Morgunblaðið - 26.11.2003, Blaðsíða 13

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 26. NÓVEMBER 2003 13
Nútíma samskipti ehf. bjóða til ráðstefnu
um ACT! CRM/Viðskiptatengslahugbúnað
þann 27. nóv. 2003 kl. 13:30 á Radison Hótel Sögu,
þar sem sérstaklega verður hugað að þörfum sölumanna/söludeilda
í litlum til stærstu fyrirtækja.
Dagskrá:
13:00-13:30 Skráning ráðstefnugesta - létt tónlist.
13:30-13:45 Ráðstefnan sett: Ráðstefnustjóri okkar verður Sólveig Hjaltadóttir,
markaðsstjóri Alþjóða líftryggingafélagsins.
13:45-14:05 Geir A. Gunnlaugsson forstjóri Sæplasts fjallar um mikilvægi ACT! CRM
hjá stórfyrirtækjum sem hafa starfsemi í mörgum heimsálfum.
14:05-14:25 Ármann Úlfarsson starfsmaður Vélasölunnar fjallar um hugmyndafræðina á bak
við stýringu söluferla frá því að markhópur er skilgreindur, samskipti hefjast,
sala næst, og að lokum eftirfylgni.
14:25-14:45 Sigurður Örn Levy sölustjóri hjá Lánstrausti fjallar um reynslu þeirra
af stýringu söluferla með ACT! CRM - Dæmi og skýrslur sýndar og
útskýrðar.
14:45-15:05 Kaffi - Létt lifandi tónlist.
15:05-15:25 Skúli Skúlason forstöðumaður fjölmiðlavaktar IMG - Fjölmiðlavaktin
fjallar um ACT! CRM/Viðskiptatengslakerfi er þeir hafa notað í átta ár.
15:25-15:45 Karvel Hreiðarsson sölu- og markaðsstjóri fjallar um verkefnastýringu
sölumanna/söludeilda og mikilvægi þess að blanda ekki saman
markaðsgögnum og bókhaldsgögnum.
15:45-16:15 Hermann Valsson framkvæmdastjóri fjallar um þær einingar sem
byggja upp árangursrík ACT! CRM/Viðskiptatengslakerfi. Farið verður
í gegnum öflun markhópa, skilgreiningu þeirra, skipulagingu sölu- og
kynningarherferðir, eftirfylgni og úrvinnslu langtímasöluáætlana.
16:15-18:00 Panelumræður, ráðstefnuslit og léttar veitingar - Létt lifandi tónlist -
Sýning á ACT! CRM/Viðskiptatengslahugbúnaði.
Ráðstefnugestir fá markhópalista með nöfnum 50 stærstu fyrirtækja landsins, kynningareintak
af ACT! CRM/Viðskiptatengslakerfi og ýmsan aukahugbúnað til að létta markaðssókn.
Þátttökugjald er 6.500.
Tilkynnið þátttöku sem allra fyrst með tölvupósti á nutima@nutima.is
Nánari upplýsingar í síma 553 7300
Hver er raunveruleg staða
sölumála og söluferla
hjá þínu fyrirtæki?
www.nutima.is
HAGNAÐUR Samherja dróst sam-
an um 68% á fyrstu níu mánuðum
ársins miðað við sama tímabil í fyrra.
Hagnaðurinn nam 622 milljónum
króna, en í fyrra var hagnaðurinn
1.950 milljónir króna.
Minni hagnaður stafar að veru-
legu leyti af versnandi fjármunalið-
um, sem skýrist af því að gengis-
munur sem var jákvæður um 820
milljónir króna í fyrra var jákvæður
um 75 milljónir króna í ár. Annað
sem vegur þungt í afkomunni er að
hagnaður fyrir afskriftir og fjár-
munaliði, EBITDA, minnkar um
tæpar 700 milljónir króna milli ára
og nemur 1.800 milljónum króna á
fyrstu níu mánuðum þessa árs.
Hagnaður fyrir afskriftir og fjár-
munaliði sem hlutfall af veltu var
19,2% á fyrstu níu mánuðum þessa
árs en 25,6% á sama tímabili í fyrra.
Veltan dróst saman um 4% og nam
9.389 milljónum í ár.
