Morgunblaðið - 28.11.2003, Blaðsíða 12

12 | FÓLKIÐ | FÖSTUDAGUR 28|11|2003 MORGUNBLAÐIÐ
 http://www.gummijoh.net/
„Gott að það voru fáir á ferð í morgunsárið
(um 9:30) í morgun þegar ég var á leiðinni út.
Á leið minni niður af þriðju hæð Jóh setursins
skrikaði mér fótur og datt ég niður nokkur
þrep. Það var vont.
Svo þegar ég var mættur niður á bílastæði
voru allar hurðir á bílnum mínum frosnar fast-
ar. Ég dó þó ekki ráðalaus og fór inn í gegnum
skottið. Ég keyri um á litlum bíl og ég að
troða mér innum skottið nývaknaður verður
að teljast nokkuð skrautlegt því ég var virki-
lega að troða mér.“ 26. nóvember 12.57
 http://eyrunl.blogspot.com/
„Í fyrsta skipti síðan við Jobbi vorum í Kína þá
keypti ég DVD handa okkur. Við erum reyndar
búin að eiga þessa mynd í tölvunni í þónokk-
uð langan tíma en ekki ennþá horft á hana.
Lét því loks verða af því að horfa á hana í gær
eftir að ég kom með hana heim á DVD. Svo
var hún meira að segja textuð á íslensku
líka, dvd myndir sem keyptar eru hér eru yf-
irleitt ekki textaðar á íslensku líka. Notaði
samt textann eiginlega ekki neitt þar sem
maður er orðinn svo óvanur því. Eins og ég
var föst í textanum alltaf heima.“ 26. nóv-
ember 13.48
 http://www.katrin.is/
„í byggingunni sem ég er að tzjil.. eh læra í
þessa dagana er laaaangur mjór gangur milli
klósettsins og herbiggisins sem ég er í og í
gær þegar ég varað labba til baka af klósett-
inu langaði mig geðveikt að hlaupa eins hratt
og ég get eftir ganginum.. svona eins og þeg-
ar mar er lítill krakki og sá svona þá hljóp
mar alltaf.. en ég þorði það ekki núna, þaru
fullt af skrifstofum í herbiggjunum meðfram
ganginum og þannig.. en ég lét það þó eftir
mér að skokka (ó ég er svo villt heheh) en
það var ekki það sama sko...“ 26. nóvember
10.24
 http://sonja.richter.org/dagbok/
„Glöggir lesendur Morgunblaðsins hafa tekið
eftir auglýsingu um fyrirlesturinn sem birtist í
dag. Óglöggum lesendum er bent á bls. 36.“
26. nóvember 9.17
Kæri
blogger.com…
BÆKUR
CHRISTOPHER PAOLINI –
ERAGON (INHERITANCE, BOOK 1)
Leitin að arftaka Harry Potter heldur áfram og
einn af þeim sem þar hafa verið nefndir til sög-
unnar er bandaríski ung-
lingurinn Christopher Paol-
ini. Fyrsta skáldsaga hans,
Eragon, er fyrsta bókin í
þríleik og hefur fengið fyr-
irtaks dóma. Paolini byrjaði
á bókinni þegar hann var
aðeins fimmtán ára gamall
og í henni má greina sterk
áhrif frá Tolkien og einnig
höfundum á við Terry
Brooks og Anne McCaffrey. Í ljósi aldurs Paolinis
þegar hann byrjaði á bókinni kemur varla á óvart
að söguhetjan, sem tekur að sér nýfæddan
dreka, sé fimmtán ára.
STING – BROKEN MUSIC
Breski tónlistarmaðurinn Sting er með helstu
poppurum síðustu aldar og plötur hans hafa náð
margfaldri milljónasölu. Í
textum hefur hann iðulega
ort út frá eigin lífi og uppá-
komum, en finnst greini-
lega ekki nóg að gert því
hann sendi frá sér sjálfs-
ævisögu á dögunum. Á
kápu bókarinnar segir
hann að allajafna hafi hann
fengið útrás fyrir allt sem lá
honum á hjarta í textum en
þegar hann varð fimmtugur fannst honum hann
þurfa meira pláss fyrir vangaveltur um lífið og til-
veruna, aukinheldur sem tími hafi verið kominn
til að segja sögu sína frá barnæsku og fram til
þess að hljómsveit hans Police sló í gegn án
þess þó hann sé að rekja æviatriði í smáat-
riðum.
BARR MCCLELLAN – BLOOD, MONEY & POWER:
HOW L.B.J. KILLED J.F.K.
