Morgunblaðið - 22.11.2003, Blaðsíða 31
ÁRBORGARSVÆÐIÐ
MORGUNBLAÐIÐ LAUGARDAGUR 22. NÓVEMBER 2003 31
Smáralind, 1. hæð, sími 553 6622 • www.hjortur.is
opnar í Smáralind í dag
Opnunartilboð
Í tilefni að 50 ára afmæli í nóvember
bjóðum við einnig einn hlut á hverjum degi á
50% afslætti út nóvember.
Afmæliskaffi og kaka
Meðan birgðir endast.
Fimleikar | Fyrsta hópfim-
leikamót Fimleikasambands Ís-
lands á þessum vetri verður haldið
á Selfossi í dag, laugardaginn 22.
nóvember, í íþróttahúsinu við Sól-
velli. Fimleikadeild Ungmenna-
félags Selfoss heldur mótið að
þessu sinni. Von er á 15 liðum til
keppni og verða keppendur um
180. Mótið hefst klukkan 14.00 og
lýkur klukkan 17.00 Aðgangseyrir
er 300 krónur fyrir 16 ára og
eldri. Allir eru velkomnir meðan
húsrúm leyfir. Athygli er vakin á
því að á mótinu munu keppa mörg
af bestu hópfimleikaliðum lands-
ins.
Fyrir hádegi þennan sama dag
stendur Fimleikadeildin á Selfossi
fyrir byrjendamóti í hópfim-
leikum. Keppt verður eftir byrj-
endareglum FSÍ og von er á 9 lið-
um til keppni. Mótið hefst klukkan
10.10 og því lýkur með verðlauna-
afhendingu klukkan 11.30 Allir
velkomnir. Aðgangseyrir er 300
krónur fyrir 16 ára og eldri.
Selfoss | Bæjarráð Árborg-
ar samþykkti á fundi sínum
síðastliðinn fimmtudag að
standa að umsókn um að
Landsmót Ungmennafélags
Íslands verði haldið í Ár-
borg á vegum Héraðssam-
bandsins Skarphéðins árið
2007 og tryggja nauðsyn-
lega uppbyggingu mann-
virkja. Kostnaðaráætlun um
þessa uppbyggingu nemur
165 milljónum króna. Bæj-
arráð gengur út frá því að
fjármagn komi frá ríkinu til
uppbyggingarinnar. Verði
niðurstaðan sú að Lands-
mótið fari annað verða áætl-
anir teknar til endurskoð-
unar. „Við leggjum mikla
áherslu á að mótið verði haldið hér í
Árborg,“ sagði Þorvaldur Guðmunds-
son, formaður bæjarráðs Árborgar.
Héraðssambandið Skarphéðinn
hefur lagt á það áherslu að ná stuðn-
ingi sveitarfélagsins Árborgar við þá
fyrirætlan að halda Landsmót UMFÍ
í Árborg. Ungmennafélag Selfoss,
sem er stærsta félagið innan héraðs-
sambandsins, hefur einnig hvatt til
þessa og lagt að aðilum að ná þessu
markmiði. Samþykkt bæjarráðs Ár-
borgar markar tímamót í þessu efni
og líka varðandi uppbyggingu
íþróttamannvirkja en samþykktin fel-
ur í sér að aðalleikvangurinn á
íþróttavallasvæðinu við Engjaveg
verði endurbyggður samkvæmt kröf-
um um keppnisvelli í knattspyrnu og
frjálsum íþróttum. Nú standa yfir
framkvæmdir við nýtt íþróttahús
Fjölbrautaskólans við hliðina á
íþróttavallasvæðinu og eflir það
svæðið enn frekar.
Umf Selfoss og HSK hafa lagt á
það áherslu að mikil þekking og
metnaður sé innan vébanda sam-
bandsins varðandi mótahald af þessu
tagi. Landsmót UMFÍ fór fram á Sel-
fossi 1978 en í aðdraganda þess móts
varð mikil uppbygging á íþrótta-
aðstöðu á Selfossi.
Mótið í góðum höndum
„Í tengslum við Landsmót verður
alltaf mikil uppbygging mannvirkja
og starfsemi íþróttafélaganna eflist
mjög í aðdraganda slíkra stór-
viðburða. Það styrkir okkur í þessari
afstöðu bæjarstjórnar að HSK er
sterkt samband með mikið afl og því
erum við vissir um að framkvæmd
Landsmótsins verður í góðum hönd-
um sem sómi verður að fyrir héraðið
og fyrir UMFÍ. Auk þess erum við
með öfluga starfsemi íþróttafélag-
anna í sveitarfélaginu,“ sagði Þor-
valdur Guðmundsson, formaður bæj-
arráðs Árborgar, sem ásamt Gylfa
Þorkelssyni, formanni íþrótta- og
tómstundaráðs Árborgar, hitti Eng-
ilbert Olgeirsson, framkvæmdastjóra
HSK, og Guðmund Kr. Jónsson
framkvæmdastjóra Umf. Selfoss, á
íþróttavellinum strax eftir fund bæj-
arráðs og kynnti þeim niðurstöðu
fundarins.