Veltufé frá rekstri minnkaði um
36% og nam í ár 1.286 milljónum
króna. Sem hlutfall af veltu lækkaði
veltufé frá rekstri úr 20,6% í 13,7%
milli ára. Heildareignir Samherja
minnkuðu lítillega frá áramótum og
námu 22,5 milljörðum króna í lok
september. Eiginfjárhlutfall félags-
ins hækkaði lítillega á tímabilinu og
nam 37,9% í lok september.
Forstjórinn sáttur
Í fréttatilkynningu frá Samherja
er haft eftir Þorsteini Má Baldvins-
syni, forstjóra félagsins, að hann sé
sáttur við niðurstöður fjórðungsins
og að þær aðgerðir sem gerðar hafi
verið í rekstri félagsins séu að skila
árangri. „Við höfum lagt aukna
áherslu á vinnslu á ferskum fiski sem
lið í því að mæta aukinni samkeppni.
Þá hefur rækjuvinnsla félagsins
gengið vel á árinu og framleiðslu-
aukning um 31% frá sama tíma í
fyrra. Framlegð félagsins á fjórð-
ungnum er betri en áætlanir gerðu
ráð fyrir og við erum enn bjartsýn á
að árið í heild verði í samræmi við
áætlanir okkar, er haft eftir Þor-
steini Má Baldvinssyni.
Veltan á þriðja fjórðungi ársins
var 23% meiri en á sama tímabili í
fyrra og nam 3.152 milljónum króna.
Hagnaður fyrir afskriftir og fjár-
munaliði jókst um fjórðung og hækk-
aði lítillega sem hlutfall af veltu, eða
úr 18,7% í fyrra í 19,0% í ár. Fjár-
munaliðir versnuðu hins vegar mikið
á þriðja fjórðungi ársins og hagnað-
ur dróst saman um 90% miðað við
þriðja ársfjórðung í fyrra og nam 19
milljónum króna í ár.
Hagnaður Samherja
minnkaði um 68%
ÖLLUM starfsmönnum Alpan hf. á
Eyrarbakka verður sagt upp um
næstu mánaðamót. Uppsagnartími
flestra starfsmanna er á bilinu tveir
til þrír mánuðir.
Ástæðuna fyrir uppsögnunum má
rekja til langvarandi erfiðleika í
rekstri félagsins og fyrirsjáanlegs
áframhaldandi taps á rekstrinum.
Undanfarin ár hefur félagið verið
rekið með umtalsverðu tapi og eigið
fé er nú uppurið.
Að sögn Guðmundar Óskarssonar,
framkvæmdastjóra Alpan, var
ákvörðun um uppsögn starfsmanna
tekin í varúðarskyni með von um að
það takist að endurskipuleggja rekst-
urinn og skapa rekstrargrundvöll
fyrir félagið. Samhliða er ljóst að
semja verður við lánadrottna og
birgja og hugsanlega nýja hluthafa
um endurfjármögnun fyrirtækisins.
Hugsanlegt að starfsemin
verði lögð niður
Stjórn félagsins leitar einnig eftir
nýjum aðilum til að koma að rekstr-
inum hér á landi eða að selja fyrir-
tækið úr landi.
Að sögn Guðmundar verður starf-
semi fyrirtækisins lögð niður að öðr-
um kosti í janúar eða febrúar á næsta
ári.
Ragna Larsen, formaður stéttar-
félagsins Bárunnar á Árborgarsvæð-
inu, segir að meirihluti þeirra sem
verður sagt upp störfum séu félagar í
Bárunni og búsettir á Árborgarsvæð-
inu. Þar af séu Pólverjar í miklum
meirihluta. Hluti þeirra, eða 8 manns,
eru með tímabundið atvinnuleyfi á Ís-
landi og því sé óvíst um hvert fram-
haldið verður hjá þeim hóp. Segir hún
að um tímabundin atvinnu- og dval-
arleyfi gildi að ef um óvænt ráðning-
arslit sé að ræða, sem launþegi á ekki
sök á, þá á atvinnurekandi að greiða
heimferð fyrir viðkomandi starfs-
mann.
