Morgunblaðið - 27.11.2003, Blaðsíða 19

ERLENT
MORGUNBLAÐIÐ FIMMTUDAGUR 27. NÓVEMBER 2003 19
Skrefi framar
Sokkar, sokkabuxur,
undirföt
www.sokkar.is
Kynnum OROBLU
vetrartískuna
í dag kl 14-18 í
Hringbrautarapóteki.
20% afsláttur
af öllum Oroblu vörum
Leikföng
Púðar, rúmteppi, dúkar,
handmálaðar styttur, ljós
20-50%
afsláttur.
Ekta pelsar, mokkajakkar og
rúskinnsúlpur á ótrúlegu verði
Sigurstjarnan
Suðurlandsbraut 50 (bláu húsin), sími 588 4545.
Jóla
bomban
Opið til kl. 9 í kvöld
„Í HEIMINUM öllum eru nú 100
milljón börn sem ekki hafa fengið
barnaskólamenntun,“ segir Karin
Sham Poo, aðstoðarframkvæmda-
stjóri Barnahjálpar Sameinuðu þjóð-
anna (UNICEF). „Tveir þriðju eru
stúlkur. Menn hafa rannsakað vel og
vandlega hvaða áhrif það hefur þegar
stúlkur fá að minnsta kosti grunn-
menntun og staðreyndin er sú að
ekki aðeins nýtur einstaklingurinn
sjálfur góðs af skólagöngunni heldur
hefur það einnig áhrif á afkomendur
viðkomandi.“
Sham Poo hélt í gær fréttamanna-
fund í híbýlum Miðstöðvar SÞ á Ís-
landi í Skaftahlíð en Miðstöðin verð-
ur opnuð formlega í febrúar. Hún
hafði fyrr um daginn átt stuttan fund
með Halldóri Ásgrímssyni utanríkis-
ráðherra og snæddi síðar hádegis-
verð með Árna Magnússyni félags-
málaráðherra. Var Sham Poo hingað
komin til að kynna starf UNICEF í
þróunarlöndunum og tilraunir til að
bæta hag barna í heiminum.
„Tölfræðin sýnir að ef stúlka geng-
ur í skóla þá er hún líklegri til að
eignast börn seinna á ævinni, hún er
líklegri til að njóta betri heilsu og
börn hennar sömuleiðis,“ sagði Sham
Poo m.a. á fréttamannafundinum í
gær. „Vitur manneskja í Afríku sagði
eitt sinn að ef drengur gengi í skóla
þá væri það mjög jákvætt og stuðlaði
að auknum þroska hans. Ef stúlka
gengi hins vegar í skóla hefði það
áhrif á alla heimabyggð hennar.“
Næringarskortur í Írak
UNICEF rekur starfsemi í 158
löndum og starfsmenn stofnunarinn-
ar á heimsvísu eru um 7.000. Meiri-
hlutinn vinnur í þróunarlöndunum og
eru flestir ráðnir úr hópi heima-
manna í hverju landi. Alþjóðlegt
starfslið telur þó um 1.600 einstak-
linga. Samtökin eru fjármögnuð með
frjálsum framlögum og námu fram-
lögin 1,4 milljörðum Bandaríkjadala í
fyrra en þriðjungur þess fjár kom frá
einkaaðilum, að sögn Sham Poo.
Sham Poo var spurð að því hvort
það væri rétt að fleiri börn þjáðust nú
af næringarskorti í Írak heldur en
fyrir stríð. Svaraði hún því fyrst til að
aðstæður barna í Írak hefðu í heild-
ina litið farið mjög versnandi síðustu
10–13 árin.
„Mun fleiri börn þjást nú af nær-
ingarskorti og aðgangur að heil-
brigðisþjónustu er ekki eins góður og
hann var. Þá skortir upp á það í
nokkrum hlutum landsins að fólk hafi
aðgang að hreinu vatni. Það hefur
reynst mikil áskorun einnig að bæta
aðgang barna að menntun.“
Sagði Sham Poo að starf UNICEF
í Írak núna miðaðist að því að þjálfa
heilbrigðisstarfsmenn m.a. með það í
huga að þeir geti sérstaklega beint
sjónum sínum að aðstæðum og þörf-
um barna. „Við höfum einnig komið
að dreifingu á próteinríku kexi sem
gefið er börnum sem þjást af næring-
arskorti. Þá reynum við að stuðla að
því að foreldrar átti sig á hvað veldur
því að barn þjáist af næringarskorti.
Það er ekki alltaf um það að ræða að
fæðisskortur þjaki fólk heldur eru
börn hugsanlega ekki að fá rétt fæði
eða nægilega margar máltíðir á dag.“
Þá er unnið að því að bólusetja
börn fyrir mislingum. „Í heildina eru
aðstæður í Írak auðvitað afar erfið-
ar,“ segir Sham Poo. „Það mun taka
langan tíma að stuðla að varanlegum
umbótum á aðstæðum barna í Írak.
Við vinnum hins vegar að því verk-
efni ásamt öðrum alþjóðastofnunum
og heimamönnum í Írak.“
Kvartað hefur verið yfir því að öll
aðstoð við þróunarlöndin mæti litlum
skilningi í íslensku þjóðlífi. Finnið þið
fyrir slíku víðar í hinum ríkari sam-
félögum?
„Þar getið þið í fjölmiðlunum skipt
miklu máli,“ svarar Sham Poo. „Fjöl-
miðlar spila stóra rullu að því er
varðar að tryggja að almenningur
skilji og átti sig á þörfinni fyrir þró-
unaraðstoð og síðan að menn viti
hvað samtök eins og UNICEF eru að
sýsla. Hvað Ísland varðar hefur hér
ekki til þessa verið starfandi lands-
deild fyrir UNICEF. Ef til vill skýrir
það hvers vegna Íslendingar hafa
ekki mikla vitneskju um störf stofn-
unarinnar.“
Stór verkefni blasa við
Undir sjónarmið Sham Poo tekur
Einar Benediktsson, stjórnarfor-
maður UNICEF Ísland og segir að
framlag Íslands til þróunarmála hafi
og geti skipt miklu máli þó lítið sé.
„Þess vegna er ég sannfærður um að
samstarf við UNICEF er mikilvægt,
bæði vegna þess að UNICEF er að
vinna að verkefnum sem við ættum
að koma að og líka vegna þess hversu
öflug starfsemi UNICEF er á þeim
svæðum sem um er að ræða,“ segir
Einar.
Sham Poo leggur einnig áherslu á
að framlag lítilla þjóða geti sannar-
lega skipt miklu máli. Þrátt fyrir allt
gangi fleiri börn nú í skóla en fyrir tíu
árum og lífslíkurnar séu betri. „En
það blasa samt sem áður við stór
verkefni í heiminum, óstöðugleiki og
hernaðarátök hafa ekki hjálpað þar
uppá né þau hörmulegu áhrif sem al-
næmisveiran hefur haft hjá sumum
þjóðum,“ sagði Karin Sham Poo.
Framlag lítilla þjóða
skiptir líka máli
Karin Sham Poo, aðstoðarframkvæmdastjóri UNICEF.
david@mbl.is
’ Það mun takalangan tíma að
stuðla að varanleg-
um umbótum á að-
stæðum barna í
Írak ‘
Barnahjálp Sameinuðu
þjóðanna leggur áherslu
á að stuðla að bættri
menntun stúlkubarna í
heiminum. Davíð Logi
Sigurðsson heyrði Kar-
in Sham Poo útskýra
hvers vegna.
ATVINNA mbl.is