„Ég fagna þessum staðfasta áhuga
bæjarstjórnar á því að halda Lands-
mót og byggja upp íþróttaaðstöðuna.
Árborg er greinilega að hefja upp-
byggingu til framtíðar. Stjórn HSK
tekur afstöðu á fundi næstkomandi
miðvikudag um hvernig umsóknin
um mótið verður lögð fram,“ sagði
Engilbert og gat þess að bæjarstjórn
Ölfuss hefði einnig lýst yfir áhuga á
að sækja um mótið.
„Það er mitt mat að þetta skref
verði upphafið að víðtækri uppbygg-
ingu á þessu sviði sem vissulega er
þarft að hreyfa við,“ sagði Þorvaldur
Guðmundsson. „Að sumu leyti horf-
um við til frekari samvinnu milli
sveitarfélaga um stærri
verkefni sem styrkt geta
þetta svæði enn frekar. Við
leggjum áherslu á breidd-
ina í framkvæmdunum og
að koma til móts við
íþróttaiðkun almennings.
Liður í því er til dæmis
uppbygging á aðstöðu fyrir
hestaíþróttir. Það er alveg
ljóst að íþróttaaðstaðan
vegur sífellt meira í þeirri
þjónustu sem til staðar þarf
að vera og fólk vill hafa í
sveitarfélaginu þar sem það
sest að. Árborg stefnir hik-
laust að því að komast í
fremstu röð í þessum efn-
um. Það er alveg ljóst að ef
við ætlum að halda unga
fólkinu á svæðinu þurfum við að hafa
þetta eins og best gerist. Í þessum
efnum erum við í beinni samkeppni
við höfuðborgarsvæðið.“
Tækifæri til félagsþroska
„Þó svo þessi uppbygging sé dýr er
hún sterkasti þátturinn í forvarn-
arstarfi gegn vímuefnum og með
bættri aðstöðu skapast athafnamögu-
leikar fyrir unglingana. Það er okkar
hlutverk að víkka þetta út og skapa
aðstöðu fyrir alla aldurshópa svo allir
geti notið þess heilbrigðis sem hreyf-
ingin skapar. Einnig og ekki síður
gefur þetta félögunum tækifæri til
þess að þroska félagslega þáttinn í
íþróttastarfseminni á þann hátt að
krakkarnir kynnist þroskandi fé-
lagsstarfi sem eflir frumkvæði þeirra
til heilbrigðra athafna og þá um leið
skilnings á samfélaginu sem þeir búa
í,“ sagði Þorvaldur Guðmundsson,
formaður bæjarráðs Árborgar.
Stórfelld uppbygging íþróttamannvirkja á Selfossi
Landsmót UMFÍ verði
haldið í Árborg 2007
Morgunblaðið/Sigurður Jónsson
Fögnuður: Gylfi Þorkelsson, Engilbert Olgeirsson, Þor-
valdur Guðmundsson og Guðmundur Kr. Jónsson.
Þorlákshöfn | Leikskólinn Berg-
heimar í Þorlákshöfn er 35 ára
um þessar mundir, starfsemin
hófst 1968 með sumarskóla sem
hafði aðstöðu í barnaskólanum.
Áður hafði Kvenfélag Þorláks-
hafnar starfrækt gæsluvöll frá
1966 sem opinn var tvo mánuði
yfir sumartímann. Núverandi
rekstrarform, það er heilsárs
skóli, hefur verið síðan í árs-
byrjun 1975. Starfsemin hófst í
viðlagasjóðshúsi en núverandi að-
staða var tekin í notkun 1983 en
viðbygging við hana 1998. Skól-
inn í dag er þriggja deilda leik-
skóli og tvær eru heilsdags-
deildir.
Ásgerður Eiríksdóttir leik-
skólastjóri sagði að ekki hefði
verið mikið tilstand vegna afmæl-
isins en öllum velunnurum hefði
verið boðið í kaffi og í framhaldi
af því hefði þeim borist fjöldi
veglegra gjafa. Hún sagði einnig
að helstu sérverkefni í starfsemi
skólans væru að öll börn færu í
leikfimi einu sinni í viku og fara
þá í íþróttamiðstöðina, söngstund
er ávallt á föstudögum og safnast
þá börnin saman í salnum og
syngja eða eru með einhverjar
uppákomur, leikþætti eða annað.
Samstarf leik- og grunnskóla
er mjög virkt og mikið verið um
gagnkvæmar heimsóknir auk
samráðsfunda kennara beggja
stofnana. Þegar fréttaritara bar
að garði var tónlistarskólinn í
heimsókn og léku fjórir gítaristar
fjölbreytt gítarlög fyrir börnin og
var aðdáunarvert að sjá börnin
sitja hljóð og stillt og njóta tón-
listarinnar samfellt í 40 mínútur.
Haldið upp á af-
mæli leikskólans
Morgunblaðið/Jón H. Sigurmunds