Morgunblaðið - 27.11.2003, Blaðsíða 55
ÍÞRÓTTIR
MORGUNBLAÐIÐ FIMMTUDAGUR 27. NÓVEMBER 2003 55
Það var ekki mikið líf í íþróttahús-inu í Keflavík áður en leikurinn
hófst. Kynningin var dauf, hljóðkerf-
ið lágt stillt og það
vantaði kraftinn í
tónlistina. Þessi
stemmning smitaði
út frá sér, leikmenn
beggja liða höfðu hægt um sig í upp-
hituninni, áhorfendur komu margir
hverjir seint til leiks. Og var upphaf
leiksins í takt við aðdragandann – á
rólegu nótunum.
Guðjón Skúlason sagði fyrir leik-
inn að markmiðið væri að leika hratt
gegn Madeira, leika stífa pressu-
vörn, keyra upp hraðann og freista
þess að draga þá frá körfunni með
því að hitta úr langskotunum fyrir
utan þriggja stiga línuna. Fátt af
þessu gekk eftir í byrjun leiksins og
aðeins ein þriggja stiga karfa fór of-
aní hjá heimamönnum í fyrri hálfleik
en það var fyrsta karfa leiksins frá
Fali Harðarsyni sem þjálfar liðið í
samvinnu við Guðjón.
Madeira var öðruvísi uppbyggt
sem lið en Ovarense sem Keflavík
lagði í fyrsta leiknum í bikarkeppni
Evrópu. Hið hávaxna portúgalska lið
fór sér hægt í öllum aðgerðum og hin
hávaxna skytta, Pablo Gimenez, sem
lék í treyju nr. 8, sá um að halda
Keflvíkingum við efnið í vörninni en
hann skoraði alls 18 stig í fyrri hálf-
leik, en náði aðeins að bæta við 6
stigum í þeim síðari.
Það er greinilegt að það er farið að
síga á seinni hlutann á ferli Nate
Johnston fyrrum NBA-leikmanns í
liði Madeira. Sá kann ýmislegt fyrir
sér í faginu, er langt frá því að vera
snar í snúningum – en er klókur leik-
maður.
Keflvíkingar náðu aldrei réttum
takti í fyrri hálfleik. Hraðaupphlaup-
in voru fá, langskotin fóru ekki ofaní
en samt sem áður náði liðið að halda í
við gestina og gott betur. Allt útlit
fyrir að Madeira myndi gera út um
vonir heimamanna með góðri rispu
undir lok fyrri hálfleiks og var stað-
an um tíma 31:39, Madeira í vil.
Derrick Allen kveikti neistann á ný
með því að skora fjögur stig í röð og
Nick Bradford tók við keflinu af
landa sínum og skoraði síðustu átta
stig fyrri hálfleiks. Staðan í hálfleik
var því 41:39.
Fundur heimamanna í hálfleik bar
árangur og leynivopn kvöldsins var
viðrað í fyrsta sinn í leiknum er síð-
ari hálfleikur hófst. Sverrir Þór
Sverrisson fór fremstur í flokki í
pressuvörninni sem virkaði vel. Fal-
ur stal boltanum, skoraði, Sverrir
stal boltanum á ný og skoraði. Varn-
arleikur liðsins varð öflugri og í upp-
hafi þriðja leikhluta sá Nick Brad-
ford um að skora stigin sem lagði
grunninn að sigri heimamanna.
Bradford skoraði þá m.a. 9 stig í röð
og náðu heimamenn 15 stiga forskoti
um tíma, 65:50, þegar tæpar þrjár
mínútur lifðu af þriðja leikhluta.
Leikmenn Madeira náðu áttum
eftir þessa skorpu heimamann og
þegar Derrick Allen var hvíldur var
sem los kæmi á leik heimamanna, en
hann var þá með fjórar villur á bak-
inu. Gestirnir skoruðu 5 stig í röð og
munurinn var 9 stig þegar ein mín-
úta var eftir, 68:59. Magnús Gunn-
arsson setti þá niður þriggja stiga
körfu, og var það þriðja karfan fyrir
utan þriggja stiga línuna hjá heima-
mönnum fram til þessa. Sem er í
raun mjög óvenjulegt. Bandaríkja-
mennirnir Leeks og Johnston léku
lítið sem ekkert í 3. leikhluta og
komu inn á í þeim fjórða – úthvíldir.
Smátt og smátt minnkaði forskot
Keflvíkinga sem gerðu mörg mistök
og gestirnir skoruðu auðveld stig.
