Morgunblaðið - 29.11.2003, Side 2

FRÉTTIR
2 LAUGARDAGUR 29. NÓVEMBER 2003 MORGUNBLAÐIÐ
TRYGGINGAR LÆKKA
Tryggingafélögin ætla öll að
lækka lögboðnar ökutækjatrygg-
ingar um allt að 10% um næstu ára-
mót. Einnig hafa nú öll félögin tekið
upp endurgreiðslur til tjónlausra
viðskiptavina.
Uppnám á Norður-Írlandi
Óvíst er um afdrif friðarsam-
komulagsins á Norður-Írlandi eftir
að hinn Lýðræðislegi sam-
bandsflokkur, flokkur harðlínu-
mannsins Ians Paisleys, vann sigur í
kosningum til heimastjórnarþings
sem fram fóru á miðvikudag. Flokk-
ur Paisleys fékk 30 þingmenn kjörna
en Sambandsflokkur Ulsters, flokk-
ur Davids Trimbles, fékk 27. Hjá
kaþólikkum gerðust þau tíðindi að
Sinn Féin, stjórnmálaarmur Írska
lýðveldishersins (IRA), fékk nú fleiri
þingmenn kjörna en flokkur hóf-
samra kaþólikka, SDLP.
Sameining spítala
Enginn fjárhagslegur ávinningur
varð af sameiningu sjúkrahúsanna í
Reykjavík en faglegur styrkur jókst,
að því er fram kemur í nýrri skýrslu
Ríkisendurskoðunar.
Uppsagnir í Keflavík
Utanríkisráðherra sagði á Alþingi
í gær að engar tilkynningar hefðu
borist um frekari uppsagnir starfs-
manna varnarliðsins á Keflavík-
urflugvelli. „Og við höfum enga
ástæðu til að ætla að svo verði.“
L a u g a r d a g u r
29.
n ó v e m b e r ˜ 2 0 0 3
Laugardagur
29. nóvember 2003
Hver er langalgengasti sjúkdómurinn?
Prentsmiðja
Árvakurs hf.
NÚ ER verið að sýna jólamyndina Álfur í bíó.
Myndin er fyrir alla fjölskylduna og fjallar
meðal annars um það hvað jólastressið getur
farið illa með hinn sanna jólaanda. Í myndinni
flýgur jólasveinninn nefnilega um á sleða sem
er knúinn áfram af flugvélahreyfli þar sem
það er ekki lengur til nógu mikill jólaandi til
að halda honum á lofti.
Hlédís Öser Dolma Helgudóttir, sem er
fjögurra ára, fór á myndina og fannst hún
mjög skemmtileg. Við báðum Hlédísi að segja
okkur aðeins frá henni.
Um hvað var myndin?
Um álf sem fór frá jólasveininum og í borg-
ina til að leita að pabba sínum.
Hvað gerðist í borginni?
Bílarnir voru alltaf að keyra á hann af því
að hann gleymdi að líta þangað og þangað.
Svo voru löggurnar alltaf að henda honum út
úr vinnunni hjá pabba hans.
Var hún fyndin?
Já, álfurinn borðaði spaghettí í morgunmat
og setti smarties og nammi og súkkulaðisósu
og síróp á matinn sinn. Svo borðaði hann með
höndunum. Það var líka fyndið þegar hann gaf
pabba sínum balletföt með skrauti.
Varstu einhvern tíma hrædd?
Þegar mennirir voru að slást og þegar
vondi karlinn litli og álfurinn voru að berjast
og hann hélt honum svo hann andaði ekki.
Hvernig leist þér á jólasveininn?
Hann var að fljúga á sleða. Jólasveinninn
gerir það bara í útlöndum. Á Íslandi labbar
hann bara og Grýla er mamman.
Fljúgandi jóla-
sveinn og spagh-
ettí með nammi
Morgunblaðið/Jim Smart
Krakkarýni: Álfur
ÞAÐ ER oft mikið að gera í desember en við
ætlum nú samt að biðja ykkur um að teikna
myndir af því sem kemur ykkur í jólaskap og
senda okkur. Við ætlum
síðan að birta sem flestar
myndir þannig að enginn
gleymi því hvað það er
sem skiptir máli á jólun-
um eins og gerist í jóla-
myndinni Álfur.
Tíu heppnir krakkar
sem senda inn myndir
fyrir 9. desember fá jóla-
kúlur með álfinum í verð-
laun.
Heimilisfangið er:
Morgunblaðið
Börn/Jólaskap
Kringlunni 1
Reykjavík
Í leit að jólaskapinu
Á MORGUN byrjar jólafastan, eða aðventan, en
hún byrjar alltaf fjórða sunnudaginn fyrir jól.
