Morgunblaðið - 28.11.2003, Blaðsíða 6

6 | FÓLKIÐ | FÖSTUDAGUR 28|11|2003 MORGUNBLAÐIÐ
Ó nei,
ÞAÐ
Morgunblaðið/Árni Torfason

Ekkert er betra en að vera í heitum potti í skammdegismyrkrinu og láta snjóa á hausinn á sér. Leiðin úr sturtunum út í pott
er reyndar væg pynting en þegar í pottinn er komið er þetta vel þess virði.

Heitt kakó hefur annað bragð en venjulega ef það er drukkið í snjóaveðri.

Hægt er að skoða tvö snjókorn í smásjá og athuga hvort þau eru eins. Upplagt fyrir nema í raunvísindadeild Háskóla Íslands.

Snjókast er afskaplega rómantískt en einnig er hægt að fara í snjóglímu.

Snjóenglar fegra umhverfið.

Að fara í sánu og velta sér nakinn í snjónum er hinn mesti unaður. Þeir allra hörðustu berja sig með trjáknippum í sánunni.
Klassískt og finnskt.

Kinnarnar verða rjóðar og andlitsfegurðin því meiri en ella.

Vetraríþróttir á borð við skíði, snjóbretti og skauta eru hollar og góðar. Gamla góða snjóþotan er samt einföldust.

Garpar hreiðra um sig í góðum svefnpoka og sofa úti í snjónum.
– Hver man ekki eftir því að hafa átt sínar bestu stundir sitjandi í snjóhúsi með kerti og
kakó?

Að spila fótbolta í snjónum er góð skemmtun.

Snjóskúlptúrar geta tekið á sig ýmsar myndir en gamli snjókallinn með gulrótarnefið er klassískur.

Rómantískast af öllu er að fara út á nístingsköldum vetrarmorgni, skafa af bílnum og setja hann í gang fyrir elskuna sína.

Gott er að borða snjó.
Snjórinn er ekki bara til leið-
inda eins og kann að virðast
við fyrstu sýn. Þegar snjóar
er nefnilega margt skemmti-
legt hægt að gera auk þess
sem öll hljóð utandyra verða
einkennilega dempuð þegar
snjór er yfir öllu …
SNJÓAR…
Snemma hausts 2002 hélt undirritaður við
annan mann til Bournemouth í Suður-Englandi
í þeim tilgangi að leggja stund á framhalds-
nám í stjórnun og alþjóðaviðskiptum við Uni-
versity of Bournemouth.
Við námsfélagarnir vissum ekki mikið um
Bournemouth áður en haldið var af stað til
Englands. Við höfðum gert okkur í hugarlund
að Bournemouth væri rólegur og íhaldssamur
bær sem einkum drægi til sín ellilífeyrisþega
frá London og erlend ungmenni er hygðu á
stutta dvöl við þá þekktu enskuskóla er finn-
ast á staðnum. Jafnframt pökkuðum við niður
skjólgóðum regnfatnaði til þess að takast á
við þau miklu rigningaveður er við töldum okk-
ur eiga í vændum eftir að hafa lesið kynning-
arefni skólans fyrir erlenda námsmenn.
Við vorum engu að síður fullir eftirvæntingar
að takast á við ný verkefni við Bournemouth-
háskóla, ekki síst í ljósi þess að skólinn nýtur
sífellt vaxandi virðingar og vinsælda. Það er
hins vegar skemmst frá því að segja að okkur
skjátlaðist verulega um Bournemouth, enda
átti þessi hlýi og lifandi bær eftir að koma
þægilega á óvart.
Bournemouth og næsta umhverfi hennar
eru klárlega á meðal helstu náttúruperla suð-
urstrandar Englands. Fegurð Bournemouth er
fjarri því að einskorðast við ströndina því að
þar er að finna marga fallega útivistarstaði og
byggingar að ógleymdum lifandi miðbæ.
Í hjarta miðbæjarins er að finna einn þess-
ara skemmtilegu útivistargarða sem býður
m.a. upp á heimsókn í stóran loftbelg. Er
óhætt að segja að hið mikilfenglega útsýni úr
loftbelgnum hafi bætt fyrir þá lofthræðslu er
greip undirritaðan um borð í belgnum. Mann-
lífið í Bournemouth er engu síðra, enda er það
mjög fjölbreytt eins og vænta má í samfélagi
sem telur hátt í 200.000 manns. Velmegun
meðal íbúanna er með því besta sem gerist í
Bretlandi og hefur Bournemouth lengi verið
eitt sterkasta vígi breska Íhaldsflokksins.
Bæjarbúar eru þó fjarri því að vera íhalds-
samir fram úr hófi því að þeir eru flestir frjáls-
lyndir og umburðarlyndir í garð þeirra fjöl-
mörgu minnihlutahópa sem þrífast í
Bournemouth. Ekki þarf að efast um það að
stóraukinn straumur námsmanna hvaðanæva
úr veröldinni hefur haft mikil áhrif, en erlendir
námsmenn sveipa bæinn alþjóðlegum blæ.
Nám okkar tvímenninganna við Bourne-
mouth-háskóla var krefjandi og tók daglegur
undirbúningur fyrir námið drjúgan tíma. Samt
sem áður gafst tími til líkamsræktar, þátttöku
í háskólaknattspyrnu og rannsóknarferða á
knæpur, kaffi- og veitingahús. Jafnframt
reyndum við eftir megni að blanda geði við inn-
fædda og tileinka okkur ýmsa siði ungra
Breta. Þannig var reglulega haldið á einhverja
af þeim fjölmörgu knæpum sem miðbærinn
býður upp á til þess að fylgjast með knatt-
spyrnu. Það er óhætt að segja að þar hafi ver-
ið glatt á hjalla og ljóst að Englendingar kunna
að skapa skemmtilega stemmningu. Nætur-
lífið var einnig skoðað þegar því var komið við,
enda ljóst að vart er hægt að finna skemmt-
anaglaðari þjóð en einmitt Breta. Helgarferðir
til London, lifandi ströndin og gnægð spenn-
andi tónleika varð líka til þess að dreifa hug-
anum. Af persónulegum ástæðum ætlar und-
irritaður þó lítt að fjalla um tíðar heimsóknir
okkar námsfélaganna á karaoke-keppnir sem
njóta mikilla vinsælda meðal innfæddra. Læt
e.t.v. nægja að segja að þrátt fyrir ágæt tilþrif
hafi árangurinn verið undir væntingum.
Í hnotskurn er Bournemouth lifandi staður
með þægilegu veðurfari (keypti aldrei regnhlíf)
þar sem allir finna eitthvað við sitt hæfi. Skipt-
ir þá engu hvort haldið er í nám eða komið í
stutta heimsókn. Bournemouth kemur á
óvart!
LÍFIÐ Í BOURNEMOUTH
LÁRUS ARI KNÚTSSON