Morgunblaðið - 27.11.2003, Side 1

27. nóvember 2003
Nýjar smáfiskaskiljur, þróun sjávar-
útvegs á Norðurlandi og verð á veiði-
heimildum í ýsunni hefur hrapað
Landiðogmiðin
Sérblað um sjávarútveg
úrverinu
RANNSÓKNASTOFNUN fisk-
iðnaðarins hleypti nýverið af
stokkunum nýrri og endurbættri
heimasíðu á slóðinni www.rf.is.
Markmið nýju heimasíðunnar er
að gera starfsemi Rf sýnilegri en
áður og leit að upplýsingum og
ráðgjöf aðgengilegri.
Þannig er nú mun auðveldara en
áður fyrir utanaðkomandi að nálg-
ast sérfræðinga og sérfræðiþekk-
ingu innan Rf, þar sem búið er að
flokka starfsmenn stofn-
unarinnar eftir deildum
og þekkingarsviðum.
Markmiðið er m.a. að
gera það mögulegt að
svara fyrirspurnum á skilvirk-
ari hátt en áður.
Á heimasíðu Rf er ennfremur að
finna betri upplýsingar um mörg
þeirra verkefna sem unnið er að á
stofnuninni, t.d. með því að slá inn
leitarorð. Á þetta að auðvelda fólki
til muna að finna þau
verkefni sem leitað er
upplýsinga um, finna
viðkomandi verkefnis-
stjóra, þá aðila sem að
verkefninu koma o.s.frv.
Þá má nefna að á síðunni er að
finna ýtarlegri ritaskrá en áður,
sérstaklega hvað varðar greinar
eftir starfsfólk Rf sem birst hafa í
vísindatímaritum og bókum á und-
anförnum árum.
Sem fyrr er einnig hægt að leita
í ritasafni Rf, en ógrynni af
skýrslum, ritum, tæknitíðindum og
öðru prentuðu efni hefur komið út
á liðnum áratugum og er margt af
því, sérstaklega niðurstöður úr
ýmsum grunnrannsóknum og mæl-
ingum á sjávarfangi, enn í fullu
gildi.
Loks má nefna að miklu að-
gengilegra er að fletta upp göml-
um fréttum sem birst hafa á
heimasíðu Rf á s.l. misserum, en
þar kennir ýmissa grasa. Rf byrj-
aði að flytja stuttar fréttir á
heimasíðu sinni í árslok 2000, bæði
fréttir af starfsemi Rf sem og öðru
sem talið var áhugavert fyrir ís-
lenskan matvælaiðnað og almenn-
ing. Má í því sambandi nefna að í
maí 2001 birtist þar t.a.m. umfjöll-
un um vaxandi markaðshlutdeild
þorsks frá Kína á markaði í
Bandaríkjunum.
Breytt og bætt heimasíða RF
SÍLDVEIÐI hefur gengið sæmi-
lega undanfarna daga og unnið var
alla helgina við vinnslu síldar í fisk-
iðjuveri Síldarvinnslunnar í Nes-
kaupstað. Birtingur NK, Björg Jóns-
dóttir ÞH og Súlan EA sjá vinnslunni
fyrir hráefni og hafa komið með
nægt hráefni undanfarið, þrátt fyrir
að fremur lítill kraftur hafi verið í
veiðunum, og vinnsla haldist stöðug.
Í vikinnu komu Björg Jónsdóttir
með um 150 tonn og Súlan með um
300 tonn, og Birtingur var á landleið
með afla. Nokkuð samfelld vinnsla
hefur verið frá því síldveiði hófst í
haust og flesta daga verið unnin síld.
Síldin hefur verið óvenju smá, en
það sem hæft hefur verið í vinnslu til
manneldis er flakað og ýmist fryst
eða saltað. Nú er búið að salta flök
og bita í um 6.000 tunnur og frysta
um 2.500 tonn frá því vinnsla hófst í
haust.
Síldin unnin í Neskaupstað.
