Morgunblaðið - 22.11.2003, Blaðsíða 14

ERLENT
14 LAUGARDAGUR 22. NÓVEMBER 2003 MORGUNBLAÐIÐ
BANDARÍSKA tónlistarmanninum
Michael Jackson hefur verið gert
að mæta fyrir rétt 9. janúar næst-
komandi en saksóknarar segja, að
innan skamms verði honum birt
ákæra í mörgum liðum um kyn-
ferðislegt ofbeldi gegn börnum. Er
fjölmiðlafárið í kringum þetta mál
óskaplegt og alveg stjórnlaust að
margra mati.
Jackson kom til Santa Barbara í
Kaliforníu í fyrradag með einka-
þotu frá Las Vegas en þar var
hann við upptökur. Var hann strax
fluttur í járnum á lögreglustöðina
þar sem tekin voru af honum fing-
arför og mynd og lagt hald á vega-
bréfið. Var honum síðan sleppt er
hann hafði greitt rúmlega 220
milljónir ísl. kr. í tryggingu.
„Ein stór lygi“
Lögfræðingur Jacksons sagði, að
ásakanirnar á hann væru „ein stór
lygi“ og sjálfur gaf Jackson sig-
urmerki með fingrunum er hann
hélt út af lögreglustöðinni.
Stuart Backerman, talsmaður
Jacksons, sagði, að um væri að
ræða „úthugsaðan lygavef“ og hafði
eftir umbjóðanda sínum, að „lygin
fer í stökkum en sannleikurinn hef-
ur úthald í maraþonhlaup. Hann
mun fara með sigur af hólmi“.
Ákæran á Jackson er um
„ósæmilega hegðun“ gagnvart
barni yngra en 14 ára en sagt er,
að hún snúist um 12 ára gamlan,
krabbameinssjúkan dreng, sem
dvaldist á heimili Jacksons, Never-
land-búgarðinum. Er þetta raunar
ekki í fyrsta sinn, sem kvittur af
þessu tagi kemst á kreik. 1993 bar
annar drengur Jackson svipuðum
sökum en þá var sæst á málið án
afskipta dómstóla. Talið er, að
Jackson hafi greitt honum milljónir
dollara fyrir að láta það niður falla.
Vinir og kunningjar Jacksons í
skemmtanalífinu vilja sem minnst
um ásakanirnar segja en margir
aðdáenda hans lýstu í gær yfir
stuðningi við hann með því að safn-
ast saman fyrir utan heimili hans,
Neverland-búgarðinn í Santa Bar-
bara.
Ýjað að kynþáttaofsóknum
Catherine, móðir Jacksons, gaf í
gær í skyn í viðtali við þýska tíma-
ritið Bunte, að ákærurnar á son
sinn væru kynþáttaofsóknir. Sagði
hún, að í Bandaríkjunum giltu „ein
lög fyrir hvíta og önnur fyrir
svarta“.
Um 300 blaðamenn voru sam-
ankomnir við lögreglustöðina í
Santa Barbara í fyrradag þegar
Jackson var fluttur þangað og
fjöldi þyrlna með sjónvarps-
fréttamenn elti bílalest lögregl-
unnar frá flugvellinum. Síðan hafa
herskarar fréttamanna elt Jackson
á röndum en hann er nú aftur kom-
inn til Las Vegas.
AP
Myndin, sem tekin var af Michael Jackson á lögreglustöðinni, til vinstri eru ýmsar upplýsingar um fangann.
Fer fyrir rétt í janúar
vegna ofbeldisákæru
Talsmenn
Jacksons segja
ásakanir vera
„úthugsað-
an lygavef“
Santa Barbara. AFP, AP.
NOKKRIR menn hafa verið
handteknir í Tyrklandi vegna
tengsla við hryðjuverkin í Istan-
búl í fyrradag en talið er, að tyrk-
nesk samtök, Íslamska fram-
varðafylkingin, hafi staðið fyrir
þeim í samvinnu við al-Qaeda,
hryðjuverkasamtök Osama bin
Ladens. Þykir það sýna vel þá
þróun, að það er ekki lengur al-
Qaeda, sem kemur beint að
skipulagningu ódæðisverkanna,
heldur ýmis smærri samtök í
ýmsum löndum. Eru sérfræðing-
ar sammála um, að það geri bar-
áttuna gegn hryðjuverkum enn
erfiðari en ella.
Al-Qaeda-samtökin, sem í gær
lýstu sig ábyrg fyrir tilræðunum í
Istanbúl, eru sjálf sögð hafa orðið
fyrir miklu áfalli á undanliðnum
mánuðum. Margir helstu leiðtoga
þeirra hafa verið drepnir eða ver-
ið handteknir, og verulega hefur
verið þrengt að þeim fjárupp-
sprettum, sem þau jusu af áður.
Vegna þess standa þau nú sjaldn-
ast sjálf fyrir hryðjuverkunum,
heldur kynda þau undir þeim og
eru sú fyrirmynd, sem smáir hóp-
ar öfgamanna víða um lönd líta
til.
„Disneyland
hryðjuverkamanna“
Eru nýlegar hryðjuverkaárásir
í Tyrklandi, Sádi-Arabíu, Tétsníu
og Írak hafðar til marks um þetta
en það, sem flestir leiðtogar þess-
ara hópa eiga sameiginlegt, er, að
þeir fengu sína þjálfun í Afganist-
an, í „Disneylandi hryðjuverka-
manna“ eins og al-Qaeda-búðirn-
ar þar voru kallaðar.