Ragna segist ekki vera bjartsýn
um atvinnuhorfur þeirra sem missa
munu vinnuna hjá Alpan enda bjóði
atvinnuástandið á Árborgarsvæðinu
ekki upp á það. Hún segir að hún
muni hitta forsvarsmenn Alpan að
máli síðar í vikunni þar sem farið
verður yfir þessi mál.
Alpan hf. var stofnsett árið 1984
með það að markmiði að framleiða og
selja pönnur úr íslensku áli. Fram-
leiðslufyrirtæki hafði þá verið keypt í
Danmörku og verksmiðja þess flutt á
Eyrarbakka. Alpan hefur síðan selt
vörur sínar í yfir 25 löndum undir
vörumerkinu Look Cookware. Árs-
velta félagsins hefur verið á bilinu 3–
400 milljónir króna.
Gallaðar vörur upphaf vandans
Á síðustu árum hefur orðið umtals-
verður sölusamdráttur á helstu
mörkuðum fyrirtækisins og hefur
rekstrargrundvöllur félagsins farið
þverrandi.
Að sögn Guðmundar má rekja
rekstrarvanda fyrirtækisins að
mestu til gæðavandamála á árunum
2000 og 2001 þegar Alpan framleiddi
vöru sem reyndist vera gölluð og var
skilað inn í miklu mæli. Tveir af
stærstu viðskiptavinum félagsins
hættu sölu á vörum frá Alpan í árs-
byrjun 2002 en þessir aðilar voru með
um þriðjung af allri sölu fyrirtækis-
ins. Að sögn Guðmundar fór allur
þýski markaðurinn og hluti af þeim
norska með þessum tveimur aðilum.
Í fréttatilkynningu kemur fram að
versnandi samkeppnisstaða vegna
gengisþróunar íslensku krónunnar
hafi einnig haft áhrif á rekstur fé-
lagins. „Þess utan hefur samkeppni á
mörkuðum farið mjög vaxandi með
tilkomu nýrra framleiðenda sem
staðsettir eru í hagkvæmara fram-
leiðsluumhverfi eins og Austur-Evr-
ópu og Asíu, en flutningur evrópskra
framleiðenda til þessara landa hefur
verið áberandi,“ segir í fréttatilkynn-
ingu.
Samráð hefur verið haft við trún-
aðarmenn og stéttarfélög starfs-
manna um stöðuna og áætlaðar upp-
sagnir, samkvæmt upplýsingum frá
Alpan. Að sögn Rögnu hefur Alpan
staðið mjög vel að fyrirhuguðum upp-
sögnum og verið í sambandi við stétt-
arfélög vegna þeirra.
Morgunblaðið/RAX
Öllu starfsfólki Alpan á Eyrarbakka verður sagt upp um mánaðamótin.
Öllum starfs-
mönnum Alpan
sagt upp
TILKYNNT var í gærmorgun um
viðskipti með hlutabréf í Kaupþingi-
Búnaðarbanka fyrir rúmlega 1,9
milljarða króna. Um var að ræða
bakfærslu á viðskiptum tveggja for-
svarsmanna bankans, Sigurðar Ein-
arssonar, stjórnarformanns, og
Hreiðars Más Sigurðssonar, for-
stjóra, á hlut í bankanum.
Hvor um sig hafði keypt hlut í
Kaupþingi-Búnaðarbanka fyrir rúm-
ar 950 milljónir samkvæmt kaup-
réttarsamningum við bankann.
Gengið á bréfunum í kaupunum var
156, sem var miðað við lokaverð með
hlutabréf Kaupþings Búnaðarbanka
þann 30. júní sl. Sigurður og Hreiðar
Már greindu frá því á föstudag að
þeir hefðu fallið frá samningnum um
kaup á hlutabréfum í Kaupþingi-
Búnaðarbanka. Þeir hyggjast hins
vegar efna til nýrra viðræðna við
stjórn bankans um kaup og kjör.
Alls voru viðskipti með Kaupþing
Búnaðarbanka fyrir 2.162 milljónir
króna í Kauphöll Íslands í gær og
hækkaði verð bréfanna um 1,4%.
Lokaverð bankans var því 210,5.
Kaupþing Búnaðarbanki
Viðskipti bakfærð