Morgunblaðið - 21.11.2003, Blaðsíða 7
MORGUNBLAÐIÐ FÖSTUDAGUR 21|11|2003 | FÓLKÐ | 7
Það er helst á Skotlandi sem
karlmenn eru þekktir fyrir að
klæðast pilsum. Þó eru und-
antekningar á því en 16 ára MH-
ingur, Kjartan Þór Birgisson, fer
að dæmi nágranna okkar. Kjart-
an Þór er nemi á fyrsta ári á nátt-
úrufræðibraut og segir marga
kosti fylgja því að vera í pilsi.
Af hverju skotapils?
„Mér fannst alltaf flott að vera
í skotapilsi og ákvað að ganga í
málið og redda mér einu slíku,“
segir Kjartan Þór og það gekk
auðveldlega eftir.
Hvenær notarðu pilsið helst?
„Ég nota það helst við sérstök
tilefni,“ segir hann þótt hann
hafi líka farið í því í skólann.
Hann segir þetta þægilegan
klæðnað. „Þau eru mjög þægi-
leg, það er mjög frjálst að vera í
skotapilsi.“
En skyldi hann fylgja skosku
hefðinni til hins ýtrasta hvað
varðar undirföt, eða réttara sagt
skort á þeim. „Það fer eftir því
hvort það er kalt úti eða ekki. Ef
það er kalt úti fer maður í hlýjar
nærbuxur. Fer eftir aðstæðum.“
Hvaða viðbrögð færðu?
„Ég hef bara fengið góð við-
brögð. Fólki þykir þetta almennt
sniðugt. Í MH kippir enginn sér
upp við þetta, það er frekar þeg-
ar maður fer í bæinn, þá fer fólk
að glápa.“
Þeim sem eru á leið til New
York má benda á áhugaverða
sýningu, „Bravehearts: Men in
Skirts“, sem stendur yfir í bún-
ingadeild Metropolitan Museum
of Art. Þar er farið yfir sögu pils-
ins hjá nútímamanninum en á því
sviði er Jean Paul Gaultier einn
helsti brautryðjandinn. Enn-
fremur eru til sýnis föt frá m.a.
Dries van Noten, Vivienne
Westwood og Rudi Gernreich,
sem hafa líka lagt sitt til mál-
anna á þessu sviði.
|ingarun@mbl.is
Mjög
FRJÁLST
Morgunblaðið/Kristinn
6–700 g lambahryggvöðvi (file)
1 msk. engifer, rifið eða saxað smátt
2 hvítlauksgeirar, saxaðir smátt
2 tsk. kummin, malað
2 tsk. kóríanderfræ, möluð
½ tsk. chilipipar (eða eftir smekk)
salt
1 msk. olía
2 lárperur, vel þroskaðar
1 rauð paprika, stór
1 rauðlaukur
1 chilialdin, rautt eða grænt
safi úr 2 límónum
fersk kóríanderlauf
nýmalaður pipar
Kryddinu blandað saman og núið vel inn í lambið. Látið standa
í hálfa til eina klukkustund. Olían hituð á pönnnu og kjötið
saltað svolítið og steikt við góðan hita þar til það er brúnað á
öllum hliðum; lengur ef það á að vera steikt í gegn. Tekið af
pönnunni, álpappír breiddur yfir og látið standa í nokkrar
mínútur. Lárperurnar afhýddar og skornar í litla teninga.
Paprikan fræhreinsuð og söxuð. Rauðlaukurinn skorinn í
fjórðunga og þeir síðan í þunnar sneiðar. Chilialdinið
fræhreinsað og skorið í örþunnar sneiðar og kóríanderlaufin
söxuð. Öllu blandað saman á fati ásamt límónusafa og síðan
er kjötið skorið í þunnar sneiðar á ská og sett í hrúgu ofan á.
Pipar malaður yfir og skreytt með kóríanderlaufi.