Í stöðunni 83:76 voru dæmd skref
á Leeks undir körfunni, 2,39 mínútur
eftir af leiknum. Stuðningsmenn
Keflavíkur geta þakkað dómaranum
fyrir þann dóm á meðan leikmenn
Madeira voru lítt sáttir.
Magnús Gunnarsson skoraði 3
stiga körfu í kjölfarið, Leeks brenndi
af undir körfunni, staðan 86:76. 1.56
mín eftir og Keflvíkingar sigldu
skútunni af öryggi í höfn, lokatölur
eins og áður segir, 99:88.
„Við lékum ekki nógu vel að mínu
mati,“ sagði Magnús Gunnarsson í
leikslok. „Það þarf að gera betur ef
við ætlum að vinna þá á útivelli. Það
var markmiðið að vinna þá með meiri
mun en þetta verður að duga í bili.“
Sverrir Þór Sverrisson sagði að set-
an á varamannabekknum í fyrri hálf-
leik hefði gert hann hungraðan í að
spila. „Ég ætlaði að sýna hvað í mér
býr og fá tækifæri til þess að spila
meira. Það kom ekkert annað til
greina og gaman að geta sett svip
sinn á leikinn. Þeir áttu ekkert svar
við pressuvörn okkar í síðari hálfleik
og það gerði gæfumuninn þegar upp
var staðið,“ sagði Sverrir Þór.
Morgunblaðið/Sverrir
Nick Bradford lék afar vel með Keflvíkingum í gær. Hér er hann kominn í upplagt færi og þeir Jón
Nordal Hafsteinsson og Nate Johnstone fylgjast með.
Sverrir Þór
stal senunni
KEFLVÍKINGAR gerðu sér lítið fyrir og lögðu CAB Madeira frá Portú-
gal, 99:88, í bikarkeppni Evrópu í gær og var þetta annar sigur Ís-
lands- og bikarmeistaranna í b-riðli vesturdeildar keppninnar. En
þremur umferðum af sex er lokið. Staða Keflvíkinga er vænleg og
liðið hefur sýnt kosti sína og galla í báðum heimaleikjum sínum til
þessa, gegn liðum frá Portúgal. Bandaríkjamaðurinn Nick Bradford
í liði heimamanna lét mest að sér kveða í sókninni í gær, skoraði
alls 29 stig en að mati margra breytti varnarleikur Sverris Þórs
Sverrissonar í upphafi síðari hálfleiks mestu. Hann lék ekkert í fyrri
hálfleik en staðan í hálfleik var 41:39.
Sigurður Elvar
Þórólfsson
skrifar
THIERRY Henry, framherji Ars-
enal og franska landsliðsins, landi
hans, Zinedine Zidane hjá Real
Madrid og Ronaldo, einnig liðsmað-
ur Real Madrid, urðu í þremur efstu
sætunum í kjöri Alþjóða knatt-
spyrnusambandsins, FIFA, á knatt-
spyrnumanni ársins 2003. Hver
þeirra hreppir hnossið verður upp-
lýst í hófi FIFA 15. desember nk.
ALLS tóku landsliðsþjálfarar 142
þjóða þátt í valinu að þessu sinni.
Ronaldo var kjörinn í fyrra og Zid-
ane varð fyrir valinu 1998 og aftur
tveimur árum síðar. Henry hefur
aldrei áður verið í hópi þriggja efstu
en hann þykir sigurstranglegur á ný.
VIKTOR Bjarki Arnarsson fékk
hæstu einkunn leikmanna TOP Oss
hjá Voetbal International, sjö, þegar
liðið sigraði Fortuna Sittard, 3:1, á
útivelli í hollensku 1. deildinni í
knattspyrnu um síðustu helgi. Vikt-
or Bjarki lék allan leikinn á miðj-
unni. TOP Oss er í 11. sæti af 19 lið-
um í deildinni.
ÍSLANDSMEISTARINN í borð-
tennis Guðmundur E. Stephensen
hóf leik á úrtökumóti Evrópuþjóða
fyrir Ólympíuleikana í Aþenu. Mótið
er haldið í Lúxemborg og í fyrstu
umferð vann Guðmundur Spánverj-
ann, H. Zhiwen, 4:2. Úrslit einstakra
leikja voru, 11-8, 9-11, 11-8, 11-8, 5-
11 og 11-8. Zhiwen er í 60. sæti á
heimslistanum um þessar mundir,
en Guðmundur er mun aftar.
