Morgunblaðið - 22.11.2003, Blaðsíða 80

FÆREYSKA þungarokkssveitin Týr gerði mikinn
usla hér á landi árið 2002 og sló lag þeirra, „Ormurin
langi“ í gegn. Í kjölfarið seldist fyrsta plata þeirra,
How Far to Asgaard, afar vel hérlendis. Sveitin leikur
sígild þungarokk í anda Black Sabbath og Metallica en
einnig örlar fyrir áhrifum frá þjóðlagarokki að hætti
Jethro Tull.
Týr heimsótti landann á þeim tíma og lék hér á tón-
leikum með Stuðmönnum. Í kjölfarið reið færeysk tón-
listarbylgja yfir landið sem enn sér ekki fyrir endann
á. Týr eru nú mættir aftur til landsins til að kynna
glænýja plötu, Eric The Red, en sá gripur tekur þeim
fyrri um margt fram í gæðum, bæði hvað varðar hljóm
og lagasmíðar. Meðal annars er þar lagið „Ólavur
Riddararós“, rokkuð útgáfa af þessu kunna kvæði.
Fyrsta plata sveitarinnar vakti mikla athygli á
sveitinni víða um veröld, þá í þungarokksheimum, og
hafa Týs-liðar nú hafið kynningu á Eiríki rauða af full-
um krafti.
Með Tý hér á landi leikur sænska sveitin Freak
Kitchen. Gítarundrið Mattias IA Eklundh leiðir þá
sveit.
Þess má geta að tonlist.is/tonlist.com sendi beint frá
tónleikum Týs í gær, sem fram fóru á Grand Rokk. Þá
léku og Dark Harvest, með Gulla Falk gítarhetju í
broddi fylkingar.
Tvennir tónleikar eru þá eftir. Í kvöld leika Týr og
Freak Kitchen í Hvíta húsinu á Selfossi. Nilfisk hitar
upp, sú er gerði garðinn frægan á tónleikum Foo
Fighters í sumar. Lokatónleikarnir fara svo fram á
morgun í Tjarnarbíói í Reykjavík. Aldurstakmark er
ekkert en einnig spilar sveitin
Brothers Majere. Húsið opnað
kl. 18.30.
Týr með þrenna tónleika á Íslandi
VÍKINGARNIR
snúa aftur
arnart@mbl.is
Ruth Reginalds sendir
„ÉG FÓR að hlusta á plöturnar
þegar ég var að vinna að bókinni og
þá kom upp sú hugmynd að gefa
þetta út líka. Svo á ég þrjátíu ára
söngafmæli. Ég var sjö að verða
átta ára þegar ég byrjaði,“ segir
Ruth en bókin sem hún talar um er
Ruth Reginalds þar sem Þórunn
Hrefna Sigurjónsdóttir segir frá
ævi söngkonunnar. Bókin er þó ekki
til umræðu hér heldur safnplatan
Bestu barnalögin.
„Það var mjög erfitt að skilja sum
lögin eftir. En það er eitt lag sem ég
sé sérstaklega eftir að hafa ekki
haft með og það er „Rautt, gult,
grænt. Það var umferðarlag, mjög
rokkað,“ segir Ruth um hvernig
gengið hafi að velja lög á plötuna.
Hún bætir við að meðlimur úr
Quarashi hafi komið upp að henni
um daginn og lýst ánægju sinni með
þessi lög. Hann er ábyggilega á
meðal margra sem eiga æskuminn-
ingar við lög á borð við „Það er svo
gaman“ (Ég kölluð er Anna), „Tóm
tjara“ (Það er algjör vitleysa að
reykja) og „Í bljúgri bæn“ svo
nokkur lög af safnplötunni séu
nefnd.
Fyrir fleiri kynslóðir
„Mér finnst mikilvægt að fleiri
kynslóðir fái að njóta þessara laga,“
segir Ruth sem hefur orðið vör við
eftirspurn eftir þessum lögum.
„Þegar ég hef verið að spila úti um
landið þá hef ég oft verið spurð að
því hvar hægt sé að nálgast þessi
lög en þau hafa hingað til ekki verið
fáanleg á geisladiski,“ segir hún.
Alls eru 22 lög á plötunni og eru
þau tekin af fimm plötum, Róbert í
Leikfangalandi (1975), Simm-
salabimm (1976), Ruth Reginalds
(1977), Furðuverk (1978) og Rut +
(1980).
„Stelpurnar mínar eru ofsalega
hrifnar af þessum lögum, sér-
staklega þessi yngri sem er sjö
ára,“ segir hún.
„Fólk ætti að hafa í huga að í
þessa daga var ekkert hægt að lag-
færa raddir. Mér finnst gaman að
heyra núna hvað ég söng beint út og
gaf mig í þetta. Mér finnst ég hafa
verið kjörkuð,“ segir Ruth sem lítur
stolt til baka.
