atl-
anta verða í pílagrímaflugi milli
Jeddah og borga í Asíu og Afríku
og hefst það í lok desember. Milli
1.100 og 1.200 manns starfa við
verkefnið.
21.-27.nóvember
Viðburðir sem gera
vikuna skemmtilegri
FÓLKIÐ teflir af ástríðu, tekur völdin á Nasa og
eikur Hallgerði í Njálssögu | |21|11|2003
Yf ir l i t
Í dag
Sigmund 8 Forystugrein 32
Viðskipti 16 Þjónusta 35
Úr verinu 16 Viðhorf 36
Erlent 18/19 Minningar 38/41
Minn staður 20 Bréf 46
Höfuðborgin 21 Dagbók 48/49
Akureyri 22 Staksteinar 48
Suðurnes 22/23 Íþróttir 50/53
Austurland 24 Leikhús 54
Landið 25 Fólk 54/61
Daglegt líf 26/27 Bíó 58/61
Listir 28/30 Ljósvakamiðlar 62
Umræðan 31/38 Veður 63
* * *
Kynningar – Morgunblaðinu í dag
fylgir Dagskrá vikunnar. Blaðinu er
dreift á landsbyggðinni.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson,
fréttastjóri, asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, rit-
stjórnarfulltrúi, orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, hilmar@mbl.is Stefán Ólafsson, esso@mbl.is Dag-
bók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is
FÓLKIÐ
ÞAÐ var mikil upphefð að vera beð-
in að leika Hallgerði, segir Margrét
Vilhjálmsdóttir í Fólkinu, en hún
fer með hlutverk þessarar um-
deildu konu í Njálssögu, sem frum-
sýnd verður í Regnboganum í
kvöld.
Þá eru rifjaðar upp sögur af
Gauki á Stöng, í tilefni 20 ára af-
mælis staðarins. Þar var gjarnan
dansað uppi á borðum „í gamla
daga“.
Hallgrímur Helgason greinir frá
nokkrum hlutverkum í „nýrri stór-
mynd“ sinni, Herra alheimur. Þar
fer Camilla Parker-Bowles meðal
annars með hlutverk Píusar tólfta.
Morgunblaðið/Kristinn
Camilla í
hlutverki
Píusar tólfta
GUÐBJÖRG Þor-
bjarnardóttir, ein ást-
sælasta leikkona þjóð-
arinnar um áratuga-
skeið, lést á elli-
heimilinu Grund 19.
nóvember, níræð að
aldri.
Guðbjörg fæddist í
Bolungarvík 13. júlí
1913 og hóf í upphafi
fimmta áratugarins
nám í Leiklistarskóla
Lárusar Pálssonar í
Reykjavík og sótti
einnig leiklistarnám-
skeið á Norðurlöndum.
Leikferil sinn hóf hún á Siglufirði ár-
ið 1939 í áhugasýningum og gekk til
liðs við Leikfélag Reykjavíkur árið
1946 þar sem hún lék með hléum í
áratug. Fyrsta hlutverk hennar hjá
LR var Elín Hákonardóttir í leikriti
Guðmundar Kambans Skálholti. Ár-
ið 1949 gekk hún til liðs við leikhóp-
inn Sex í bíl og sló hún í gegn í hlut-
verki sínu í Brúnni til Mánans eftir
Clifford Odets. Guðbjörg réðst til
Þjóðleikhússins strax við opnun þess
árið 1950 og var fastráðin árið 1959.
Meðal fyrstu hlutverka
hennar þar voru Antí-
góna Anouihls, Títanía í
Jónsmessunætur-
draumi og Lára í Föð-
urnum. Á 39 ára
löngum leikferli sínum
við Þjóðleikhúsið lék
Guðbjörg alls 96 hlut-
verk, það síðasta leikár-
ið 1988 til 1989 í Fjalla-
Eyvindi eftir Jóhann
Sigurjónsson. Auk þess
fór hún með fjölda hlut-
verka í útvarpsleikrit-
um og sjónvarpskvik-
myndum.
Guðbjörg var um tíma formaður
stjórnar Leikarafélags Þjóðleik-
hússins og sat í fjáröflunarnefnd Fé-
lags íslenskra leikara. Þá sat hún í
styrkveitingarnefnd Menningar-
sjóðs Þjóðleikhússins. Árið 1961
voru Guðbjörgu veitt verðlaun Fé-
lags íslenskra leikdómenda, Silfur-
lampinn, fyrir túlkun sína á Elsu
Gant í Engill horfðu heim.
