Morgunblaðið - 26.11.2003, Blaðsíða 45
ÍÞRÓTTIR
MORGUNBLAÐIÐ MIÐVIKUDAGUR 26. NÓVEMBER 2003 45
ÞUNGU fargi var létt af for-
svarsmönnum Evrópukeppninnar
í knattspyrnu sem fram fer í
Portúgal á næsta ári, þegar ljóst
var að Spánverjar verða á meðal
þátttökuþjóða í keppninni sem
fram fer í júní á næsta ári. Segja
þeir að þátttaka næstu nágrann-
anna á Spáni treysti enn frekar
fjárhagslegan grundvöll keppn-
innar því talið er að a.m.k. 30.000
Spánverjar komi yfir landamærin
til þess að styðja við bakið á
landsliði sínu í hverjum leik sem
það spilar. Ekki veitir Portúgöl-
um af að laða sem flesta ferða-
menn til landsins vegna keppn-
innar þar sem efnahagur landsins
er í mikilli lægð um þessar mund-
ir.
Þá má heldur ekki gleyma
þeim ríg sem er á milli þjóðanna
á knattspyrnusviðinu eins og öðr-
um. Hvað sem honum líður þá
vonast portúgalskir forráðamenn
keppninnar til þess að Spánverjar
komist sem lengst í keppninni,
helst alla leið í úrslit og leiki þar
með sex leiki. Það mun hugs-
anlega þýða að a.m.k. tæplega
200.000 Spánverjar bregði sér yf-
ir landamærin til að horfa á leiki
spænska liðsins og það mun færa
Portúgölum miklar tekjur.
„Við erum að sjálfsögðu
ánægðir með allar þær sextán
þjóðir sem taka þátt í keppninni
en þátttaka Spánverja er topp-
urinn á kransakökunni,“ sagði
talsmaður keppninnar.
allur af enskum strákum sem ætla
sér að verða stjörnur í fótboltanum
en verða það aldrei og ef þeir kom-
ast ekki að í fótboltanum þá er af-
skaplega lítið fyrir þá að gera. Þeir
eru flestir hverjir ómenntaðir og
hafa því ekki að miklu að hverfa.
Það er ekkert inni í myndinni hjá
þeim að fara í skóla aftur, þeir fara
bara út á hinn almenna vinnumark-
að. Ensku strákarnir sem eru með
mér í varaliðinu fylgjast afskaplega
lítið með því sem er að gerast í þjóð-
félaginu, þeir fylgjast ekki með
fréttum eða neitt. Það kemst ekkert
annað en fótbolti að hjá þeim.“
– Ólafur Ingi var á dögunum á
varamannabekknum hjá aðalliðinu í
deildabikarleik. Hann fékk ekki að
spreyta sig þá, en á hann von á að fá
leik með aðalliðinu?
„Það munaði litlu um daginn og
ég er mjög ánægður með að hafa
fengið tækifæri til að vera á bekkn-
um og í undirbúningnum fyrir leik-
inn. Það var virkilega gaman að fá
að kynnast því öllu saman. Hvort ég
fæ leik? Ég veit ekki og ég á ekkert
frekar von á því að ég fái annað
tækifæri til að vera í hópnum. En
fyrst það hefur gerst einu sinni þá
veit maður að það er alltaf mögu-
leiki á að það gerist aftur. Það er
leikur í deildabikarnum í desember
og maður bíður og sér til hvað ger-
ist. Ég á ekkert frekar von á að vera
með í þeim leik, en ef það gerist þá
yrði það alveg frábært,“ segir Ars-
enalmaðurinn.
Wenger fylgist vel með öllu
Arsene Wenger, knattspyrnu-
stjóri félagsins, sér um allar æfingar
varaliðsins líka og segir Ólafur Ingi
að hann fylgist vel með öllum sínum
leikmönnum. „Hann er með allar
æfingar og öðruvísi en margir
knattspyrnustjórar í ensku úrvals-
deildinni að því leytinu. Hann
stjórnar öllu og fylgist því vel með
öllum leikmönnum, líka þeim sem
eru í varaliðinu. Hann er mjög mikill
atvinnumaður, yfirvegaður og róleg-
ur og peppar menn upp þegar það á
við. Ég kann mjög vel við hann.“
Venjulegir dagar í lífi atvinnu-
manns í knattspyrnu eru hver öðr-
um líkir enda snýst líf þeirra um
knattspyrnu. „Ég er mættur upp á
æfingasvæði um klukkan tíu á
morgnana, en hálftíma síðar ef mað-
ur æfir með aðalliðinu.