MARK Hughes hefur kveðið niður
þann orðróm að hann sé að hætta
sem landsliðsþjálfari Wales. Hughes
lýsti því yfir í gær að hann hygðist
standa við samning við sinn við Wal-
es sem gildir fram yfir undankeppni
HM 2006.
FORRÁÐAMENN enska úrvals-
deildarliðsins Leeds United viður-
kenndu í dag að félagið væri mjög
skuldum vafið og svo gæti farið að
það yrði sett í gjörgæslu með
greiðslustöðvun og öðru tilheyrandi.
Það yrði þá varúðarráðstöfun til að
helstu lánardrottnar félagsins gætu
ekki gengið að því.
TALIÐ er að félagið skuldi rúm-
lega 80 milljónir punda, eða rúmlega
10 milljarða króna. Reynt hefur ver-
ið að ná samkomulagi við lánar-
drottna en þær tilraunir hafa mis-
tekist. Fátt annað virðist blasa við
félaginu en gjaldþrot og yrði Leeds
þá fyrsta félagið í úrvalsdeild til að
verða gjaldþrota.
KÖRFUKNATTLEIKSLIÐ karla-
liðs Njarðvíkur var aðeins með
stutta skotæfingu í gær þar sem liðið
leikur í kvöld gegn Haukum. Friðrik
Ragnarsson þjálfari liðsins vildi gefa
leikmönnum tækifæri til þess að sjá
leik erkifjendanna úr Keflavík gegn
Madeira frá Portúgal.
FÓLK
Baldur og
Helgi frá
fram yfir
áramót
TVEIR leikmenn úr úrvals-
deildarliði KR í körfuknatt-
leik, þeir Baldur Ólafsson
og Helgi Reynir Guðmunds-
son verða frá æfingum og
keppni til áramóta vegna
meiðsla. Baldur er meiddur
á hné og fer í speglun á
föstudag þar sem gert verð-
ur við liðþófa en Helgi
Reynir er meiddur á hendi
og verður í spelku næstu sex
vikurnar.
Herbert Arnarson hefur
ekkert leikið með KR liðinu
það sem af er vetri en hann
er meiddur á hné. Ekki er
vitað hvenær Herbert fer að
leika á ný með liðinu.
Baldur hefur skorað 12
stig að meðaltali í leik en
Helgi Reynir sem er að leika
sitt fyrsta tímabil með KR
hefur skorað 6 stig að með-
altali, gefið 4,5 stoðsend-
ingar og tekið 4 fráköst.
Hann lék áður með liði Snæ-
fells frá Stykkishólmi í úr-
valsdeildinni.
KR mætir Þór frá Þor-
lákshöfn á útivelli í Int-
ersportdeildinni í kvöld.
og bætti því við að í ferð liðsins til
Portúgal í desember þar sem leikn-
ir yrðu tveir leikir væri hægt að
„stela“ a.m.k. einum sigri.
„Við erum með gott lið og getum
vel gert góða hluti í næstu leikjum.“
Falur var ánægður með framlag
Sverris Þórs Sverrissonar sem
breytti miklu í vörninni í síðari
hálfleik. „Hann var leynivopnið
okkar og er þekktur fyrir að vera
þjófóttur með afbrigðum,“ segir
Falur og kímir en Sverrir náði oft
að blaka knettinum úr höndum leik-
manna Madeira í pressuvörninni.
„Það er einnig mikill munur á lík-
amsstyrk og Jón Nordal hefði getað
falið sig á bak við Leeks inní teign-
um án þess að sjást. Það hefur ef-
laust munað 40 kg í líkamsþyngd á
þeim en Jón stóð fyrir sínu.“
ÞAÐ sem vekur mesta athygli eftir
sigur Keflvíkinga gegn Madeira er
að þeir lönduðu sigri án þess að ná
tökum á sterkustu vopnum sínum.
Falur Harðarson þjálfari og leik-
maður liðsins sagði að ekki væri
hægt að beita sömu leikaðferð í
Evrópukeppninni og liðið beitir öllu
jöfnu hér á landi. „Við verðum að
vera skynsamir gegn þessum liðum.
Það vita það allir sem sjá leiki með
evrópskum liðum að þar er ekki
stólað á þriggja stiga skotin líkt og
gerist oft hér á landi. Við vitum
hvað þarf og sýndum það í þessum
leik. Við höfum náð markmiðum
okkar til þessa í keppninni, vinna
heimaleikina. Næst leikum við gegn
Toulon frá Frakklandi á heimavelli
og ég hef trú á liðinu. Það er alveg
hægt að vinna það lið,“ sagði Falur
„Sverrir var leynivopnið
enda er hann þjófóttur “