Jólafastan er eiginlega undirbúningstími fyrir
jólin og í gamla daga máttu kristnir menn ekki
borða kjöt alla jólaföstuna. Hugsið ykkur það!
Þótt við séum löngu hætt að fasta fyrir jólin er
samt margt sem er líkt með jólaföstunni nú og í
gamla daga eins og til dæmis jólastressið. Það
hefur nefnilega alltaf verið mikið að gera á jóla-
föstunni og í gamla daga þurfti fólk oft að vinna
langt fram á nætur til að búa til ullarvörur sem
síðan voru seldar til þess að fólkið gæti haldið
upp á jólin. Jólastressið er því alls ekkert nýtt
fyrirbæri þótt það sé stundum talað þannig. Eins
og nútíminn sé alveg að eyðileggja jólin.
Margt nútímafólk reynir líka virkilega að gefa
sér tíma til að njóta aðventunnar þótt það sé
mikið að gera fyrir jólin. Á morgun verður til
dæmis kveikt á fyrsta kertinu í aðventukrans-
inum og þá gera örugglega margar fjölskyldur
eitthvað huggulegt saman.
Á mánudaginn má svo opna fyrsta gluggann á
jóladagatalinu og það eru örugglega margir
krakkar farnir að hlakka til þess.
Stress og stemmning á aðventunni
JÓLADAGATALIÐ byrjar í sjónvarpinu á
mánudaginn en í ár heitir það Klængur sniðugi.
Við hittum Bárð og Birtu úr Stundinni okkar og
báðum þau að segja okkur frá Klængi og því
sem þau ætla að gera í desember.
Þekkið þið þennan Klæng sniðuga?
Bárður: Já, ég hef heyrt um hann. Ég held
hann verði í jóladagatalinu.
Birta: Já, Bárður. Ég var búin að segja þér
frá þessu. Við erum búin að kaupa dagatalið og
við ætlum að opna það á hverjum einasta degi
og fylgjast mjög spennt með. Svo ætlum að
borða saltstangir á meðan.
Bárður: Af því það er ekki óhollt og svo ætl-
um við að drekka mjólk.
Birta: Já og stundum vatn.
Vitið þið um hvað sagan er?
Birta: Já, ég er sko búin að kynna mér sög-
una. Þetta er um hann Klæng sem er svakalega
sniðugur vísindamaður. Hann smíðar sér vængi
og setur þá á sig og flýgur í burtu, bara eitthvað
út í buskann. Svo er spurningin: Kemst hann til
baka fyrir jólin? Hann á nefnilega kærustu,
hana Lovísu, og hann verður að komast til baka
til hennar en það er ekki alveg vístað það takist.
Á leiðinni hittir hann mjög margar sniðugar
persónur sem aðstoða hann við það. Þetta er
víst mjög skemmtilegt og við erum mjög
spennt.
En hvað ætlið þið að gera í desember?
Bárður: Við erum að hugsa um að fara
kannski til Súper.
Birta: Það er sko planið af því að þegar Bárð-
ur kom til jarðarinnar hafði hann ekkert heyrt
um jólin og hann átti engan afmælisdag.
Bárður: Svo þegar við fórum til Súper í sum-
ar, sögðum við öllum frá því hvað jólin væru æð-
isleg og skemmtileg og þá bauð pabbi, kóng-
urinn á Súper, okkur að koma og taka jólin með
okkur og við erum að hugsa um það hvernig við
getum gert það. En fyrst ætlum við samt að
föndra og fá alls konar skemmtilegt fólk í heim-
sókn.
Birta: Og við ætlum að reyna að muna eftir
boðskap jólanna því við gleymdum honum svo-
lítið í fyrra.
Bárður: Já, það kom engill og sagði okkur frá
boðskapnum en það voru nú aðallega Birta og
Bíbí sem gleymdu sér.
Birta: Svo skaut Bárður engilinn niður.
Bárður: Það var sko óvart og þetta var líka í
fyrra.
Birta: Núna ætlum við að passa okkur á því
að skjóta ekki niður neina engla og að hugsa um
boðskapinn.