Yfir keppnistímabilið eru æfing-
arnar í einn og hálfan tíma ef það er
stutt í leik en ef það er langt í leik
þá er hún í tvo tíma og svo lyftingar
á eftir. Síðan er borðað saman og
maður kemur heim um klukkan tvö
eða þrjú. Í byrjun tímabils erum við
oft með tvær æfingar á dag og þá
kemur maður heim um klukkan
fimm.
Á skólabekk eftir æfingar
Eftir æfingu tekur námið við, ég
er í fjarnámi í Fjölbrautaskólanum
við Ármúla og klára um jólin. Ég er
svona nokkurn veginn á áætlun með
námið, á níu einingar eftir í stúd-
entsprófið. Ég hefði átt að klára síð-
asta vor en það voru nokkrir áfang-
ar sem ég gat ekki klárað vegna
fótboltans, en þetta klárast núna um
jólin. Síðan ætla ég að halda áfram
að mennta mig og eins og stendur
þá heillar líffræðin mig hvað mest.“
– Hvað er svo framundan hjá þér?
„Ég er með samning út þetta
tímabil og veit í raun ekki hvað tek-
ur við eftir það. Arsenal fer ekki að
ræða við leikmenn fyrr en eftir ára-
mótin, en ég á ekkert frekar von á
að vera áfram hjá félaginu, gæti vel
hugsað mér að fara eitthvert annað.
Þetta er búið að vera frábær tími
hjá Arsenal en maður verður að
hugsa um framtíðina og veltir því
fyrir sér hvort það sé betra að vera
hjá eins stóru og frægu liði eins og
Arsenal og vera í varaliðinu eða fara
í einhvern minni lið og fá að spila.
Ég er orðinn tvítugur og ef maður
ætlar einhvern tíma að vera eitthvað
meira en efnilegur þá verður maður
að fá að spila.
Reyni að vera skynsamur
Það er mjög vel fylgst með leikj-
um varaliðanna, margir njósnarar á
leikjum og það opnar manni vonandi
einhverja möguleika á að komast til
annars liðs. Svo er spurningin hvort
maður vill taka skrefið niður á við
og leika í neðri deild í Englandi eða
fara til annars lands og leika þar í
efstu deild og ef það gengur ekki
upp að taka þá skrefið niður á við.
Maður verður að reyna að gera
þetta af skynsemi og velja og hafna
og maður skyldi ætla að það hjálpi
eitthvað að hafa verið hjá Arsenal.
Markaðurinn fyrir knattspyrnu-
menn er orðinn gríðarlega erfiður
þannig að maður veit ekki hvort það
verður um eittvað að velja í þessum
efnum, en hugur minn stendur til
þess að halda áfram í knattspyrn-
unni. Skandinavía er að detta út af
þessum markaði og fjöldinn allur af
atvinnulausum fótboltamönnum á
Englandi þannig að það er mjög erf-
itt að fá vinnu á þessum markaði og
því verður maður að skoða öll tilboð
sem koma – og vonandi koma ein-
hver,“ segir Ólafur Ingi og brosir og
segir að alltaf sé eitthvað í gangi,
einhverjar fyrirspurnir og því um
líkt.
Markaðurinn er mjög erfiður
„Maður veit ekki hversu mikil al-
vara er á bakvið svona hluti og hvort
áhuginn sé í raun fyrir hendi þótt
einhverjir séu að spyrjast fyrir um
mann. Ég er altént ekki með neitt
fast í hendi sem stendur, en að sjálf-
sögðu er maður farinn að líta í
kringum sig og láta vita af sér.“
Þegar hann gerðist atvinnumaður
voru aðallega tvö lið sem komu til
greina, bæði úr Lundúnum. „Það
kom aldrei annað til greina en fara
til Arsenal enda vildi svo skemmti-
lega til að Arsenal var mitt uppá-
haldslið í enska boltanum. Totten-
ham gerði líka tilboð en Arsenal
varð fyrir valinu. Það getur nú alveg
verið tvíbent hvort það hafi verið
rétt því ef til vill hefði ég verið ofar í
goggunarröðinni hjá Spurs en ég er
hjá Arsenal.