Fertugustu ártíðar Kennedys var minnst í síð-
ustu viku og þá dustuðu menn rykið af öllum
samsæriskenningunum
um hver hafi myrt hann og
/ eða staðið á bak við
morðið (Castro, kúbverskir
útlagar, Rússar, Mafían,
Franska mafían, CIA og svo
má telja). Meðal þeirra
bóka sem komu út í tilefni
af 40. ártíð Kennedys er
bók Barrs McClellans þar
sem hann heldur fram að í raun hafi varaforset-
inn Lyndon B. Johnson látið myrða Kennedy til
að komast í forsetastólinn sjálfur, enda hafi
hann haft veður af því að Kennedy ætlaði ekki
að hafa hann sem varaforsetaefni í næstu for-
setakosningum. Röksemdafærsla McClellans
er ævintýraleg og lítið um bein sönnunargögn,
frekar að McClellan byggi mál sitt á nýstárlegri
túlkun á fyrirliggjandi sönnunargögnum.
PLÖTUR
SHERYL CROW –
THE VERY BEST OF SHERYL CROW
Ferill Sheryl Crow er býsna ævintýralegur, allt
frá því hún söng bakraddir hjá Michael Jackson
þar til hún sló í gegn með
fyrstu breiðskífu sinni Tues-
day Night Music Club en
lag af henni, All I Wanna
Do, varð gríðarlega vinsælt
um allan heim sumarið
1993. Á nýrri safnskífu gef-
ur Crow yfirlit yfir feril sinn
með helstu lögum frá hon-
um, en einnig nokkur lög sem menn þekkja
minna en hún telur ekki síðri og ný lög til að gera
skífuna enn eigulegri.
BRUCE SPRINGSTEEN –
THE ESSENTIAL BRUCE SPRINGSTEEN
Helsti rokkari Bandaríkjanna síðustu áratugi
er án efa Bruce Springsteen sem á langan og
farsælan feril. Hann sann-
aði það með síðustu breið-
skífu sinni að þeim ferli er
fráleitt lokið. Fyrir átta ár-
um kom út safnskífa með
helstu lögum Springsteens
en nú sendir Sony frá sér
mjög endurbætta gerð
þess safns, þrjá diska í allt, þar af einn með
sjaldheyrðu efni. Á fyrsta disknum er úrval laga
frá fyrstu tíu árum ferilsins, allt þar til Spring-
steen sló í gegn með Born in the U.S.A. Annar
diskurinn er svo með úrvali af tónlist frá þeim
tíma til The Rising, sem kom út á síðasta ári. Á
þriðja disknum eru svo ýmis tónleikalög sem
ekki hafa heyrst utan tónleikasala en af slíkum
lögum á Springsteen nóg, svo afkastamikill sem
hann er.
DANIEL LANOIS – SHINE
Daniel Lanois er þekktari fyrir upptökustjórn
en eigin tónlist; allir þekkja plötur eins og The
Joshua Tree og All That
You Can’t Leave Behind
með U2, So með Peter
Gabriel og Oh Mercy með
Bob Dylan. Lanois gefur
einnig út plötur öðru hverju
og fyrir skemmstu kom út
breiðskífan Shine. Á plöt-
unni státar hann meðal
annars af góðum gestum, ekki ónýtt að geta
fengið Emmylou Harris og Bono til liðs við sig.
Shine er tekin upp á löngum tíma, enda hefur
Lanois lítinn tíma aflögu fyrir eigin verk, svo upp-
tekinn er hann af vinnu fyrir aðra. Tónlistin er lág-
stemmd og textar myrkir og víða sterkur sam-
hljómur við þær plötur sem hann hefur komið
að, til að mynda tónlist U2.
LEIKIR
MEDAL OF HONOR RISING SUN
Með vinsælustu fyrstu-persónu skotleikjum á
Playstation 2 er Medal of Honor Rising Sun. Í
nýrri útgáfu hans er leikand-
inn staddur í seinni heims-
styrjöldinni og tekur þátt í
bardögum á Kyrrahafinu.
Leikandinn er í hlutverki
Joseph Griffin sem fer fyrir
bandarískum herflokki og
berst við Japani í fimm her-
ferðum á fimm borðum, en
meðal annars er barist í
Pearl Harbor, Guadalcanal og um brúna yfir ána
Kwai. Leikurinn er einnig hannaður fyrir tvo spil-
endur og hægt að spila við fleiri yfir Netið.
MANHUNT (PS2)
Umdeildustu og um leið vinsælustu leikir síð-
ustu ára eru án efa Grand Theft Auto-leikirnir
sem þóttu ekki bara
skemmtilegir heldur
óhemju ofbeldiskenndir.
Enn eru að koma út leikir í
Grand Theft Auto-röðinni,
en hönnuðir hans láta ekki
þar við sitja, því nýr leikur
frá þeim, Manhunt, þykir
ekki síður vel gerður og
ekki er ofbeldið minna. Leikmenn fara í hlutverk
glæpamannsins James Earl Cash sem situr á
dauðadeild í fangelsi vestan hafs og bíður af-
töku. Ýmislegt fer þó á annan veg og blandast
óþokki sem kallar sig Stjórnandann í spilið.
