Morgunblaðið - 26.11.2003, Blaðsíða 20

Tónaberg | Karlakór Keflavíkur
hefur gefið út hljómplötuna Tóna-
berg. Nafnið er dregið af lagi Sig-
uróla Geirssonar við texta Þor-
steins Eggertssonar en það syngur
kórinn á plötunni
auk fjórtán ann-
arra laga.
Karlakór
Keflavíkur hefur
starfað óslitið í
fimmtíu ár og er
platan gefin út af
því tilefni. Áður hefur kórinn gefið
út tvær plötur, Karlakór Keflavík-
ur árið 1981 og Suðurnesjamenn
árið 1996.
Stjórnandi kórsins er Vilberg
Viggósson en undirleik annast
Ágota Joó og Ester Ólafsdóttir.
Einsöngvari með kórnum er Steinn
Erlingsson. Einn kórfélaganna,
Páll Bj. Hilmarsson, hafði veg og
vanda af útgáfu plötunnar.
SUÐURNES
20 MIÐVIKUDAGUR 26. NÓVEMBER 2003 MORGUNBLAÐIÐ
Grindavík | Aðsókn að saltfisksýn-
ingunni í Saltfisksetri Íslands hef-
ur verið góð að mati stjórnenda
þess. Það sem af er þessu ári hafa
12 þúsund gestir skoðað sýn-
inguna og búist er við 20 þúsund
gestum á næsta ári. Tekjur af að-
gangseyri duga þó ekki fyrir út-
gjöldum.
Á aðalfundi Saltfiskseturs Ís-
lands voru lagðir fram reikningar
félagsins frá stofnun til loka árs
2002. Þar kom fram að stofnkostn-
aður við húsnæði og uppsetningu
sýningar var rúmar 174 milljónir
króna sem er nokkru meira en
áætlað var þegar sýningin var
opnuð. Stofnfé félagsins er aðeins
tæpar 3 milljónir. Aftur á móti
fékk félagið styrki á síðasta ári að
fjárhæð 45 milljónir kr. Meg-
inhluti stofnkostnaðar er fjár-
magnaður með langtímalánum auk
þess sem bakhjarl félagsins,
Grindavíkurbær, hefur þurft að
lána því 36 milljónir miðað við
stöðuna um áramót.
Fram kom á aðalfundinum að
afborganir og vextir nema um 20
milljónum kr. á ári auk þess sem
áætlað er að reksturinn kosti 7
milljónir. Tekjur eru hins vegar
um 5 milljónir.
Í haust var liðið eitt ár frá opn-
un sýningarinnar. Forráðamenn
Saltfisksetursins eru ánægðir með
viðtökurnar það sem af er og bú-
ast við aukningu. Kjartan Krist-
jánsson, forstöðumaður Salt-
fisksetursins, segir að erlendir
ferðamenn reki gjarnan upp stór
augu þegar þeir átti sig á því að
rekið er heilt safn um saltfisk og
kippi gjarnan með sér pakkningu
af þurrkuðum saltfiski til að at-
huga málið nánar en nýlega var
byrjað að selja þar þurrkaðan sal-
atfisk.
Saltfisksetrið kostaði um 174 milljónir
Tólf þúsund heim-
sóttu safnið á árinu
Morgunblaðið/Garðar Páll Vignisson
Vandi á höndum: Ólafur Örn Ólafsson bæjarstjóri, Petrína Baldursdóttir og
Kjartan Kristjánsson forstöðumaður gera grein fyrir rekstrinum á árinu.
Reykjanesbær | Klassískir tónleikar
verða í sal Listasafns Reykjanesbæjar í
Duushúsum í kvöld, miðvikudag, klukkan
20. Þar verða á ferðinni Ármann Helga-
son sem leikur á klarinett og Miklos
Dalmay sem leikur á píanó.
Á efnisskránni eru meðal annars tvær
af þekktustu sónötum klarinettu- og pí-
anóbókmenntanna, að því að kemur fram
í fréttatilkynningu frá menningarfulltrúa
Reykjanesbæjar, Poulenc-sónatan og
Brahms-sónatan. Einnig eru á efnis-
skránni Ungverskir dansar eftir Leo
Weiner, Rúmenskir dansar í litríkum út-
setningum Béla Bartóks og íslensk þjóð-
lög í nýjum búningi Þorkels Sigurbjörns-
sonar.