Áætlað er, að um 20.000 manns
frá 47 löndum hafi fengið þjálfun
þar frá því um miðjan síðasta ára-
tug og þar til Bandaríkjamenn
réðust inn í landið í október 2001
og veltu stjórn talibana.
Al-Qaeda-samtökin eru nú
einkum í hlutverki leiðbeinand-
ans, kenna hópunum meðal ann-
ars að senda dulmálsskeyti á net-
inu og dreifa meðal þeirra
upplýsingum um sprengjugerð.
Sem dæmi um það má nefna, að
sams konar kveikjubúnaður hefur
verið notaður í hryðjuverkum í
ýmsum löndum að undanförnu.
Fjármögnun hryðjuverkastarf-
seminnar hefur líka breyst. „Það
er ekki lengur um að ræða neinn
sjóð, sem hægt er að sækja í,“
segir bandarískur sérfræðingur.
„Engir ákveðnir menn eða hópar,
sem leggja fram fé. Nú verða
hóparnir að verða sér úti um fjár-
magn á staðnum, í Indónesíu,
Malasíu og víðar, og aðferðirnar
eru margbrotnar og þess vegna
erfitt að fylgjast með þeim.“
Algengt er, að hóparnir fjár-
magni sig með glæpum, til dæmis
eiturlyfjasölu og fjárkúgun, og
þar sem hryðjuverkin að undan-
förnu hafa beinst að tiltölulega
auðveldum skotmörkum hafa pen-
ingamálin ekki verið nein hindr-
un.
Al-Qaeda verða goðsögn
og andleg fyrirmynd
„Margir þessara hópa virðast
ekki hafa úr miklu fé að spila en
það, sem er mikilvægara en pen-
ingar, er framboðið á fólki, sem
er tilbúið til að fórna lífinu í
hryðjuverkaárásum. Á því virðist
enginn skortur,“ segir bandarísk-
ur embættismaður.
Þessi þróun hefur vakið mikla
umræðu meðal leyniþjónustu-
manna og eru ýmsar leiðir í bar-
áttunni ræddar. Sumir vilja ein-
beita sér að því að uppræta
al-Qaeda, steypa af stalli sjálfu
goðinu, en aðrir vilja leggja ekki
minni áherslu á litlu, staðbundnu
hópana.
Það krefst hins vegar miklu
meiri samvinnu meðal leyni-
þjónustustofnana og er stjórn-
málalega mjög viðkvæmt.
„Ef al-Qaeda geta starfað
áfram í gegnum staðbundna hópa,
þá vegur það upp á móti
áföllunum, sem samtökin hafa
orðið fyrir,“ sagði Margret
Johannsen, stjórnmálafræðingur,
sem er sérstaklega að kynna sér
hryðjuverkastarfsemi við há-
skólann í Hamborg. „Þá þurfa
þau ekki á alþjóðlegri fjármögnun
að halda og ekki á neinum búðum
í Afganistan. Al-Qaeda eru þá
orðin að goðsögn og andlegri fyr-
irmynd hryðjuverkamanna og það
er mjög hættulegt.“
Reuters
Talibanar og al-Qaeda-menn sem handteknir voru eftir harða bardaga í
október í fjallahéruðum á landamærum Afganistan og Pakistan.
Hryðjuverk í
umboði al-Qaeda
Margt bendir til, að al-Qaeda hafi tekist að bæta sér upp
áföllin síðustu árin með því að „framselja hryðjuverkaleyfið“
ef svo má segja til smárra hópa í ýmsum löndum. Það
gerir baráttuna gegn hryðjuverkum erfiðari en ella.
Washington. AFP, Los Angeles Times.
’ Nú verða hóp-arnir að verða sér
úti um fjármagn
á staðnum. ‘
PHIL Spector, einn þekktasti
upptökustjóri poppsögunnar,
var á fimmtudag ákærður fyrir
morð, sem
framið var á
heimili hans
fyrr í ár.
Í ákærunni
segir að Spect-
or hafi myrt
leikkonuna
Lönu Clarkson
3. febrúar síð-
astliðinn. Hún
var fertug að aldri.
Spector, sem hefur gengið
laus gegn tryggingu frá því að
morðið var framið, neitaði að
tjá sig um ákæruna. Lögfræð-
ingur hans, Robert Shapiro,
lýsti hins vegar yfir því að
Spector væri saklaus og að
unnið væri að því að afla gagna
sem sanna myndu það. Shapiro
er í hópi þekktustu lögmanna
Bandaríkjanna en hann varði
m.a. íþróttahetjuna O.J. Simp-
son í frægu morðmáli.
Starfaði meðal annars
fyrir Presley og Bítlana
Lana Clarkson fannst látin á
glæsilegu heimili Spectors
nærri Los Angeles í Bandaríkj-
unum. Hún hafði verið skotin.
Hermt er að Phil Spector sé
langt leiddur áfengis- og fíkni-
efnasjúklingur.
Phils Spectors er einkum
minnst sem eins áhrifamesta
upptökustjóra sjöunda áratug-
arins. Hann stjórnaði upptök-
um á hljómplötum listamanna á
borð við Tinu Turner og Elvis
Presley. Þá starfaði hann einn-
ig með Bítlunum bresku.
Ákærð-
ur fyrir
morð
Los Angeles. AFP.
Phil Spector