Morgunblaðið - 21.11.2003, Blaðsíða 22
AKUREYRI
22 FÖSTUDAGUR 21. NÓVEMBER 2003 MORGUNBLAÐIÐ
Spirulina
Fullkomin fæðubót
www.islandia.is/~heilsuhorn
SENDUM Í PÓSTKRÖFU
Glerártorgi, Akureyri, s. 462 1889
fæst m.a. í Lífsinslind í Hagkaupum,
Fjarðarkaupum
Árnesaptóteki Selfossi og
Yggdrasil Kárastíg 1.Krónunni, 2. hæð, sími 462 3505,
Hafnarstræti 97, 600 Akureyri.
Nýtt Nýtt
síðir kjólar
Toppar
pils
samkvæmisblússur
stuttkápur
jakkar
Reykjanesbær | Sýning um
hönnun og hugmyndir að betri
bæ verður opnuð í Kjarna í Hafn-
argötu 57 í Keflavík á morgun,
laugardag. Sýndar verða teikn-
ingar og ljósmyndir sem tengjast
framkvæmdum í bænum og óskað
eftir nýjum hugmyndum frá gest-
um.
Reykjanesbær stendur fyrir
sýningunni í samvinnu við Arki-
tektastofu Suðurnesja, Upplýs-
ingamiðstöð Reykjaness, Vega-
gerðina og miðbæjarsamtökin
Betri bæ. Bjarni Marteinsson
arkitekt og Rannveig Lilja Garð-
arsdóttir á upplýsingamiðstöð-
inni hafa undirbúið hana.
Reykjanesbraut
og Hafnargata
Bjarni segir að upphaflega hafi
ætlunin verið að sýna ýmis gögn
sem til eru um endurbæturnar á
Hafnargötunni. Hugmyndin hafi
síðan þróast og orðið víðtækari
með samvinnu við ýmsa aðila.
Hann segir að ríkt hafi mikil
framkvæmdagleði á vegum
Reykjanesbæjar að undanförnu.
Unnið hafi verið að lagfæringum
á aðkomunni til bæjarins og aðal-
götunni, Hafnargötu. Þá sé Æg-
isgata að mótast og uppfylling til
sjávar að verða að veruleika. Þar
séu að skapast miklir möguleikar.
Hann rifjar upp að á undanförn-
um árum hafi gamli bærinn í
Keflavík tekið miklum stakka-
skiptum, umhverfi Duushúsa
mótast og grunnskólarnir verið
einsetnir. Þetta snúi að bæjar-
bragnum inn á við en umhverfið
skipti einnig máli. Tvöföldun
Reykjanesbrautar og tengingar
til bæjarins skipti höfuðmáli þeg-
ar til framtíðar er litið. Loks
nefnir hann mikilvægt samband
íbúanna við náttúruperlur í nán-
asta umhverfi bæjarins.
Bjarni segir að við allar þessar
framkvæmdir og áform hafi orðið
til ýmis gögn og verði hluti þeirra
á sýningunni ásamt ljósmyndum
og myndböndum. Þannig verða
útlitsteikningar af allri Reykja-
nesbrautinni settar upp, aðkom-
an að Reykjanesbæ og teikningar
að lífæðinni í gegn um bæinn allt
til Duushúsa.
Rétti tíminn fyrir hugmyndir
„Það er svo margt að gerast og
það hefur orðið til þess að fólk
hefur vaknað meira til vitundar
um umhverfi sitt. Nú er rétti tím-
inn fyrir það að koma fram með
hugmyndirnar,“ segir Rannveig.
Hún segir að lögð verði áhersla á
myndræna framsetningu efnisins
en einnig verði textaupplýsingar.
Upplýsingamiðstöðin verður með
kynningu á afþreyingarmöguleik-
um. Gestum verður síðan gefinn
kostur á að koma með efni í hug-
myndabanka að lokinni skoðun
sýningarinnar.
Sýningin verður opnuð klukk-
an 14 á morgun og stendur til 30.
nóvember.
Morgunblaðið/Helgi Bjarnason
Rannveig og Bjarni: Rétti tíminn fyrir hugmyndirnar.