Tónleikarnir eru í röð landsbyggð-
artónleika á vegum Félags íslenskra tón-
listarmanna sem styrktir eru af mennta-
málaráðuneytinu og Reykjanesbæ.
Tónleikarnir eru öllum opnir og ekki
tekinn aðgangseyrir.
  
Klassískir tónleikar
haldnir í Duushúsum
Fundað um frelsi | Frjálshyggju-
félagið heldur fund í sal Verkalýðs- og
sjómannafélags Keflavíkur að Hafn-
argötu 80 í Keflavík í kvöld, miðvikudag,
klukkan 20.
Á fundinum tala Haukur Örn Birg-
isson formaður og Gunnlaugur Jónsson
stjórnarmaður um frjálshyggju og mark-
mið Frjálshyggjufélagsins. Í frétta-
tilkynningu um fundinn segir: „Stefna
Frjálshyggjufélagsins gengur út á frelsi
til ofbeldislauss athæfis á öllum sviðum.
Á fundinum verður rætt um frelsi í sið-
ferðismálum sem og málefnum mismun-
andi atvinnugreina. Svo dæmi séu nefnd
verður talað um frelsi í menntamálum,
félagsmálum, kynferðismálum og efna-
hagsmálum.“
  
Lenti á húsi | Grjótflutningabifreið sem
ekið var um hafnarsvæðið í Grófinni í
Keflavík rann til í hálku um miðjan dag á
mánudag og lenti á þjónustuhúsi hafn-
arinnar. Kom sprunga í húsið og ljósa-
mastur á því bognaði.
Sandgerði | Forvarnarfulltrúi Tollgæslunnar í
Reykjavík fræddi væntanleg fermingarbörn úr
Sandgerði og Garði um fíkniefni og varaði við
skelfilegum afleiðingum af notkun þeirra. Þor-
steinn Hauksson naut aðstoðar fíkniefnahundsins
Bassa sem var stjarna dagsins.
Fermingarfræðslan fór fram í Safnaðarheimilinu
í Sandgerði um helgina. Auk þess að segja börn-
unum frá baráttunni gegn fíkiefnum afhenti hann
þeim margmiðlunardiskinn Fíkniefni – nei takk sem
Tollstjórinn í Reykjavík hefur gefið út.
Þorsteinn og Bassi hafa í nokkur ár unnið að for-
vörnum með starfi sínu að leit að fíkniefnum en
hafa getað helgað sig forvörnunum frá því í sumar.
Þeir hitta öll fermingarbörn landsins og nýtur Bassi
þeirra forréttinda í hópi hunda að komast í allar
kirkjur og skóla landsins.
Þorsteinn segist verða var við að umræður skap-
ist meðal fermingarbarnanna um fíkniefnahættuna
í kjölfar heimsókna hans. Margmiðlunardiskurinn
sé tæki til að halda málinu vakandi löngu eftir heim-
sókn hans og Bassa.
Morgunblaðið/Reynir Sveinsson
Stjarna dagsins: Bassi hélt athygli barnanna á meðan Þorsteinn fræddi þau um hættur fíkniefnanna.
Fermingarbörn frædd um
skaðsemi fíkniefnanna
Bassi fær að heimsækja allar kirkjur og skóla
Reykjanesbær | Nítján
stofnanir Reykjanes-
bæjar og frjáls félaga-
samtök eru aðilar að
forvarnarstefnu
Reykjanesbæjar sem
samþykkt hefur verið
samhljóða í bæjar-
stjórn.
Þriggja manna
vinnuhópur hefur unnið
að undirbúningi for-
varnarstefnu Reykja-
nesbæjar. Ragnar Örn
Pétursson, forvarnar-
og æskulýðsfulltrúi,
segir að ákveðið hafi
verið að hafa forvarn-
arstefnuna víðtæka en megin-
markmið hennar er að skapa að-
stæður sem eru líklegar til að hafa
jákvæð áhrif og efla sjálfstraust og
sjálfsmat barna og ungmenna.
