Morgunblaðið - 22.11.2003, Blaðsíða 33
LISTIR
MORGUNBLAÐIÐ LAUGARDAGUR 22. NÓVEMBER 2003 33
ÚTHLUTAÐ var úr Styrktarsjóði
Svavars Guðnasonar listmálara og
Ástu Eiríksdóttur við hátíðlega at-
höfn í Listasafni Íslands í gær.
Styrkþeginn að þessu sinni er Olga
Bergmann myndlistarkona, en alls
bárust 34 umsóknir. Styrktarsjóð-
urinn var stofnaður árið 1993 og er
honum ætlað að styrkja „unga og
efnilega myndlistarmenn“. Þetta er
í fjórða sinn sem úthlutað er úr
sjóðnum og nemur styrkupphæðin
300.000 kr.
„Þessi styrkveiting kemur mér
skemmtilega á óvart og er mér
mikill heiður. Þetta er náttúrlega
líka ákveðin viðurkenning á því
sem maður er að fást við,“ sagði
Olga Bergmann í samtali við Morg-
unblaðið. „Ég er þegar byrjuð að
undirbúa næstu verkefni, þar á
meðal sýningar á næsta ári, og
þessi styrkur mun auðvitað koma
sér mjög vel í þeirri vinnu.“
Dómnefndin var skipuð þeim dr.
Ólafi Kvaran, safnstjóra Listasafns
Íslands, Björgu Atla fyrir hönd
Sambands íslenskra myndlist-
armanna (SÍM) og Halldóri Birni
Runólfssyni fyrir hönd Listahá-
skóla Íslands. Í ávarpi sínu við
styrkveitinguna sagði dr. Ólafur
Kvaran, formaður dómnefndar,
m.a.: „List Olgu Bergmann má
vissulega tengja við raunsæi og
veruleika og hún vinnur með skýr-
ar merkingar eða merkingarsvið
og jafnvel má orða það svo, að hún
reki beinskeytt hugmynda-
fræðilegt erindi í list sinni. Vísanir
í verkum hennar eru margvíslegar,
náttúran, tæknivæðingin, erfðavís-
indin – allt stórar spurningar í nú-
tíðinni, sem eru sviðsettar á áhrifa-
mikinn hátt. Hún velur sér þann
miðil sem hentar hugmyndinni og
verk hennar búa yfir margræðum
formrænum eiginleikum, húmor og
ádeilum, þar sem áhorfandinn get-
ur valið um ólíkar inngönguleiðir.
Sviðsetningar veruleikans og forn-
leifafræði hlutanna bera með sér í
verkum Olgu Bergmann sterkar
tilvistarlegar skírskotanir og fag-
urfræðilega reynslu og spyrja jafn-
framt áleitinna spurninga um sam-
band náttúru og menningar.“
Olga Bergmann fæddist árið
1967. Hún hóf nám við Myndlista-
og handíðaskóla Íslands árið 1987
og útskrifaðist þaðan 1991. Árið
1993 hóf hún framhaldsnám við
California College of Arts and
Crafts og lauk þaðan MFA-gráðu
tveimur árum síðar. Fyrir þremur
árum hlaut Olga viðurkenningu úr
Listasjóði Pennans ásamt tveimur
öðrum myndlistarmönnum. Olga
hefur haldið fjölda einkasýninga
bæði hér á landi og erlendis auk
þess að taka þátt í mörgum sam-
sýningum. Nýverið hélt Olga einka-
sýningu í Listasafni Kópavogs og
hlaut mikið lof fyrir þá sýningu.
Olga Bergmann fær styrk úr sjóði Svavars Guðnasonar og Ástu Eiríksdóttur
„Þetta er mér mikill heiður“
Morgunblaðið/ÞÖK
Ólafur Kvaran afhendir Olgu Bergmann styrkinn í Listasafni Íslands.
Kæfusögur er smásagnahefti með
gamansömum frásögnum af konum
á öllum stigum þjóðfélagsins. Rit-
stjórar eru Nils K. Narby og E. P.
Smith.
Um er að ræða 25 sögur þar
sem konur eru í aðalhlutverki og í
formála segir m.a. að sögurnar í
bókinni séu allar dagsannar.
„Höfundur hefur einstaka heims-
sýn og konurnar virðast sitja um
hann við hvert fótmál. Höfundur
dregur fram allt það skrýtna og
skemmtilega í samskiptum
kynjanna,“ segir í fréttatilkynningu.
Útgefandi er Niðurfold. Bókin er
44 bls., Verð:1.000 kr.
Gamansögur
AUGLÝSINGADEILD netfang: augl@mbl.is, sími 569 1111
ÍNA Salóme opnar sýningu í List-
húsi Ófeigs á Skólavörðustíg kl. 16
í dag. Ína útskrifaðist úr Mynd-
lista- og handíðaskóla Íslands og
var í framhaldsnámi í Svíþjóð og
Danmörku. Hennar helsta svið
hefur verið innan textíls og hefur
hún haldið fjölda einka- og sam-
sýninga í gegnum árin. Meðal
helstu verka Ínu eru klæði Hásala
í Safnaðarheimili Hafnarfjarðar-
kirkju.
Að þessu sinni leitar Ína fanga í
íslenskri náttúru og leitast við að
beisla birtu og form sem þar eru
og koma þeim í mynd. Ína hand-
málar verk sín á bómullarklæði.
Sýningin stendur til 30. desember
og er opin á verslunartíma.
Textíll í List-
húsi Ófeigs
♦ ♦ ♦