ÚTGÁFAN– BÆKUR – GEISLAPLÖTUR – TÖLVULEIKIR
Í Morgunblaðinu fyrir viku var rætt við norsk-
an prófessor um farsíma og það hvernig far-
símar eru orðnir ekki bara stöðutákn, heldur
einnig hluti af þeirri ímynd sem eigandi sím-
ans vill sýna öðrum. Í greininni kom fram að
Samsung SGH-E700 síminn er jafngildi
Mercedes-Benz, standi fyrir stöðu, peninga
og hefðir. Ekki svo fjarri lagi því víst er Sam-
sung E700 síminn með glæsilegustu símum
á markaði í dag og einnig þeim nettustu.
Samsung hefur verið að sækja verulega í
sig veðrið undanfarin misseri og þá ekki
bara sem raftækjaframleiðandi, markaðs-
hlutdeild Samsung á farsímamarkaði hefur
aukist jafnt og þétt. Í dag er fyrirtækið það
þriðja stærsta á heimsmarkaði og stefnir að
því að verða næststærst eftir tvö ár. Þann ár-
angur má að mestu skrifa á skemmtilega
hönnun á símum sem hafa að auki verið
ríkulega búnir tæknilega og E700-síminn er
þar engin undantekning.
Það fyrsta sem maður tekur eftir er stærð-
in, lokaður er hann ekki nema 9 cm á hæð,
4,5 á breidd og 2,3 á þykkt. Á honum er ekk-
ert sýnilegt loftnet, ólíkt flestum Samsung-
símum, og hann nánast hverfur í lófann fyrir
vikið, ekki nema um 90 grömm að þyngd.
Hann er með tvo skjái, annan í lokinu sem
snýr út og svo hinn, aðalskjáinn, innan í lok-
inu. Báðir í lit, nema hvað, en upplausnin á
ytri skjánum er lítil, enda er hann aðallega
notaður til að sýna hver sé að hringja, hvort
maður hafi misst af símtölum og þar fram
eftir götunum. Aðalskjárinn er 256 lita OLED-
skjár og upplausnin 128x160 dílar.
Vitanlega er myndavél í símanum, er ekki
svo í flestum símum núorðið? Vélin tekur
myndir í VGA-gæðum, sem er prýðilegt,
640x480 díla. Vilji menn taka sjálfsmyndir
kemur ytri skjárinn í góðar þarfir, því hægt er
að nota hann sem myndavélarskjá, að vísu
með mjög lítilli upplausn, en nógu mikilli til
að sjá af hverju er verið að taka mynd. Sím-
inn er með stiglausum stafrænum aðdrætti
og næturstillingu en þá lýsir hann myndir
sem teknar eru í lítilli birtu. Hægt er að beita
ýmsum síum á myndirnar jafnóðum, taka
s/h myndir, myndir með römmum og svo má
telja. Býsna öflug myndavél í síma.
Á símanum er innrautt tengi og sérstakt
tengi fyrir handfrjálsan búnað. Í símanum eru
nokkrir tónar, hreyfimyndir sem sjást á skján-
um, myndir fyrir bakgrunn, hægt að velja
mismunandi litasamsetningu valmynda og
svo má telja. Á honum er auga fyrir snúru til
að hafa hann um úlnliðinn eða jafnvel um
hálsinn, enda síminn óvenju nettur eins og
nefnt er. Rafhlaða dugði vel þótt ég noti sím-
ann jafnan mikið. Uppgefinn taltími er allt að
3 klukkustundir og biðtími allt að 230 stund-
ir. Hringingahljómur í símanum er góður
enda styður hann 40 tóna fjölraddaða
hljóma.
Hægt er að geyma 1.000 símanúmer í
símaminninu og tengja fimm númer og net-
fang hverju nafni. Hægt er að tengja mynd
eða hringingu hverju nafni, en aðeins hægt
að nota myndirnar sem fylgja símanum, þ.e.
ekki er hægt að taka mynd sjálfur og tengja
nafni sem er viss galli.
Dagskinna er í símanum, hægt að setja
minnispunkta á daga og þar fram eftir göt-
unum. Í símanum er líka reiknivél, mæliein-
ingabreytir, heimsklukka, gjaldmiðilsreiknir,
skeiðklukka og svo framvegis.
E700 er bæði fyrir 900/1800 MHz síma-
net og með allt það helsta, WAP 2.0, MMS,
Java-stuðning og 4+2 GPRS. Hann styður
MMS og EMS skeyti. en hámark hvers MMS
skeytis er 80 KB. Annars er minni símans 9
MB. Þrír leikir fylgja og einnig tveir Java-leikir.
Með í pakkanum er handfrjáls búnaður.
Leiðbeinandi verð á símanum er
49.900 kr.
Kostir: Lítill, nettur, öflugur, frumlegur
o.s.frv.
Gallar: Engin gagnasnúra, þ.e. ekki hægt að
tengja hann við tölvu eins og er. Á vefsíðu
Samsung sást að til er PC Data Kit fyrir sím-
ann, en hef ekki komist í tæri við það. Einnig
hefði verið gott að hafa blátannarstuðning.
|arnim@mbl.is
GRÆJURNAR
Með Benz í vasanum