Guðbjörg var gerð að heiðurs-
launaþega Alþingis árið 1990. Hún
var ógift og barnlaus.
Andlát
GUÐBJÖRG
ÞORBJARNARDÓTTIR
ÍSLENDINGAR borða allra minnst
af grófu brauði og ávöxtum meðal
þjóða á Norðurlöndum og í Eystra-
saltslöndum, að því er fram kemur í
nýrri samanburðarrannsókn á
neyslu grænmetis, ávaxta, fisks og
grófs brauðs í þessum löndum. Þetta
er fyrsta rannsóknin sem gerð er á
samræmdan hátt í öllum þessum
löndum á sama tíma varðandi neyslu
á hollri fæðu. Rannsóknin sýnir
einnig að Íslendingar borða minna
af grænmeti og sérstaklega þó af
ávöxtum en aðrar Norðurlanda-
þjóðir.
Niðurstöður rannsóknarinnar
sýna að grænmeti er að verða álíka
algengt á borðum Íslendinga og ná-
grannaþjóðanna.
Íslendingar skera sig síðan alger-
lega úr varðandi neyslu á grófu
brauði og borða langminnst af öllu
brauði, en þó sérstaklega af grófu
brauði eins og rúgbrauði. Allar hin-
ar þjóðirnar í könnuninni borða fjór-
um til fimm sinnum fleiri sneiðar af
mjög grófu brauði en Íslendingar.
Mest er borðað af fiski í Noregi og
á Íslandi og í fyrsta skipti eru Norð-
menn þar í efsta sæti en ekki Íslend-
ingar. Þessar þjóðir ná báðar rúm-
lega 60% af ráðlögðum dagskammti
af fiski en minnst er borðað af fiski í
Danmörku þar sem fólk borðar að-
eins 29% af ráðlögðum skammti.
Laufey Steingrímsdóttir, for-
stöðumaður manneldisráðs, segist
þrátt fyrir allt vera tiltölulega sátt
við þessar niðurstöður hvað Íslend-
inga varðar, vegna þess að lands-
menn séu greinilega að nálgast hin-
ar þjóðirnar í neyslu á ávöxtum og
grænmeti.
Íslendingar borða
minnst af ávöxtum
Morgunblaðið/Sverrir
HÆSTIRÉTTUR dæmdi í gær Stef-
án Ingimar Koeppen Brynjarsson í
átta ára fangelsi fyrir stórfellt fíkni-
efnasmygl til landsins á árunum 1998
og 2001 og peningaþvætti. Samverka-
maður hans, Hafsteinn Ingimundar-
son, var dæmdur í tveggja ára fang-
elsi og samverkakona hlaut einnig
tveggja ára fangelsi en hluti refsing-
arinnar var bundinn skilorði.
Með dómi sínum þyngdi Hæstirétt-
ur niðurstöðu Héraðsdóms Reykja-
ness frá í júlí þar sem Stefán Ingimar
hlaut sex ára fangelsi. Systir hans var
þar dæmd í þriggja ára fangelsi óskil-
orðsbundið fyrir að annast milligöngu
í fíkniefnaviðskiptum þeirra Haf-
steins og peningaþvætti, fyrir að hafa
tekið við peningum sem hún hafi vitað
að voru ávinningur af fíkniefnasölu.
Hæstiréttur lækkaði hins vegar refs-
ingu hennar en vegna breytinga sem
orðið hafa á högum hennar eftir að at-
burðir máls þessa urðu þótti mega
skilorðsbinda refsinguna.
Stefán Ingimar var sakfelldur fyrir
að hafa í hagnaðarskyni staðið fyrir
stórfelldum innflutningi fíkniefna,
annars vegar á árinu 1998 og hins
vegar á árinu 2001. Einnig fyrir að
hafa á árinu 1998 haft í vörslum sínum
umtalsvert magn fíkniefna sem hann
hafi ætlað til sölu hér á landi.
Þótti Hæstarétti hann hafa gerst
sekur um stórfellda skipulega brota-
starfsemi í auðgunarskyni.
Málið dæmdu hæstaréttardómar-
arnir Markús Sigurbjörnsson, Árni
Kolbeinsson, Garðar Gíslason, Hrafn
Bragason og Pétur Kr. Hafstein.
Verjandi Stefáns var Guðni Á. Har-
aldsson hrl., verjandi ákærðu systur
hans Kristján Stefánsson hrl. og verj-
andi Hafsteins Karl Georg Sigur-
björnsson hrl. Málið sótti Ragnheiður
Harðardóttir saksóknari.
Átta ára
fangelsi
fyrir fíkni-
efnasmygl