Hönnun og
hugmyndir að
betri bæ
Reykjanesbær | Kannað verður á
vettvangi Sambands sveitarfélaga
á Suðurnesjum hvort áhugi sé á
því hjá sveitarfélögunum að taka
upp heildstætt almenningssam-
göngukerfi fyrir Suðurnesin.
Bæjarstjórn Reykjanesbæjar
samþykkti á fundi sínum í vikunni,
að tillögu Kjartans Más Kjartans-
sonar fulltrúa Framsóknarflokks-
ins, að fela fulltrúa sínum í stjórn
SSS að kanna áhuga annarra sveit-
arfélaga á málinu.
Á í erfiðleikum með
að komast á milli
Kjartan Már segir í samtali við
Morgunblaðið að þörf sé fyrir sam-
ræmdar almenningssamgöngur á
svæðinu. Segist hann meðal annars
finna það í starfi sínu sem stjórn-
andi hjá Flugþjónustunni á Kefla-
víkurflugvelli. Þar starfi fólk úr
mörgum sveitarfélögunum og sum-
ir eigi í erfiðleikum með að komast
til og frá vinnustað.
Segist Kjartan líta á almenn-
ingssamgöngur sem byggðamál.
Menn séu að ræða um að Suð-
urnesin séu eitt atvinnusvæði, að
Reykjanesbær sé miðstöð þjónustu
og verslunar og unnt sé að sækja
ýmsa þjónustu í hin sveitarfélögin.
Þetta séu innantóm orð nema góð-
ar samgöngur séu á milli staðanna.
Kjartan gerir sér grein fyrir því
að rekstur strætisvagna á þessum
leiðum muni ekki standa undir sér
en segir að spurningin snúist um
það hvort sveitarfélögin séu
reiðubúin að leggja saman fjár-
magn í að byggja upp slíkt kerfi.
Kanna áhuga á al-
menningssamgöngum
FYRSTI sjúkrabíllinn af þremur
sem smíðaðir eru hjá MT-bílum í
Ólafsfirði var afhentur Akureyr-
ardeild Rauða krossins í gær en
hann verður til nota fyrir sjúkra-
flutningamenn Slökkviliðs Ak-
ureyrar. Næsti bíll fer til Ólafs-
víkur, en ekki er enn búið að
ákveða hvar sá þriðji lendir. Val-
dís Gunnlaugsdóttir, varaformaður
Rauða krossins á Akureyri, sagði
að MT-bílar hefðu verið með hag-
stæðasta tilboðið í útboði sem
Rauði krossinn efndi til. Sigurjón
Magnússon, framkvæmdastjóri
MT-bíla, sagði að vinna við hvern
bíl tæki rúman mánuð. „Við höfum
lagt mikla áherslu á vinnuvist-
fræði og fengið ábendingar frá
sjúkraflutningamönnum um
hvernig best er að haga innrétt-
ingum í bílnum. Það verður hér
allt sem á þarf að halda innan seil-
ingar,“ sagði Sigurjón. Inni í bíln-
um er stóll á sleða sem hægt er að
renna fram eftir bílnum og eins er
hægt að koma honum fyrir fremst
í bílnum og koma þá fyrir auka-
börum.
MT-bílar hafa áður smíðað 24
slökkvi- og vinnubíla og innréttað
snjóbíla fyrir björgunarsveitir.
„Ég er alltaf ánægður þegar við
fáum tækifæri til að sinna svona
verkefnum, þetta er eitt af mínum
hugðarefnum,“ sagði Sigurjón sem
bæði hefur verið í björgunarsveit
og starfað sem varaslökkviliðs-
stjóri. „Við reynum að afla okkur
verkefna, og viljum auðvitað fá
sem mesta vinnu hingað norður.“
Alls starfa fjórir starfsmenn hjá
MT-bílum og sagði Sigurjón verk-
efnastöðu þokkalega.
Nýi bíllinn leysir af hólmi árs-
gamlan sjúkrabíl sem hér eftir
verður á Dalvík. Alls eru 3–4
sjúkrabílar til taks á Akureyri að
jafnaði.