Samfelld vinna
í síldinni
FISKIÐJUSAMLAG Húsavíkur
Rækjuvinnsla og Eskja á Eskifirði
hafa gert með sér samkomulag þess
efnis að Eskja leggi allar rækjuveiði-
heimildir sínar inn í FH Rækju-
vinnslu ásamt búnaði sínum til rækju-
vinnslu. Fyrir það fær Eskja á móti
hlut í FH Rækjuvinnslu sem nemur
um 34%.
Heimildir Eskju til rækjuveiða eru
tæp 5% af úthlutuðum aflaheimildum,
um 980 tonn miðað við núverandi út-
hlutun sem er 20.000 tonn alls. Engin
rækjuvinnsla hefur verið hjá Eskju
um nokkurt skeið, en henni var hætt
vegna erfiðleika í rekstri.
Eftir þessi viðskipti er FH Rækju-
vinnsla komin með 17,5% af rækju-
kvótanum eða um 3.500 tonn. Stefnt
er að því að félagið nái um 20% af
rækjuveiðiheimildum í úthafsrækju
við Ísland og verði með hámarkshag-
kvæmni í veiðum og vinnslu á rækju,
um 10.000 tonnum árlega, en það er
núverandi afkastageta verksmiðjunn-
ar á Húsavík. Jafnframt er stefnt að
því að eiginfjárstaða félagsins verði
mjög sterk eða 75%.
Samhliða þessum viðskiptum
skiptast Eskja og FH Rækjuvinnsla á
skipum. Eskja fær rækjufrystiskipið
Ask frá FHR og verður það búið til ís-
fiskveiða. Þess í stað fær FHR bátana
Votaberg og Guðrúnu Þorkelsdóttur
og togarann Hólmanes. Verða þau
skip gerð út á ísrækju, en stefnt er að
því að um helmingur hráefnis til
vinnslu hjá FHR verði ísrækja af eig-
in bátum og öðrum en hinn helming-
urinn iðnaðarrækja. FHR á einnig
rækjufrystitogarann Gissur, en ekki
er ljóst hvað gert verður við hann.
Þessi viðskipti koma í kjölfar þess
að rækjuvinnsla og bolfiskvinnsla
Fiskiðjusamlags Húsavíkur voru að-
skildar og stofnað sérstakt félag um
hvort tveggja. Þá var samið við út-
gerðarfélagið Ljósavík í Þorlákshöfn
um kaup á tveimur rækjuskipum fé-
lagsins, Aski ÁR og Gissuri ÁR,
ásamt aflaheimildum sem nema um
6% af heildarúthafsrækjukvótanum.
Að loknum þessum viðskiptum
verður hlutur Fiskiðjusamlags Húsa-
víkur, bolfiskvinnslu í FHR 40%,
Eskja verður með 34% og aðrir aðilar,
Húsavíkurbær, Ker hf. og Trygginga-
miðstöðin, með minna.
Rækjukvóti Eskju
flyzt til Húsavíkur
Eskja verður með 34% hlut í FH rækjuvinnslu og félögin skiptast á skipum
Morgunblaðið/Hafþór Hreiðarsson
Rækjan unnin hjá FHR á Húsavík.
FISKÁT getur haldið börnum og
unglingum frá glæpum samkvæmt
rannsóknum frá eyjunni Mauritius.
Sé börnum gefið mikið af fiski að
borða frá þriggja ára aldri, eru 64%
minni líkur á því að þau verði komin
á sakaskrá við 23 ára aldur, en þau
sem fengu lítið eða ekkert af fiski að
borða. Jafnframt eru 35% minni lík-
ur á því að þau hafi leiðzt út í glæp-
samlegt athæfi án þess að það hafi
komizt upp. Reynist þessi könnun
marktæk, ætti ekki að verða vandi
að selja fisk í framtíðinni.
Fiskát dregur úr
glæpahneigð
Spjaldadælur
Einfaldar, tvöfaldar, þrefaldar
Stærðir: 6 - 227 cm3/sn.
T6 240 bar, T7 300 bar
Spilverk ehf.
Skemmuvegi 8, 200 Kópavogi,
sími. 544 5600, fax. 544 5301