Morgunblaðið/Ásdís
Klængur á ferð og flugi
Svar: Kvef
Yf ir l i t
Í dag
Sigmund 8 Umræðan 50/54
Viðskipti 13 Minningar 55/59
Erlent 14/19 Messur 60/61
Heima 22 Kirkjustarf 62/63
Höfuðborgin 26/27 Myndasögur 72
Akureyri 28 Bréf 72/73
Suðurnes 30 Staksteinar 74
Árborg 31 Dagbók 74/75
Landið 32 Brids 75
Listir 33/36 Íþróttir 76/79
Daglegt líf 40/42 Leikhús 80
Ferðalög 43 Fólk 80/85
Forystugrein 44 Bíó 82/85
Viðhorf 48 Ljósvakamiðlar 86
Úr vesturheimi 48 Veður 87
* * *
Kynningar – Morgunblaðinu í dag
fylgir auglýsingablað frá Lancome.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SIGURÐUR Björnsson
krabbameinslæknir hefur náð
samkomulagi við Landspítala -
háskólasjúkrahús (LSH) og
hefur tekið við störfum yfir-
læknis lyflækninga krabba-
meina að nýju. Sigurður segir
þetta ekki þýða að hann sé
hættur við málsókn.
Samkomulag sem Sigurður
gerði við stjórn LSH felur í sér
að hann hefur dregið til baka stjórnsýslukæru sem
hann sendi heilbrigðisráðuneytinu og sömuleiðis
öll önnur bréf sem hann hefur sent frá sér vegna
deilunnar við LSH. Hann segir ennfremur að
hann hafi ekki sinnt sjúklingum á læknastofu sinni
síðan 4. nóvember og muni að óbreyttu ekki sinna
þar sjúklingum í framtíðinni.
Sigurður sagði í samtali við Morgunblaðið að
hann sé með þessu samkomulagi ekki að draga
málsókn sína til baka, það sé stjórnarskrárbund-
inn réttur hvers manns að láta reyna á mál fyrir
dómstólum. Hann segist muni skoða stöðuna í
framhaldinu og taka ákvörðun um málshöfðunina.
Segir orðalag tilkynningar orka tvímælis
„Það er ekki hluti þessa samkomulags að Sig-
urður falli frá rétti sínum til að höfða mál gegn
spítalanum til úrlausnar á þessu ágreiningsefni,
hvort hann megi eða megi ekki hafa opna stofu,“
segir Einar Páll Tamini, lögfræðingur Sigurðar.
Einar segir orðalag á tilkynningu frá LSH orka
tvímælis, en þar segir að Sigurður hafi „gengið að
skilyrðum sem sett hafa verið fyrir því að gegna
störfum yfirlæknis“. Einar segir ekkert hafa
breyst annað en Sigurður sé kominn aftur til vinnu
og stjórnsýslukæra vegna brottvikningar hans
hafi verið dregin til baka.
„Það er ekki við hæfi að einstakir aðilar deil-
unnar séu að slá sig til riddara á því að allir hafi
ákveðið að sættir væru besta leiðin,“ segir Einar.
Í tilkynningu spítalans segir að það sé afdrátt-
arlaus stefna hans að þeir sem gegni yfirlækn-
isstöðum stundi ekki á sama tíma eigin stofu-
rekstur og því hafi Sigurður verið færður úr starfi
yfirlæknis í starf sérfræðings. Lausn þessa deilu-
máls styrki þá stefnu sem mótuð hafi verið af
framkvæmdastjórn og stjórnarnefnd spítalans.
Sigurður Björnsson yfirlæknir að nýju og dregur stjórnsýslukæru til baka
Sigurður Björnsson
Áskilur sér rétt til málsóknar
JÓEL Kristinn Sigurðs-
son, afreksmaður í frjáls-
um íþróttum á gullaldar-
árunum svonefndu,
andaðist á Hrafnistu í
Hafnarfirði í gærmorg-
un, 28. nóvember, 79 ára
að aldri.
Jóel fæddist 5. nóvem-
ber árið 1924 í Reykja-
vík, sonur Sigurðar Jóns-
sonar, verkamanns og
bifreiðastjóra, og Hall-
dóru Bjarnadóttur hús-
móður.
Eftir hefðbundna
skólagöngu lærði Jóel múrverk og
varð múrarameistari árið 1959, var
lengi félagi í Múrarafélagi Reykjavík-
ur og síðar Múrarameistarafélagi
Reykjavíkur. Hann starfaði sem lög-
reglumaður í 19 ár, lengst af í Reykja-
vík en einnig á Húsavík um tíma. Árið
1967 hóf hann störf við álverið í
Straumsvík sem yfirskálastjóri og
gegndi þeim sleitulaust til 1990, eða í
23 ár, að hann hætti fyrir aldurs sakir.