Fljótlega fór vinnuhópurinn inn
á þá braut að leita eftir samstarfi
við stofnanir Reykjanesbæjar og
félög og félagasamtök sem vinna
að forvörnum í bæjarfélaginu. Í
ljós kom að sjö stofnanir og félög
höfðu eigin forvarnarstefnu og
vegna undirbúnings forvarnar-
stefnu bæjarins bættust tólf við.
Segir Ragnar Örn að þótt aðeins
sé litið til þessa hafi undirbúning-
urinn þegar skilað miklum árangri.
Lifandi tæki
Forvarnarstefna nítján stofnana
bæjarins og félaga og samtaka eru
nú órjúfanlegur hluti af forvarn-
arstefnu Reykjanesbæjar. Þar er
til dæmis um að ræða alla grunn-
skóla og leikskóla
bæjarins, Fjölbrauta-
skólann og nemenda-
félag hans, Félag for-
eldrafélaga grunn-
skólanna, félags-
miðstöðina Fjörheima,
Íþrótta- og Tóm-
stundabandalögin,
Þjóðkirkjuna og lög-
regluna svo nokkrir
aðilar séu nefndir. Þá
segir Ragnar Örn að
fleiri séu að vinna að
undirbúningi forvarn-
arstefnu sem muni
síðar tengjast sameig-
inlegri stefnu bæjar-
ins og nefnir hann Heilbrigðis-
stofnun Suðurnesja í því
sambandi.
Þau félög og stofnanir sem
tengjast forvarnarstefnunni geta
sótt um styrki til verkefna á þessu
sviði til Forvarnarsjóðs Reykja-
nesbæjar.
Ragnar Örn segir að með því að
tengja þessa aðila við forvarnar-
stefnu Reykjanesbæjar sé búið í
haginn til þess að stefnan verði í
framtíðinni lifandi tæki sem ávallt
verði í endurskoðun og gott hjálp-
artæki til að starfa með öflugum
hætti að forvörnum í bæjarfélag-
inu.
Gert er ráð fyrir því að á næsta
fundi bæjarstjórnar verði kosið
forvarnarteymi sem fari reglulega
yfir framkvæmd stefnunnar og
einu sinni á ári verði síðan fundað
með fulltrúum allra þátttakenda til
að meta hvernig til hafi tekist.
Forvarnarstefna Reykjanesbæjar
samþykkt samhljóða í bæjarstjórn
Nítján stofnanir
og félög taka þátt
Ragnar Örn Pétursson
Reykjanes | Ferðamálasamtök
Suðurnesja hafa sótt um lóð fyrir
þjónustuhús við Reykjanesvita.
Reykjanes er fjölsóttur viðkomu-
staður ferðafólks og fram kemur í
ársskýrslu Ferðamálasamtakanna
að brýn þörf er fyrir aðstöðu. Sam-
tökin hafa fengið þjónustuhús til að
leysa þann vanda. Húsið kemur frá
nefnd um Reykjaveg og verður sett
niður við enda Reykjavegarins við
Reykjanestá.
  
Þjónustuhús á
Reykjanesi
Afmælishátíð Fjörheima | Fé-
lagsmiðstöð Reykjanesbæjar, Fjör-
heimar, á tuttugu ára starfsafmæli í
dag. Af því tilefni er unga fólkinu
boðið til afmælisskemmtunar í
Stapa í Njarðvík í dag, klukkan
19.30.
Fram koma sigurvegarar í söng-
keppni Fjörheima og hljómsveitin
sem sló í gegn á fatahönnunar-
keppni félagsmiðstöðvarinnar. Jón
Víðis sýnir galdrabrögð, Helga
Dagný Sigurjónsdóttir formaður
Fjörheimaráðs og Böðvar Jónsson
formaður bæjarráðs flytja ávörp og
Sveppi og Auddi úr sjónvarpsþætt-
inum 70 mínútum koma fram.
AUGLÝSINGADEILD
netfang: augl@mbl.is eða sími 569 1111