Fyrsti
íslenski
sjúkra-
bíllinn
Morgunblaðið/Kristján
Gjörðu svo vel: Valdís Gunnlaugsdóttir, varaformaður Akureyrardeildar
Rauða kross Íslands, afhendir Erling Þór Júlínussyni, slökkviliðsstjóra á
Akureyri, lyklana að nýja sjúkrabílnum. Hjá þeim stendur Sigurjón Magn-
ússon, framkvæmdastjóri MT-bíla í Ólafsfirði.
Tónleikar | Ríó-tríó heldur
tvenna tónleika á Græna hattinum
á Akureyri í kvöld. Fyrri tónleik-
arnir hefjast kl. 21.00 en þeir
seinni kl. 23.30. Þeir Ólafur Þórð-
arson, Ágúst Atlason og Helgi
Pétursson leika lög af nýju plöt-
unni sinni, í bland við gömul og
þekkt lög þeirra félaga. Með Ríó á
tónleikunum verða gítarsnilling-
arnir Gunnar Þórðarson og Björn
Thoroddsen. Ríó hélt tónleika á
Græna hattinum í síðustu viku fyr-
ir fullu húsi.
Morgunblaðið/Kristján
SUÐURNES
GUNNAR Kvaran sellóleikari
heldur tvenna tónleika á Norð-
urlandi um helgina. Fyrri tón-
leikarnir verða
í Þórshafnar-
kirkju í dag,
föstudaginn
21. nóvember,
og hefjast þeir
kl. 17.30 en
þeir seinni
verða í Akur-
eyrarkirkju á
morgun, laugardag, kl. 16.
Á tónleikunum mun Gunnar
leika einleiksverk eftir J.S.
Bach, annars vegar svítu nr. 1 í
G-dúr og hins vegar svítu nr. 3 í
C-dúr.
Tónleikarnir eru samvinnu-
verkefni Félags íslenskra tón-
listarmanna, sveitarfélaganna
tveggja og Listvinafélags Ak-
ureyrarkirkju. Miðasala fer
fram við innganginn, aðgangur
fyrir börn er ókeypis, en á
Þórshöfn mun aðgangur full-
orðinna renna í viðhaldssjóð
kirkjunnar.
Gunnar á
tvennum
tónleikum
ÚTILÍFSSÝNINGIN Vetrarsport
verður haldin í Íþróttahöllinni á Ak-
ureyri dagana 22. og 23. nóvember.
Sýningin hefur fyrir löngu unnið sér
fastan sess meðal útivistarmanna
enda verður þar mikið úrval alls
kyns búnaðar, tækja og varnings
sem viðkemur vetrarsporti.
Þetta er í sautjánda sinn sem sýn-
ingin Vetrarsport er haldin á Akur-
eyri. Hér er um að ræða alhliða úti-
vistarsýningu – enda þótt vélsleðar
og búnaður tengdur þeim setji hvað
stærstan svip á sýninguna nú eins og
jafnan áður. Fyrirtæki á ýmsum
sviðum munu kynna þjónustu sína og
vörur á sýningunni.
Markmið sýningarinnar er fyrst
og fremst að efla áhuga á útivist að
vetrarlagi og að hér sé á einum stað
hægt að sjá allt það sem fólk þarfn-
ast til útiveru og ferðalaga.
Það er Félag vélsleðamanna í
Eyjafirði sem stendur fyrir sýning-
unni og verður hún opin kl. 11–17.30
á morgun og kl. 12–17 á sunnudag-
inn.
Útilífssýn-
ingin Vetr-
arsport um
helgina
Útgáfusjóður | Bæjarráð Akur-
eyrar hefur samþykkt fyrir sitt
leyti erindi frá Þorsteini Gunn-
arssyni, rektor Háskólans á Ak-
ureyri, þar sem leitað er eftir sam-
þykki Akureyrarbæjar fyrir því að
Bókakaupasjóður Háskólans verði
lagður niður og fjármunum hans
varið til að stofna nýjan sjóð, út-
gáfusjóð.