Jóel var mikill afreksmaður í frjáls-
um íþróttum. Árið 1946 keppti hann í
spjótkasti á Evrópumeistaramótinu,
sem fram fór í Ósló, og tveimur árum
síðar keppti hann fyrir Íslands hönd á
Ólympíuleikunum í
London. Þann 23. júní
árið 1949 setti Jóel Ís-
landsmet í spjótkasti,
66,99 metra, sem stóð í
heil 25 ár, eða til ársins
1974 að Óskar Jakobs-
son setti nýtt met. Um
þetta einstæða afrek
Jóels var getið sér-
staklega í heimsmeta-
bók Guinness á sínum
tíma. Árið 1951 var
hann í sigursveit Ís-
lands sem vann Norð-
menn og Dani í lands-
keppni í frjálsum íþróttum á
Bislett-leikvanginum í Ósló 29. júní.
Sá dagur hefur löngum verið talinn
mesta sigurstund íslenskrar íþrótta-
sögu þar sem Íslendingar lögðu einn-
ig Svía í landsleik í knattspyrnu á
Melavellinum.
Jóel kvæntist Sigurdísi Sæmunds-
dóttur, f. 1. nóvember 1925, árið 1946
og eignaðist með henni þrjá syni og
tvær dætur. Sigurdís lést árið 1994 og
þau misstu elsta soninn, Sæþór, árið
1974. Eftirlifandi eru Dóra, Snorri,
Jóel og Gerður Jóelsbörn, barnabörn-
in eru 15 talsins og langafabörnin orð-
in átta.
Andlát
JÓEL KRISTINN
SIGURÐSSON
HJÁLMAR Árnason alþingismaður
mun kynna hugmyndir um Ísland
sem vetnissamfélag á ráðstefnu í
Róm í dag en Hjálmar tekur þátt í
henni í boði ítölsku ríkisstjórnarinn-
ar og borgarstjórnar Rómar. Þema
ráðstefnunnar er hvaða leiðir sé
hægt að finna til þess að bæta lofts-
lag í borgum.
Ræðumenn á ráðstefnunni auk
Hjálmars eru m.a. Míkhaíl Gorbat-
sjov, síðasti forseti Sovétríkjanna,
borgarstjórar Rómar, Parísar,
London og Moskvu.
Hjálmar segir Íslendinga hafa náð
þeirri stöðu í vetnismálum á alþjóða-
vettvangi að nær alltaf sé leitað til
þeirra vegna vetnismála og raunar
nái menn ekki að sinna öllu sem þeir
séu beðnir um.
Hjálmar og Gorbatsjov
ræða vetni í Róm

Ísland stórveldi/12
PÁLL Skúlason, rektor Háskóla
Íslands, leggur í dag hornstein að
Náttúrufræðihúsi háskólans, en
kennsla mun hefjast í húsinu 7.
janúar 2004 og verður það form-
lega vígt 27. febrúar.
Húsið er um 8.000 fermetrar
og í því verður pláss fyrir um 500
nemendur í kennslu samtímis í
sjö misstórum kennslustofum og
sjö rannsóknarstofum ætluðum til
kennslu. Auk þess er skrif-
stofuaðstaða og aðstaða til rann-
sókna fyrir prófessora og kenn-
ara í húsinu. Í húsinu verður
einnig aðstaða fyrir nemendur,
útibú frá Landsbókasafni – Há-
skólabókasafni og kaffistofa með
útsýni yfir friðlandið og Tjörnina.
Í Náttúrufræðihúsinu fá líf-
fræðiskor, jarð- og land-
fræðiskor, jarðvísindahluti Raun-
vísindastofnunar og Norræna
eldfjallastöðin aðstöðu, en þessi
starfsemi fer nú fram á sjö
mismunandi stöðum á há-
skólasvæðinu og víðsvegar um
Reykjavík.
Hornsteinn lagður
að Náttúrufræðihúsi
SKIPVERJAR á netabátnum Katr-
ínu RE 375, sem er 20 tonna plast-
bátur, fengu heldur betur óvæntan
afla í þorskanetin hjá sér í gær er
þeir voru að vitja um þau úti á
Faxaflóa. Hrefna hafði vafið sig inn
í netatrossurnar og tók nokkuð
langan tíma fyrir þá félaga að
skera netin utan af henni. Skipverj-
arnir, sem eru þrír, komu með
hrefnuna í togi til Akraness um
klukkan þrjú í gær. Eftir að hrefn-
an var hífð upp á bryggju hófu
skipverjarnir á Katrínu hvalskurð
sem stóð fram á kvöld. Hrefnan vó
4,2 tonn.
Ljósmynd/Valentínus Ólason
Fengu 4 tonna hrefnu