Róberti bangsa hent
Til eru myndir af Ruth með Ró-
berti bangsa en hún fékk líka
bangsabúning. „Það var saumaður á
mig þvílíkur bangsabúningur með
svampi og öllu. Ég var alltaf kóf-
sveitt. Einhvern tímann var elsku-
legur eiginmaður minn að taka til í
geymslunni fyrir tveimur árum og
henti Róberti bangsa. Hann vissi
ekkert hvað þetta var.“
Rut á margar minningar tengdar
þessum lögum. „Lagið um engilinn
Gabríel, það er lag sem mér þykir
rosalega vænt um. Þetta er fyrsta
lagið sem ég söng sem ég virkilega
elskaði. Boðskapurinn er svo góður.
Það er alveg sama þótt mamma og
pabbi skreppa út, englarnir eru allt-
af með þér. Það á að senda meira af
svona boðskap til krakkanna. Þú
heyrir ekkert um neina engla á
MTV,“ segir hún og heldur áfram
að rifja upp. „„Í bljúgri bæn“ er ég
ennþá að syngja á tónleikum. „Villi-
kötturinn“ er líka í uppáhaldi. Það
lag tengir mig mörgum minningum
um Vilhjálm Vilhjálmsson heitinn.
Við vorum góðir vinir. Svo finnst
mér líka skemmtilegt lagið um
Adda snara, eins og lagið heitir en
ég söng alltaf Laddi snari. Enda var
hann þarna fyrir framan mig,“ nefn-
ir hún sem dæmi um uppáhalds lög.
Ruth segir að pressan hafi ekki
verið mikil fyrst en hún hafi komið
eftir að lögin hennar urðu vinsæl.
„Þá fóru krakkar að taka eftir mér
og þá byrjaði stríðnin. Það voru líka
áróðurslög sem ég söng eins og
reykingalagið sem hjálpuðu ekki til.
En ég hef oft verið spurð hvort ég
hefði viljað sleppa þessu. Svarið er
alls ekki.“
Hún segir að barnastjörnum nú-
tímans blasi við breyttur veruleiki.
„Mér finnst of mikið af barnaefni í
dag með of sterkri ímynd, eins og
Britney Spears. Við verðum að leyfa
börnunum að vera börn. Í dag
þarftu ekki að geta sungið til að
vera stjarna. Bara vera sæt og vera
farin að mála þig. Ef þú hefur útlitið
og getur haldið lagi þá er hægt að
gera þig að stjörnu.“
Ruth á ýmis góð ráð fyrir tilvon-
andi barnastjörnur. „Það þarf að
veita ungum krökkum aðhlynningu.
Þau þurfa að læra að elska sjálfan
sig. Og muna að brosa og vera ham-
ingjusöm.“
Stefnan er tekin á að halda tón-
leika vegna útgáfu plötunnar þar
sem ferill Ruthar verður tekinn fyr-
ir og verður nánar greint frá því
síðar.
Engir englar
á MTV
Hún á þrjátíu ára söngafmæli og var ein
skærasta barnastjarna sem Ísland hefur
átt. Inga Rún Sigurðardóttir leit til baka
með Ruth Reginalds.
Morgunblaðið/Kristinn
ingarun@mbl.is
Ruth ásamt besta vini mannsins sem í þessu tilfelli er Spring-
er Spaniel-hvolpurinn Venus, sem er fjögurra mánaða.
Ruth og Róbert bangsi.
frá sér safnplötu
FÓLK Í FRÉTTUM
80 LAUGARDAGUR 22. NÓVEMBER 2003 MORGUNBLAÐIÐ
KEPPNIN Stíll 2003 fer fram í Íþrótta-
húsi Digraness í Kópavogi í dag en þetta
er hár-, förðunar- og fatahönnunar-
keppni félagsmiðstöðvanna.
Keppendur koma frá 40 félagsmið-
stöðum og stendur dagskrá alveg frá kl.
15 um daginn en þátttakendur mæta
klukkustund fyrr. Alls eiga um 120 ung-
lingar eftir að sýna afrakstur sinn.
Margvísleg dagskrá er yfir daginn,
m.a. tískusýningar, söngatriði og
skemmtiatriði og fram koma hljómsveit-
irnar Land og synir, 200.000 Naglbítar
og Í svörtum fötum. Lýkur dagskránni
með verðlaunaafhendingu um kl. 19.
Þemað að þessu sinni er eldur og er
miðaverð 500 krónur.
Frá undankeppni félagsmiðstöðvarinnar Friðs í Skagafirði en þema Stíls 2003 er eldur.
Fatahönnun og fleira
Keppnin Stíll 2003 haldin í Íþróttahúsi Digraness
www.samfes.is
www.tyr.net
www.pop.fo