Annars veit maður það auðvitað
aldrei og það er alltaf hægt að velta
sér endalaust upp úr svona málum.“
Ólafur Ingi segir það alveg koma til
greina að koma heim í sumar og
leika þar „væntanlega þá með
Fylki“, segir hann og fara síðan út
aftur um haustið. „Ef ég fæ enga
vinnu sem er betri en heima þá kem
ég bara heim og reyni síðan aftur
næsta haust að koma mér að erlend-
is. Ég vil halda áfram í þessu og sé
ekkert því til fyrirstöðu að halda
áfram að mennta mig á sama tíma.
Raunar er dálítið mikið að vera á
fullu í fótbolta allt árið. Ég hef ekki
tekið mér hvíld núna í rúmt ár og
það er dálítið mikið, en maður verð-
ur að fórna einhverju á meðan mað-
ur er ungur og sprækur og taka þá
bara frí einhver tíma síðar,“ segir
Ólafur Ingi.
Spurður um hvaða lið verði meist-
ari í Englandi með vorinu segir
hann: „Ég held að baráttan standi á
milli Arsenal og Manchester United.
Chelsea er líka með alveg ótrúlega
gott lið en ég held að hin tvö hafi
hefðina með sér. Auðvitað vona ég
að Arsenal hafi það.“
– Hver er besti leikmaður Arsen-
al?
„Það er nú nokkuð erfitt að segja
til um það, en það er erfitt að horfa
framhjá Henry, hann er alveg ótrú-
legur leikmaður. Ef ég ætti að kjósa
í lið á æfingu held ég að Viera yrði
fyrst fyrir valinu. Hann er frábær
og það sést best á því hversu mikil
breyting verður á liðinu þegar hann
er ekki með. Hann er líka gríðarlega
sterkur persónuleiki,“ segir Ólafur
Ingi.
Portúgalar kætast yfir
þátttöku Spánverja
Arsenal Football Club/David Pric
Ólafur Ingi Skúlason á fullri ferð í búningi Arsenal, í leik gegn varaliði Southampton.
skuli@mbl.is
ÓLAFUR Ingi Skúlason er fjórði
Íslendingurinn sem er samn-
ingsbundinn Arsenal. Skaga-
maðurinn Sigurður Jónsson var
í herbúðum Arsenal 1989–1991,
eftir að Lundúnaliðið keypti
hann frá Sheffield Wednesday.
Sigurður lék lítið með liðinu
vegna þrálátra meiðsla í baki.
Bræðurnir Valur Fannar og
Stefán Gíslasynir voru á samn-
ingi hjá Arsenal á árunum 1995
til 1997, en þeir náðu aldrei að
leika með aðalliðinu.
Ólafur Ingi var á vara-
mannabekknum hjá aðalliði Ars-
enal í leik í deildabikarkeppn-
inni á dögunum – gegn
Rotherham.
Fyrir utan Sigurð eru tveir Ís-
lendingar sem hafa leikið með
aðalliði Arsenal. Albert Guð-
mundsson, fyrrverandi atvinnu-
maður, lék með Lundúnaliðinu
nokkra vináttuleiki 1946. Hann
fékk ekki atvinnuleyfi í Eng-
landi, sem varð til þess að hann
gerðist ekki atvinnumaður með
Arsenal, heldur hélt til Frakk-
lands og Ítalíu. Albert fór í
keppnisferð, sem lánsmaður,
með Arsenal til Brasilíu 1951.
Skagamaðurinn Ríkharður
Jónsson lék með aðalliði Arsenal
1959 – til dæmis æfingaleik
gegn enska landsliðinu og skor-
aði hann í leiknum, sem lauk
með jafntefli, 1:1. Vegna
meiðsla varð ekkert úr því að
Ríkharður gerðist atvinnumaður
með Arsenal, en hann var búinn
að fá atvinnuleyfi í Englandi.
Íslendingar í herbúðum Arsenal